Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Fylkir
0
4
Stjarnan
0-1 Ana Victoria Cate '18
0-2 Harpa Þorsteinsdóttir '19
0-3 Harpa Þorsteinsdóttir '36
0-4 Björk Gunnarsdóttir '82
19.05.2015  -  19:15
Fylkisvöllur
Pepsi-deild kvenna 2015
Aðstæður: Blautt, kalt og nokkur hliðarvindur
Dómari: Óli Njáll Ingólfsson
Maður leiksins: Ana Victoria Cate
Byrjunarlið:
1. Eva Ýr Helgadóttir (m)
Tinna Bjarndís Bergþórsdóttir
4. Ólína Guðbjörg Viðarsdóttir
5. Marjani Hing-Glover ('75)
8. Hulda Hrund Arnarsdóttir
10. Ruth Þórðar Þórðardóttir
15. Lovísa Sólveig Erlingsdóttir ('72)
18. Jasmín Erla Ingadóttir ('64)
23. Berglind Björg Þorvaldsdóttir
27. Sandra Sif Magnúsdóttir
28. Selma Sól Magnúsdóttir

Varamenn:
12. Birta Ósk Ómarsdóttir (m)
2. Selja Ósk Snorradóttir ('72)
15. Andrea Katrín Ólafsdóttir
17. Bryndís Hrönn Kristinsdóttir ('75)
22. Lucy Gildein
22. Shu-o Tseng ('64)

Liðsstjórn:
Rakel Jónsdóttir

Gul spjöld:

Rauð spjöld:
Leik lokið!
Óli Njáll flautar til leiksloka. Frábær sigur Stjörnustúlkna í hús! Viðtöl og leikskýrsla á leiðinni.
92. mín
Berglind Björk reynir skot í miðjum snúningi en beint í fangið á Söndru.
92. mín
Ruth Þórðar á slappt skot framhjá marki Stjörnunnar.
90. mín
Óli Njáll er farinn að líta á klukkuna. Uppbótartími ekki gefinn upp.
89. mín
Beverly D. Leon á hinum megin á vellinum afleitt skot framhjá markinu innan úr vítateig Fylkis.
88. mín
Berglind Björk reynir að klóra í bakkann fyrir Árbæinga eftir að komast ein í gegn en skýtur yfir. Hefði hugsanlega getað farið nær og gert þetta auðveldara fyrir sig þarna.
86. mín
Inn:Guðrún Karítas Sigurðardóttir (Stjarnan) Út:Ana Victoria Cate (Stjarnan)
Ana Victoria kemur hér útaf eftir frábæran leik!
85. mín
Tinna Bjarndís á skot að marki sem lítur út fyrir að vera sending frekar en eitthvað annað. Beint í fangið á Söndru.
82. mín MARK!
Björk Gunnarsdóttir (Stjarnan)
MAAARK!
Þetta afmæli er búið! Allir heim!
Björk Gunnars hendir í laglegt mark eftir að hafa komið inn á sem varamaður! Kennslustund í Lautinni og rúmlega það.
79. mín
Inn:Beverly D. Leon (Stjarnan) Út:Rúna Sif Stefánsdóttir (Stjarnan)
Rúna Sif tekin af velli eftir góðan leik af hennar hálfu. 11 mínútur eftir og sigurinn í höfn í augum Ólafs Þórs, þjálfara Stjörnunnar.
77. mín
Úr aukaspyrnunni leggur Adda boltann út á Kristrúnu sem lúrir ein vinstra megin við teiginn. Hún á skot á markið sem er þó eins og æfingabolti fyrir Evu Ýr. Illa útfært hjá Stjörnunni.
76. mín
Stjarnan fær aukaspyrnu á mjög hættulegum stað! Adda stendur yfir boltanum.
75. mín
Inn:Bryndís Hrönn Kristinsdóttir (Fylkir) Út:Marjani Hing-Glover (Fylkir)
Þriðja og síðasta skipting Fylkis. Marjani kemur út eftir að hafa verið ágæt í fyrri hálfleik en lítið sést í þeim seinni.
74. mín
Ana Victoria er hvergi nærri hætt og sleppur inn fyrir vörn Fylkis. Ólína nær þó að koma fæti fyrir skot Önu og Stjarnan uppsker hornspyrnu.
72. mín
Inn:Selja Ósk Snorradóttir (Fylkir) Út:Lovísa Sólveig Erlingsdóttir (Fylkir)
Jörundur Áki leikur hermikráku og gerir hér einnig skiptingu, sína aðra í kvöld. Lovísa Sólveig kemur út eftir bragðdaufan leik fyrir Selju Ósk Snorradóttur.
72. mín
Inn:Björk Gunnarsdóttir (Stjarnan) Út:Sigrún Ella Einarsdóttir (Stjarnan)
Stjarnan gerir hér sína fyrstu skiptingu leiksins. Björk Gunnars kemur inn fyrir Sigrúnu Ellu sem hefur átt ágætis leik á hægri kantinum.
69. mín
Shu-O Tseng hefur blásið ágætis lífi í sóknarlínu Fylkis eftir að hún kom inn á og virðist mjög spræk.
67. mín
Hendi dæmd á Ásgerði Stefaníu og Fylkisstúlkur fá aukaspyrnu. Úr henni reynir Sandra Sif ágætis skot og Sandra Sig, markmaður Stjörnunnar þarf að bakka örlítið í markinu til þess að grípa þennan bolta.
66. mín
Sandra markmaður Stjörnunnar grípur boltann örugglega og kemur boltanum út.
66. mín
Fylkisstúlkur uppskera hornspyrnu eftir skemmtilegt upphlaup upp vinstri kantinn.
64. mín
Inn:Shu-o Tseng (Fylkir) Út:Jasmín Erla Ingadóttir (Fylkir)
Já. Jasmín Erla er sest á bekkinn og Shu-O Tseng er komin í hennar stað í sínum fyrsta leik fyrir Fylki.
61. mín
Úps. Hér verður samstuð á milli samherja! Berglind Björk keyrir óvart inn í Jasmín Erlu sem verður til þess að hún fellur niður og fer útaf. Hún fær aðhlynningu á bekknum og er skipting líklega í vændum.
60. mín
Leikurinn hefur dottið aðeins niður eftir fjöruga byrjun. Hálftími til stefnu - Tekst Fylkisstúlkum hið (nánast) ómögulega eða bæta Stjörnustelpur bara við?
57. mín
Eva Ýr á lélegt útspark sem ratar á Önu Vicoriu. Ana fer í skotið en það er laflaust og beint aftur á Evu. Heppin þarna, Eva Ýr.
56. mín
Frábær tækling Ólínu inni í vítateig Fylkis kemur í veg fyrir að Sigrún Ella, leikmaður Stjörnunnar nái skoti á markið.
55. mín
Sandra Sif á frábæra sendingu inn á Berglindi Björk inni í teignum sem reynir að chest-a boltann inn. Berglind er þó dæmd rangstæð af Gunnari Oddi línudómara.
53. mín
Hornspyrna sem Fylkisstúlkur fá er skölluð út úr teig af varnarmanni Stjörnunnar á nærstönginni.
51. mín
Þarna sluppu Stjörnustelpur svo sannarlega með skrekkinn!
Hulda Hrund á sendingu/skot í þverslánna og Berglind Björk nær frásparkinu sem fer í varnarmann. Boltinn endar svo hjá Shannon Elizabeth sem þarf að sóla sig út úr teignum til að koma boltanum frá!
49. mín
Fylkisstelpunum hefur greinilega verið lesinn pistillinn af Jörundi Áka í hálfleik því þær koma inn í seinni hálfleikinn af miklum eldmóði. Stjarnan heldur þó áfram að spila mjög léttleikandi bolta.
46. mín
Leikurinn er hafinn að nýju!
45. mín
Það er ágætlega mætt hér í lautina. Meðal áhorfenda eru Pablo Punyed, leikmaður karlaliðs Stjörnunnar, Ragna Lóa Stefánsdóttir, fyrrverandi þjálfari Fylkis og Hermann Hreiðarsson, eiginmaður hennar.
45. mín
Heyrst hefur að forráðamenn Stjörnunnar séu að reyna að fá það í gegn að liðið fái #12stig fyrir þessa frábæru frammistöðu hér í fyrri hálfleik. Ég rata út.
45. mín
Hálfleikur
Óli Njáll bætir engu við og blæs til hálfleiks. Stjörnustelpurnar gjörsamlega að rústa hér í kvöld. Fylkisstúlkur nánast ekki mættar til leiks.
Ana Victoria og Harpa með frábæran fyrri hálfleik fyrir Stjörnuna.
45. mín
Shannon á bolta sem ratar upp allan völlinn og Harpa nær næstum því að stela af varnarmönnum Fylkis.
43. mín
Ruth Þórðar á skot yfir markið af löngu færi eftir snúning frá Berglindi Björk. Leikurinn búinn að róast mikið eftir þriðja markið.
36. mín MARK!
Harpa Þorsteinsdóttir (Stjarnan)
Stoðsending: Ana Victoria Cate
MAAAARK!!
Þetta er svo gott sem búið hér í Árbænum! Stjörnustelpurnar spila sig frábærlega í gegn um vörn Fylkisstúlkna á vinstri vængnum. Létt give-and-go hjá Hörpu og Önu og Harpa afgreiðir fagmannlega.
35. mín
Stjarnan er að spila boltanum mjög vel á milli sín. Fylkisstelpur komast lítið í boltann.
31. mín
Berglind Björk fær boltann nokkuð fyrir utan teig og virðist í einskismannslandi. Fylkisstelpur sitja heldur til baka.
30. mín
Anna María gefur hættulegan bolta til baka á Söndru í markinu sem nær þó að koma boltanum frá. Sandra allt annað en sátt við þessar æfingar.
27. mín
Harpa tekur frábæran snúning, leggur boltann upp á Önu Victoríu sem reynir svipaðar listir en ekkert kemur upp úr því. Hefði átt að skjóta. Harpa hins vegar búin að vera svindl í dag.
25. mín
Fylkisstúlkur ná að sækja í nánast fyrsta skipti síðan á 13. mínútu. Berglind Björg fær boltan inni í teig eftir fyrirgjöf, en nær ekki að athafna sig.
24. mín
Þær appelsínugulklæddu virðast langt því frá líklegar og Stjarnan heldur áfram að sækja.
23. mín
Stjarnan á hornspyrnu. Eva Ýr slær boltann burt og Ólína hreinsar svo í kjölfarið.
19. mín MARK!
Harpa Þorsteinsdóttir (Stjarnan)
MAAARK!
Ja hérna hér! Stjörnustelpur skora tvö mörk á jafn mörgum mínútum! Hvað er að gerast??
Harpa vinnur boltann fyrir utan vítateig, leggur boltann snyrtilega í hornið og sólar tvær í leiðinni!
18. mín MARK!
Ana Victoria Cate (Stjarnan)
Stoðsending: Sigrún Ella Einarsdóttir
MAAARK!
Sigrún Ella á sendingu fyrir markið sem Ana Victoria skallar í netið. 0-1 fyrir Stjörnunni!
17. mín
Upp úr horninu kemur nákvæmlega ekki neitt.
17. mín
Harpa Þorsteins reynir skot af löngu færi, boltinn virðist eiga viðkomu í einhverjum leikmanni Fylkis, boltinn dettur niður á þaknetinu og Stjarnan uppsker horn.
16. mín
Sigrún Ella á góðan bolta fyrir á Rúnu Sif en hún nær ekki til boltans.
16. mín
Stjörnustelpurnar eru heldur betur farnar að sækja í sig veðrið eftir að hafa byrjað frekar klaufalega.
13. mín
Hinum megin eru Fylkisstúlkur mættar. Marjani sendir boltann inn fyrir á Berglindi Björgu en hún á erfitt með að ná til boltans.
12. mín
Þarna skall hurð nærri hælum! Rúna Sif á sendingu sem fer undir skó Lovísu Sólveigu, Harpa Þorsteins nær ágætu skoti en boltinn fer rétt yfir markið.
11. mín
Rúna Sif með góða skitpingu yfir til vinstri en Lovísa nær að komast fyrir. Leikurinn frekar jafn til þessa.
9. mín
Lovísa Sólveig tekur aukaspyrnu fyrir aftan miðju sem Adda skallar frá.
7. mín
Fyrsta skot leiksins á Hulda Hrund úr Fylki eftir mikinn misskilning og samskiptaleysi í vörn Stjörnustelpnanna.
5. mín
Jörundur Áki og restin af bekknum hjá Fylki hrekkur upp og vill fá hendi dæmda á Írunni eftir að boltinn hrekkur greinilega upp í hendina. Ekkert dæmt.
4. mín
Ólína tekur versta innkast sem ég hef séð og kastar boltanum bókstaflega beint aftur útaf.
2. mín
Stjarnan fær aukaspyrnu sem Adda setur inn í teig en Rúna Sif nær ekki til boltans.
1. mín
Úr hornspyrnunni fer boltinn útaf vinstra megin í innkast. Engin hætta á ferð.
1. mín
Stjörnustelpur eiga hornspyrnu.
1. mín
Leikur hafinn
Þá erum við komin af stað!
Fyrir leik
Lagið er spilað í þriðja skiptið í röð við mikla hrifningu og góðar undirtektir viðstaddra.
Ég veit hvað þið eruð að hugsa og svarið er já, það er bullandi stemning hér í Árbænum.
Fyrir leik
Nýtt einkennislag Fylkis eftir Björn Braga er hér spilað í annað skiptið í röð.
Fyrir leik
Rúmlega 15 mínútur til leiks. Kanye West í græjunum í Lautinni. Óli Njáll dómari er að hita upp og virðist vera í fanta formi.
Fyrir leik
Jörundur Áki er ekki mikið fyrir að breyta sigurformúlum og og sjáum við því óbreytt byrjunarlið hjá Fylkisstelpunum frá því í síðustu umferð.

Ólafur Þór þjálfari Stjörnunnar gerir hins vegar þrjár skiptingar á liði sínu eftir leikinn við KR. Út fara þær Björk Gunnarsdóttir, Lára Kristín Pedersen og Bryndís Björnsdóttir. Inn koma þær Ásgerður Stefanía Baldursdóttir, Sigrún Ella Einarsdóttir og Anna Björk Kristjánsdóttir.
Fyrir leik
Bæði lið byrjuðu mótið að krafti og komin með 3 stig í hús. Fylkisstúlkur sigruðu Selfyssinga 2-0 hér í Lautinni og Stjörnustelpurnar lögðu nýliða KR 1-0. Við megum því búast við að bæði lið vilji halda áfram á sömu braut og eigum því hörku leik í vændum.
Fyrir leik
Komiði sæl kæru lesendur og verið velkomin með okkur hingað í Lautina. Lið Fylkis og Stjörnunnar eigast hér við í 2. umferð Pepsi-deildar kvenna.
Byrjunarlið:
1. Sandra Sigurðardóttir (m)
Harpa Þorsteinsdóttir
Ana Victoria Cate ('86)
5. Írunn Þorbjörg Aradóttir
5. Shannon Elizabeth Woeller
7. Ásgerður Stefanía Baldursdóttir (f)
9. Kristrún Kristjánsdóttir
9. Sigrún Ella Einarsdóttir ('72)
10. Anna María Baldursdóttir (f)
17. Rúna Sif Stefánsdóttir ('79)
19. Anna Björk Kristjánsdóttir

Varamenn:
1. Berglind Hrund Jónasdóttir
4. Björk Gunnarsdóttir ('72)
11. Guðrún Karítas Sigurðardóttir ('86)
14. Beverly D. Leon ('79)
20. Sigríður Þóra Birgisdóttir
24. Bryndís Björnsdóttir

Liðsstjórn:

Gul spjöld:

Rauð spjöld: