Omar með fína takta, eitt, tvö skæri en skotið aftur hræðilegt.

Hilmar með fyrstu tilraun sína eftir að hann kom inná. Skotið endaði í innkasti hjá honum. Það gengur bara betur næst. Vonum við.

Omar Koroma með afleitlega tilraun himinhátt yfir markið!

Jeremy Acoff með skot tilraun en beint í fangið á Beiti.

Fyrirgjöf frá Ágústi Frey sem Trausti kýlir í burtu. Eftir liggur Guðmundur Magnússon sem lenti á Trausta, eða Trausti lenti á Guðmund.

Guðmundur stendur þó upp eftir aðhlynningu.

Einar Logi með bjartsýnist tilraun langt fyrir utan teig og langt framhjá.

Hlynur Hauksson með hættulega hornspyrnu sem Beitir slær í burtu af marklínunni.

Sólin er gul, himininn er blár og Hallur Halls fær gult spjald! Kominn með 148 spjöld í 264 leikjum fyrir Þrótt #Hr.Þróttur #iðnaður

— Arnþór Ari Atlason (@Arnthoratla) May 23, 2015

Enn ein aukaspyrna HK-inga í hendurnar á Trausta.

Alexander Veigar hefur átt góðan leik í Þróttaraliðinu í dag.

Nú rétt í þessu tók hann tvö skæri og átti síðan skot yfir markið. Meiddist örlítið í öxlinni við það. Erfið þessi axlarmeiðsli alltaf hreint.

Það er allt að sjóða uppúr.

Endar með því að Axel Kári og Hallur Halls. fá báðir gult spjald.

Guðmundur Atli við það að munda skotfótinn þegar hann fellur í teignum. HK-ingar vilja víti en ekkert dæmt.

Of mikill iðnaður, of lítil gæði hjá HK. Gengur ekki að hafa 3 miðjumenn sem geta ekki spilað boltanum frá sér.

— Ingvi Þór Sæmundsson (@ingvithors) May 23, 2015

Viktor Jónsson kemst í fínt færi en í erfiðri stöðu á hann skot beint á Beit sem ver með fótunum.

Ragnar Pétursson í afbragðsfæri en skýtur boltanum yfir markið.

Alexander Veigar með góðan sendingu yfir á Jeremy Acoff sem leggur boltann fyrir Ragnar sem á skot í fyrsta. En eins og fyrr segir, boltinn rétt yfir markið.

Guðmundur Magnússon í dauðafæri í næstu sókn! Kemst einn á móti Trausta inn í teig en skotið hans afleitt og framhjá fjærstönginni. Þarna þarf að gera betur!

Þróttarar byrja seinni hálfleikinn á tveimur hornspyrnum.

Sú fyrri greip Beitir en seinni skallaði Viktor Jónsson framhjá.

Seinni hálfleikurinn er byrjaður.

Verður að viðurkennast, að það er helvxxx kalt hérna inni í Kórnum. Óþarflega kalt.

Hálfleikur.

Gestirnir úr Laugardalnum eru tveimur mörkum yfir í hálfleik. Þægileg staða sem þeir fara með inn í hálfleikinn.

Þarna voru HK-ingar óheppnir eða hvað sem hægt er að kalla þetta.

Ágúst Freyr með gott skot utan teigs rétt framhjá fjærstönginni.

Úff! Þarna hefðu Þróttarar geta klárað þennan leik endanlega!

Jeremy Acoff komst í dauðafæri, einn gegn Beiti en setti boltann framhjá fjærstönginni.

Það er mikill áhugi fyrir þessum leik, miðað við að það eru fjórir stæltir karlmenn að taka upp leikinn á myndavél.

Jeremy Acoff með góða sendingu innfyrir vörn HK, þar sem Ragnar kom á hlaupinu en náði ekki almennilega til boltans og hann endar því í fanginu á Beiti.

Viktor er kominn inná að ný.

Viktor Jónsson liggur á gervigrasinu. Fór í návígi og þarf aðhlynningu. Virðist eitthvað vankaður.

HK hafa fengið nóg af aukaspyrnum hérna í fyrri hálfleik en alls ekki farið vel með þær. Nú rétt í þessu tók Hörður Magnússon aukaspyrnu frá miðlínunni, beint í fangið á Trausta í markinu.

HK-ingar fá horn en boltinn yfir allan pakkann. Þeir eru aðeins að sækja í sig veðrið, en þó ekki nóg.

Illa farið með aukaspyrnuna, Aron Þórður rúllaði boltanum einhverja 1-2 metra til hliðar og þar átti Jón Gunnar að þruma að marki, en boltinn skoppaði eilítið og Jón Gunnar náði litlum krafti í skotið, og boltinn í fyrsta varnarmann.

Þróttarar hafa verið duglegir að brjóta og nú rétt í þessu braut Ragnar Pétursson klaufalega á Aroni Þórði.

Aukaspyrna rétt fyrir utan vítateiginn.

Guðmundur Atli kemst aftur einn innfyrir en Trausti gerir vel, mætir honum og skot Guðmundar beint í Trausta.

Velkominn til leiks Dion Jeremy Acoff! Leikmaður umferðarinnar á Fótbolta.net í síðustu umferð er mættur til leiks.

Fór illa með Axel Kára nú rétt í þessu, sem endaði með því að Axel Kári datt. Tveir HK-ingar eltu Dion en áttu ekki roð í hann. Hann gaf síðan boltann út í teiginn, þar kom Ragnar Pétursson á ferðinni, en kom með hræðilegt skot sem endaði í innkasti!

Veit ekki hvort var verra, varnarleikur Axels Kára eða skotið hans Ragnars, jú líklega skotið.

Leikurinn í miklu jafnvægi hér fyrstu 10 mínútur leiksins.

Andri Geir með skalla rétt yfir markið eftir hornspyrnu frá Axel Kára.

Þarna munaði litlu.

Guðmundur Atli kom sér í ákjósanlegt færi en fór illa af ráði sínu, tók sér of langan tíma og endaði með því að eiga skot í varnarmann Þróttar og horn.

Væri nú alveg til í að sjá fleiri hérna í Kórnum á þessum leik. Bæði lið byrjað mótið vel og eiga skilið að fá alvöru stuðning frá stuðningsfólki sínu.

Kannski ekki heillandi að mæta í Kórinn, ég veit ekki.

Fyrir leik fengu tveir leikmenn HK viðurkenningar frá félaginu.

Davíð Magnússon hefur leiki 250 meistaraflokksleiki fyrir HK og Beitir Ólafsson 100.

Leikurinn er byrjaður.

Þróttarar leika í dökkbláum búningum og hvítum stuttbuxum.

HK í sínum búningum, hvítri treyju og rauðum stuttbuxum.