Malen, Maguire, Rashford, Greenwood, Yoro, Eriksen og fleiri góðir í slúðri dagsins
Ísland
9
1
Serbía
Harpa Þorsteinsdóttir '6 1-0
Glódís Perla Viggósdóttir '10 2-0
Rakel Hönnudóttir '27 3-0
Arna Sif Ásgrímsdóttir '57 4-0
4-1 Cubrilo '59
Dagný Brynjarsdóttir '63 5-1
Þóra Björg Helgadóttir '65 , víti 6-1
Harpa Þorsteinsdóttir '71 7-1
Rakel Hönnudóttir '72 8-1
Dagný Brynjarsdóttir '84 9-1
17.09.2014  -  17:00
Laugardalsvöllur
A-kvenna HM 2015
Aðstæður: 9°, léttur úði og logn.
Dómari: Thalia Mitsi
Byrjunarlið:
1. Þóra Björg Helgadóttir (m) ('75)
3. Elísa Viðarsdóttir
7. Sara Björk Gunnarsdóttir (f)
10. Dóra María Lárusdóttir ('61)
10. Dagný Brynjarsdóttir
11. Hallbera Guðný Gísladóttir
11. Arna Sif Ásgrímsdóttir
22. Rakel Hönnudóttir
23. Fanndís Friðriksdóttir ('61)

Varamenn:
1. Sandra Sigurðardóttir (m) ('75)
14. Ásgerður Stefanía Baldursdóttir
15. Guðmunda Óladóttir
19. Anna Björk Kristjánsdóttir
25. Guðný Björk Óðinsdóttir
28. Sigrún Ella Einarsdóttir ('61)

Liðsstjórn:
Gunnhildur Yrsa Jónsdóttir

Gul spjöld:

Rauð spjöld:
Fyrir leik
Heil og sæl góða fólk og velkomin í beina textalýsingu frá leik Íslands og Serbíu í undankeppni HM.

Um er að ræða síðasta leik Íslands í undankeppninni en því miður er lítið annað í húfi en heiðurinn og kjörið tækifæri fyrir landsliðsþjálfarana að halda áfram að pússa íslenska liðið saman. Enn er örlítill séns á 2. sæti riðilsins en til þess að það gangi eftir þurfa Danir að misstíga sig gegn Ísraelum og það verður að teljast afar hæpið.

Leikurinn í kvöld er því kannski helst mikilvægur fyrir þær sakir að markvörðurinn öflugi, Þóra Björg Helgadóttir, mun leika sinn síðasta landsleik. Hún tilkynnti í vikunni að landsliðsskórnir væru á leið upp í hillu og þar kveðjum við frábæran leikmann. Það er vonandi að sem flestir sjái sér fært að mæta á kveðjuleik hennar og þakka Þóru fyrir sitt framlag til landsliðsins.
Fyrir leik
Það eru tvær breytingar á íslenska liðinu frá sigurleiknum gegn Ísrael. Arna Sif Ásgrímsdóttir kemur inn fyrir Önnu Björk Kristjánsdóttur en Arna Sif er að byrja inná í fyrsta sinn með landsliðinu. Þá kemur Rakel Hönnudóttir inn fyrir Guðnýju B. Óðinsdóttur.

Hjá gestunum þekkjum við fyrirliðann og íslenska ríkisborgarann Vesnu ELÍSU Smiljkovic vel en hún leikur með ÍBV. Þá er annar íslenskur ríkisborgari í liði gestanna en það er Stjörnustúlkan Danka Podovac.
Fyrir leik
Leikurinn er hafinn. Ísland byrjar með boltann og leikur í átt að Laugardalslaug.

Áfram Ísland!
3. mín
Það er Rakel Hönnudóttir sem á fyrsta markskot leiksins. Það er þó lítil hætta á ferðum.
3. mín
Dauðafæri! Dagný fær frábæra fyrirgjöf frá Söru Björk en nær ekki nógu góðu skoti og Suzanne Nilson í serbneska markinu ver vel.
5. mín
Fréttir frá Danmörku herma að þar sé Ísrael marki yfir. Fínar fréttir fyrir íslenska liðið. 2.sætið séns þó það gefi ekkert.
6. mín MARK!
Harpa Þorsteinsdóttir (Ísland)
Stoðsending: Hallbera Guðný Gísladóttir
MAAAARK! Harpa Þorsteinsdóttir er búin að koma Íslandi yfir. Hallbera átti fína fyrirgjöf frá vinstri. Harpa kemur sér framfyrir varnarmann, vinnur boltann og klárar svo laglega.
8. mín
"Þóra B. er legend" syngja íslensku stuðningsmennirnir og það er barasta hárrétt hjá þeim. Frábær leikmaður sem kveður landsliðið hér í dag.
10. mín MARK!
Glódís Perla Viggósdóttir (Ísland)
Stoðsending: Sara Björk Gunnarsdóttir
Það er 2-0! Frábær byrjun og það er varnarjaxlinn Glódís Perla sem skorar sitt fyrsta landsliðsmark. Markið kom eftir hornspyrnu frá Hallberu. Sara Björk truflaði varnarmenn og flikkaði boltanum á Glódísi sem lúrði á fjær og kláraði svo af einstakri yfirvegun.
16. mín
Fín tilraun hjá Rakel. Hún "köttar" inn af vinstri kanti og reynir skot sem flýgur yfir samskeytin fjær.

27. mín MARK!
Rakel Hönnudóttir (Ísland)
Stoðsending: Harpa Þorsteinsdóttir
3-0! Fáránlegur varnarleikur hjá gestunum. Harpa tók eftir því að Rakel var alein og yfirgefin vinstra megin í teignum, renndi boltan á hana og Rakel kláraði af mikilli yfirvegun í fjærhornið. Ótrúlegt hvað varnarmennirnir gáfu henni mikið pláss en virkilega vel klárað hjá Rakel. Ætlar Ísland að valta yfir Serba?
29. mín
Íslenska liðið heldur áfram að sækja. Harpa Þorsteinsdóttir á hér hörkuskot, rétt framhjá. Það er ekkert að frétta hjá Serbum á meðan íslensku stelpurnar leika á alls oddi. Vonandi að Þóru leiðist ekki í lokaleiknum.
38. mín
Fanndís kemst upp hægra megin og reynir fast skot. Nilson ver boltann í stöngina og út þar sem Sara Björk er mætt en skýtur yfir. Hún hefði getað gefið sér betri tíma í þetta.
44. mín
Íslenska liðið er einfaldlega miklu betra hérna í dag. Fanndís var rétt í þessu að reyna vinstrifótarskot utan teigs.
45. mín
Það er kominn hálfleikur. Virkilega þægileg staða, 3-0 fyrir Ísland. Vonandi halda íslensku stúlkurnar áfram að skemmta okkur í síðari hálfleik.

Það er kominn uppbótartími í leik Danmerkur og Ísrael og þar leiða Ísraelar enn 1-0. Ef Danir tapa og Ísland vinnur þá nær Ísland 2. sæti riðilsins.

45. mín
Inn:Jonovic (Serbía) Út:Nikolic (Serbía)
Serbar gera breytingu. Skipta um hægri bakvörð en það var veisla á vinstri kantinum hjá íslenska liðinu í fyrri hálfleik.
47. mín
Okkar konur byrja þetta af krafti. Fanndís lyftir boltanum inná Hörpu en boltinn er í óþægilegri hæð og Harpa nær ekki skoti af markteig.
53. mín
Þóra fær loks að taka eina vörslu. Serbar reyna langskot en það er beint á Þóru og það þarf klárlega meira en eitthvað svona til þess að koma henni úr jafnvægi. Æfingabolti.
55. mín
Inn:Cubrilo (Serbía) Út:Bradic (Serbía)
Serbar gera aðra breytingu.
57. mín MARK!
Arna Sif Ásgrímsdóttir (Ísland)
Stoðsending: Dóra María Lárusdóttir
4-0-! Gaman af þessu. Báðir hafsentarnir komnar á blað, báðar að skora sitt fyrsta A-landsliðsmark. Nú skorar Arna Sif eftir að Nilson varði aukaspyrnu Dóru Maríu út í teig. Vel gert hjá Örnu sem er í fyrsta sinn í byrjunarliði Íslands.
59. mín MARK!
Cubrilo (Serbía)
Varamaðurinn Cubrilo minnkar muninn fyrir Serba. Fyrsta alvöru sókn liðsins. Þær gerðu þetta vel en manni fannst íslenska liðið heldur sofandi. Cubrilo slapp í gegn og kláraði framhjá Þóru.
61. mín
Inn:Gunnhildur Yrsa Jónsdóttir (Ísland) Út:Dóra María Lárusdóttir (Ísland)
61. mín
Inn:Sigrún Ella Einarsdóttir (Ísland) Út:Fanndís Friðriksdóttir (Ísland)
Tvöföld skipting hjá Íslandi. Sigrún Ella og Gunnhildur Yrsa koma inn með ferska fætur síðasta hálftímann.
63. mín MARK!
Dagný Brynjarsdóttir (Ísland)
Stoðsending: Hallbera Guðný Gísladóttir
Markaveislan heldur áfram og áfram halda íslensku leikmennirnir að skipta á milli sín markaskoruninni. Nú skorar Dagný með skalla eftir hornspyrnu frá Hallberu.
65. mín Mark úr víti!
Þóra Björg Helgadóttir (Ísland)
Stoðsending: Rakel Hönnudóttir
Æðislegt! Rakel setur boltann í höndina á varnarmanni Serba og réttilega dæmd vítaspyrna. Það er svo engin önnur en Þóra Björg sem fer á punktinn og það þarf ekkert að spyrja að því! Auðvitað skorar hún enda frábær í fótunum og öryggið uppmálað.

Frábært fyrir Þóru að fá tækifæri til að setja fyrsta landsliðsmarkið í kveðjuleiknum. Þóra var jú senter á sínum yngri árum og kann þetta alveg.
70. mín
Seinni hálfleikurinn öllu skemmtilegri fyrir Þóru. Nú fær hún að verja langskot frá Podovac.
71. mín MARK!
Harpa Þorsteinsdóttir (Ísland)
Stoðsending: Elísa Viðarsdóttir
Jahérna hér. Harpa er að skora sjöunda mark Íslands! Elísa með frábæran bolta inn á milli varnar og markmanns. Harpa kemst á milli og lyftir boltanum yfir Nilson. Frábært mark!
72. mín MARK!
Rakel Hönnudóttir (Ísland)
Róa sig! Ég fékk 11 í vélritun á sínum tíma en á ekki breik í þetta. Rakel Hönnudóttir er að skora áttunda markið. Ég sá þetta ekki nógu vel. Mörkunum rignir inn!
75. mín
Inn:Sandra Sigurðardóttir (Ísland) Út:Þóra Björg Helgadóttir (Ísland)
Heiðursskipting. Sandra kemur inn fyrir Þóru Björgu sem kveður með stæl.

Ég hefði nú viljað sjá Þóru klára leikinn. Hver á að taka næsta víti? :)
77. mín
Dauðafæri! Sigrún Ella lyftir boltanum á Söru Björk sem skallar framhjá úr flottu færi.
78. mín
Sjónvarpsvarsla hjá Nilson. Elísa Viðarsdóttir í fínu skallafæri en lætur Nilson verja frá sér. Gaman að því að báðir hafsentar og markvörður eru komnar á blað auk þess sem að bakverðirnir eru báðar búnar að leggja upp mark. Þarna var hægri bakvörðurinn nálægt sínu fyrsta landsliðsmarki.

83. mín
Gleymdi að henda því inn en Ísrael sigraði Danmörku og 2. sætið er því Íslands.
84. mín MARK!
Dagný Brynjarsdóttir (Ísland)
Stoðsending: Gunnhildur Yrsa Jónsdóttir
Jæja. Níu mörk! Dagný bætir við eftir sendingu frá Gunnhildi Yrsu.
86. mín
Þvílík markasúpa sem boðið er upp á í Laugardalnum í kvöld. Íslenska liðið er miklu beittara en í síðasta leik gegn Ísrael og er að klára færin sín mun betur en í undanförnum leikjum. Ég verð þó að lýsa yfir vonbrigðum mínum með serbneska liðið sem ég hélt að væri töluvert betra.
90. mín
Stelpurnar okkar koma boltanum í netið í tíunda skiptið en Sigrún Ella er réttilega dæmd rangstæð.
Leik lokið!
Leiknum er lokið. Þvílík markaveisla og frábær endir á glæsilegum ferli Þóru Bjargar. Með sigrinum og hagstæðum úrslitum í Danmörku nær Ísland 2. sæti riðilsins. Flottur árangur. Umfjöllun og viðtöl birtast hér á síðunni síðar í kvöld.
Byrjunarlið:

Varamenn:
12. Ivanov (m)

Liðsstjórn:

Gul spjöld:

Rauð spjöld: