Góðan daginn!

Hér verður bein textalýsing frá leik Fylkis og Vals í 17. umferð Pepsi-deildar karla.

Fylkismenn eru í dag að leika síðasta leikinn í ótrúlegri heimaleikjahrinu sinni en þetta er sjöundi heimaleikur liðsins í röð.

Fyrir leikinn er Fylkir með 18 stig í 8. sæti deilarinnar en Valsmenn eru með 21 stig í 5. sætinu.

Hjörvar Hafliðason reiknar með jafntefli í leiknum í dag.

,,Fylkismenn ljúka sjö leikja heimaleikjahrinu sinni með ellefu stig sem er viðunandi uppskera í lautinni. Albert Brynjar Ingason skorar mark Fylkismanna en Patrik Pedersen skorar fyrir Val," segir Hjörvar í spá sinni fyrir umferðina.

Hinn 19 ára gamli Anton Ari Einarsson byrjar í markinu hjá Val en Fjalar Þorgeirsson er á bekknum gegn sínum gömlu félögum.

Anton Ari verður tvítugur á morgun en hann var á láni hjá Tindastóli í 1. deildinni fyrri hluta tímabils eftir að hafa leikið með Aftureldingu í fyrra.

Haukur Páll Sigurðsson kemur inn í lið Vals eftir að hafa misst af síðasta leik þar sem hann var á fæðingardeildinni. Kolbeinn Kárason kemur einnig inn í liðið en þeir Kristinn Freyr Sigurðsson og Iain Williamson fara á bekkinn.

Ásmundur Arnarsson, þjálfari Fylkis, heldur sig við sama lið og sigraði Þór 4-1 í vikunni. Varnarmaðurinn Kristján Hauksson er á bekknum hjá Fylki í dag en hann hefur ekkert verið með liðinu í sumar.

Bjarni Þórður Halldórsson markvörður Fylkis tekur daginn snemma og er mættur út að hita rúmum 50 mínútum fyrir leik.

DJ Kristján Gylfi sér um tónlistina í Árbænum í dag. Hann spilar Justin Timberlake í tilefni dagsins. Eflaust einhverjir sem ætla að skella sér á leikinn í Árbænum og þaðan beint á Justin í Kórnum. Þar á meðal er Magnús Kjartan Eyjólfsson á Stöð 2 Sport.

Geir Þorsteinsson, formaður KSÍ, er mættur. Fyrsta heimsókn hans í Árbæinn síðan að nýja stúkan var vígð. Það segir allavega Þorsteinn Lár, vallarþulur og frændi Geirs.

Þorsteinn Lár er mættur á græjurnar og hann hendir að sjálfsögðu XXX Rottweiler í gang. ,,Þér er ekki boðið!"

Blaðamaðurinn Benedikt Bóas Hinriksson er á sjoppuvaktinni í dag. Mælum með að áhorfendur kíki til Benna í sjoppunni.

Liðin eru að hita upp sem og dómararnir. Valdimar Pálsson er með flautuna í dag og þeir Jan Eric Jessen og Birkir Sigurðarson eru honum til aðstoðar.

Menn í fréttamannastúkunni hafa gefið út spá sína fyrir leikinn.

Flestir á því að Fylkismenn muni hafa betur í dag.

Kristján Jónsson, Morgunblaðið
Fylkir 1 - 0 Valur

Magnús Kjartan Eyjólfsson, Stöð 2 Sport
Fylkir 2 - 0 Valur

Árni Jóhannsson
Fylkir 1 - 1 Valur

Þorsteinn Lár, Vallarþulur
Fylkir 3 - 1 Valur

Takið þátt í umræðunni á Twitter yfir leiknum með því að nota #fotboltinet

Valsmenn í bláum varabúningum í dag. Fylkismenn í hefðbundnum appelsínugulum.