Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
1
1
Valur
Pape Mamadou Faye '9 1-0
1-1 Haukur Páll Sigurðsson '29
14.09.2014  -  17:00
Víkingsvöllur
Pepsi-deild karla 2014
Dómari: Ívar Orri Kristjánsson
Maður leiksins: Alan Lowing
Byrjunarlið:
3. Ívar Örn Jónsson
4. Igor Taskovic
9. Viktor Jónsson ('71)
20. Pape Mamadou Faye ('86)
21. Aron Elís Þrándarson ('42)
22. Alan Lowing

Varamenn:
11. Dofri Snorrason
14. Bjarni Páll Runólfsson
28. Eiríkur Stefánsson

Liðsstjórn:

Gul spjöld:
Pape Mamadou Faye ('32)
Igor Taskovic ('25)

Rauð spjöld:
Fyrir leik
Halló Fossvogur! Framundan er ansi mikilvægur leikur Víkings og Vals. Vík­ing­ar svo gott sem tryggja sér Evr­óp­u­sæti að ári með sigri. Ekkert annað en sigur kemur til greina hjá Valsmönnum en þeir eru fimm stig­um á eft­ir Vík­ing­um sem eiga leik til góða.
Fyrir leik
Samkvæmt heimasíðu Valsmanna gera þeir sér svo sannarlega grein fyrir mikilvægi leiksins og er leikurinn kallaður MIKILVÆGASTI leikur sumarsins og ÚRSLITALEIKUR í HÁSTÖFUM!
Fyrir leik
Það er orðið ansi langt síðan síðasta umferð var leikin enda landsleikjahlé að baki. Valsmenn unnu ÍBV 3-0 í lok ágúst en Víkingar sóttu 1-0 útisigur til Þórs á Akureyri.
Fyrir leik
Ívar Orri Kristjánsson, yngsti dómari Pepsi-deildarinnar, með flautuna í dag en þetta er einn stærsti (ef ekki stærsti) leikur sem hann hefur flautað. Gylfi Már Sigurðsson og Bryngeir Valdimarsson eru aðstoðardómarar.
Fyrir leik
Þegar þessi lið mættust á Vodafone-Hlíðarenda vann Víkingur 2-1 útisigur. Iain Williamson kom Val yfir en Aron Elís Þrándarson og Henry Monaghan sáu til þess að Víkinga fengu öll stigin.
Fyrir leik
Það er vindur á landinu kalda í dag en erfiðara er að finna skjólsæll völl en þennan í Fossvoginum svo ég reikna með að allt verði í góðum málum. Víkingar eru spenntir og voru byrjaðir að botna heitustu danstónlistina einum og hálfum tíma fyrir leik.
Fyrir leik
Donni (Halldór Jón Sigurðsson), annar af aðstoðarþjálfurum Vals, er mættur út á völl að raða keilum. Donni mikill toppmaður. Fyrrum leikmaður Leiknis og það skemmir ekki fyrir.
Fyrir leik
Byrjunarliðin eru komin inn. Ein breyting á byrjunarliði Víkings frá síðasta leik. Páll Olgeir Þorsteinsson fer á bekkinn en Viktor Jónsson kemur inn í liðið. Líka ein breyting hjá Val. Kristinn Ingi Halldórsson kemur inn fyrir Tonny Mawejje.

Fyrir leik
Hér að neðan má sjá spá fréttamannastúkunnar:

Magnús Kjartan, Pepsi-mörkin:
(Hóstaði áður en hann svaraði) Steindautt 3-3 jafntefli.

Guðmundur Marinó, Vísi:
Aron minn skýtur Víkinga í Evrópukeppni með tveimur mörkum í 3-1 sigri. Aukaspyrnu-Ívar setur hitt úr aukaspyrnu sem Aron fiskar.

Andri Yrkill, mbl.is
Víkingur vinnur 2-1. Aron og Pape skora og Maggi Gylfa kemur með sleggju í viðtölum.
Fyrir leik
Jæja það er komið kaffi í fréttamannastúkuna. Höfðingjar heim að sækja að vanda Víkingarnir. Þrjár mínútur í leik og allt tilbúið.
1. mín
Leikurinn er hafinn - Víkingar byrjuðu með knöttinn. Meðal vallargesta er formaður KSÍ, Geir Þorsteinsson, og Hanna Símonardóttir, móðir Antons Ara Einarssonar.
3. mín
Valsmenn byrja á hættulegri sókn! Sigurður Egill Lárusson, fyrrum Víkingur, komst upp hægra megin og sendi fyrir markið. Enginn Valsari náði að reka tá í knöttinn en þetta var þó stórhætta.
4. mín
Valsmenn sækja með vindi í átt að íþróttahúsi Víkinga.
5. mín
Valsmenn óhræddir í byrjun og eru mættir til að sækja, það er ljóst. Bjarni Ólafur Eiríksson kominn hátt upp og átti sendingu fyrir sem Ingvar Kale náði að klófesta.
9. mín MARK!
Pape Mamadou Faye (Víkingur R.)
Stoðsending: Michael Maynard Abnett
MAAAAARK!!! Þarna opnaðist allt hjá Val! Fyrsta alvöru sókn Víkinga í leiknum endar með marki! Abnett geystist upp hægra megin, sendi fyrir þar sem Pape átti ekki í vandræðum með að skora af stuttu færi!
15. mín
Fátt markvert gerst síðan eftir markið. Haukur Páll átti skot yfir áðan. Jafnræði með liðunum núna.
17. mín Gult spjald: Haukur Páll Sigurðsson (Valur)
Toppdómgæsla! Haukur fær að líta gula spjaldið eftir brot á Aroni. Leikurinn hélt áfram í smá tíma en spjaldið fór á loft þegar knötturinn fór útaf.
24. mín
Svokallað DAUÐAFÆRI! Eftir flotta sókn Vals barst boltinn á Patrick Pedersen sem var utarlega í teignum, einn og óvaldaður, en fær ekki háa einkunn fyrir skotið. Yfir markið!
25. mín Gult spjald: Igor Taskovic (Víkingur R.)
Strangur dómur að lyfta gulu þarna.
27. mín
Viktor Jónsson með lipra takta og skaut úr þröngu færi en Anton Ari varði í horn. Eftir hornspyrnuna barst boltinn úr teignum á Ívar Orra sem átti skot af löngu færi en laflaust og auðvelt fyrir Anton.
29. mín MARK!
Haukur Páll Sigurðsson (Valur)
Stoðsending: Magnús Már Lúðvíksson
MAAAAARK!!! Haukur Páll Sigurðsson hefur jafnað fyrir Val með skalla! Eftir skógarhlaup Ingvars Kale fékk Valur horn, boltanum var rennt á Magnús Má sem sendi fyrir og Haukur náði góðum skalla sem fór innfyrir línuna!
31. mín
Aftur í dauðafæri Patrick Pedersen! Fékk stungusendingu frá Ian Williamson og ákvað að vippa boltanum yfir Ingvar en hitti ekki rammann.
32. mín Gult spjald: Pape Mamadou Faye (Víkingur R.)
Kjánalegt hjá Pape! Var löngu búið að flauta rangstöðu en Pape negldi boltanum yfir markið.
37. mín Gult spjald: Kristinn Freyr Sigurðsson (Valur)
Enn og aftur er það Aron Elís sem er fórnarlambið. Þeir eru duglegir að brjóta á honum Valsmenn.
40. mín Gult spjald: Iain James Williamson (Valur)
Alltaf þegar Aron Elís fær boltann þá er brotið. Augljóslega lagt upp með þetta hjá Val en Ívar Orri hikar ekki við að spjalda.

42. mín
Inn:Henry Monaghan (Víkingur R.) Út:Aron Elís Þrándarson (Víkingur R.)
Aron Elís sparkaður úr leiknum og fer meiddur af velli. Í staðinn fáum við Henry Monaghan. Ekki "séxí" skipti það!

45. mín
Hálfleikur - Verið nokkuð fjörugt en leiðinlegt að missa skemmtilegasta leikmann vallarins af velli, Aron Elís Þrándarson var einfaldlega sparkaður úr leik.

46. mín
Seinni hálfleikur er hafinn
47. mín
Aron Elís Þrándarson er víst á leið upp á slysadeild samkvæmt nýjustu fréttum. Vonandi er það ekki neitt alvarlegt.
54. mín
Mikil harka í leiknum og menn að spá því að við fáum allavega eitt stykki rautt hér í kvöld.
57. mín
"Það sem Óli Þórðar gæfi fyrir að vera inná núna" segir Guðmundur Marinó á Vísi. Harkan sex af gamla skólanum hér í fullum gangi. Nú er Michael Abnett að fá aðhlynningu.
60. mín
Hættuleg sókn Valsmanna en Kale vel á verði í markinu og klófesti fyrirgjöf Kristins Inga örugglega.
61. mín
Kristinn Freyr Sigurðsson með skalla rétt framhjá.

65. mín Gult spjald: Sigurður Egill Lárusson (Valur)
Fyrrum leikmaður Víkings braut á Ingvari Kale sem var búinn að handsama knöttinn.
69. mín
Inn:Tonny Mawejje (Valur) Út:Kristinn Freyr Sigurðsson (Valur)
70. mín
Jafntefli gerir ekkert fyrir Val... þeir þurfa að básúna til sóknar og ná sigurmarki. Ekkert annað í stöðunni.
71. mín
Inn:Páll Olgeir Þorsteinsson (Víkingur R.) Út:Viktor Jónsson (Víkingur R.)
75. mín
Allt rosalega rólegt núna á vellinum.
77. mín Gult spjald: Bjarni Ólafur Eiríksson (Valur)
Braut á Abnett sem var kominn á mikla siglingu.
78. mín
Igor Taskovic með hættulega aukaspyrnu naumlega framhjá.
79. mín
Inn:Kolbeinn Kárason (Valur) Út:Haukur Páll Sigurðsson (Valur)
82. mín
Ívar Örn með skemmtileg tilþrif. Frábær tækling sem startaði hættulegri sókn, hann lauk svo sókninni sjálfur með góðu skoti rétt yfir.
85. mín
Hætta upp við mark Víkings! Kale kom út úr markinu en skot Vals fór í varnarmann.
86. mín
Inn:Ventseslav Ivanov (Víkingur R.) Út:Pape Mamadou Faye (Víkingur R.)
87. mín
Sigurður Egill Lárusson í dauðafæri en skallaði framhjá! Slakur skalli.
88. mín
Inn:Haukur Ásberg Hilmarsson (Valur) Út:Sigurður Egill Lárusson (Valur)
90. mín
Komið í uppbótartíma.
92. mín
ÖSSSS!!! Kristinn Ingi Halldórsson nálægt því að tryggja sigurinn. Skot naumlega framhjá.
Leik lokið!
Stig unnið fyrir Víking en þessi úrslit gefa Val ekkert. Valsmenn þurftu sigur og ekkert annað. Engin Evrópa á Hlíðarenda nema mikið breytist.
Byrjunarlið:
33. Anton Ari Einarsson (m)
3. Iain James Williamson
7. Haukur Páll Sigurðsson ('79)
8. Kristinn Ingi Halldórsson
9. Patrick Pedersen
10. Kristinn Freyr Sigurðsson ('69)
11. Sigurður Egill Lárusson ('88)
15. Þórður Steinar Hreiðarsson
21. Bjarni Ólafur Eiríksson

Varamenn:
14. Haukur Ásberg Hilmarsson ('88)
14. Gunnar Gunnarsson
22. Darri Sigþórsson

Liðsstjórn:

Gul spjöld:
Bjarni Ólafur Eiríksson ('77)
Sigurður Egill Lárusson ('65)
Iain James Williamson ('40)
Kristinn Freyr Sigurðsson ('37)
Haukur Páll Sigurðsson ('17)

Rauð spjöld: