Halló! Næst síðasta umferð Pepsi-deildar karla verður leikin í dag og verður Fótbolti.net að sjálfsögðu á öllum völlum og segir frá um leið og eitthvað markvert gerist.

KR-ingar hafa að litlu að keppa í dag. Þriðja sætið er og verður þeirra. Víkingar eru í fjórða sæti sjö stigum á eftir KR en eiga hins vegar tölfræðilega möguleika á því að enda í sjöunda sæti. Þrjú stig hér í dag af þeirra hálfu færu langt með að færa þeim Evrópusæti.

Ventislav Ivanov og Viktor Jónsson byrjuðu báðir í 4-1 tapi Víkings gegn Breiðabliki en þeir eru á bekknum í dag. Henry Monaghan fékk rautt spjald í þeim leik og er í leikbanni. Halldór Smári Sigurðsson og Iliyan Garov taka þeirra stöður en að auki snýr Pape Mamadou Faye úr til baka úr leikbanni.

KR-ingar gerðu 3-3 jafntefli við ÍBV í síðustu umferð og byrjuðu Egill Jónsson, Aron Bjarki Jósepsson og Almarr Ormarsson þann leik. Egill og Almarr eru á bekknum en Aron Bjarki er ekki í hóp. Grétar Sigfinnur Sigurðsson, Gonzalo Balbi og Atli Sigurjónsson byrja í þeirra stað í dag.

Síðustu fimm ár hafa þessi lið mætt hvort öðru níu sinnum í hinum ýmsu mótum. Tölfræðin er KR í hag en þeir hafa unnið sex af þessum níu leikjum og hinir þrír hafa endað með jafntefli.

Fyrri leikur liðanna í Frostaskjóli endaði með tvö núll sigri heimamanna. Atli Sigurjónsson og Óskar Örn Hauksson skoruðu mörkin.

Inn á KSÍ er skráð að þessi lið hafi mætt hvor öðru 73 sinnum. Ég held að sú tala sé of lág enda um tvö fornfræg lið að ræða. Fyrsti leikurinn í kerfinu fór fram á Melavellinum 1955 og endaði með 7-0 sigri KR.

Halldór Smári Sigurðsson er í byrjunarliði Víkings í dag í fyrsta skipti síðan í ágúst. Hann stundar nám úti í Hollandi og hefur sennilega verið flogið heim í leikinn þar sem Alan Lowing er enn í leikbanni.

Bæði lið eru mætt út á völl og hita sig upp. Veðrið er týpískt íslenskt og maður veit ekkert hverju það á eftir að taka upp á. Þegar ég lagði af stað var hellidemba, er ég mætti var sólin byrjuð að skína og nú er veðrið voða efins eitthvað.

Gary Martin er í baráttu um gullskóinn en hann hefur skorað tíu mörk, jafn mörg og Árni Vilhjálmsson en tveimur færri en Johathan Glenn sem er markahæstur í deildinni. Markahæstur Víkinga er Pape Mamadou Faye með átta mörk.

Næstmarkahæstur KR-inga í dag er Óskar Örn Hauksson með fjögur mörk en Kjartan Henry Finnbogason hafði skorað fimm áður en hann fór til Horsens í Danmörku. Hjá Víkingum hefur Aron Elís Þrándarson skorað fimm en hann er jfarri góðu gamni vegna meiðsla. Fyrirliðinn Igor Taskovic hefur skorað þrjú.

Ólafur Þórðarson hefur engu gleymt. Hann var að steindrepa bolta sem barst til hans. Fáránleg fyrsta snerting.

Gunnar Jarl Jónsson mun reyna að sjá til þess að allt fari vel fram hér í dag. Honum innan handar verða Gylfi Már Sigurðsson og Leiknir Ágústsson. Eftirlitsmaður KSÍ er Guðmundur Sigurðsson.

Það er sæmilega mætt í Víkina hér í dag. Styttist í að leikurinn verði flautað til leiks og síðustu áhorfendurnir eru að koma sér fyrir.

Liðin eru að ganga inn á völlinn og eru leiddir inn á völlinn af iðkendum í 7. flokki Víkings. Fyrirliðar hér í dag eru Igor Taskovic og Baldur Sigurðsson.

Síðast þegar ég mætti í Víkina voru skoruð sextán mörk. Ég ætla ekki að lofa slíkum fjölda í dag en mig grunar að þau verði allavega þrjú.