Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur Ó.
0
0
Leiknir R.
29.08.2014  -  18:30
Ólafsvíkurvöllur
1. deild karla 2014
Aðstæður: Smá gola og rigning, völlurinn þó ekki mjög blautur hér í upphaf.
Dómari: Garðar Örn Hinriksson
Byrjunarlið:
1. Arnar Darri Pétursson (m)
Brynjar Kristmundsson ('73)
Alfreð Már Hjaltalín
5. Björn Pálsson
6. Matarr Jobe ('93)
7. Tomasz Luba
11. Eyþór Helgi Birgisson
17. Alejandro Abarca Lopez
20. Eldar Masic ('51)
25. Þorsteinn Már Ragnarsson
25. Alejandro Vivancos Guinart

Varamenn:
1. Einar Hjörleifsson (m)
4. Joseph Thomas Spivack ('51)
17. Kristófer Jacobson Reyes ('93)
21. Fannar Hilmarsson ('73)
22. Vignir Snær Stefánsson
23. Anton Jónas Illugason

Liðsstjórn:
Kristinn Magnús Pétursson

Gul spjöld:
Eyþór Helgi Birgisson ('92)
Alejandro Vivancos Guinart ('85)

Rauð spjöld:
Fyrir leik
Halló Ólafsvík! Framundan er leikur Víkings Ólafsvík og Leiknis í 1. deildinni. Okkar besti maður, Maggi mark, er á leiðinni í bæinn og ég hendi inn einhverjum molum fram að því.
Elvar Geir Magnússon
Fyrir leik
Stóra fréttin er sú að Leiknir tryggir sæti sitt í Pepsi-deildinni með sigri í kvöld. Jafntefli fleytir liðinu nánast þangað en þó ekki tölfræðilega.
Elvar Geir Magnússon
Fyrir leik
Ólafsvíkingar eru enn í möguleika á að komast upp en þá þarf allt að ganga upp á lokasprettinum. Fyrsta skrefið er að vinna þennan leik í kvöld. Það er því gríðarlega mikilvægur leikur framundan.
Elvar Geir Magnússon
Fyrir leik
Steinar Már Ragnarsson er ekki með Ólafsvíkingum í kvöld þar sem hann er í leikbanni vegna uppsafnaðra gulra spjalda. Afrekaði það að fá gult í uppbótartíma í 3-0 sigri gegn Tindastóli í síðasta leik. Klaufalegt afrek það.
Elvar Geir Magnússon
Fyrir leik
Tvo lykilmenn vantar hjá Leikni vegna leikbanna. Það eru miðvörðurinn Óttar Bjarni Guðmundsson og djúpi miðjumaðurinn Brynjar Hlöðversson.
Elvar Geir Magnússon
Fyrir leik
Í þessum skrifuðu orðum er rúta með stuðningsmönnum Leiknis á leið til Ólafsvíkur enda möguleiki til staðar. Ljóst að það verður gott partí í Breiðholti í kvöld ef vel fer hjá Leikni.
Elvar Geir Magnússon
Fyrir leik
Þarmeð loksins komst ég í almennilegt tölvusamband, þakka Elvari aðstoðina...

Við erum semsagt mætt í Ólafsvík.
Fyrir leik
Það vita allir hversu mikið liggur hér undir, málið er einfalt.

Leiknissigur þýðir staðfesta komu Breiðhyltinga í Pepsideild á næsta ári no matter what. En bindur þá líklega enda á vonir heimamanna um sæti þar.
Fyrir leik
Það fylgir HAUGUR af fólki Leiknismönnum, bókað að það verður stemming á þeim bænum í dag.

Fyrir leik
Tvær breytingar eru á liði heimamanna frá sigrinum á Sauðárkróki.

Matarr Jobe og Þorsteinn Már Ragnarsson koma inn í liðið í stað Joey Spivack og Steinars Más (í leikbanni)
1. mín
Lögð af stað.

Víkingar unnu hlutkestið og ákváðu að sækja í átt að skólanum, Leiknir sækja að Grundarfirði.
3. mín
Leiknismenn urðu að gera tvær breytingar vegna leikbanna.

Brynjar Hlöðvers og Óttar Bjarni detta út, í þeirra stað koma Kristján Páll og Gestur Ingi.
4. mín
Leiknismenn byrja mun sterkar hér. Pressa hátt á vellinum.
6. mín
Sindri á fyrsta skotið að marki en Arnar Darri slær yfir.
9. mín
Heimamenn stilla upp í 4-4-2 eða 4-4-1-1

Alfreð - Jobe - Luba - Guinart

Björn - Masic

Eyþór - Þorsteinn - Brynjar K.

Lopez
12. mín
Lopez á fyrsta skot heimamanna eftir sendingu Guinart, en það er laust og beint á Eyjólf.
13. mín
Leiknir spila 4-2-3-1

Eiríkur - Edvard - Gestur - Scott

Vigfús - Fannar

Kristján - Sindri - Hilmar

Horth
14. mín
Víkingar hafa staðið af sér fyrstu orrahríðina og eru komnir ofar á völlinn.
17. mín
Fín stemming á pöllunum hér, sennilega söngvatn um borð í Leiknisrútunni!
18. mín
Leikurinn dottið niður í bili, boltinn kýldur hátt og langt.
21. mín
Bæði liðin eru varfærin hér þessa stundina, vita pottþétt af því að fyrsta markið í leiknum er lykilmark!
24. mín
Siglfirska stálið Eiríkur Ingi fellur hér við og fær aukaspyrnu.

Enda falla Siglfirðingar ekki til jarðar nema á þá sé ýtt, hvað þá þegar Maggi og Gunnóla eru foreldrar manns.

25. mín
En leikurinn er býsna tíðindalítill ef við viljum tala um fótbolta....
29. mín
Fyrsta horn heimamanna.

Við virkilega þurfum mark í leikinn!
33. mín
Liðin skiptast á að sækja milli teiganna en við höfum enn ekki fengið færi.
35. mín
Þetta er svolítið þannig að leikmenn eru að vinna fína hluti um völlinn en svo kemur vond sending eða ofrak, eða stigið útaf...
40. mín
Besta sóknin til þessa er heimamanna.

Brynjar snýr Kristján af sér á kantinum, sendir góða sendingu á Þorstein sem kemur sér í gott skotfæri en neglir rétt yfir.
41. mín
Og þá fá Leiknismenn færi, eftir horn dettur boltinn fyrir fætur Gests Inga en hann hittir ekki boltann almennilega og heimamenn hreinsa.
44. mín
Fín sókn Leiknismanna en Luba pikkar boltann frá Vigfúsi sem var að komast í gott færi.
45. mín
Kominn hálfleikur...algerlega steindauður leikur ef við teljum leiki í færum.

En það er mikið í húfi og alltaf var klárt að það gæti haft lykiláhrif á gang þessa leiks.
46. mín
Aftur í gang, nú byrjar fjörið.
47. mín
Víkingar byrja sterkt hér, strax búnir að fá horn.
47. mín
Bjargað á línu upp úr horninu en flaggið var á lofti.
49. mín
Aukaspyrna á hættulegum stað sem Leiknir fær.

Vigfús mun taka þessa!
50. mín
Flott skot Vigfúsar yfir vegginn en Arnar ver í horn.
51. mín
Inn:Joseph Thomas Spivack (Víkingur Ó.) Út:Eldar Masic (Víkingur Ó.)
Eldar haltraði í lok fyrri hálfleiks og nú í upphafi þess síðari.

Spivack kemur inn á miðjuna en er væntanlega að fara framar á völlinn en Masic var.
53. mín
Víkingar eru að ná upp fínum samleiksköflum hérna núna og hafa ýtt Leiknismönnum aftar á völlinn.

Heimamenn þurfa þrjú stig...en Leiknismenn fara langt á einu stigi, verða þá níu stigum ofan við Víkinga og 16 mörk í plús á þá.
56. mín
Völlurinn er að valda mönnum erfiðleikum, skóbúnaðurinn virðist virka illa og boltinn er að skidda svolítið mikið.

Töluverð bleyta.
58. mín
Stuðningsmenn Víkinga vilja meiri ákefð, kalla að sumarið sé undir.
59. mín
Gott skot frá Spivack rétt framhjá og þjálfarateymi Leiknis sendir bekkinn að hita.
61. mín
Eilítið merkilegt hversu lítil ákefð er í gangi hérna, ekki enn eitt gult spjald einu sinni líklegt.
63. mín
Garðar búinn að "taka svaninn" á bæði lið, kannski styttist í gult.

Komið í háloftaboltann aftur.
65. mín Gult spjald: Fannar Þór Arnarsson (Leiknir R.)
Kom það.

Peysutog og auka á hættulegum stað.
66. mín
Aukaspyrna Brynjars er beint í hendur Eyjólfs.
67. mín
Inn:Andri Fannar Stefánsson (Leiknir R.) Út:Vigfús Arnar Jósepsson (Leiknir R.)
Hrein skipting.
69. mín
Frábær skyndisókn Leiknis endar með skoti frá Kristjáni Páli sem Arnar ver í horn.

Besta færi gestanna.
69. mín
Frábært skot Kristjáns eftir hornið fer rétt framhjá markinu.
73. mín Gult spjald: Gestur Ingi Harðarson (Leiknir R.)
Hættulega aukaspyrna á ferðinni.
73. mín
Spivack skýtur yfir.
73. mín
Inn:Fannar Hilmarsson (Víkingur Ó.) Út:Brynjar Kristmundsson (Víkingur Ó.)
Hrein skipting sýnist mér, Fannar fer á kantinn.
74. mín
Andri Fannar í góðu skotfæri en neglir rétt framhjá.

Það styttist í mark held ég...liðin aðeins að opna sig.
75. mín
Inn:Ólafur Hrannar Kristjánsson (Leiknir R.) Út:Sindri Björnsson (Leiknir R.)
Sindri oft átt betri dag en í dag.

Óli Hrannar fer beint í hans stöðu.
77. mín
Flott vinna hjá Lopez í teignum, endar á flottri hælspyrnu sem fer í gegnum markteiginn allan.
80. mín
Víkingarnir eru ákafari núna þessa stundina, þeir þurfa sigurinn.
83. mín
Hilmar Árni neglir boltann yfir af löngu færi.
84. mín
FÆRI!

Óli Hrannar skallar framhjá af vítapunkti eftir sendingu Kristjáns, þarna steingleymdu Víkingar sér!
85. mín Gult spjald: Alejandro Vivancos Guinart (Víkingur Ó.)
Peysutog.
85. mín
Leikurinn er stopp, Eyþór Helgi heldur um andlitið eftir klafs...sá ekki hvað gerðist og ekkert var dæmt allavega.
86. mín
Eyþór er staðinn upp og heldur áfram.
88. mín
Stressið er ansi augljóst í leiknum...ekkert í gangi...spurning hvort við fáum lokaatvik sem gefur mark eins og við fengum gegn HK.
90. mín
Aukaspyrna Víkinga á sóknarþriðjungnum. Hafsentarnir settir inní...
90. mín
Leiknismenn hreinsa þessa frá.
92. mín
Leiknismenn taka ekki sénsa hérna og það virðist ætla að enda í 0-0 hér í kvöld.
92. mín Gult spjald: Eyþór Helgi Birgisson (Víkingur Ó.)
Peysutog.
93. mín
Inn:Kristófer Jacobson Reyes (Víkingur Ó.) Út:Matarr Jobe (Víkingur Ó.)
94. mín
Lopez á skot úr teignum en Eyjólfur verl.
95. mín
Hasar en allur á miðjum vellinum.
Leik lokið!
Alltaf í spilunum.

Leiknismenn enn ekki tölfræðilega tryggir í Pepsi deild en þurfa nú bara eitt stig í viðbót.

Heimamenn sýnilega svekktir en þurfa að halda áfram og treysta enn frekar á að Skagamenn misstígi sig.
Byrjunarlið:
Vigfús Arnar Jósepsson ('67)
Eyjólfur Tómasson
3. Eiríkur Ingi Magnússon
5. Edvard Börkur Óttharsson
10. Fannar Þór Arnarsson
15. Kristján Páll Jónsson (f)
21. Hilmar Árni Halldórsson
23. Gestur Ingi Harðarson
88. Sindri Björnsson ('75)

Varamenn:
2. Friðjón Magnússon
5. Daði Bærings Halldórsson
10. Ólafur Hrannar Kristjánsson ('75)
16. Frymezim Veselaj
27. Magnús Már Einarsson

Liðsstjórn:

Gul spjöld:
Gestur Ingi Harðarson ('73)
Fannar Þór Arnarsson ('65)

Rauð spjöld: