Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
0
2
Keflavík
0-1 Elías Már Ómarsson '7
0-2 Frans Elvarsson '108
28.09.2014  -  14:00
Hásteinsvöllur
Pepsi-deild karla 2014
Aðstæður: Sól og blíða með skúrum inn á milli
Dómari: Þorvaldur Árnason
Áhorfendur: 525
Maður leiksins: Haraldur Freyr Guðmundsson
Byrjunarlið:
Guðjón Orri Sigurjónsson
Ian David Jeffs ('90)
Matt Garner ('80)
5. Jón Ingason (f)
6. Gunnar Þorsteinsson
11. Víðir Þorvarðarson
17. Bjarni Gunnarsson ('103)

Varamenn:
15. Devon Már Griffin
19. Breki Ómarsson
32. Franz Sigurjónsson

Liðsstjórn:
Andri Ólafsson (Þ)
Yngvi Magnús Borgþórsson

Gul spjöld:
Gunnar Þorsteinsson ('106)

Rauð spjöld:
Fyrir leik
Góðan og margblessaðan daginn, kæru lesendur.

Hér verður bein textalýsing frá leik ÍBV og Keflavíkur í Pepsi-deild karla.

Um sannkallaðan fallbaráttuslag er að ræða en ÍBV situr í 8. sæti með 22 stig, aðeins fjórum stigum frá fallsæti á meðan Keflavík er í tíunda sæti með 19 stig, einu stigi fyrir ofan Fram í fallsæti.
Fyrir leik
Byrjunarliðin er kominn inn og má sjá þau hér til hliðar.

ÍBV gerir tvær breytingar á sínu liði frá 3-3 jafnteflinu við KR í síðustu umferð. Jonathan Glenn og Þórarinn Ingi Valdimarsson eru í leikbanni. Bjarni Gunnarsson og Atli Fannar Jónsson koma inn í liðið í stað þeirra.

Keflavík gerir aðeins eina breytingu frá tapleik þeirra við Fylki. Unnar Már Unnarsson kemur inn í liði í stað Arons Rúnarssonar.
Fyrir leik
Þorvaldur Árnason er dómari þessa leiks.
Honum til halds og traust eru Gunnar Sverrir Gunnarsson og Adolf Þorberg Andersen.
Fyrir leik
Það er blíðskaparveður í Eyjum í dag. Maður kvartar ekki vanalega þegar sólin lætur sjá sig en nú skín hún beint á fréttaaðstöðuna þannig að nánast ógerlegt er að horfa á völlinn né tölvuskjáinn!
Fyrir leik
Fyrri leikur þessara liða endaði 2-1 fyrir ÍBV sem jafnframt vann þar sinn fyrsta deildarsigur á tímabilinu.
Fyrir leik
ÍBV getur gulltryggt sæti sitt í deild þeirra bestu með sigri í dag en það getur Keflavík einnig ef úrslit ef Fram vinnur ekki sinn leik og því er þetta mikilvægur leikur fyrir bæði lið.
Fyrir leik
Keflavík hefur ekki unnið leik í deildinni síðan 22. júní þegar þeir unnu Fylki 4-2.
Fyrir leik
Þetta fer alveg að hefjast á Hásteinsvelli. Liðin ganga út á völlinn við lófaklapp þeirra fáu aðdáenda sem eru hér mættir.
Fyrir leik
Leikurinn er hafinn! Liðin leika í sínum venjulegu búningum en það eru Keflvíkingar sem byrja með boltann og sækja í átt að Týsvellinum.
4. mín
Fyrsta færi leiksins kemur úr hornspyrnu en það eru Eyjamenn sem eiga hana. Ekki nógu góð spyrna og Keflavík hreinsar.
7. mín MARK!
Elías Már Ómarsson (Keflavík)
Elías Már Ómarsson kemur Keflavík yfir! Fær alltof mikinn tíma með boltann og lætur vaða fyrir utan teig. Skotið er gott og á Guðjón Orri á litla möguleika.
10. mín
Keflavík fær aukaspyrnu á ágætis stað en skotið beint í vegginn og þetta rennur út í sandinn.
11. mín
Bojan með hættulega sendingu fyrir markið en enginn nær til boltans.
14. mín
Hörður Sveinsson með fínan sprett en skot hans í varnarmann.
16. mín
Bojan með aðra hættulega fyrirgjöf en í þetta skiptið koma ÍBV honum aftur fyrir og ekkert verður úr hornspyrnunni.
18. mín
Bjarni Gunnarsson kemur boltanum fyrir á Víði sem átti fínt skot en Jonas Sandqvist varði vel.
19. mín
Sindir Snær Magnússon brýtur á Víði en sleppur við spjald. Aukaspyrnan hjá Jóni Ingasyni er síðan blakað yfir af Sandqvist.
22. mín
Bojan lá í jörðinni eftir viðskipti sín við Bjarna Gunnarsson en hann er staðinn upp aftur.
25. mín
Brynjar Gauti Guðjónsson liggur eftir og fær aðhlynningu. Hristir þetta af sér og heldur áfram.
31. mín
Keflvíkingarnir búnir að vera líflegri fyrsta hálftímann án þess að skapa sér nokkur almennileg færi.
35. mín
Dean Martin nær góðu skoti eftir klafs í teig Keflvíkinga en það er yfir.
36. mín
Elías Már Ómarsson hirðir boltann af vararmanni ÍBV og lætur vaða en skot hans fer rétt yfir.
37. mín
Arnar Bragi Bergsson í þetta sinn með skot fyrir utan teig. Það er fast en beint á Sandqvist sem slær boltann út.
45. mín Gult spjald: Magnús Þórir Matthíasson (Keflavík)
Magnús Þórir fær gult spjald fyrir augljósa dýfu.
45. mín
Hálfleikur.
46. mín
Seinni hálfleikur farinn af stað.
47. mín
Ef leikurinn endar svona þá eru bæði lið örugg þar sem Stjarnan er að vinna Fram 3-0 í sínum leik.
50. mín
Jón Ingason með fína aukaspyrnu en Sandqvist ver.
54. mín
Úffff þetta leit mjög illa út! Matt Garner er illa fótbrotinn eftir samstuð við Hörð Sveinsson.
55. mín
Verið er að hlúa að honum en þetta lítur ekki vel út, alls ekki! Mun ekki spila næstu mánuðina, ef hann mun þá spila aftur!
60. mín
Matt liggur ennþá og þeir eru fjölmargir sem stumra yfir honum þessa stundina. Leikmennirnir eru allir í einum hóp nokkru frá og halda ýmist um höfuð sér eða ræða saman sín á milli.
63. mín
Fólk er farið að furða sig á því hvað sjúkrabíllinn er lengi á leiðinni því það er klárt mál að Garner er ekki að fara neitt annað heldur en upp á spítala.
66. mín
Matt er búinn að liggja þarna í korter eða svo og allir tiltækir menn eru á staðnum að hlúa að honum meðal annars sjúkraþjálfarar Keflvaíkur.
67. mín
Morfínsprauturnar eru komnar á loft.
70. mín
Leikmennirnir eru búnir að vera að halda á sér hita með venjulegri upphitun og eru farnir að senda boltann sín á milli.
71. mín
Kona Matts er kominn inn á völlinn. Það er skammt stórra högga á milli hjá fjölskyldunni en þriggja ára dóttir hans lenti í slysi í sundlauginni í Eyjum fyrir ekki svo löngu síðan.
73. mín
20 mínútna hlé er komið á leikinn vegna þessa atviks.
80. mín
Inn:Andri Ólafsson (ÍBV) Út:Matt Garner (ÍBV)
Leikurinn getur loks haldið áfram eftir 25 mínútna hlé. Garner getur að ðsjálfsögðu ekki haldið leik afram og er Andri Ólafsson kominn inn á í hans stað.
86. mín
Bjarni Gunnarsson og Jonas Sandqvist lenda í samstuði og liggja þeir báðir eftir.
87. mín
Þeir eru báðir staðnir upp.
90. mín
Inn:Jökull I Elísabetarson (ÍBV) Út:Ian David Jeffs (ÍBV)
92. mín
90 mínútur eru komnar á klukkuna en ég hef það á tilfinningunni að uppbótartíminn verði ansi langur. Þá þykir mér ekki ólíklegt að hér sé um met að ræða.
94. mín
ÍBV fær aukaspyrnu á hættulegum stað eftir að Bojan braut af sér.
95. mín
Leik Stjörnunnar og Fram var að ljúka með 4-0 sigri Stjörnunnar og ÍBV er því öruggt með sæti sitt í Pepsi-deildinni að ári. Keflavík þarf hinsvegar að halda út og klára þennan leik.
101. mín
Sigurbergur Elíasson liggur í jörðinni. Það eru allir að meiðast í þessum leik.
103. mín
Inn:Isak Nylén (ÍBV) Út:Bjarni Gunnarsson (ÍBV)
103. mín
Inn:Fannar Orri Sævarsson (Keflavík) Út:Sigurbergur Elísson (Keflavík)
105. mín
Isak kemur vel inn í þetta. Fær boltann fyrir utan teig, snýr á einn Keflviking og skýtur í átt að marki en skotið er rétt yfir.
106. mín Gult spjald: Gunnar Þorsteinsson (ÍBV)
Gunnar fer í svörtu bókina eftir tæklingu á Bojan.
108. mín MARK!
Frans Elvarsson (Keflavík)
Frans Elvarsson kemur Keflavík í 2-0 og er að tryggja sæti þeirra í Pepsi-deildinni! Fær boltann í svæði fyrir utan teig og hnitmiðað skot hans endar í fjærhorninu. Aftur óverjandi fyrir Guðjón Orra.
114. mín
Inn:Aron Rúnarsson Heiðdal (Keflavík) Út:Elías Már Ómarsson (Keflavík)
Markaskorarinn Elías Már fer af velli.
Leik lokið!
Þorvaldur Árnason flautar leikinn af. Bæði lið eru örugg með sæti sitt í efstu deild með þessum úrslitum.
Byrjunarlið:
Haraldur Freyr Guðmundsson
Sigurbergur Elísson ('103)
6. Sindri Snær Magnússon
10. Hörður Sveinsson
11. Bojan Stefán Ljubicic
13. Unnar Már Unnarsson
20. Magnús Þórir Matthíasson
25. Frans Elvarsson

Varamenn:
2. Anton Freyr Hauksson
22. Leonard Sigurðsson
29. Fannar Orri Sævarsson ('103)

Liðsstjórn:
Hilmar Þór Hilmarsson

Gul spjöld:
Magnús Þórir Matthíasson ('45)

Rauð spjöld: