Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
1
0
Keflavík
Þórir Guðjónsson '83 , víti 1-0
20.05.2015  -  19:15
Fjölnisvöllur
Pepsi-deild karla 2015
Aðstæður: Kalt, örlítill mótvindur og úði. Völlurinn er í fínu ástandi.
Dómari: Valgeir Valgeirsson
Áhorfendur: 768
Maður leiksins: Bergsveinn Ólafsson
Byrjunarlið:
12. Þórður Ingason (m)
Ólafur Páll Snorrason ('74)
Gunnar Már Guðmundsson
3. Bergsveinn Ólafsson (f)
3. Daniel Ivanovski
7. Viðar Ari Jónsson
9. Þórir Guðjónsson
10. Aron Sigurðarson ('69)
16. Guðmundur Böðvar Guðjónsson
23. Emil Pálsson
29. Guðmundur Karl Guðmundsson

Varamenn:
7. Birnir Snær Ingason ('69)
13. Anton Freyr Ársælsson
18. Mark Charles Magee ('74)
22. Ragnar Leósson
28. Hans Viktor Guðmundsson
33. Ísak Atli Kristjánsson

Liðsstjórn:
Steinar Örn Gunnarsson

Gul spjöld:
Þórir Guðjónsson ('59)
Bergsveinn Ólafsson ('62)
Mark Charles Magee ('92)

Rauð spjöld:
Leik lokið!
Annar sigur Fjölnismanna staðreynd!
Þriðja tapið í hús hjá Kristjáni Guðmunds og lærisveinum hans í Keflavík.

Skýrsla og viðtöl koma inn innan skamms.
92. mín Gult spjald: Mark Charles Magee (Fjölnir)
91. mín Gult spjald: Einar Orri Einarsson (Keflavík)
Stoppar hraðaupphlaup Fjölnis.
91. mín
Fjölnismenn eiga hraðaupphlaup upp völlinn. Þórir sendir boltann fyrir Mark Macgee sem skýtur framhjá. Hefði átt að klára þetta þar sem Richard var kominn vel út úr marki sínu.
90. mín
Sóknarþungi Keflvíkinga er að aukast þegar líða fer undir lok venjulegs leiktíma.
89. mín
Keflvíkingar fá aukaspyrnu á ágætum stað vinstra megin við teiginn og alveg upp við endalínuna. Herra Fjölnir er þó mættur á sinn stað og skallar í burtu.
88. mín
Bergsveinn tekur aukaspyrnu sem Fjölnismenn eiga langt fyrir utan teig eftir að brotið hafði verið á Emil Páls.
85. mín
Nú fara Keflvíkingar í mikla sókn og Fjölnismenn detta örlítið til baka fyrir vikið.
83. mín Mark úr víti!
Þórir Guðjónsson (Fjölnir)
MAAAARK!!!
Þórir stígur að vítapunktinum öruggur - Sendir Richard Arends í vinstra hornið og leggur hann örugglega í það hægra.
81. mín
VÍTASPYRNA!!!
Þórir Guðjónsson skallar boltann í höndina á Magnúsi Þór og Fjölnir fær víti!
80. mín
Emil Pálsson reynir hér skemmtilega hjólhestaspyrnu sem Magnús Þórir kemst fyrir.
78. mín
Inn:Jóhann Birnir Guðmundsson (Keflavík) Út:Samuel Jimenez Hernandez (Keflavík)
Enn tekur Kristján út leikmann út af sem hafur verið hvað sprækastur af liðsmönnum Keflavíkur. En vonandi fyrir Keflvíkinga er Jóhann Birnir lykillinn að sigri fyrir þá í dag.
74. mín
Inn:Mark Charles Magee (Fjölnir) Út:Ólafur Páll Snorrason (Fjölnir)
Ólafur Páll býr til pláss fyrir Mark Magee á vellinum. Ólafur ekki búinn að eiga neitt spes dag.
72. mín
Kristján Guðmunds biður menn um að rífa sig aftur í gang.
71. mín
Ekki mikið að gerast að svo stöddu.
69. mín
Inn:Birnir Snær Ingason (Fjölnir) Út:Aron Sigurðarson (Fjölnir)
Aron Sig er búinn að vera sprækur í þessum leik en Ágúst Þór kippir honum hér útaf. Inn á fer hinn ungi Birnir Ingason.
65. mín
Inn:Magnús Sverrir Þorsteinsson (Keflavík) Út:Indriði Áki Þorláksson (Keflavík)
Tveir af líflegustu mönnum Keflvíkinga í fyrri hálfleik fá að henda sér á bekkinn.
65. mín
Inn:Daníel Gylfason (Keflavík) Út:Hörður Sveinsson (Keflavík)
65. mín
Tvöföld skipting hjá Keflvíkingum í vændum.
62. mín Gult spjald: Bergsveinn Ólafsson (Fjölnir)
Valgeir lætur Bergsvein loksins sjá gula spjaldið eftir ítrekuð afskipti hans af Bergsveini. Mótmæli Bergsveins við aukaspyrnudómi fylltu mæli Valgeirs.
59. mín Gult spjald: Þórir Guðjónsson (Fjölnir)
Þórir uppsker fyrsta gula spjald leiksins eftir að brjóta á Haraldi Frey fyrirliða Keflvíkinga.
55. mín
Úr hornspyrnunni er brotið á leikmanni Fjölnis vinstra megin við teig Keflvíkinga og heimamenn fá aukaspyrnu. Beint úr aukaspyrnunni reynir Ólafur Páll Snorrason að krulla boltann í netið en skotið er afleitt og langt yfir/framhjá.
54. mín
Tæpt!
Guðmundur Karl á gott hlaup upp vinstri kantinn og leggur boltann fyrir markið. Haraldur Freyr nær að koma fæti í boltann en það heppnast ekki betur en svo að hann er næstum því búinn að skora sjálfsmark. Fjölnir uppsker hornspyrnu.
51. mín
Viðar Ari á hér laglega sendingu fyrir markið sem ratar á Aron Sigurðarsson. Aron gerir vel og skallar boltann í áttina að fjærhorninu en Richard Arends gerir frábærlega og nær að teygja sig í boltann.
48. mín
Þórir Guðjóns á hér ágætis skalla að marki Keflvíkinga en hann er beint á Richard Arends.
46. mín
Þá erum við komin aftur af stað!
45. mín
Hálfleikur
Valgeir Valgeirsson hefur flautað til hálfleiks í baráttumiklum leik hér í Grafarvoginum. Ég get nánast lofað því að við fáum mark í síðari hálfleik.
44. mín
Fjölnismenn sækja hratt eftir útspark frá Þórði. Aron Sig sleppur einn í gegn inni í teig en nær ekki til knattarins. Það gerir Emil Pálsson hins vegar sem flýgur eins og elding upp völlinn, Aroni til aðstoðar. Emil nær að pota fæti í boltann og lenda á Arends í leiðinni. Leikurinn stoppaður í smá en Richard ekki í miklu basli.
42. mín
Boltinn dettur út á Gunnar Má sem tekur skemmtilegan snúning og tekur skotið en það er beint á Richard Arends í marki Keflvíkinga. Í fyrsta skipti sem það reynir eitthvað á Hollendinginn í kvöld.
40. mín
Góð aukaspyrna Hólmars Arnar er varin af Þórði. Vel gert hjá báðum.
38. mín
Aukaspyrna sem Keflavík á mjög hættulegum stað!!!
Bergsveinn og Indriði Áki lenda í samstuði rétt fyrir utan teig Fjölnismanna og Valgeir dæmir aukaspyrnu á Fjölnismanninn.
37. mín
Hólmar Örn tekur aukaspyrnu fyrir framan miðjuhringinn sem ratar á kollinn á Haraldi Frey. Boltinn endar þó í fanginu á Þórði.
35. mín
Varnarlína Fjölnismanna er pínu í bullinu þegar að Indriði Áki nær að senda boltann út á Samuel í snúningnum. Samuel leikur létt á Guðmund Böðvar og nær skotinu en það er beint á Þórð.
33. mín
Fjölnir eiga aukaspyrnu rétt fyrir framan miðju vinstra megin. Ólafur Páll tekur spyrnuna sem ratar inn í teig en Einar Orri kemur knettinum burt.
30. mín
Samskiptaleysi á sér stað í sóknarlínu Keflvíkinga þegar Frans Elvarsson sér ekki Indriða Áka. Frans reynir að stela skallabolta af Indriða en lendir í stað þess kjánalega á honum. Mjög vandræðalegt atvik og er Frans aðeins haltrandi.
29. mín
Bergsveinn er hér tæpur á að fá gult spjald eftir að hafa farið harkalega í skallaeinvígi við Indriða Áka og fær tiltal frá Valgeiri.
25. mín
Samuel Hernandez reynir skot að marki Fjölnis en það er nánast laflaust og allt of létt fyrir Þórð.
24. mín
Kiko Insa er aftur kominn út fyrir völlinn vegna blóðnasa.
23. mín
Keflvíkingar virka mun sprækari hér eftir rúmar 22 mínútur og verða að teljast líklegri aðilinn eins og staðan er núna.
20. mín
Kiko Insa á sendingu í átt að fjærstönginni og er boltinn skallaður útaf af varnarmanni Fjölnis. Úr því kemur horn en úr horninu kemur nix.
18. mín
Boltinn er skallaður út í horn eftir aukaspyrnuna. Ekkert kemur úr því og hleypur Þórir upp völlinn með boltann. Hann reynir að gefa inn á Emil Páls en súkkulaðibitinn er rangstæður.
18. mín
Keflvíkingar eiga aukaspyrnu eftir að Emil Pálsson braut af sér.
17. mín
Eftir ágætt uppspil Keflvíkinga á Hólmar Örn vont skot frekar langt framhjá.
12. mín
Keflvíkingar hafa verið örlítið líflegri hér í byrjun leiks. Samuel Hernandez á hér fyrirgjöf inn á Hörð Sveins en boltinn endar í fanginu á Þórði.
11. mín
Kiko Insa fer niður eftir samstuð við Aron Sigurðarsson og er öskuillur yfir að Valgeir skuli ekki rífa upp spjald.
10. mín
Samuel Hernandez á skot af löngu færi að marki Fjölnis. Skotið er alls ekki galið og fer rétt framhjá markinu.
8. mín
Bergsveinn Ólafsson leikur sér með boltann í öftustu línu til að losa um pressu. Á meðan öskra leikmenn Keflavíkur á samherja sína nær boltanum og biðja um að
5. mín
Fjölnismenn eiga fyrstu hornspyrnu leiksins sem Guðmundur Karl tekur en hún er arfaslök. Kiko Insa er kominn aftur inn á og sparkar burt.
3. mín
Kiko Insa lendir í samstuði við samherja og lætur þerra blóðnasir sínar fyrir utan völl.
2. mín
Engin hætta úr aukaspyrnunni og fer boltinn beint útaf.
2. mín
Guðmundur Karl brýtur hér á Herði Sveinssyni og Keflvíkingar fá fyrstu aukaspyrnu leiksins.
1. mín
Leikur hafinn
Þá erum við komin af stað hér í Grafarvoginum!
Fyrir leik
Liðin ganga hér út á völlinn með kornungum stuðningsmönnum Fjölnis.
Fyrir leik
Það er hins vegar ágætlega kalt hérna í Voginum og óskar undirritaður eftir fingravettlingum.
Fyrir leik
Still D.R.E. hljómar í græjunum hér í G-Town. Lítið annað við hæfi.
Fyrir leik
10 mínútur í leik

Fjölnismenn voru að klára skemmtilegan reitarbolta. Nokkrir komnir í skotæfingar, aðrir í hlaup. Virðast sprækir.

Keflvíkingar æfa hér langar sendingar og markmennirnir hitaðir vel upp af samherjum sínum.
Fyrir leik
Eins og sjá má eru byrjunarliðin komin inn hér til hliðanna.

Þeir Ágúst Þór og Kristján Guðmunds gera tvær breytingar á liðum sínum hvor um sig.

Hjá Fjölni fara tveir út eftir tapið gegn KR. Atli Már Þorbergsson og Ragnar Leósson fara út og Gunnar Már Guðmundsson og Guðmundur Böðvar Guðjónsson fara af bekknum í startholurnar.

Kristján Guðmundsson þjálfari Keflavíkur gerir einnig tvær breytingar á liði sínu eftir jafnteflið gegn Blikum. Þeir Sigurbergur Elísson og Unnar Már Unnarsson fara út og Samuel Jimenez Hernandez og Magnús Þórir Matthíasson koma inn.
Fyrir leik
Kolbeinn Tumi íþróttafréttamaður spáir jafntefli hér í kvöld.

Fjölnir 1 - 1 Keflavík
Keflavík hefur átt erfiða byrjun en sækir eitt stig í Grafarvoginn. Þórir Guðjóns bætir upp fyrir klúðrið á KR-vellinum og skorar mark Fjölnis. Jói B skorar glæsimark með utanfótarsnuddu.
Fyrir leik
Jörundur Áki Sveinsson sérfræðingur Fótbolta.net hefur þetta að segja um leikinn.

Fjölnir-Keflavík: Fjölni vantar markaskorara
Þetta er athyglisverður leikur. Keflavík hefur ekki enn innbyrt sigur og eru sem stendur í fallsæti. Hafa fengið á sig 6 mörk sem er alltof mikið. Hafa spilað ágætlega en ekki verið að fá þau úrslit sem þeir hafa verið að leita eftir. Það hefur líka sitt að segja að Hólmar Örn hefur ekki verið 100% í byrjun móts og fleiri lykilmenn hafa einnig verið frá. Það munar um það hjá Keflavík. Þetta er gríðarlega mikilvægur leikur fyrir Keflavík, verða að fá í það minnsta eitt stig.

Að sama skapi er þetta leikur sem Fjönir verður að vinna. Þeir vilja vinna alla heimaleiki. Töpuðu dýrmætum stigum á móti Fylki, voru nánast með unnin leik í höndunum þar. Eru með flott lið en þurfa að skora meira. Vantar tilfinnanlega markaskorara. Á góðum degi spila þeir flottan fótbolta og halda boltanum vel innan liðsins, en þurfa að klára sóknirnar betur.
Fyrir leik
Fjölnir tapaði síðasta leik sínum gegn KR 2-0 og eins og áður sagði sluppu Keflvíkingar með 1-1 jafntefli gegn Blikum. Við getum því búist við spennandi leik þar sem að bæði lið vilja væntanlega krækja sér í mikilvæg stig.
Fyrir leik
Tímabil heimamanna hefur verið þríréttuð máltíð hingað til. Einn sigur, eitt jafntefli og eitt tap. Það gera 4 stig og situr Fjölnir í 9. sæti deildarinnar.

Keflvíkingar eiga enn eftir að sækja sinn fyrsta sigur eftir að hafa tæknilega séð tapað öllum þremur leikjum tímabilsins hingað til. Bítlaborgararnir voru þó heppnir að sleppa með jafntefli gegn Breiðablik í síðustu umferð þar sem að tvö mörk voru ranglega dæmd af Blikum. Hlutirnir hafa því ekki litið vel út hjá Keflvíkingum hingað til og sitja þeir í 11. sæti deildarinnar með 1 stig.
Fyrir leik
Komiði heilir og sælir kæru lesendur. Hér fer fram bein textalýsing á viðureign Fjölnis og Keflavíkur í 4. umferð Pepsi-deildar karla.
Byrjunarlið:
1. Richard Arends (m)
Haraldur Freyr Guðmundsson
Guðjón Árni Antoníusson
2. Samuel Jimenez Hernandez ('78)
5. Insa Bohigues Fransisco
6. Einar Orri Einarsson
8. Hólmar Örn Rúnarsson (f)
10. Hörður Sveinsson ('65)
20. Magnús Þórir Matthíasson
22. Indriði Áki Þorláksson ('65)
25. Frans Elvarsson

Varamenn:
1. Sindri Kristinn Ólafsson (m)
9. Daníel Gylfason ('65)
11. Magnús Sverrir Þorsteinsson ('65)
11. Bojan Stefán Ljubicic
13. Unnar Már Unnarsson
16. Páll Olgeir Þorsteinsson

Liðsstjórn:
Jóhann Birnir Guðmundsson

Gul spjöld:
Einar Orri Einarsson ('91)

Rauð spjöld: