Malen, Maguire, Rashford, Greenwood, Yoro, Eriksen og fleiri góðir í slúðri dagsins
Breiðablik
2
2
KR
Höskuldur Gunnlaugsson '10 1-0
1-1 Óskar Örn Hauksson '45
1-2 Sören Frederiksen '70
Guðjón Pétur Lýðsson '71 2-2
11.05.2015  -  19:15
Kópavogsvöllur
Pepsi-deild karla 2015
Aðstæður: Völlur ágætur - Veður gott
Dómari: Valgeir Valgeirsson
Áhorfendur: 1945
Maður leiksins: Sören Fredriksen
Byrjunarlið:
Gunnleifur Gunnleifsson
Höskuldur Gunnlaugsson
4. Damir Muminovic
5. Elfar Freyr Helgason
5. Arnór Sveinn Aðalsteinsson
15. Davíð Kristján Ólafsson ('87)
19. Kristinn Jónsson
19. Gunnlaugur Hlynur Birgisson
22. Ellert Hreinsson ('61)
30. Andri Rafn Yeoman
45. Guðjón Pétur Lýðsson

Varamenn:
24. Aron Snær Friðriksson (m)
9. Ismar Tandir ('61)
13. Sólon Breki Leifsson
21. Guðmundur Friðriksson
21. Viktor Örn Margeirsson

Liðsstjórn:
Olgeir Sigurgeirsson

Gul spjöld:
Damir Muminovic ('65)
Guðjón Pétur Lýðsson ('85)

Rauð spjöld:
Leik lokið!
Leik lokið hér í kvöld, skýrsla og viðtöl væntanleg á síðuna.
90. mín
VÁÁÁ Kristinn Jónsson setur boltann fyrir en Gunnar Þór rétt kemst í boltann áður en Olgeir potar honum yfir línuna! Horn sem ekkert kemur upp úr.
88. mín
KR skorar en Valgeir flautar og markið ekki gilt. Hér sá enginn hvað gerðist. En KR-ingar kvarta ekki mikið.
87. mín
Inn:Olgeir Sigurgeirsson (Breiðablik) Út:Davíð Kristján Ólafsson (Breiðablik)
87. mín
Inn:Almarr Ormarsson (KR) Út:Sören Frederiksen (KR)
87. mín
KR með alvöru sókn, Þorsteinn setur hann á Óskar sem að skýtur en Gulli ver vel!
85. mín Gult spjald: Guðjón Pétur Lýðsson (Breiðablik)
Alveg eins brot og hjá Balbi.
84. mín Gult spjald: Gonzalo Balbi Lorenzo (KR)
Professional foul frá Balbi. Braut á Kidda Jóns.
81. mín
Guðjón Pétur setur boltann yfir úr aukaspyrnunni.
80. mín
Blikar fá hornspyrnu. Guðjón Pétur snýr boltann fyrir markið en KR skalla boltann beint á Guðjón aftur sem er svo klipptur niður af Skúla Jón rétt fyrir utan teig.
78. mín
Inn:Þorsteinn Már Ragnarsson (KR) Út:Gary Martin (KR)
Gary fann sig ekki alveg í dag.
75. mín
Þvílíkar mínútur og nú skiptast liðin á því að sækja. Ég lofaði mörkum og það koma mörk. Það verður sigurmark hér, ég er viss.
71. mín MARK!
Guðjón Pétur Lýðsson (Breiðablik)
HVAÐ ER AÐ GERAST HÉRNA??? BLIKAR BRUNA FRAM OG SKORA STRAX!! Guðjón Pétur með hörkuskot af 25 metra færi sem Stefán Logi ver inn. Stefán hefði klárlega getað gert betur.
70. mín MARK!
Sören Frederiksen (KR)
Stoðsending: Gonzalo Balbi Lorenzo
MAAAAARK!!
Frábær skyndisókn hjá KR. Balbi þaut upp hægra megin, sendir hann innfyrir á Sören sem renndi boltanum framhjá Gulla í markinu. Vel gert! Það verður þó að setja spurningamerki við varnarleik Blika í þessu marki, mjöf fáliðaðir til baka.
69. mín
Gary setur hann vel innfyrir á Óskar sem er ranglega flaggaður rangstæður! Óskar brjálaður...
68. mín
VÁÁÁÁÁ!!! Óskar með magnað skot sem að stefndi beint í vinkilinn en Gulli ver þetta frááábærlega! Þvílík varsla og frábært skot!!
65. mín Gult spjald: Damir Muminovic (Breiðablik)
Fyrsta spjald leiksins fær Damir fyrir tæklingu á Gary. Það sást alla leið úr blaðamannastúkunni að Damir tók boltann. Skrítin ákvörðun að spjalda.
65. mín
Liðin skiptast á að sækja án þess að það komi nokkuð úr því. Ég óska eftir marki.
62. mín
Þarna skall hurð nærri hælum hjá Blikum. Óskar með sendingu fyrir á Sören sem skallar boltann rétt framhjá!!!
61. mín
Inn:Ismar Tandir (Breiðablik) Út:Ellert Hreinsson (Breiðablik)
Ismar Tandir kominn inná fyrir meiddan Ellert Hreinsson. Stór og stæðilegur maður hann Ismar.
60. mín
Ellert er á leið útaf, hann er sestur á bekkinn. Blikar því einum færri eins og er.
59. mín
Ellert er staðinn upp og heldur um nefið. Leikurinn kominn í gang.
56. mín
ÚFFF!! Harður árekstur á milli Rasmus og Ellerts, þeir liggja báðir eftir og eru sjúkraþjálfarar beggja liða komnir inná. Rasmus er staðinn upp en Ellert liggur eftir og virðist þjáður. Þeir settu hausana duglega saman þarna.
54. mín
Arnór Sveinn liggur í sínum eigin teig eftir að hafa fengið fast skot Óskars í sig. Virtist fá hann í magann en hann er staðinn upp. En er enn utan vallar.
53. mín
KR-ingar komnir 3 á 3 en Damir tekur eina fullorðins tæklingu í boltann og síðan Óskar Örn og uppsker lófatak úr stúkunni.
52. mín
Mikill atgangur í teig Blika eftir hornspyrnu KR-inga en á endanum hreinsa þeir hann í burtu. KR líklegri þessar fyrstu mínútur í seinni.
49. mín
Blikar fá horn og ungir stuðningsmenn Blika syngja "inn með boltann". En KR hreinsa hornspyrnuna í burtu.
47. mín
KR með flotta sókn. Pálmi sendir á Schoop sem sendir Óskar í gegn. En hann tekur snertingu of mikið og missir hann aðeins of langt frá sér og því er skotið laust. En Gulli ver í horn sem ekkert verður úr.
46. mín
Valgeir Valgeirsson flautar seinni hálfleikinn á. Hér munu koma fleiri mörk, það er loforð.
46. mín
Hálfleikur
KR komnir út á völl en enn láta Blikar bíða eftir sér.
45. mín MARK!
Óskar Örn Hauksson (KR)
MAAAAAARK!!!!
Sören með sendingu fyrir og Arnór Sveinn ætlar að kassa hann niður fyrir Gulla en mjög léleg sending til baka frá Arnóri, Óskar kemst inn í hana og skorar!! Og í þann mund er Blikar taka miðju flautar Valgeir til hálfleiks. KR fengu þarna mark á silfurfati eftir að hafa lítið getað í fyrri hálfleik. Í seinni hálfleik verður fjör!
42. mín
Jæja Blikar fara í fyrstu sókn sína í dágóðan tíma. Spila sig í gegn en Balbi gerir vel og hendir Höskuldi af boltanum en boltinn berst svo á Davíð sem að á misheppnaða sendingu sem stíluð var á Höskuld.
40. mín
Heimamenn eru að verjast vel en hafa ekki fengið að hafa boltann núna í dágóðan tíma. KR eins og freki krakkinn á sparkvellinum og einoka boltann.
36. mín
Blikar spila þétta og góða vörn og eru KR-ingar ekki að finna neinar glufur. Fá þó hornspyrnu sem Gulli grípur.
33. mín
Hér á Kópavogsvelli er sitið í öllum sætum í báðum stúkum. Frábær mæting.
31. mín
Rólegt þessar mínúturnar hér á Kópavogsvelli en KR þó ívið meira með boltann. Rétt í þessu var verið að flagga Gary Martin rangstæðan.

28. mín
Pálmi og Schoop með sitthvort skotið núna á stuttum tíma. KR-ingar færast nær.
26. mín
KR-ingar fá hornspyrnu sem Balbi snýr fyrir markið. Eftir atgang í teignum snýr Pálmi hann fyrir markið þar er Sören hársbreidd frá því að ná til boltans!! Þetta var hættulegt!
23. mín
Óskar Örn með hættulega fyrirgjöf frá vinstri en Damir hreinsar hana úr teignum. KR-ingar eru að vakna til lífsins eftir vægast sagt daprar fyrstu 23 mín.
21. mín
Bödker að vanta æstasti maðurinn á vellinum og lætur Sören heyra það fyrir að fara ekki upp í skallabolta.
20. mín
Davíð Kristján tekur spyrnuna en hún er hættulaus og Stefán Logi leyfir henni að svífa yfir.
18. mín
Höskuldur tekinn niður utan teigs eftir að hafa leikið á 3 KR-inga. Rasmus tekur hann niður en sleppur við spjald, við litla hrifningu Blika á vellinum.
17. mín
Pálmi er utan vallar eins og er. Virðist blæða úr putta miðjumannsins.
16. mín
Óskar Örn Hauksson með svaka tilraun, tekur hann á lofti fyrir utan teig en boltinn fer rétt yfir. Gulli tók sjónvarpsskutlu en snerti boltann ekki. Þetta var nálægt!
10. mín MARK!
Höskuldur Gunnlaugsson (Breiðablik)
Stoðsending: Guðjón Pétur Lýðsson
MAAAAAARK!!!
Bikar fá aukaspyrnu 30 metra frá marki. Guðjón Pétur setur boltann fyrir og þar mætir Höskuldur, minnsti maður vallarins og stangar hann í netið. Einn og óvaldaður. Samba-blikar komnir yfir!!!!
8. mín
Ellert og Kristinn spila fallega á milli sín, Kristinn sendir hann út til hægri á Arnór sem kemur með fyrirgjöf en Skúli Jón skallar hana í burtu.
6. mín
Breiðablik fá aukaspyrnu á álitlegum stað. Úti á hægri vængnum. Kristinn Jónsson setur boltann fyrir en finnur aðeins hendurnar á Stefáni Loga.
4. mín
Fyrsta hornspyrna leiksins er KR-inga. En ekkert kemur upp úr henni.
1. mín
Leikur hafinn
BYRJAÐ!! Blikar byrja með boltann og sækja í átt að Sporthúsinu.
Fyrir leik
Liðin að ganga út á völlinn. Pálmi Rafn og Arnór Sveinn leiða sín lið. KR í sínum svörtu og hvítu búningum. Breiðablik fagurgrænir. Þetta verður veisla hér í dag.
Fyrir leik
60 ára afmæli Kópavogs í dag. Óskum Kópavogsbúum til hamingju með það.
Fyrir leik
Byrjunarliðin farin inn í klefa. Veislan fer að byrja. Ég hvet fólk til þess að drífa sig á völlinn ef að það er á höfuðborgarsvæðinu. Ef ekki þá mæli ég með því að þið fylgist með hér á .net.
Fyrir leik
Þjálfarar liðanna eru mjög flottir í tauinu í kvöld. Bjarni Guðjónsson í svörtum jakkafötum, hvítri skyrtu og með glæsilegt bindi. Arnar Grétarsson er að vinna með ljósara þema, ekki síður glæsilegur.
Fyrir leik
Dómari leiksins er Valgeir Valgeirsson og honum til aðstoðar eru Frosti Viðar Gunnarsson og Björn Valdimarsson. Þeir skokka sömu leið og Arnþór Ari skokkaði hérna áðan.
Fyrir leik
Fólk byrjað að streyma á völlinn. Hálftími í leik, sól og blíða. Gæti ekki verið betra.
Fyrir leik
Blikar mættir út að hita. Hinu megin er aðeins Henrik Bödker mættur út á völl.
Fyrir leik
Hér í blaðamannaherberginu kvarta menn sáran yfir því að "Kópavogsdjúsinn" sé ekki kominn í hús.
Fyrir leik
Gunnleifur fyrstur út að hita. Með bleikt teip upp hálsinn.
Fyrir leik
Byrjunarliðin eru klár, Grétar Sigfinnur fer út hjá KR og inn kemur Gunnar Þór. Hinu megin kemur Guðjón Pétur inn fyrir Arnþór Ara sem er meiddur. Ekkert óvænt þar á ferð.
Fyrir leik
Arnþór Ari skokkar hliðarlína á milli, gengur greinilega ekki heill til skógar. Haltrar þegar að hann stígur í vinstri löppina. Tignarlegur í sólinni.
Fyrir leik
Leikur umferðarinnar. Blikar áttu leik seint í fyrstu umferð og það mun gera gæfumuninn. KR-ingar mæta ferskari til leiks og klára þennan leik 1-2. Arnþór Ari byrjar sína Pepsi deild þarna og skorar markið fyrir Blika. Skúli Jón skorar fyrsta mark KR og svo kemur Atli Sigurjóns inn á, nýtir tækifærið og klárar leikinn. - Þetta segir spámaður umferðarinnar Egill Ploder um leikinn.
Ólíklegt að þetta verði rétt spá hjá kauða, enda er Arnþór Ari meiddur og ekki með í dag.
Fyrir leik
Þessi lið mættust einnig í 2. umferð í fyrra, þá á Samsung-velli Stjörnumanna, og vann KR þann leik 2-1. KR sló Breiðablik líka út úr bikarnum í fyrra með 2-0 sigri á Kópavogsvelli en síðari leikur liðanna í deildinni, á KR-velli, endaði með jafntefli 1-1.
Elvar Geir Magnússon
Fyrir leik
Það er stórleikur framundan hér í Kópavogi! Breiðablik og KR etja kappi í 2. umferð. Blikar gerðu jafntefli við Fylki í 1. umferðinni á meðan KR-ingar töpuðu fyrir FH 1-3.

Byrjum þetta á tölfræði sem fengin er af heimasíðu Breiðabliks:

Breiðablik og KR hafa mæst 79 sinnum í opinberum leikjum frá upphafi. Fyrsti leikur liðanna (A-liða) var í 8-liða úrslitum í Bikarkeppni KSÍ 24. október árið 1970. Leikið var á gamla Melavellinum eftir að KR-ingar mótmæltu að leika á Vallargerðisvellinum. Leiknum lauk með 1-0 sigri KR-inga í leik sem Blikar léku vel.

En alls hafa liðin mæst 79 sinnum frá upphafi og hefur KR vinninginn með 40 sigra á móti 18 sigrum Blika og jafnteflin eru 19.
Elvar Geir Magnússon
Byrjunarlið:
1. Stefán Logi Magnússon (m)
Pálmi Rafn Pálmason
3. Rasmus Christiansen
4. Gonzalo Balbi Lorenzo
6. Gunnar Þór Gunnarsson
7. Skúli Jón Friðgeirsson
7. Gary Martin ('78)
8. Jónas Guðni Sævarsson
19. Sören Frederiksen ('87)
20. Jacob Toppel Schoop
22. Óskar Örn Hauksson (f)

Varamenn:
13. Sindri Snær Jensson (m)
2. Grétar Sigfinnur Sigurðarson
8. Þorsteinn Már Ragnarsson ('78)
11. Almarr Ormarsson ('87)
16. Kristinn Jóhannes Magnússon
18. Aron Bjarki Jósepsson
23. Atli Sigurjónsson

Liðsstjórn:

Gul spjöld:
Gonzalo Balbi Lorenzo ('84)

Rauð spjöld: