Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
1
1
Leiknir R.
Jeppe Hansen '27 1-0
1-1 Hilmar Árni Halldórsson '73 , víti
17.05.2015  -  19:15
Samsung völlurinn
Pepsi-deild karla 2015
Dómari: Ívar Orri Kristjánsson
Áhorfendur: 1.426
Byrjunarlið:
1. Gunnar Nielsen (m)
2. Heiðar Ægisson
2. Brynjar Gauti Guðjónsson
6. Þorri Geir Rúnarsson
8. Halldór Orri Björnsson
8. Pablo Punyed
9. Daníel Laxdal
11. Arnar Már Björgvinsson ('63)
14. Hörður Árnason
17. Ólafur Karl Finsen
19. Jeppe Hansen ('74)

Varamenn:
25. Sveinn Sigurður Jóhannesson (m)
3. Aron Rúnarsson Heiðdal
18. Jón Arnar Barðdal
20. Atli Freyr Ottesen Pálsson
22. Þórhallur Kári Knútsson
27. Garðar Jóhannsson ('63)

Liðsstjórn:
Veigar Páll Gunnarsson

Gul spjöld:
Heiðar Ægisson ('36)
Þorri Geir Rúnarsson ('44)

Rauð spjöld:
Leik lokið!
Skráum þetta sem mjög sanngjörn úrslit!
92. mín
Hornspyrnan slök...
91. mín
Ólafur Karl Finsen með skot! Í varnarmann og framhjá. Horn.
90. mín
Barátta í teignum en ekkert kom úr þessari aukaspyrnu Stjörnunnar. Tvær mínútur í uppbótartíma.
90. mín Gult spjald: Ólafur Hrannar Kristjánsson (Leiknir R.)
Stjarnan á aukaspyrnu úti vinstra megin. Sendingamöguleiki.
89. mín
Þorri Geir með skot beint í fangið á Eyjólfi!
89. mín
Víti??? Stjarnan vill vítaspyrnu. Tók Edvard Börkur Stjörnumann niður? Ekkert dæmt!
88. mín
Boltinn er bara í og við miðjuhringinn núna.
86. mín
Spenna og við stígum þá á bensíngjöfina og fjölgum færslum í lokin. Áhorfendur í kvöld 1.426 og stemningin frábær.
84. mín
Inn:Frymezim Veselaj (Leiknir R.) Út:Atli Arnarson (Leiknir R.)
82. mín
Heiðar Ægisson með marktilraun, naumlega yfir.
79. mín
Stjörnumenn hafa verið ansi langt frá sínu besta í þessum leik og staðan alls ekki óverðskulduð. Garðbæingar í stúkunni hrista hausinn.
78. mín
Hætta eftir hornspyrnu! Daníel Laxdal skóflaði boltanum yfir markið. Hitti hann illa.
74. mín
Inn:Veigar Páll Gunnarsson (Stjarnan) Út:Jeppe Hansen (Stjarnan)
73. mín Mark úr víti!
Hilmar Árni Halldórsson (Leiknir R.)
MAAAARK!!! Afar örugg vítaspyrna hjá Hilmari Árna! Fyrsta markið sem Gunnar Nielsen fær á sig í sumar. Gunnar fór í rangt horn.
73. mín
LEIKNIR FÆR VÍTI! Hendi á Daníel Laxdal! Kolbeinn Kárason skallaði boltann og hann fór í hendina á Daníel.
69. mín
Diddú með skot en hitti ekki rammann.
68. mín
Stjarnan nálægt því að bæta við marki! Garðar Jóhannsson með skalla eftir góða fyrirgjöf Óla Kalla en Eyjólfur náði að blaka yfir slána.
67. mín
Halldór Orri með fína skottilraun af löngu færi en beint á Eyjólf í markinu.
65. mín
Inn:Amath Andre Dansokho Diedhiou (Leiknir R.) Út:Eiríkur Ingi Magnússon (Leiknir R.)
Diddú í sínum fyrsta leik í Pepsi.
63. mín
Inn:Garðar Jóhannsson (Stjarnan) Út:Arnar Már Björgvinsson (Stjarnan)
60. mín
Ólafur Karl Finsen sýnir hraða og leikni, náði skoti á markið en Eyjólfur Tómasson varði vel.
55. mín
Stuðningsmenn Leiknis halda áfram að syngja og tralla. Þagna ekki. Vel gert.

49. mín
Stórhætta við mark Stjörnunnar! Eiríkur Ingi með góða fyrirgjöf og Kolbeinn Kárason fékk færi í teignum en var ekki í nægilega góðu jafnvægi og Stjarnan bjargaði á endanum í horn. Ekkert kom út úr horninu.
46. mín
Seinni hálfleikur er farinn af stað
45. mín
Arnar Már Björgvinsson var eitthvað tæpur fyrir leikinn og hann er fyrstur út úr hálfleiknum.
45. mín
Fomen í bakverðinum hjá Leikni hefur verið kraftmikill og í heildina átt góðan leik. En mistök hans þegar Stjarnan skoraði voru ansi dýrkeypt.
45. mín
Verður fróðlegt að sjá Pepsi-mörkin í kvöld og hvort það hafi verið brot í aðdraganda þess að Leiknir kom boltanum í netið.
45. mín
Hálfleikur
Stjörnumenn með eins marks forystu í hálfleik.
45. mín
Leiknismenn koma boltanum í netið en markið er ekki dæmt gilt! Ívar dómari telur að brotið hafi verið á Gunnari Nielsen í markinu!
45. mín
Inn:Edvard Börkur Óttharsson (Leiknir R.) Út:Óttar Bjarni Guðmundsson (Leiknir R.)
Óttar Bjarni settur á börur og þarf að yfirgefa völlinn eftir samstuð. Áfall fyrir Leikni enda Óttar algjör lykilmaður.
45. mín
Ólafur Karl Finsen var að ógna í teignum áðan en Leiknismenn náðu að komast fyrir skot hans.
44. mín Gult spjald: Þorri Geir Rúnarsson (Stjarnan)
Þorri Geir fær gula spjaldið. Aðstoðardómarinn lét spjalda Þorra eftir að hann braut á Atla.
43. mín
Færin afar fá í Garðabænum. Jeppe Hansen fékk það besta og nýtti það. Gunnar Nielsen grípur alla bolta sem koma inn í teig Stjörnunnar.
39. mín
Vantar herslumuninn í sóknaraðgerðum Leiknis. Leita mjög mikið á Kolbein Kárason.
36. mín Gult spjald: Heiðar Ægisson (Stjarnan)
Mikil barátta milli Heiðars og Fomen. Nú var Fomen á mikilli siglingu en Heiðar sparkaði hann niður.

34. mín
Leiknismenn með aukaspyrnu sem Gunnar Nielsen kýlir frá. Sá færeyski ætlar ekki að fá mark á sig í sumar!
31. mín
Leiknismenn með fína sókn. Hilmar Árni Halldórsson renndi boltanum á Kolbein Kárason sem var við vítateigshornið en hitti boltann illa. Yfir markið.
29. mín
Nú þurfa Leiknismenn að breyta sínum áætlunum. Þeir hafa staðið vaktina vel hingað til og færin í leiknum verið afar fá.
27. mín MARK!
Jeppe Hansen (Stjarnan)
Stoðsending: Heiðar Ægisson
MAAAARK!!! Heiðar Ægisson fór afar illa með Charley Fomen, bakvörð Leiknis, skildi hann eftir í rykinu og gaf fyrir þar sem hinn afar seigi Jeppe Hansen skallaði knöttinn inn!
26. mín
Kolbeinn Kárason að nýta styrk sinn. Stjörnumenn eiga erfitt með hann. Erfiður viðureignar.
24. mín
Komin tvö mörk í 19:15 leikjunum. KR yfir gegn Fjölni og Víkingar yfir á Skaganum.
23. mín
Ólafur Hrannar heppinn að fá ekki gult spjald. Tók hressilega tæklingu. Tiltal. Ívar dómari haft góð tök í upphafi leiks.
15. mín
Hætta við mark Leiknis. Pablo með fyrirgjöf frá vinstri sem Ólafur Karl Finsen var nálægt að komast í en Eyjólfur Tómasson í marki Leiknis náði að handsama knöttinn.
13. mín
Fyrsta marktilraun Leiknis. Óli Hrannar lét vaða en hitti boltann illa og framhjá. Áhugavert að Óttar Bjarni er skráður sem fyrirliði Leiknis á skýrslu þó Óli sé með bandið!
11. mín
Ekki tíðindamiklar upphafsmínútur. Stjörnumenn meira með boltann en Leiknismenn eru gíraðir og skipulagðir.

5. mín
Það er mikill vindur á vellinum! Það sást vel þegar Þorri Geir átti skot fyrir utan teig eftir aukaspyrnu, hitti boltann illa og hann fór beint upp í loftið en vindurinn hélt honum inni á vellinum.
3. mín
Byrjunarlið Leiknis er nákvæmlega eins og ég reiknaði út. 5-3-2 kerfi eða 3-5-2, allt leikur að tölum. Rosaleg stemning í stúkunni. Stuðningsmenn beggja liða taka lagið!
1. mín
Leikur hafinn
Ívar Orri dómari að drífa sig og byrjar leikinn klukkan 19:12.
Fyrir leik
20 mínútur í leik og stúkan strax að verða þétt setin! Það má búast við fjöri í kvöld. Meðal manna í stuðningsmannasveit Leiknis í kvöld er Brynjar Hlöðversson sem var í byrjunarliðinu fyrstu tvo leikina en hann leikur ljón í kvöld.
Fyrir leik
Líkleg uppstilling Leiknis:
Eyjólfur
Eiríkur - Halldór - Óttar - Gestur - Fomen
Sindri - Hilmar - Atli
Kolli - Óli Hrannar
Fyrir leik
Lið Stjörnunnar:
Gunnar
Heiðar - Daníel - Brynjar - Hörður
Þorri - Halldór - Pablo
Finsen - Hansen - Arnar
Fyrir leik
Spurning er hvernig leikkerfi Leiknir er að fara að spila í kvöld enda tveir vinstri bakverðir í liðinu, Gestur Ingi Harðarson og Charley Fomen. Gestur getur einnig leikið miðvörð og ekki ólíklegt að boðið verði upp á 5-3-2 hjá Leikni í kvöld.
Fyrir leik
Þrjár breytingar á liði Leiknis. Sauðkrækingurinn Atli Arnarson kemur inn í byrjunarliðið og einnig Charley Fomen. Þá kemur fyrirliðinn Ólafur Hrannar Kristjánsson inn í liðið. Brynjar Hlöðversson, Kristján Páll Jónsson og Elvar Páll Sigurðsson meiddir. Diddú er meðal varamanna.
Fyrir leik
Byrjunarliðin hafa verið birt hér til hliðar. Stjarnan teflir fram sama byrjunarliði þriðja leikinn í röð enda engin ástæða til að breyta.
Fyrir leik
Stjörnumenn með nýja vallarklukku eins og fleiri félög fyrir þessa leiktíð. Ansi lagleg klukka hjá þeim Garðbæingum.
Fyrir leik
Stjörnumenn bjóða upp á nýjan vallarþul í kvöld, Davíð Sævarsson. Hann segist vera með afar fjölbreyttan tónlistarsmekk og ætlar að bjóða upp á bland af því besta í kvöld. Hans helsti ótti er að þurfa að bera fram nafn Amath André Diedhiou. Langbest að kalla hann bara Diddú!
Fyrir leik
Þessi lið fóru saman upp úr 2. deildinni 2005 en síðast mættust þau í Íslandsmótsleik í Garðabænum í 1. deild 2008. Stjarnan vann þá 2-1 sigur þar sem Halldór Kristinn Halldórsson, varnarmaður Leiknis, fékk að líta rauða spjaldið en hann verður í eldlínunni í kvöld.
Fyrir leik
Þorkell Gunnar Sigurbjörnsson, íþróttafréttamaður á RÚV:
Stjarnan mun gera það sem þarf til að taka þrjú stig í fyrsta heimaleik tímabilsins. Leiknismenn verða vel skipulagðir og gefa Íslandsmeisturunum ekki tommu eftir, en meistarnir gera nóg til að vinna og ég gæti trúað því að Stjarnan vinni nýliðana með minnsta mun. Ég spái 1-0.
Ég hendi völdum færslum af Twitter inn í þessa lýsingu. Endilega notið kassamerkið #fotboltinet fyrir umræðuna um Pepsi-deildina!
Fyrir leik
Stjarnan átti leikmann umferðarinnar í síðustu umferð. Miðjumaðurinn Þorri Geir Rúnarsson var frábær þegar Stjarnan vann sigur í Vestmannaeyjum. Með því að smella hér má lesa viðtal við þennan unga og öfluga miðjuman.
Fyrir leik
Byrjunarliðin verða tilkynnt klukkutíma fyrir leik. Varnarmiðjumaðurinn Brynjar Hlöðversson fór meiddur af velli þegar Leiknir tapaði fyrir ÍA og er hann ekki með í kvöld samkvæmt okkar upplýsingum. Leiknismenn fá tvo nýja menn inn í hópinn. Senegalski vængmaðurinn Amath André Diedhiou, kallaður Diddú, kemur á láni frá FH og svo er kamerúnski vinstri bakvörðurinn Charley Fomen loks kominn með leikheimild.
Fyrir leik
Það voru smá læti á Twitter í aðdraganda leiksins en ég vona nú að allir geti brosað í kvöld! Það má búast við miklu stuði í stúkunni enda hafa Silfurskeiðin og Leiknisljónin verið öflugust stuðningsmannasveitirnar í fyrstu umferðunum.
Fyrir leik
Góðan og gleðilegan dag! Yngsti dómari Pepsi-deildarinnar, Ívar Orri Kristjánsson, flautar á leik Stjörnunnar og Leiknis klukkan 19:15. Vonandi fáum við hörkuleik! Íslandsmeistararnir er með fullt hús en nýliðarnir hafa þrjú stig og má búast við harðri baráttu í kvöld!
Byrjunarlið:
Óttar Bjarni Guðmundsson ('45)
Eyjólfur Tómasson
Halldór Kristinn Halldórsson
3. Eiríkur Ingi Magnússon ('65)
7. Atli Arnarson ('84)
9. Kolbeinn Kárason
10. Ólafur Hrannar Kristjánsson
21. Hilmar Árni Halldórsson
23. Gestur Ingi Harðarson
30. Charley Roussel Fomen
88. Sindri Björnsson

Varamenn:
1. Arnar Freyr Ólafsson (m)
5. Daði Bærings Halldórsson
5. Edvard Börkur Óttharsson ('45)
16. Frymezim Veselaj ('84)
19. Amath Andre Dansokho Diedhiou ('65)
26. Hrannar Bogi Jónsson
27. Magnús Már Einarsson

Liðsstjórn:

Gul spjöld:
Ólafur Hrannar Kristjánsson ('90)

Rauð spjöld: