Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur R.
0
1
Stjarnan
0-1 Rolf Glavind Toft '9
Alan Lowing '90
18.09.2014  -  17:00
Víkingsvöllur
Pepsi-deild karla 2014
Dómari: Kristinn Jakobsson
Byrjunarlið:
3. Ívar Örn Jónsson
4. Igor Taskovic
11. Dofri Snorrason
20. Pape Mamadou Faye ('74)
22. Alan Lowing

Varamenn:
9. Viktor Jónsson ('54)
19. Stefán Bjarni Hjaltested ('86)
28. Eiríkur Stefánsson ('74)

Liðsstjórn:

Gul spjöld:
Viktor Jónsson ('68)
Kjartan Dige Baldursson ('16)

Rauð spjöld:
Alan Lowing ('90)
Fyrir leik
Halló Fossvogur! Hjartanlega velkomin í beina textalýsingu frá afar mikilvægum leik Víkings og Stjörnunnar. Heimamenn vilja sigur til að færast nær því að innsigla Evrópusæti en Stjarnan berst um Íslandsmeistaratitilinn.
Elvar Geir Magnússon
Fyrir leik
Stjarnan er sem stendur í öðru sæti Pepsi-deildarinnar, tveimur stigum á eftir toppliði FH þegar bæði lið eiga fjóra leiki eftir. FH mætir KR á sama tíma og þessi leikur fer fram.
Elvar Geir Magnússon
Fyrir leik
,,Það verður gaman að fá Silfurskeiðina í heimsókn og við þurfum á öllu okkar fólki að halda til að hvetja strákana og færa okkur skrefinu nær Evrópu. Við viljum gjarnan vera fyrsta liðið til að leggja Stjörnuna að velli í deildinni í sumar," segir á heimasíðu Víkings.
Elvar Geir Magnússon
Fyrir leik
Byrjunarliðin verða opinberuð klukkutíma fyrir leik. Aron Elís Þrándarson er væntanlega ekki með Víkingi eftir að hafa farið meiddur af velli í umtöluðum leik gegn Val í síðustu umferð.
Elvar Geir Magnússon
Fyrir leik
Dómari í dag er okkar fremsti dómari, Kristinn Jakobsson. Sigurður Óli Þórleifsson og Oddur Helgi Guðmundsson eru aðstoðardómarar.
Elvar Geir Magnússon
Fyrir leik
Guðmundur Steinarsson, sérfræðingur Fóbolta.net:
,,Mér finnst sóknarleikur Víkings vera algjörlega undir Aroni kominn og ef hann verður ekki með þá þurfa aðrir að stíga heldur betur upp og taka aukna ábyrgð. Stjörnumenn eru líklegri í þessum leik, þeir hafa verið að skora mörk í öllum regnbogans litum. Að mínu mati eru þeirra helstu veikleikar varnarleikur í föstum leikatriðum. Mér finnst eins og þeir missi stundum fókusinn og þá getur skapast hætta. Hef þó grun um að Stjörnumenn séu númeri of stórir fyrir nýliða Víkings og taki þennan leik."
Elvar Geir Magnússon
Fyrir leik
Þegar þessi lið mættust í fyrri umferðinni var niðurstaðan markalaust jafntefli i einum allra leiðinlegasta leik sumarsins. Ég var á þeim leik og það var nú meiri tímasóunin. Dauðinn á skriðbeltunum. Alexander Freyr Einarsson sér um að lýsa leiknum í dag og fær vonandi meiri skemmtun!
Elvar Geir Magnússon

Elvar Geir Magnússon
Fyrir leik
Hér til hliðar má sjá byrjunarliðin, en líkt og búast mátti við er Aron Elís Þrándarson ekki í hóp Víkings vegna meiðsla sem hann varð fyrir gegn Val í síðustu umferð. Ólafur Karl Finsen kemur inn í byrjunarlið Stjörnunnar.
Elvar Geir Magnússon
Fyrir leik
Tæpur stundarfjórðungur í leik og menn eru að klára upphitun. Silfurskeiðin var að mæta á svæðið og má búast við þokkalegum látum frá þeim. Þó klukkan sé ekki nema 17:00 kæmi mér ekki á óvart að þeir hafi fengið að fara snemma úr vinnunni og dottið í þrusugóða upphitun.
Fyrir leik
Óhætt er að segja að leikurinn sé mjög mikilvægur fyrir bæði lið. Heimamenn hafa staðið sig væntingum framar (ekki miðað við eigin væntingar þó) og eru í 4. sætinu. Með sigri fara þeir afar langt með að tryggja sér 4. sætið og þar með þátttökurétt í Evrópudeildinni á næstu leiktíð.

Enn meira er í húfi fyrir Stjörnumenn, sem eru að berjast um sinn fyrsta Íslandsmeistaratitil í sögunni. Þeir þurfa helst sigur ef þeir ætla ekki að missa FH fram úr sér, en FH mætir KR í kvöld.
Fyrir leik
Meðal styrktaraðila Víkings eru Samskip, Jónar Transport, Opal, Lyfja, Visa, Gevalia, Húsasmiðjan, TM, Serrano, Bifreiðarverkstæði Jónasar, KPMG, Krónan, TVG-Zimsen, Domino's og Vodafone. Fannst bara að þið ættuð að vita það.
Fyrir leik
Leikmenn ganga inn á völlinn með dómarann Kidda Jak í fararbroddi. Víkingar leika að sjálfsögðu í sínum klassísku svörtu og rauðu röndóttu búningum. Eru þeir svartir með rauðum röndum eða rauðir með svörtum röndum? Það veit enginn!

Stjarnan leikur í sínum klassísku bláu búningum.

Nú fer fjörið senn að hefjast!
1. mín
Leikurinn er hafinn!! Það er Stjarnan sem byrjar með boltann og sækir í átt að Víkingsheimilinu.
3. mín
Engin flugeldasýning fyrstu þrjár mínúturnar. Ég lofa að láta vita ef eitthvað gerist.
5. mín
Stjarnan fær fyrstu hornspyrnu leiksins. Hana tekur VEigar Páll Gunnarsson. Stórhættulegur bolti inn í teig en dæmd hendi á Stjörnumann.
6. mín
DAUÐAFÆRI hjá Víkingum!!! Dofri tekur glæsilega á móti boltanum og rennir honum á Ventseslav Ivanov sem er í dauðafæri í teignum, en Ingvar ver skot hans vel!
6. mín
ÞARNA MUNAÐI ENGU!! Dofri Snorrason í hættulegu skotfæri eftir hornspyrnuna en boltinn fer nauuuuumlega framhjá! Víkingar óheppnir að vera ekki komnir yfir!
9. mín MARK!
Rolf Glavind Toft (Stjarnan)
Stoðsending: Ólafur Karl Finsen
MAAAAAAAAAAARK!!!!! ÞETTA VAR SVO FÁRÁNLEGA EINFALT!!! Pablo Punyed vinnur boltann og kemur með frábæra sendingu inn á miðjuna á Veigar Pál. Veigar Páll rennir boltanum á Ólaf Karl Finsen sem keyrir bara framhjá öllum Víkingunum og inn í teig, og rennir boltanum á Rolf Toft sem pikkaði boltanum yfir línuna. 1-0 Stjarnan!
10. mín
Stjarnan ekki langt frá því að bæta strax við! Arnar Már með frábæra sendingu á Veigar Pál, sem tekur vel á móti boltanum á kassanum og lætur vaða, en Ingvar Kale ver!
11. mín
Heimamenn með hættulega sókn en spila aðeins yfir sig í teignum og þetta rennur út í sandinn. Flott spil samt í liði Víkings og það ber alls ekki að afskrifa þá!
12. mín
Víkingur ekki langt frá því að skora!! Kristinn Jóhannes Magnússon í hættulegu færi en Ingvar ver naumlega í horn! Þvílíkur leikur hérna í Víkinni!!
14. mín
Víkingur fékk þetta horn áðan og svo annað horn og það skapaðist þokkaleg hætta inni í teig, en á endanum var boltanum þrumað í burtu. Arnar Már reyndi svo skot nánast frá miðju þar sem Ingvar Kale var kominn helst til framarlega, en Ingvar reddaði sér!
16. mín Gult spjald: Kjartan Dige Baldursson (Víkingur R.)
Kjartan Dige fær gult spjald fyrir að bomba niður að mér sýndist Pablo á miðjunni. Stjarnan sækir og fær hornspyrnu.
18. mín
HVERNIG VAR ÞETTA EKKI MARK???? BANEITRUÐ FYRIRGJÖF frá Arnari Má, beint á kollinn á Vemmelund sem er algjörlega frír í teignum! Hann skallar boltann hins vegar framhjá þegar það virtist auðveldara að skora! Hrottalegt hrottalegt klúður hjá þeim danska!
24. mín
Víkingar eru stórhættulegir! Banvæn sending hérna fyrir frá Ívari Erni Jónssyni og Ventseslav var mættur á fjær en Ingvar náði að komast í boltann. Hörku gott spil í þessum leik!
29. mín
MAAARK!!! En dæmd rangstaða!! Frábær sókn endar með fyrirgjöf á Veigar Pál sem skorar, en dæmd rangstaða!
33. mín
Víkingur fær aukaspyrnu, Igor Taskovic þrumar boltanum í teiginn og Ventseslav mættur í skallann, en boltinn beint á Ingvar sem grípur hann.
34. mín
Víkingsliðið með virkilega góða sókn og fiskar aukaspyrnu þegar Kristinn Jóhannes dettur. Stórhættulegur staður!!
35. mín
GAHH!!! HVERNIG VAR ÞETTA EKKI MARK HJÁ VÍKINGI??? ER NETT ORÐLAUS HÉRNA...!!!

Ívar tekur aukaspyrnuna, Ingvar ver en beint út í teig. Þar er Michael Abnett mættur Á MARKTEIGNUM og það gæti ekki verið auðveldara að skora!! Hann spyrnir boltanum hins vegar beint á Ingvar sem nær að halda boltanum!! WHAT A MISS!!!!!
36. mín
ANNAÐ DAUÐAFÆRI HJÁ VÍKINGUM!! Boltoinn dettur fyrir Ventseslav í teignum en aftur skotið beint á Ingvar! Hvernig eru heimamenn ekki búnir að skora??
38. mín
Ingvar Jónsson að eiga þvílíkan stórleik í búrinu. Er búinn að eiga svona 6-7 virkilega góðar vörslur í þessum fyrri hálfleik!
39. mín
Inn:Atli Jóhannsson (Stjarnan) Út:Arnar Már Björgvinsson (Stjarnan)
Skipting hjá Stjörnunni! Arnar Már fer af velli, líklega ekki heill heilsu, og inn í hans stað kemur Atli Jóhannsson.
45. mín
Flautað hefur verið til leikhlés í víkinni. Hörku hörku hörkuleikur og engin leið að segja hvernig þetta endar!!
46. mín
Þá er leikurinn hafinn á ný og nú byrja heimamenn með boltann! Það getur allt gerst hérna í Víkinni og það eina sem ég veit er að ég veit EKKI NEITT um það hvernig þessi leikur endar! Eftir ca 45 mín mun ég hins vegar hafa svarið fyrir ykkur.

PS. Hrósa vallarþulnum fyrir eðal lagaval í hálfleik.

51. mín
Aukaspyrna af löngu færi hjá Stjörnunni! Veigar Páll lætur bara vaða, sannkallað þrumuskot, en Ingvar Kale ver í hornspyrnu.
53. mín
Ilyan Garov liggur eftir inni í teig Víkinga og fær aðhlynningu. Vonandi nær hann sér.
54. mín
Inn:Viktor Jónsson (Víkingur R.) Út:Iliyan Garov (Víkingur R.)
Því miður er þátttöku Garov lokið í kvöld. Hann fer út af á sjúkrabörum og inn á kemur Viktor Jónsson.
56. mín
Stjarnan í stórhættulegu færi!! Banvænn bolti inn fyrir en varnarmaður nær að bægja hættunni frá. Víkingar geysast í hættulega skyndisókn en misskilningur á sér stað!
57. mín
Igor Taskovic í dauðafæri eftir hornspyrnu en skýtur himinhátt yfir!
61. mín
Hörkusókn hjá Víkingi sem fyrr. Dofri fer illa með varnarmann og nær skoti en það fer rétt framhjá!
63. mín
Igor Taskovic!!! Fær boltann á miðjunni og getur hlaupið óáreittur nánast fram að teig! Lætur svo vaða en boltinn vel framhjá.
64. mín
Inn:Heiðar Ægisson (Stjarnan) Út:Rolf Glavind Toft (Stjarnan)
Skipting hjá gestunum, þeirra önnur í leiknum.
65. mín
Frá Kaplakrika: FH var að komast yfir gegn KR. Smelltu hér til að fara í textalýsingu frá leiknum.
Elvar Geir Magnússon
67. mín Gult spjald: Pablo Punyed (Stjarnan)
68. mín
ÞARNA MUNAÐI LITLU!! Alan Lowing hársbreidd frá því að ná að skalla boltann dauðafrír í teignum eftir aukaspyrnu!
68. mín Gult spjald: Viktor Jónsson (Víkingur R.)
Viktor fær gult fyrir að hakka Hörð Árnason niður.
69. mín
ÞRUMUSKOT hjá Pablo Punyed utan teigs en Ingvar slæmir fingrum í boltann og það er horn!
69. mín
ÞRUMUSKOT hjá Pablo Punyed utan teigs en Ingvar slæmir fingrum í boltann og það er horn!
72. mín
Michael Abnett leikur á Þorra Geir og kemur með þrumuskot en það fer hátt yfir.
74. mín
Inn:Eiríkur Stefánsson (Víkingur R.) Út:Pape Mamadou Faye (Víkingur R.)
78. mín
Veit ekki hvort það er kuldinn eða Silfurskeiðin, en maður er með létta gæsahúð! Enginn að fara að segja mér annað en að þetta séu bestu stuðningsmenn landsins, láta virkilega vel í sér heyra! Greinilega komnir með nokkur ný lög líka, endurnýjun í gangi!
80. mín
Leikurinn hefur aðeins dottið niður undanfarið. Víkingur fær þó hornspyrnu á hættulegum stað (djók) en Stjörnumenn bægja hættunni frá.
86. mín
Inn:Stefán Bjarni Hjaltested (Víkingur R.) Út:Michael Maynard Abnett (Víkingur R.)
88. mín
DAAAAAAUÐAFÆRI HJÁ VÍKINGI!!! VENTSELSLAV IVANOV AAALEINN FYRIR FRAMAN MARKIÐ OG POTAR BOLTANUM, EN INGVAR VER!! Boltinn fer í horn!!
90. mín
STÖNGIN!!!! VÍKINGUR SKÝTUR Í STÖNGINA!!!!
90. mín Rautt spjald: Alan Lowing (Víkingur R.)
RAUTT Á VÍKING!!! ÞVÍLÍKAR LOKAMÍNÚTUR!!!!!!!! Heiðar Ægisson kominn einn í gegn og Alan Lowing bombar hann niður! Fær verðskuldað að líta rauða spjaldið!
90. mín
Veigar Páll í algeru dauðafæri einn gegn markmanni en skýtur beint á Ingvar Kale! Víkingar geysast upp í skyndisókn en hún rennur út í sandinn.
Leik lokið!
Leiknum er lokið með 1-0 sigri Stjörnunnar!! Virkilega sterkur sigur hjá gestunum sem þurftu stigin þrjú svo sannarlega í kvöld!! Þeir eru nú jafnir FH að stigum, þessi toppbarátta gæti ekki verið meira spennandi!!!
Byrjunarlið:
Veigar Páll Gunnarsson
6. Þorri Geir Rúnarsson
8. Pablo Punyed
9. Daníel Laxdal
11. Arnar Már Björgvinsson ('39)
14. Hörður Árnason
17. Ólafur Karl Finsen

Varamenn:
25. Sveinn Sigurður Jóhannesson (m)
2. Heiðar Ægisson ('64)
7. Atli Jóhannsson ('39)
18. Jón Arnar Barðdal
20. Atli Freyr Ottesen Pálsson
21. Snorri Páll Blöndal
22. Þórhallur Kári Knútsson

Liðsstjórn:

Gul spjöld:
Pablo Punyed ('67)

Rauð spjöld: