BOLTINN FER TVISVAR Í SLÁNA Á TVEIMUR SEKÚNDUM!!! HÆTTU NÚ ALVEG!!! Frábær sókn hjá Stjörnunni og fyrirgjöf frá Halldóri Orra á Ólaf Karl Finsen! Ólafur Karl skallar boltann í slána og dettur. Varnarmaður Víkings ætlar svo að hreinsa boltann en skýtur í slána!!! Við erum svo sannarlega að fá dramatík en sigurmarkið er ekki enn komið!!

Við erum komin í uppbótartíma! Fáum við að sjá dramatískt sigurmark???

ALGJÖR DAUÐAFÆRI HJÁ VÍKINGI!!! Haukur Baldvinsson er einn á móti Gunnari Nielsen og þarf bara að koma boltanum framhjá honum!! Færeyingurinn ver hins vegar vel frá Hauki, sem átti klárlega að gera betur þarna!!

Þarna munaði litlu!! Víkingar komast í hörku skyndisókn! Haukur Baldvins mætir á sprettinum en er aðeins of lengi að gefa boltann. Varamaðurinn Ívar fær þó boltann á endanum og nær skoti en það fer af varnarmanni og aftur fyrir.

Það fer hver að verða síðastur! Það er afskaplega lítið í gangi hérna og menn þurfa eitthvað extra ef þessi leikur á ekki eftir að enda með jafntefli!

Fín mæting á völlinn í dag! 1270 manns mætt í Víkina og það verður bara að teljast mjög gott. Afar þétt setið og staðið hér.

Stjörnumenn eru búnir að liggja aðeins á Víkingunum undanfarið. Það er samt alveg skelfilegt að sjá hvað það gengur EKKERT upp hjá Ólafi Karli Finsen í dag.

Brynjar Gauti kann að skjóta og gerir það! Ólafsvíkingurinn með þrumuskot fyrir utan teig en rétt yfir markið.

Svosum lítið að frétta færalega séð það sem af er seinni hálfleik. Lítið um dýrðir, menn eru að reyna að spila sig í gegn en það er ekki að ganga. Víkingar hafa verið með algera yfirburði undanfarið þó og eru nánast einráðir á boltanum. Vantar bara að setja punktinn yfir i-ið.

Stjörnumenn brjálaðir og vilja fá hendi!! Stuðningsmennirnir baula á dómarana! Boltinn barst inn í teig frá Arnari Má sem hafði farið ansi illa með Halldór Smára að mér sýndist. Jeppe var mættur í teiginn en lenti undir í baráttu sinni við Milos Zivkovic, en Stjörnumenn vildu meina að sá síðarnefndi hefði fengið boltann í höndina. En ekkert var dæmt!

Davíð Örn Atlason virðist hafa meiðst í baki við að hreinsa boltann í innkast! Hann ætlar þó að harka af sér! Þessi frábæri ungi leikmaður hefur verið að koma mjög sterkur inn í lið Víkings á tímabilinu. Þess má til gamans geta að þegar hann var enn yngri vann hann hjá okkur á Fótbolta.net og stóð sig með prýði! Fínn drengur hann Davíð og gaman að sjá hann koma sterkan inn í Pepsi deildina.

En leiðinlegt!! Arnar Már á einn flottasta sprett sem ég hef séð lengi á Íslandi þar sem hann rýkur af stað frá eigin vítateig, fíflar mann og annan og er svo áður en við vitum af kominn að teig Víkings! Sending hans inn fyrir er hins vegar arfaslök og sóknin búin!

Seinni hálfleikurinn er hafinn í Víkinni! Klukkan að vísu ekki farin af stað en látum það liggja á milli hluta.

Því miður örugglega fyrir marga í Fantasy deild Fótbolta.net og Brammer, þá neyddist ég til að hrifsa fyrra mark Stjörnunnar af Jeppe Hansen í hálfleik. Eftir að hafa rætt við dómarana fékk ég þær fréttir að um sjálfsmark var að ræða og sá óheppni var líklega Alan Lowing.

Ólafur Karl Finsen með skalla í teignum en beint á Denis!

Jahérna hér! Það er spurning hvort að Andri Rúnar hafi verið rangstæður eða ekki. Það var magnað að horfa á þetta. Það var eins og allir héldu að þetta væri rangstaða, vörn Stjörnunnar fraus gjörsamlega. Andri Rúnar nýtti sér það og óð í átt að marki og skoraði í annarri tilraun!

Það er klárt að Stjörnumenn reyndu þarna að beita rangstöðugildru og stigu fram, þannig þeir voru í ansi vondri stöðu ef hún skyldi misheppnast! Ég skal ekki segja hvort þetta var rangstaða eða ekki, þetta var allavega alveg á línunni!

Stjarnan fær aukaspyrnu á stórhættulegum stað við hlið vítateigsins. Arnar Már dælir boltanum inn í teig en Denis í markinu kýlir boltann burt. Boltinn fer þó ekki langt og Stjörnumenn ná skoti en beint á Denis sem heldur boltanum.

Þetta er aðeins dottið niður. Afskaplega lítið að gerast í augnablikinu. Í smá stund var ég farinn að horfa á einhverja krakka leika sér á gervigrasinu við hliðina á. En vonandi fáum við smá meira fjör fyrir leikhlé!

DAUÐAFÆRI hjá Stjörnunni!!! Pablo Punyed með frábæran bolta á kantinn á Arnar Má Björgvinsson sem tekur sprettinn og leggur boltann inn i teig á Ólaf Karl Finsen! Óli Kalli í ævintýralega góðu færi en er of lengi að athafna sig og varnarmaður Víkings kemur í veg fyrir skot hans. Þarna skall hurð nærri hælum!

Haukur Baldvinsson flaggaður rangstæður eftir frábæran háan bolta frá miðjunni! Haukur drap boltann vel í teignum en búið að flagga. Ég er satt best að segja ekki aaaaaaaaalveg sannfærður um að þetta hafi verið réttur dómur! Annars hefur þetta verið frekar rólegt undanfarið. Liðin skiptast á að vera með boltann en Víkingar aðgangsharðari ef eitthvað er. Þeir virðast ekki hafa látið það vera of mikið kjaftshögg að fá á sig þetta furðu mark.

Misvísandi heimildir um það hver skoraði mark Stjörnunnar. Það var örlítið erfitt að sjá í klafsinu í teignum. Einhverjir vilja meina Jeppe Hansen en svo eru einhverjir á því að boltinn hafi farið í Alan Lowing, leikmann Víkings, og þaðan í netið! Við reynum að komast til botns í þessu máli í hálfleik en þangað til gerum við ráð fyrir því að þetta hafi verið Jeppinn!

Víkingar í hörkusókn og hársbreidd frá því að skora en Andri Rúnar nær ekki alveg til boltans! Skömmu síðar eiga þeir skalla sem fer þó beint á Gunnar Nielsen!

Svo sannarlega danskir dagar hérna í Víkinni! Tveir af innfluttum leikmönnum Henrik Bödker búnir að skora! Hörkuspenna og fjör til þessa.

Fyrsta hættulega sókn Stjörnunnar!!! Halldór Orri í fínu færi í teignum en varnarmenn komast fyrir skot hans. Stjörnumenn halda þó boltanum og Arnar Már Björgvinsson rennir honum út á Hörð Árnason sem er mættur í skotið í teignum. Skot hans er hins vegar afar hátt yfir!

Hörkusókn hjá Víkingum, spila sig vel í gegnum Stjörnuna og á endanum berst boltinn á Hauk Baldvins inni í teignum en hann skýtur yfir! Þokkalegasta færi. Víkingarnir eru bara betri fyrsta korterið!

Andri Rúnar Bjarnason er kominn einn í gegn eftir banvæna stungusendingu frá Rolf Toft en aðstoðardómarinn flaggar. Ansi tæpt en líklega rétt! Andri og félagar mótmæla harðlega en dómurinn var ekki dreginn til baka.

Rolf Toft missir boltann út af og stuðningsmenn Stjörnunnar klappa kaldhæðnislega fyrir honum. Eru þeir að biðja hann um að troða öðru marki framan í þá?

Lítið að gerast hjá Stjörnumönnum. Þeir eru meira með boltann en eru alls ekki að ná að spila sig framhjá vörn Víkinga. Gestirnir hafa í raun ekkert komist á síðasta vallarþriðjunginn.

DAUÐAFÆRI HJÁ TOFT!!!!! Daninn var hársbreidd frá því að skora úr dauðafæri af markteig eftir frábæra fyrirgjöf en skot hans fór nokkurn veginn beint á Gunnar Nielsen sem varði með fótunum!! Stórhættulegur sá danski!

Mögnuð byrjun á þessum leik, ég er ennþá í léttu sjokki! Þess má til gamans geta að Rolf Toft var ekki með neitt kjaftæði og fagnaði markinu vel gegn sínum gömlu félögum. Hann hljóp að stuðningsmönnum Stjörnunnar og sussaði á þá. Nei ok síðasta setningin var lygi.

LEIKURINN ER HAFINN! Það er Stjarnan sem byrjar með boltann og sækja gestirnir í átt að Víkings heimilinu. Þeir virðast vera með vindi.