Mikil forföll eru í liði Tindastóls vegna meiðsla og annað. Þeir tefla aðeins fimm varamönnum í dag og þar af eru fjórir á 16-17. aldursári. Sá fimmti er þjálfarinn Bjarki Már Árnason sem er hátt í tveimur áratugum eldri en hinir guttarnir.

Tindastóll voru ekki langt frá því að sigra fyrri leik liðanna sem fór fram á Sauðárkróksvelli 27. júní. Loftur Páll Eiríksson og Mark Charles Magee komu Tindastól í 2-0 eftir 25 mínútna leik, en Ragnar Pétursson minnkaði muninn undir lok fyrri hálfleiks en Karl Brynjar Björnsson jafnaði leikinn á síðustu mínútu leiksins.

Tindastóll verða þó án Mark Charles Magee í kvöld en hann skrifaði undir hjá Fjölni um mitt sumarið eftir að hafa verið einn af betri leikmönnum Tindastóls í sumar.

Það er samt þó nokkuð í húfi fyrir Tindastólsmenn, en þeir hafa gert þrjú jafntefli í sumar og eru því með þrjú stig í deildinni. Þeir vilja væntanlega ekki klára deildina sigurlausir og því er hægt að búast við því að þeir verði hungraðir í sigur í þessum leik.

Þróttarar eiga þó enn séns á því að komast upp í Pepsi deildina en það verður að teljast langsótt. Það eru 12 stig í pottinum hjá þeim og þeir eru 8 stigum á eftir ÍA, sem sitja í öðru sætinu.

Þessi leikur er ekkert ógurlega þýðingarmikill. Gestirnir í Tindastóli eru öruggir niður í 2. deild og þrátt fyrir að fjórir leikir séu eftir hjá þeim, þá eru þeir öruggir með að enda neðstir í deildinni.

Komiði sæl. Eyþór Oddsson heiti ég og mun lýsa fyrir ykkur leik Þróttara, sem taka á móti Tindastóli frá Sauðárkróki kl 13:00.