Liðin eru mætt út á völl. Allt að verða klárt og fólk streymir í stúkuna. Líf og fjör!

Jæja. Það er nú ekki fjölmennt í stúkunni ennþá en fólk hefur 10 mínútur til að koma sér á völlinn.

Framundan er vonandi hörkuleikur tveggja liða sem vilja vinna sinn fyrsta leik.

Eins og fram hefur komið þá er Kristján Hauksson fjarri góðu gamni hjá Fylki í dag en læknirinn ku vera með flensu.

Það er Rauði Baróninn, Garðar Örn Hinriksson, sem flautar hér í dag en honum til aðstoðar verða þeir Gylfi Már Sigurðsson og Gunnar Helgason.

Það styttist í leikinn og Fylkismenn eru þegar mættir út á völl í upphitun ásamt dómaratríóinu. Eyjamenn eru hinsvegar hvergi sjáanlegir þegar rétt rúmur hálftími er í leik.

Liðin eru tilbúin hér sitthvorum megin við lýsinguna.

Tvær breytingar eru gerðar á liði Fylkis frá 1-1 jafntefli við Fjölni í síðustu umferð. Kristján Hauksson og Davíð Einarsson fara út fyrir þá Daða Ólafsson og Andrés Már Jóhannesson.

Hjá ÍBV eru fjórar breytingar frá 0-2 tapi gegn Stjörnunni í síðasta leik.Hafsteinn Briem, Aron Bjarnason, Benedikt Októ Bjarnason og Ian Jeffs koma inn.

Út fara Jón Ingason, Gauti Þorvarðarson, Devon Már Griffin og Andri Ólafsson fyrirliði liðsins sem er ekki í hóp og má leiða að því líkum að hann glími við meiðsli.

Þorkell Gunnar Sigurbjörnsson, íþróttafréttamaður RÚV:
Það styttist væntanlega í fyrsta mark eyjamanna í deildinni í ár, enda liðið farið að krækja í framherja. Held þó að Fylkir haldi hreinu í Lautinni og vinni 2-0 sigur. Sá ÍBV gegn Fjölni í 1. umferð og þar átti ÍBV varla færi. Sumarið gæti orðið erfitt fyrir eyjamenn, en held samt að þetta fari allt að koma hjá þeim eftir þennan Fylkisleik.

Fylkir vann báða leiki liðanna í fyrra 3-1. Liðin mættust í Lengjubikarnum í febrúar síðastliðnum og þá vann Fylkir 4-0 sigur.

Síðan sumarið 2009 þegar ÍBV kom aftur upp í efstu deild hafa liðin mæst 12 sinnum í deildinni. ÍBV hefur unnið 6 þeirra, Fylkir 5 og einum hefur lokið með jafntefli. Markatalan er 18-20, ÍBV í vil.

Verið velkomin í beina textalýsingu frá viðureign Fylkis og ÍBV í 3. umferð Pepsi-deildar karla.

Heil umferð er leikin í deildinni í dag og þetta er fyrsti leikur dagsins og hefst 17:00. 19:15 hefjast fjórir leikir, ÍA-Víkingur, Valur-FH, Stjarnan-Leiknir og KR-Fjölnir. Klukkan 20:00 hefst svo sjónvarpsleikur Keflavíkur og Breiðabliks. Allir þessir leikir verða í beinni textalýsingu á forsíðu Fótbolta.net.

Hvorugu liði hefur tekist að sækja sigur í deildinni til þessa. Fylkir gerði 1-1 jafntefli gegn Breiðabliki í fyrstu umferð og sömu úrslit fengu þeir gegn Fjölni í 2. umferð. ÍBV hefur tapað báðum sínum leikjum, 1-0 gegn Fjölni í 1. umferð og 2-0 gegn Stjörnunni í síðasta leik.