Gunnar Jarl Jónsson er dómari í kvöld og honum til aðstoðar eru Sigurður Óli Þórleifsson og Björn Valdimarsson. Leikur er hafinn og þetta verður vonandi fjör!

Gunnar Jarl tekur Þóri Guðjónsson afsíðis eftir að Þórir braut á leikmanni FH. Gunnar spjallar við Þóri og sýnir honum svo hvað klukkan er, væntanlega til að sýna honum hve stutt er liðið af leiknum og biðja hann um að róa sig.

Mark Charles Magee klúðraði dauða dauða dauðafæri!!!

Hann komst einn inn fyrir vörn FH, sólaði Róbert Örn og var kominn einn á móti opnu marki en var of lengi að hlutunum og missti boltann of langt til hliðar og endaði á að skjóta í hliðarnetið.

Það er hraður og skemmtilegu bolti í gangi. Bæði lið skiptast á að sækja og sækja hratt. Það verða vonbrigði ef engin mörk koma í leiknum!

Það hefur lítið gerst síðustu mínúturnar. Liðin eru að skiptast á að vera með boltann og sækja án þess að skapa nein hættuleg færi. Fjölnismenn virka hættulegri ef eitthvað er.

Atli Guðnason í daaauuuuuðafæri! Hann fékk sendingu inn í teiginn, náði að flikka boltanum áfram en varnamaður Fjölnis náði að setja löppina í boltann og koma honum framhjá markinu.

Þetta er svoldið mikið ping pong í gangi. Liðin skiptast á að sækja og eru að spila flottan bolta en það vantar eitthvað smá upp á að þau klári færin.

Atli Guðna með skalla yfir mark Fjölnis eftir flotta sendingu frá Ingimundi. Þarna hefði Atli átt að gera betur.

FHingar eru búnir að halda mikilli pressu á fjölnismenn síðustu mínútur en Fjölnismenn hafa verið með alla sína menn eða því sem næst á sínum vallarhelming.

Það er kominn hálfleikur. Hann er búinn að vera nokkuð skemmtilegur sá fyrri þótt mörkin hafi vantað. Þau vonandi koma í seinni hálfleik.

Leikurinn er hafinn á ný

Seinni hálfleikurinn er líkt og sá fyrri, barátta um boltann, leikurinn hraður en engin færi.

Ég var varla búinn að setja þar síðustu færslu frá mér um skort á færum og mörkum þegar Ingimundur skoraði.

Ég veit ekki hvað kom fyrir Fjölnismenn í klefanum í hálfleiknum. Þeir virkuðu sprækir fyrstu 5 mínúturnar af seinni hálfleik en síðan tóku FH öll völd og eftir fyrsta mark þeirra hefur eftirleikurinn verið þeim auðveldur. Eins og staðan er nú í leikjum kvöldsins eru Fjölnismenn komnir í fallsæti.

Fjölnismenn eru búnir að missa alla trú á leik sínum í dag og það þýðir ekkert að bjóða FH upp á slíkt, þeir nýta sér það í botn.

Það eru 5 mínútur eftir og engin hætta á að FH tapi þessum leik. Friðrik Dór vallarþulur og poppstjarna og sjónvarpsstjarna var að tilkynna það að eftir leik yrði lauflétt athöfn til heiðurs Atla Viðari fyrir framlag hans til FH

Atli Már Þorbergsson hefur orðið fyrir einhverju hnjaski og þarf að yfirgefa völlinn og fær aðstoð frá Jóni Ragnar Jónssyni til þess. Fjölnismenn eru búnir með skiptingar sínar og spila því manni færri að því sem mér sýnist þessar síðustu 3 - 5 mínútur sem efir eru.