"Það vantar alla bestu kallana í þetta lið!" segir Hjörtur Hjartarson í Meistaramörkunum á Stöð 2 Sport. Er að tala um Man City sem er án Aguero, Yaya Toure og Vincent Kompany svo einhverjir séu nefndir.

Byrjunarliðin í aðalleiknum eru komin inn hér til hliðar. Ef þú sérð þau ekki þá er um að gera að ýta á Refresh eða F5 á lyklaborðinu. Hægt að velta fyrir sér kostum á varamannabekkjum liðanna.

Styttist í flaut...
Þegar Manchester City tók á móti Roma í september enduðu leikar 1-1. Totti skoraði mark Roma. Dómari í kvöld er Serbinn Milorad Mazic.

Byrjunarlið Manchester City:
Hvorki Silva né Kompany í byrjunarliði Manchester City sem mætir Roma í úrslitaleik. Silva á bekknum. Þá er Aguero meiddur eins og við höfðum greint frá og Yaya Toure í banni.

Hart, Zabaleta, Demichelis, Mangala, Clichy, Fernandinho, Fernando, Navas, Nasri, Milner, Dzeko.

Stjörnum prýtt lið Bayern
Bayern München er ekkert að leika sér þó liðið sé löngu búið að tryggja sér sigur í sínum riðli. Liðið mætir CSKA Moskvu. CSKA kemst áfram ef það vinnur Bayern og Roma vinnur ekki Man City. Ef CSKA og City vinna bæði kemst CSKA áfram á betri innbyrðis úrslitum.

Neuer; Rafinha, Boateng, Dante, Bernat; Schweinsteiger, Rode, Ribéry, Götze, Müller; Lewandowski.

Kolbeinn á meiðslalistanum
Kolbeinn Sigþórsson er meiddur og spilar ekki með Ajax gegn APOEL frá Nikósíu. Ajax spilar úrslitaleik um Evrópudeildarsætið við Kýpverjana og dugir jafntefli.

Costa í fremstu víglínu Chelsea
Chelsea er búið að vinna sinn riðil og leikur upp á stoltið gegn Sporting á Stamford Bridge. Diego Costa byrjar eins og Jose Mourinho opinberaði á fréttamannafundi í gær en John Terry, Eden Hazard og Willian eru allir hvíldir.

Cech; Azpilicueta, Zouma, Cahill, Filipe Luis; Mikel, Matic; Schurrle, Fabregas, Salah; Diego Costa.

De Rossi á bekknum hjá Roma
Afar áhugavert að Seydou Keita er í byrjunarliði Roma meðan Daniele De Rossi, prinsinn hjá Roma, vermir varamannabekkinn. Kóngurinn Francesco Totti er þó að sjálfsögðu í byrjunarliðinu.

De Sanctis; Maicon, Manolas, Yanga-M'Biwa, Holebas; Pjanic, Keita, Nainggolan; Gervinho, Totti, Ljajic.

Afar sterkt byrjunarlið Barcelona...
Var við einhverju öðru að búast?

Ter Stegen; Pedro, Piqué, Battra, Mathieu; Busquets, Mascherano, Iniesta; Messi, Suárez, Neymar.

Byrjunarlið PSG komið:
Barcelona og PSG að leika úrslitaleik um efsta sætið í sínum riðli. PSG dugir jafntefli en franska liðið hefur opinberað byrjunarlið sitt. Leikurinn er sýndur í opinni dagskrá á Stöð 2 Sport 3.

Sirigu; Van der Wiel, David Luiz, Thiago Silva, Maxwell; Thiago Motta, Verratti, Matuidi; Lucas, Ibrahimovic, Cavani.

Gott fyrir Man Utd að City komist áfram?
Sögusagnir sem segja að Roma sé tilbúið að selja hollenska landsliðsmanninn Kevin Strootman til Manchester United í janúarglugganum ef ítalska liðið kemst ekki áfram í Meistaradeildinni. Heldur Louis van Gaal með City í kvöld?

Við minnum á kassamerkið #fotboltinet á Twitter og þá hvetjum við fólk til að hita sig upp með því að skoða hvernig Kristján Guðmunds spáir leikjum kvöldsins!

Heilir og sælir aftur lesendur góðir. Það er komið að seinna kvöldinu í lokaumferð riðlakeppninnar. Byrjum á því að fara yfir hvað getur gerst í leikjum kvöldsins sem allir hefjast 19:45.

Það er góð flækja í E-riðlinum og þar sem aðalleikur okkar er í þeim riðli förum við sérstaklega yfir stöðuna þar.

E-riðill:
Bayern München - CSKA Moskva
Roma - Manchester City

Svakalegur leikur framundan á Ítalíu. City kemst áfram ef það vinnur Roma svo lengi sem CSKA vinnur ekki Bæjara. Marka-jafntefli gegn Roma dugar City einnig svo lengi sem Bayern vinnur CSKA.

Roma kemst örugglega áfram með sigri. Markalaust jafntefli dugar Roma ef CSKA tapar gegn Bayern. Jafntefli dugar Roma ef CSKA gerir jafntefli vegna innbyrðis viðureigna.

CSKA Moskva kemst áfram með sigri gegn Bayern (sem er búið að vinna riðilinn) og Roma vinnur ekki City. Ef CSKA og City vinna bæði kemst CSKA áfram á betri innbyrðis úrslitum.

Staðan í riðlinum:
Bayern München 12 stig
Man City 5 stig
Roma 5 stig
CSKA Moskva 5 stig

F-riðill:
Ajax - APOEL
Barcelona - Paris Saint Germain

Barcelona og PSG eru komin áfram en berjast um toppsætið. Jafntefli dugar PSG til að ná því.

G-riðill:
Chelsea - Sporting
Maribor - Schalke 04

Chelsea er búið að vinna riðilinn. Sporting er með tveggja stiga forystu á Schalke fyrir lokaumferðina og þarf stig gegn Chelsea til að komast áfram þar sem það er með betri úrslit í innbyrðis viðureignum gegn Schalke. Þýska liðið þarf því sigur og treysta á tap Sporting.

H-riðill:
Athletic Bilbao - BATE Borisov
FC Porto - Shakhtar Donetsk

Lítil spenna hér svo við munum ekki fylgjast grannt með gangi mála. Porto er búið að vinna riðilinn og Shaktar hefur tryggt sér annað sætið.