Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þróttur R.
0
3
Þór/KA
0-1 Lára Einarsdóttir '24
0-2 Sandra María Jessen '64
0-3 Klara Lindberg '65
19.05.2015  -  18:00
Valbjarnarvöllur
Pepsi-deild kvenna 2015
Dómari: Sigurður Ingi Magnússon
Byrjunarlið:
21. Mckenzie Sauerwein (m)
Una Margrét Árnadóttir
6. Gabríela Jónsdóttir
8. Kristrún Rose Rúnarsdóttir
14. Fanney Þorbjörg Guðmundsdóttir
17. Anna Birna Þorvarðardóttir ('62)
19. Jade A. Flory
20. Eva Bergrín Ólafsdóttir ('81)
23. Madison Sarah Solow
27. Harpa Lind Guðnadóttir ('72)
32. Bergrós Lilja Jónsdóttir

Varamenn:
1. Margrét Ingþórsdóttir (m)
4. Sesselja Líf Valgeirsdóttir
7. Sunna Rut Ragnarsdóttir ('72)
9. Sólrún Stefánsdóttir
22. Sigurrós Eir Guðmundsdóttir

Liðsstjórn:
Valgerður Jóhannsdóttir
Þorbjörg Pétursdóttir

Gul spjöld:

Rauð spjöld:
Leik lokið!
Sannfærandi og verðskuldað. Viðtöl koma inn á eftir!
91. mín
Uppbótartími í gangi.
89. mín
Þór/KA nær því að bæta við en Þróttur að minnka muninn.
88. mín
Inn:Sara Skaptadóttir (Þór/KA) Út:Lára Einarsdóttir (Þór/KA)
81. mín
Inn:Þorbjörg Pétursdóttir (Þróttur R.) Út:Eva Bergrín Ólafsdóttir (Þróttur R.)
Síðasta skipting Þróttar.
80. mín
Þór/KA gerði skiptingu en ég veit ekkert hver var að mæta til leiks. Vantar þetta númer á skýrslu. Skýringin væntanlega sú að Þór/KA þurfti að fá varasett Þróttar lánað fyrir þennan leik og öll númer stemma ekki alveg 100%.
78. mín
Framherjinn Klara Lindberg sem skoraði áðan var að opna sinn markareikning fyrir Þór/KA. Kom á láni frá Nittorp í Svíþjóð.
76. mín
Heimakonur aðeins meira með boltann þennan kafla sem nú er í gangi. Þór/KA með allt í öruggum höndum og þær virðast ekki mjög hungraðar í fleiri mörk.
72. mín
Inn:Sunna Rut Ragnarsdóttir (Þróttur R.) Út:Harpa Lind Guðnadóttir (Þróttur R.)
65. mín MARK!
Klara Lindberg (Þór/KA)
MARK! Ætla Þróttarar að leggja árar í bát alveg eins og í síðasta leik? Klara Lindberg skorar laglegt mark, tekur boltann á lofti og vippar yfir markvörð Þróttar og inn. Úrslitin svo gott sem ráðin!
64. mín MARK!
Sandra María Jessen (Þór/KA)
Stoðsending: Sarah M. Miller
MARK! Miller með fyrirgjöf frá hægri og Sandra María Jessen var á fjærstönginni og skoraði! Ég hefði viljað sjá markvörð Þróttar gera betur þarna, hefði átt að hirða knöttinn áður en hann fór til Söndru.
63. mín
Sandra María Jessen tók boltann á lofti og skaut naumlega framhjá! Flott tilraun.
62. mín
Inn:Valgerður Jóhannsdóttir (Þróttur R.) Út:Anna Birna Þorvarðardóttir (Þróttur R.)
Valgerður á greinilega dygga aðdáendur í stúkunni sem hrópa "Vúhú!" þegar hún kemur inná.
60. mín
Klara á fínni siglingu en Bergrós Lilja sýnir flottan varnarleik og nær að stöðva hana.
57. mín
Kristrún Rose þurfti aðhlynningu en er komin út á völlinn á nýjan leik.
52. mín
Gríðarlega hættuleg stungusending og Klara Lindberg, leikmaður Þórs/KA, var slopppin en Mckenzie markvörður Þróttar gerði vel og hirti boltann af tánum á henni! Þarna munaði litlu!
47. mín
STÓRHÆTTA við mark Þórs/KA strax í upphafi seinni hálfleiks. Mikill darraðadans við markteiginn en hættan er liðin hjá. Þróttur fær horn... boltanum sparkað beint afturfyrir.
46. mín
Seinni hálfleikur er farinn af stað - Þór/KA byrjar seinni hálfleik og leikur nú í átt að Ármannsheimilinu.
45. mín
Spanderað í íslenskt þema hjá vallar-plötusnúð Þróttar. Nú eru vallargestir að hossa hossa með AmabAdamA.
45. mín
Hálfleikur
Sanngjörn staða en Þróttur fær vindinn í bakið í seinni hálfleik og spurning hvernig hann mun nýtast.
44. mín
Þróttur aðeins að minna á sig í sóknarleiknum. Solow með sendingu á Flory en Barker í marki Þórs/KA á hárréttum tíma út úr marki sínu og handsamaði knöttinn.
43. mín
Það er kalt í Laugardalnum og boltastelpurnar geta ekki beðið eftir hálfleiknum til að geta hlýjað sér.
42. mín
DAUÐAFÆRI! Klara Lindberg náði að spæna sig í gegn og var komin í algjört dauðafæri en skot hennar ekki nægilega kraftmikið og er auðvelt viðureignar fyrir markvörð Þróttar.
36. mín
Þór/KA heldur áfram að reyna að nýta sér vindinn. Hafa átt nokkur skot af löngu færi en öll endað beint í fanginu á Mckenzie.
33. mín
Síðustu mínútur einkennst af miðjubaráttu. Þrótturum gengur ákaflega illa þegar kemur að síðasta vallarþriðjungi. Erfitt að skapa sér.
27. mín
Bæði lið hafa átt sitthvora skottilraunina síðan markið var skorað.
24. mín MARK!
Lára Einarsdóttir (Þór/KA)
MAAARK!!! Akureyrarliðið hefur tekið forystuna. Hafa sótt talsvert meira og þarna nýttu þær svo sannarlega vindinn því Lára Einarsdóttir skoraði beint úr hornspyrnu! Boltinn sveif yfir Mckenzie og hafnaði í fjærhorninu.
18. mín
Þarna kom stórhættuleg sóknarlota Þórs/KA! Heiða Ragney með skot en Fanney Þorbjörg bjargaði nánast á línu, áfram hélt sóknin og endaði með því að Lára Einarsdóttir skaut yfir.
15. mín
Leikurinn fer meira fram á vallarhelmingi Þróttar en gestirnir hafa ekki náð að láta reyna almennilega á Mckenzie í marki heimaliðsins. Vörn Þróttar staðið sig vel hingað til.
12. mín
Það var auðvitað ekki nóg að hafa rok. Nú er byrjað að rigna líka.
11. mín
Antoine van Kasteren, aðstoðardómari 1, er langharðasti gaurinn í dómaratríóinu. Á meðan hinir tveir eru í síðerma og með vettlinga er okkar maður í stuttermatreyju og með skalla.
7. mín
Vindurinn heldur áfram að vera til vandræða. Þór/KA fékk horn en boltinn komst aldrei inn í teiginn því hann fauk afturfyrir.
5. mín
Jade A. Flory, leikmaður Þróttar, veit að fótboltinn snýst um að skemmta áhorfendum. Tók flikk flakk innkast sem fór inn í teig Akureyrarliðsins en boltanum var hreinsað í burtu.
3. mín
Anna Rakel Pétursdóttir með fyrsta skotið í leiknum. Þór/KA leikur með vindi og Kári gleypti einmitt þennan bolta og fleytti honum hátt yfir. Markvörður Þróttar í vandræðum með útspörkin vegna aðstæðna.
1. mín
Leikur hafinn
Þróttur byrjar með boltann. Einmanalegt í fréttamannastúkunni. Fótbolti.net eini fjölmiðillinn sem mannar þennan leik.
Fyrir leik
Leikurinn tefst um nokkrar mínútur þar sem Akureyrarliðið þarf að hafa búningaskipti. Liðið mun leika í varabúningi Þróttar í kvöld.
Fyrir leik
Báðum leikjumum sem hefjast klukkan 18 er lýst beint hjá okkur. Arnar Helgi Magnússon er okkar maður á Selfossi þar sem ÍBV er í heimsókn. Hér má sjá textalýsingu þaðan.
Fyrir leik
Þróttarar eru höfðingjar heim að sækja sem fyrri daginn og eru að grilla eins og enginn sé morgundagurinn. Að sjálfsögðu fékk undirritaður að smakka einn börger og óhætt er að segja að hér sé boðið upp á eina bestu vallarborgarana.
Fyrir leik
Þó karlalið Þróttar sé búið að færa sinn heimavöll á gervigrasið þá eru stelpurnar hlynntari grasinu og leika hér á Valbjarnarvelli. Dómari í kvöld er ungur strákur, Sigurður Ingi Magnússon, en hann hefur gríðarlega reynda aðstoðardómara með sér. Antoine van Kasteren og Snorri Mir halda um flöggin en þeir hafa séð tímana tvenna.
Fyrir leik
Byrjunarliðin má sjá til hliðar en liðsstjóri Þróttar svaf lítillega yfir sig og því kom þeirra skýrsla fremur seint. Liðin eru byrjuð að hita upp og Jóhann Kristinn Gunnarsson, hinn geðþekki þjálfari Þórs/KA, er í kvartbuxum að stilla upp keilum.
Fyrir leik
Það er ágætis vindur og napurt hér í Laugardalnum svo ég hvet fótboltaunnendur til að klæða sig vel og gleyma ekki góða skapinu. Ég er í fínu yfirlæti í fréttamannagámnum góða. Toppmaðurinn Ótthar Edvardsson, framkvæmdastjóri Þróttar, er að gera og græja svo þetta er allt í öruggum höndum.
Fyrir leik
Nýliðar Þróttar fengu 5-0 skell gegn bikarmeisturum Breiðabliks í fyrstu umferðinni. Þar var staðan 2-0 þegar aðeins fjórar mínútur voru eftir af venjulegum leiktíma! Þór/KA gerði 1-1 jafntefli við ÍBV þar sem liðið lék manni færri síðasta hálftímann eftir að Ágústa Kristinsdóttir fékk rauða spjaldið. Ágústa í banni í kvöld.
Fyrir leik
Góðan og gleðilegan dag! Þróttur Reykjavík og Þór/KA mætast í kvöld á Valbjarnarvelli í Pepsi-deild kvenna, 2. umferð. Flestir reikna með því að gestirnir frá Akureyri taki með sér þrjú stig heim norður (með stoppi í Staðarskála) en ég vonast eftir jöfnum og fjörugum leik! Flautað verður til leiks klukkan 18:00.
Byrjunarlið:
1. Roxanne Kimberly Barker (m)
2. Gígja Valgerður Harðardóttir
4. Karen Nóadóttir
6. Kayla June Grimsley
8. Lára Einarsdóttir ('88)
9. Klara Lindberg
10. Sandra María Jessen (f)
10. Anna Rakel Pétursdóttir
17. Sarah M. Miller
21. Lillý Rut Hlynsdóttir
25. Heiða Ragney Viðarsdóttir

Varamenn:
1. Harpa Jóhannsdóttir (m)
3. Sara Skaptadóttir ('88)
16. Oddný Karólína Hafsteinsdóttir
22. Ragnhildur Inga Baldursdóttir

Liðsstjórn:

Gul spjöld:

Rauð spjöld: