Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
8
0
Afturelding
Kristín Erna Sigurlásdóttir '6 1-0
Þórhildur Ólafsdóttir '20 2-0
Vesna Elísa Smiljkovic '39 3-0
Bryndís Hrönn Kristinsdóttir '41 4-0
5-0 Lilja Dögg Valþórsdóttir '47 , sjálfsmark
Vesna Elísa Smiljkovic '64 6-0
Díana Dögg Magnúsdóttir '84 7-0
Díana Dögg Magnúsdóttir '89 8-0
26.08.2014  -  18:00
Hásteinsvöllur
Pepsi-deild kvenna 2014
Aðstæður: Þoka með nokkrum dropum en annars logn
Dómari: Bríet Bragadóttir
Byrjunarlið:
12. Bryndís Lára Hrafnkelsdóttir (m)
Sabrína Lind Adolfsdóttir
2. Sóley Guðmundsdóttir (f)
4. Ármey Valdimarsdóttir ('61)
7. Vesna Elísa Smiljkovic
9. Kristín Erna Sigurlásdóttir
10. Nadia Patricia Lawrence
11. Sigríður Lára Garðarsdóttir
19. Þórhildur Ólafsdóttir ('54)
20. Natasha Anasi
29. Bryndís Hrönn Kristinsdóttir ('72)

Varamenn:
3. Ariana Calderon ('54)
7. Díana Dögg Magnúsdóttir ('72)
14. Svava Tara Ólafsdóttir ('61)
14. Guðrún Bára Magnúsdóttir
14. Díana Helga Guðjónsdóttir
16. Magnea Jóhannsdóttir

Liðsstjórn:
Sigríður Sæland Óðinsdóttir

Gul spjöld:

Rauð spjöld:
Fyrir leik
Komiði sæl, kæru lesendur á beina textalýsingu af leik ÍBV og Aftureldingar í Pepsi-deild kvenna.
Fyrir leik
Leikurinn í dag er hluti af 14. umferðinni en í dag eru allir 5 leikirnir í þeirri umferð á dagskrá.

Bæði lið eru enn í fallhættu en ÍBV er þó mun betur statt í deldinni, með 15 stig eftir 13 leiki og situr í 7. sæti, 6 stigum á eftir Val en heilum 8 stigum frá næsta fallsæti, sem Afturelding situr einmitt í. Þær eru í 9. sæti með 7 stig en aðeins tveimur stigum á eftir FH og myndi sigur í dag fleyta þeim upp fyrir FH ef þeim mistekst að vinna Fylki í þeirra leik.
Fyrir leik
Bríet Bragadóttir er dómari leiksins. Aðstoðardómarar eru Steinar Stephensen og Sigurður Schram.
Fyrir leik
Byrjunarliðin, eins og ávallt, má sjá hér til hliðar en Shaneka Gordon, markahæsti leikmaður ÍBV er ekki í hóp í dag og gæti það bitnað á leik liðsins.
Fyrir leik
Liðin eru mætt á völlinn og byrjuð að hita upp.
Fyrir leik
Leikur ÍBV og Aftureldingar í dag verður tíunda viðureign þessara liða í efstu deild.

Skemmst er frá því að segja að ÍBV hefur sigrað í átta af þessum viðureignum á meðan Afturelding hefur aðeins unnið einn leik en sá leikur var árið 2011 þegar ÍBV lenti í þriðja sæti deildarinnar.

Markatala liðanna er 28 mörk í plús fyrir ÍBV, eða 32-4.
Fyrir leik
Nú eru um 5 mínútur í að leikurinn fari af stað og má búast við liðunum aftur á völlinn hvað úr hverju.
1. mín
Leikurinn er hafinn. ÍBV byrjar með boltann og sækir í átt að bænum.
6. mín MARK!
Kristín Erna Sigurlásdóttir (ÍBV)
Stoðsending: Natasha Anasi
ÍBV er komið yfir! Einföld sending upp kantinn og Natasha Anasi sendir boltann fyrir á Kristínu Ernu Sigurlásdóttur sem er dauðafrí á fjærstönginni og hún skallar hann inn! Sýndist boltinn hafa viðkomu í varnarmanni Aftureldingar en markið er skráð á Kristínu Ernu.
14. mín
Það er alveg rosalega lítið að gerast í þessum leik þrátt fyrir markið. Kristín Erna komst í fínt færi eftir sendingu Sigríðar Láru Garðarsdóttur en hún var rangstæð þegar sendingin kom.
16. mín
Courtney Conrad fékk fínt færi en hún fékk boltann inn í teig frá kanti en boltinn er skoppandi og hún hittir hann ekki nægilega vel. Skotið er eftir því og fer framhjá.
18. mín
Fínt færi hjá ÍBV. Sigríður Lára er helst að skapa færin í leiknum en hún sendi Kristínu Ernu í gegn og markmaðurinn kemur út og reynir að hreinsa en tekst ekki betur til en að boltinn hafnar í Kristínu Ernu og er á leiðinni út af en Kristín nær að halda honum inná, sendir boltann út á Vesnu sem kemur með fyrirgjöf sem bæði markmaður og varnarmaður missa af en boltinn endar að lokum í hornspyrnu.
20. mín MARK!
Þórhildur Ólafsdóttir (ÍBV)
Stoðsending: Vesna Elísa Smiljkovic
Upp úr horninu skora Eyjakonur! Vesna með frábæra fyrirgjöf og Afturelding klikkar eitthvað á dekkningunni því Þórhildur er alein þegar boltinn verst á hana og hún setur hann viðstöðulaust í stöngina og inn! Einstaklega vel útfært mark! ÍBV er komið í 2-0!
30. mín
Það er rosaleg þoka í Eyjum í dag. Ég þyrfti ekki að vera mikið fjær vellinum til að eiga í erfiðleikum með að sjá nokkurn skapaðan hlut sem væri að gerast þarna!
39. mín MARK!
Vesna Elísa Smiljkovic (ÍBV)
ÍBV ER KOMIÐ Í 3-0! Rosalegt klúður hjá Mist Elíasdóttur í marki Aftureldingar en hún rýkur út úr markinu til að reyna að stöðva framgang Vesnu sem stefndi inn í merkteig en missir algerlega af boltanum og Vesna setur boltann einfaldlega í tómt netið!
41. mín MARK!
Bryndís Hrönn Kristinsdóttir (ÍBV)
ÍBV eru að ganga frá þeim hérna í fyrri hálfleik! Flott mark hjá Bryndísi Hrönn en hún sleppur ein í gegnum vörn Aftureldingar eins og þær hafa mikið verið að gera í leiknum og aftur kemur markmaðurinn út en þá lyftir Bryndís boltanum yfir markmanninn með góðu skoti og hafnar boltinn í netinu! 4-0 og fyrri halfleikur er ekki einu sinni úti!
45. mín
Hálfleikur hér í Eyjum þar sem ÍBV er að vinna með 4 mörkum gegn engu en það er ekki að sjá að fjarvera Shaneku Gordon hafi nein áhrif á Eyjaliðið.
46. mín
Seinni hálfleikur er farinn af stað.
47. mín SJÁLFSMARK!
Lilja Dögg Valþórsdóttir (Afturelding)
Stoðsending: Nadia Patricia Lawrence
Fimmta mark ÍBV er sjálfsmark en Lilja Dögg Valþórsdóttir varð fyrir því óláni að setja boltann í eigið net eftir skot Nadiu Lawrence. Spurning hvort markmaðurinn hefði ekki getað bjargað en Mist var ágætlega staðsett í markinu.
48. mín
ÍBV er komið strax aftur í sókn en skot Kristínar Ernu fer yfir markið.
50. mín
Mist með enn ein mistökin! Skot Nadiu fór af varnarmanni og var á leiðinni aftur til markmanns og virtist engin hætt á ferð en snúnigur á boltanum verður til þess að Mist nær ekki almennilega til boltans og blakar honum frá sér og Vesna var mætt eins og hrægammur til að hirða boltann en utanfótarskot hennar fer rétt framhjá. Þarna hefðu Eyjakonur hæglega getað refsað.
54. mín
Inn:Ariana Calderon (ÍBV) Út:Þórhildur Ólafsdóttir (ÍBV)
54. mín
Inn:Kristín Ösp Sigurðardóttir (Afturelding) Út:Stefanía Valdimarsdóttir (Afturelding)
59. mín
Bryndís Hrönn með hörkuskot sem fer af slánni og út til leikmanns ÍBV en seinna skotið fer af varnarmanni Aftureldingar og þetta rennur út í sandinn.
61. mín
Inn:Svava Tara Ólafsdóttir (ÍBV) Út:Ármey Valdimarsdóttir (ÍBV)
64. mín MARK!
Vesna Elísa Smiljkovic (ÍBV)
Stoðsending: Ariana Calderon
Mist Elíasdóttir í marki Aftureldingar er búin að vera alveg hrikaleg í þessum leik! Enn og aftur mistök en í þetta skiptið kom löng sending frá Ariönu, Mist missti algjörlega af boltanum og Vesna rennir boltanum í tómt netið í annað skiptið í þessum leik! 6-0 er staðan orðin í þessum leik!
72. mín
Inn:Díana Dögg Magnúsdóttir (ÍBV) Út:Bryndís Hrönn Kristinsdóttir (ÍBV)
72. mín
Inn:Dagrún Björk Sigurðardóttir (Afturelding) Út:Steinunn Sigurjónsdóttir (Afturelding)
76. mín
Kristín Erna Sigurlásdóttir með skot fyrir utan teig en beint í Mist í markinu.
77. mín
Hvað er Mist að gera í markinu!?

Hún kemur askvaðandi út úr markinu þó það sé enginn hætta á ferðum og ætlar að ná boltanum af sóknarmanni ÍBV. Sóknarmaður ÍBV fer framhjá henni en hún nær svo að koma fæti fyrir skotið.
84. mín MARK!
Díana Dögg Magnúsdóttir (ÍBV)
Stoðsending: Vesna Elísa Smiljkovic
Díana Dögg Magnúsdóttir setur boltann í netið eftir að boltinn var hirtur af varnarmanni Atureldinga meðan hin umtalaða Mist var ekki í markinu og ÍBV senti boltann á milli sín þrisvar í teignum, þó þær hefðu getað skorað, áður en Díana setti hann að lokum.
89. mín MARK!
Díana Dögg Magnúsdóttir (ÍBV)
Díana Dögg skorar sitt annað mark í leiknum eftir langa sendingu sem fór yfir Mist sem var komin allt of langt út úr markinu og fékk hann yfir sig.
90. mín
Helen Lynskey reynir skot en það fer framhjá.
90. mín
Þríhyrningur milli Díönu Dögg og Krístínar Ernu en skotið frá þeirri síðarnefndu fer yfir markið.
Leik lokið!
ÍBV gjörsamlega slátrar hér Aftureldingu úr Mosfellsbæ með átta mörkum gegn engu!
Byrjunarlið:
1. Mist Elíasdóttir (m)
4. Kristrún Halla Gylfadóttir
8. Hrefna Guðrún Pétursdóttir
10. Sigríður Þóra Birgisdóttir
15. Lilja Dögg Valþórsdóttir
16. Steinunn Sigurjónsdóttir ('72)
18. Stefanía Valdimarsdóttir ('54)
20. Heiðrún Sunna Sigurðardóttir
21. Courtney Conrad
23. Helen Lynskey
25. Inga Dís Júlíusdóttir

Varamenn:
12. Petra Lind Sigurðardóttir (m)
6. Valdís Björg Friðriksdóttir
7. Guðrún Sól Gunnarsdóttir
8. Kristín Ösp Sigurðardóttir ('54)
11. Dagrún Björk Sigurðardóttir ('72)
19. Kristín Þóra Birgisdóttir
28. Guðrún Ýr Eyfj. Jóhannesdóttir

Liðsstjórn:

Gul spjöld:

Rauð spjöld: