Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Valur
2
0
FH
Sigurður Egill Lárusson '59 1-0
Sigurður Egill Lárusson '66 2-0
17.05.2015  -  19:15
Vodafonevöllurinn
Pepsi-deild karla 2015
Aðstæður: Sól, smá gola.
Dómari: Gunnar Jarl Jónsson
Áhorfendur: 1343
Maður leiksins: Sigurður Egill Lárusson
Byrjunarlið:
1. Ingvar Þór Kale (m)
2. Thomas Guldborg Ghristensen
7. Haukur Páll Sigurðsson
9. Patrick Pedersen
10. Kristinn Freyr Sigurðsson
11. Sigurður Egill Lárusson
17. Andri Adolphsson ('66)
19. Baldvin Sturluson ('87)
20. Orri Sigurður Ómarsson
21. Bjarni Ólafur Eiríksson
23. Andri Fannar Stefánsson

Varamenn:
33. Anton Ari Einarsson (m)
3. Iain James Williamson ('87)
4. Einar Karl Ingvarsson
6. Daði Bergsson
8. Kristinn Ingi Halldórsson
14. Haukur Ásberg Hilmarsson
16. Tómas Óli Garðarsson ('66)

Liðsstjórn:

Gul spjöld:
Baldvin Sturluson ('16)
Sigurður Egill Lárusson ('85)

Rauð spjöld:
Leik lokið!
Hver hefði trúað þessu. Valsmenn vinna 2-0 og sækja sinn fyrsta sigur í Pepsi-Deildinni í ár.
93. mín
Síðustu andartök leiksins. Bæði lið bara hætt og úrslitin ráðin.
87. mín
Inn:Iain James Williamson (Valur) Út:Baldvin Sturluson (Valur)
86. mín
Áhorfendatölur á Vodafone-vellinum: 1343.
85. mín Gult spjald: Sigurður Egill Lárusson (Valur)
Fyrir að stöðva sókn FH. Brýtur á Sigurði Gísla.
84. mín
Netið datt út hérna á Vodafone-vellinum. Í millitíðinni björguðu FH-ingar á línu og Patrick Pedersen átti sláarskot. Stefnir allt í fyrsta sigur Vals á íslandsmótinu.
79. mín
Guðmann er kominn inná, haltur, en hann er inná vellinum.
77. mín
Guðmann er kominn utan vallar og fær þar aðhlynningu, lítur ekki vel út. FH búnir með sínar skiptingar.
76. mín
Guðmann Þórisson liggur hér á vellinum eftir samstuð.
75. mín
HVAÐ VAR ÞETTA?????

Atli Viðar virðist vera rangstæður en ekkert flagg á loft, kemst þannig séð einn í gegn en setur boltann laflaust í fangið á Kale, veit ekki alveg hvað Atli hafði hugsað sér að gera þarna.
73. mín
Hornspyrna sem FH á.

Hún fer beint útaf hinu megin.
70. mín
Inn:Atli Viðar Björnsson (FH) Út:Davíð Þór Viðarsson (FH)
Nú er blásið til sóknar.
70. mín
Inn:Sigurður Gísli Snorrason (FH) Út:Kristján Flóki Finnbogason (FH)
Siggi ,,Bond" að koma hér inná fyrir Flóka sem hefur átt slakan leik.
69. mín
Heimir Guðjónsson undirbýr hér tvöfalda skiptingu. Skiljanlega. FH-liðið er út á þekju.
66. mín MARK!
Sigurður Egill Lárusson (Valur)
Stoðsending: Patrick Pedersen
Patrick Pedersen fær allan tíma í heiminum til að snúa með boltann á miðsvæðinu, rennir boltanum á Sigga Lár sem heldur Pétri Viðars frá sér og setur boltann snyrtilega í nærhornið.
66. mín
Inn:Tómas Óli Garðarsson (Valur) Út:Andri Adolphsson (Valur)
Fyrsta skipting Valsmanna, Andri getur verið sáttur við sitt dagsverk.
64. mín
Davíð Þór keyrir hérna inn í Ingvar Kale eftir að hann hafði gripið fyrirgjöf, við litla hrifningu stúkunnar og danans Thomas Guldborg. Ekkert spjald fer á loft.

63. mín
Valur er talsvert betra liðið á vellinum eins og staðan er núna. Nóg eftir hins vegar.
62. mín
Sigurður Egill er ekki hættur, á hér fyrst skot af fjær eftir sendingu af vinstri kanti frá Andra sem Róbert ver.

Sendir svo boltann á Pedersen sem skóflar honum yfir utarlega í teignum.
62. mín
Fun fact: FH-liðið er enn ekki búið að skora mark með Atla Viðar utan vallar.
61. mín
Þetta mark kemur alls ekki gegn gangi leiksins, Valsmenn hafa hreinlega verið betri í seinni hálfleik.
59. mín MARK!
Sigurður Egill Lárusson (Valur)
Stoðsending: Andri Adolphsson
FRÁBÆR sending frá Andra af vinstri kantinum á pönnuna á Sigga Lár sem klárar með sneiðingsskalla í fjærhornið af stuttu færi. Róbert Örn kom engum vörnum við.
57. mín
Ingvar Þór Kale reynir hér fyrir sér sem útileikmaður. Búinn að fara í tvö óþörf úthlaup LENGST fyrir utan teig. Nú fer hann í skallaeinvígi ásamt tveimur samherjum sínum gegn Steven Lennon, sem verður seint talinn hávaxnasti maður vallarins.
56. mín
Ingvar Þór Kale fer hérna í ansi aggresívt skógarúthlaup og hleypur langt út úr teig til að setja boltann í innkast.
55. mín
Inn:Bjarni Þór Viðarsson (FH) Út:Jeremy Serwy (FH)
Fyrsta skipting leiksins.
53. mín
Sóknarþungi Valsmanna eykst. Heimir Guðjóns hefur séð nóg og kallar á Bjarna Þór Viðarsson úr upphitun. Skipting í vændum.
52. mín
BESTA FÆRI LEIKSINS!!

Valsmenn taka aukaspyrnu sem þeir fá á miðsvæðinu mjög snöggt, Baldvin Sturlusson fær hann hægra megin í teignum og setur boltann RÉTT framhjá! Þarna mátti alls ekki miklu muna.
51. mín
Andri dansar með boltann inn í teig og kemur honum út á vinstri kantinn á Bjarna Ólaf sem setur hann á fjærstöngina og enn er það Pedersen sem á skallann, í þetta skiptið beint í krumlurnar á Robba.
48. mín
USS!!!! Siggi Lár með frábæran bolta fyrir beint á kollinn á Pedersen sem skallar boltann í Pétur Viðarsson og þaðan ná FH-ingar að bægja hættunni frá.
47. mín
Hornspyrna sem Valsmenn eiga.
45. mín
Leikurinn er hafinn að nýju, engar breytingar hjá liðunum

45. mín
Hálfleikur. 0-0. Ég væri að ljúga að ykkur ef ég segði að hér væri taumlaus skemmtun.
43. mín
Lítið í gangi núna. Eiginlega bara ekkert.
42. mín
Laflaust skot frá Thomas beint framhjá úr horninu, engin hætta.
41. mín
Úr horninu kemur annað horn.
40. mín
Pedersen með aukaspyrnu af fínu færi í varnarveginn og í horn.
35. mín
Kristinn Freyr með frábæran bolta inn á teiginn sem Pedersen skallar yfir.
34. mín
Böðvar brýtur hér af sér á nokkuð hættulegum stað, ca. 5 metrum fyrir utan teig hægra megin.
32. mín
Þetta er eini leikurinn sem er í gangi núna í Pepsi-deildinni þar sem ekki er komið mark, gaman af því.
29. mín
Kristinn Freyr búinn að vera gífurlega góður fyrsta hálftímann, er að finna félaga sína í fætur og heldur boltanum frábærlega.
27. mín
Hér vilja FH-ingar fá hendi, Serwy virtist setja boltann í hönd Bjarna Ólafs. Erfitt að dæma úr stúkunni.
22. mín
Aukaspyrna frá Kristni Frey sem Haukur Páll skallar yfir markið.
21. mín Gult spjald: Pétur Viðarsson (FH)
Stoppar sókn í fæðingu.
21. mín
Mjög laust skot frá Atla Guðna vinstra megin í vítateignum sem Kale tekst á ótrúlegan hátt að missa frá sér, en sem betur fer var enginn nálægt og Kale stökk á hann aftur.
16. mín Gult spjald: Baldvin Sturluson (Valur)
Fyrir að toga Atla Guðna niður á vinstri vængnum.
16. mín
Kristján Flóki er við það að sleppa hér einn í gegn, Kale hikar og ákveður að fara ekki út á móti, en skotið frá Flóka slappt og beint á Kale.
14. mín
Valsmenn virka bara nokkuð sprækir hérna í upphafi leiks. Sækja mikið upp vængina, Sigurður hér með fyrirgjöf sem Pétur Viðars getur ekkert annað gert við en að skalla í horn.

Úr horninu kemur annað horn.
13. mín
Ekkert verður úr horninu.
12. mín
Haukur Páll berst hér eins og ljón á miðjunni og vinnur hvern 50/50 boltann á fætur öðrum, það skilar því að Pedersen kemst í færi einn á einn við Robba í marki FH en Róbert gerir vel og ver í horn.
9. mín
Enn sækja FH-ingar, Atli Guðna með skot af stuttu færi vinstra megin í markteignum, en af varnarmanni Vals og útaf. Horn.

Hornspyrnan frá Serwy slakari en hornspyrnan frá Aspas hér um árið.
9. mín
FH-ingar geysast strax í sókn, Davíð Þór með fína sendingu innfyrir á Flóka, en fyrsta snertingin ekki góð og boltinn útaf.
8. mín
ÚFF Andri Adolphsson með skot RÉTT framhjá af stuttu færi. Róbert hreyfði hvorki legg né lið í markinu, hætta á ferðum.
3. mín
Fyrstu hættulegu sókn leiksins eiga FH-ingar. Steven Lennon með fína fyrirgjöf frá hægri, Kristján Flóki nær ekki til boltans en Atli Guðna á skalla sem fer hátt yfir.
2. mín
FH-ingar sækja í átt að Keiluhöllinni og með örlítinn vind í bakið á meðan Valur sækja í áttina að miðbænum. Hér blæs örlítið, spurning hvort það nýtist þeim hvítklæddu.
1. mín
Leikurinn er hafinn gott fólk!
Fyrir leik
Nú ganga leikmenn inn á völlinn. Með flautuna í dag er enginn annar en Gunnar Jarl Jónsson, einn besti dómari íslandsmótsins síðastliðin þrjú ár. Spennan magnast.
Fyrir leik
Korter í leik og menn allir að veðrast upp. Flestir í fjölmiðlastúkunni virðast vera sammála um að við fáum að sjá FH sigur hér í kvöld. Það má þó ekki gleyma því að leikurinn byrjar 0-0 og bæði lið með jafn marga leikmenn inná vellinum. Allt getur gerst.
Fyrir leik
Líklegt byrjunarlið Vals.

Fyrir leik
Líklegt byrjunarlið FH.

Fyrir leik
Fyrsta lag sem fer í spilun hér á Vodafone-vellinum er lagið ,,Þú vilt ganga þinn veg" með Einari áttavillta. Það vekur upp mikla hrifningu hjá Bjössa aðstoðarþjálfara.
Fyrir leik
Nóg um að vera á Hlíðarenda þó leikurinn sé ekki byrjaður. Í íþróttasalnum leika leikmenn FH sér í körfubolta og á grasvellinum er meistaraflokkur kvenna hjá Val á æfingu.
Fyrir leik
Bjössi Hreiðars. mættur út á völl að gera upphitun klára fyrir Valsmenn. Löngu búið að stilla upp hjá FH-ingum.
Fyrir leik
Byrjunarliðin dottin inn, ekkert nýtt að frétta. Þjálfararnir halda sig við sömu lið og í síðasta leik.
Fyrir leik
Guðmundur Steinarsson, sérfræðingur Fótbolta.net:
FH-liðið mallar eins og gömul vél. Þeir virðast gefa aðeins í ef þetta er ekki klárt fyrir lokakaflann. Þeir þekkja þetta og eru ekkert að stressa sig þó þeir séu ekki að rúlla upp leikjum. Það er rosalega þægilegt að tippa á FH.
Elvar Geir Magnússon
Fyrir leik
Þorkell Gunnar Sigurbjörnsson spáir 0-3:
Valsmenn hafa fínt lið og hafa spilað einn góðan hálfleik það sem af er leiktíð. FH hefur einhvern veginn bara gert það sem hefur þurft til að vinna sína leiki og maður hefur haft það á tilfinningunni að þeir gætu unnið leikina með meiri mun ef þeir kærðu sig um. Held þeir muni ekki eiga í nokkrum vandræðum með Valsmenn.
Elvar Geir Magnússon
Fyrir leik
Klukkutíma fyrir leik verða byrjunarliðin opinberuð og verður spennandi að sjá hvort ofurvaramennirnir Bjarni Þór Viðarsson og Atli Viðar Björnsson fái byrjunarliðssæti í kvöld. Reynsluboltinn Matthías Guðmundsson hefur fengið félagaskipti í Val og gæti verið í hópnum í kvöld.
Elvar Geir Magnússon
Fyrir leik
Velkomin með okkur á Vodafone-Hlíðarenda. Valur og FH eigast við hér klukkan 19:15 í 3. umferð Pepsi-deildarinnar. Valsmenn með eitt stig eftir jafntefli gegn Víkingi í síðustu umferð. FH-ingar eru með fullt hús.
Elvar Geir Magnússon
Byrjunarlið:
1. Róbert Örn Óskarsson (m)
Davíð Þór Viðarsson ('70)
4. Pétur Viðarsson
6. Sam Hewson
7. Steven Lennon
11. Atli Guðnason
18. Kristján Flóki Finnbogason ('70)
21. Guðmann Þórisson
21. Böðvar Böðvarsson
22. Jeremy Serwy ('55)
23. Brynjar Ásgeir Guðmundsson

Varamenn:
12. Kristján Finnbogi Finnbogason (m)
16. Jón Ragnar Jónsson
17. Atli Viðar Björnsson ('70)
23. Þórarinn Ingi Valdimarsson
28. Sigurður Gísli Snorrason ('70)

Liðsstjórn:
Samuel Lee Tillen (Þ)
Bjarni Þór Viðarsson

Gul spjöld:
Pétur Viðarsson ('21)

Rauð spjöld: