Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Valur
3
3
Fjölnir
Bjarni Ólafur Eiríksson '10 1-0
1-1 Aron Sigurðarson '21
1-2 Þórir Guðjónsson '28
Baldvin Sturluson '31 2-2
Patrick Pedersen '34 3-2
3-3 Emil Pálsson '43
25.05.2015  -  19:15
Vodafonevöllurinn
Pepsi-deild karla 2015
Dómari: Þorvaldur Árnason
Áhorfendur: 1045
Maður leiksins: Þórir Guðjónsson (Fjölnir)
Byrjunarlið:
33. Anton Ari Einarsson (m)
2. Thomas Guldborg Ghristensen
4. Einar Karl Ingvarsson
9. Patrick Pedersen
10. Kristinn Freyr Sigurðsson
11. Sigurður Egill Lárusson ('77)
17. Andri Adolphsson ('79)
19. Baldvin Sturluson
20. Orri Sigurður Ómarsson
21. Bjarni Ólafur Eiríksson
23. Andri Fannar Stefánsson

Varamenn:
1. Ingvar Þór Kale (m)
3. Iain James Williamson
6. Daði Bergsson ('79)
8. Kristinn Ingi Halldórsson ('77)
14. Haukur Ásberg Hilmarsson
14. Gunnar Gunnarsson
15. Þórður Steinar Hreiðarsson

Liðsstjórn:

Gul spjöld:
Bjarni Ólafur Eiríksson ('76)

Rauð spjöld:
Leik lokið!
Þvílík flugeldasýning í fyrri hálfleik, en eeeeekkert í gangi í þeim síðari. Viðtöl og skýrsla á leiðinni.
93. mín
HÉR VERÐUR ALLT VITLAUST!!!!!!!! Anton fer út úr markinu og Þóri tekst á einhvern ótrúlegan hátt að skalla boltann framhjá, fólk hélt að boltinn væri inni og byrjaði að fagna.
92. mín
HÉR MÁTTI EKKI MIKLU MUNA AÐ VIÐ FENGJUM AÐ SJÁ SIGURMARK!!

Patrick Pedersen gapandi frír á fjærstönginni en sneiðir boltann framhjá með höfðinu, átti að gera betur þarna.
91. mín Gult spjald: Bergsveinn Ólafsson (Fjölnir)
89. mín
Ótrúlegt að þetta sé að gerast, eftir besta fyrri háflleik mótsins til þessa þá fáum við líka einn versta seinni hálfleik mótsins til þessa. Úff.
84. mín
Skemmtileg skottilraun frá Gumma Bö af ca 35 metra færi. Rétt yfir markið, alls ekki galið!!
82. mín
Þjálfarar beggja liða stappa stálinu í sína menn hér fyrir lokamínúturnar sem verða vafalaust gífurlega spennandi.
79. mín
Inn:Daði Bergsson (Valur) Út:Andri Adolphsson (Valur)
78. mín
Flottur sprettur hjá Andra upp vinstri kantinn, fyrirgjöf, flikk frá Kristni Frey sem fer svo á Einar Karl sem á slakt skot framhjá markinu.
77. mín
Inn:Kristinn Ingi Halldórsson (Valur) Út:Sigurður Egill Lárusson (Valur)
Fyrsta skipting Vals.
76. mín Gult spjald: Bjarni Ólafur Eiríksson (Valur)
Brýtur niður sókn Fjölnismanna.
73. mín
Samanburður fyrri og síðari hálfleiks þessa leiks er svipaður og að klára Shawshank Redemption og færa sig svo yfir í sjónvarpsþættina Kallakaffi, sem sýndir voru á RÚV við dræmar undirtektir. Vonbrigði.
73. mín
Inn:Hans Viktor Guðmundsson (Fjölnir) Út:Daniel Ivanovski (Fjölnir)
Nú má ekkert útaf bregða fyrir Fjölnismenn, þeir klára hér sína síðustu skiptingu.
70. mín
Daniel Ivanonvski biður um skiptingu, virðist vera meiddur í lærinu. Hans Viktor Guðmundsson virðist vera að komast inn á.
69. mín
Inn:Ragnar Leósson (Fjölnir) Út:Guðmundur Karl Guðmundsson (Fjölnir)
Önnur skipting Gústa.
68. mín
Andri Adolphsson gerir hér heiðarlega tilraun til að skjóta boltanum upp á Rúbín.
67. mín
Fín sókn hjá Val, sending af hægri kantinum frá Andra sem fer af Fjölnismanni og útfyrir, horn.

Sem Ivanovski skallar í burtu.
65. mín
Darraðadans í teig Fjölnismanna, boltinn berst síðan til Kristins Freys sem tekur skot sem fer framhjá.

Hinu megin vilja Fjölnismenn svo fá víti þegar Þórir féll eftir samskipti sín við Thomas.
62. mín
Aukaspyrna tekin snöggt hjá Valsmönnum, Einar Karl flengir boltanum upp hægri vænginn á Sigurð Egil, sem lendir í 1 á móti 3 aðstæðu gegn þremur varnarmönnum Fjölnis, Beggi hirðir af honum boltann og hreinsar.
59. mín
Í fyrsta skipti í leiknum er að komast smá ró í hann, spilið farið að hægjast og sóknirnar orðnar færri. Þetta er að gerast í fyrsta skipti á 60 mínútu.
55. mín
Inn:Mark Charles Magee (Fjölnir) Út:Ólafur Páll Snorrason (Fjölnir)
Nei það var aðstoðarþjálfarinn sem var tekinn útaf. Hann hlýtur að vera meiddur.
54. mín
Varnirnar hér ættu að skammast sín, þær svoleiðis galopnast trekk í trekk. Hér fær Viðar skalla sem Anton grípur.
53. mín
Mark Magee að gera sig kláran. Skipting í vændum, myndi skjóta á að Gunnar Már sé að koma útaf.
50. mín
Þórir með skot úr gífurlega þröngu færi vel framhjá.
46. mín
Geir Ólafs skaut kollinum inn í blaðamannastúkuna og fór yfir fyrri hálfleikinn á léttu nótunum, sagðist vera vanur svona leikjum af Bernabeu leikvanginum í Madrid. Spáði fyrir um úrslit leiksins; ,,Þetta fer 8-7 strákar!"

Meistari.
46. mín
Síðari hálfleikur er hafinn.

45. mín
Hálfleikur
Þetta var eiginlega bara nauðsynlegt, ég þarf að ná mér í 2-3 róandi og sturta þeim niður með kaffinu mínu. Meira síðar. Rosalegasti hálfleikur sem ég hef séð í Pepsi deildinni, segi það og skrifa.
43. mín MARK!
Emil Pálsson (Fjölnir)
Stoðsending: Gunnar Már Guðmundsson
Það þarf mjög sennilega að skipta um net í mörkunum á Hlíðarenda í hálfleik, þau eru í svo mikilli bullandi yfirvinnu að það er ekki einu sinni fyndið.

Nú kemur hornspyrna frá Óla Palla, flikk frá Gunna Má á vítapunktinum, Emil Pálsson mætir svo vel og tímanlega á fjær og ýtir honum inn af fjærstönginni.
40. mín
Hér vilja Fjölnismenn fá víti, Viðar Ari ýtir boltanum á undan sér og svo virðist Baldvin keyra inn í hann, Þorvaldur er hins vegar viss í sinni sök og dæmir hornspyrnu.
39. mín
Sigurður Egill með fínustu skot tilraun sem Þórður ver vel yfir markið og í horn sem ekkert kemur úr.
38. mín
Þórir með skot af mjööög stuttu færi en Anton Ari ver glæsilega í marki Vals, hornspyrna!!
35. mín
Reiður lesandi birtist hérna í Lollastúku og heimtaði að Sigurður Egill fengi skráð á sig stoðsendingu í markinu sem Baldvin Sturluson skoraði. Þetta mál verður lagt fyrir nefnd.
34. mín MARK!
Patrick Pedersen (Valur)
ÉG ER ALLUR AÐ TAPA MÉR HÉRNA!!!! ÞVÍLÍKUR GÆÐALEIKUR!!!

Baldvin Sturluson með draumabolta inn á teiginn, Patrick skallar á markið, Þórður ver GLÆSILEGA, en það skiptir ekki máli því Patrick er fyrsti maður í frákastið og tæklar boltann inn.
31. mín MARK!
Baldvin Sturluson (Valur)
MAÐUR FÆR EKKI SEKÚNDU FRIÐ HÉRNA!!!!

Atgangur í teignum og Baldvin potar honum inn af mjög stuttu færi, eitthvað sem segir mér að það komi fleiri mörk í þennan leik, án þess að ég vilji þó vera að jinxa eitthvað.
28. mín MARK!
Þórir Guðjónsson (Fjölnir)
HVAÐ ER AÐ GERAST !!!!!

Ef einhver veit um skóna hjá vörn Valsmanna er hann beðinn um að skila þeim í afgreiðsluna á Vodafone vellinum STRAX.

Þórir fór framhjá fjórum Völsurum eins og að drekka vatn og krullar hann svo í fjærhornið einn á móti markmanni.

24. mín
Mikil grimmd að færast í Fjölnismennina, eru að byrja leikinn almennilega fyrst núna!
21. mín MARK!
Aron Sigurðarson (Fjölnir)
WOOOOOOOOOOOOOWWWWW !!!!!!!!!!!!!!!!!!!!

ÞETTA MARK VAR AF DÝRARI TÝPUNNI. Fast skot vel fyrir utan teig frá Aroni sem syngur í samskeytunum nær. Óverjandi.
20. mín
Sigurður Egill með skemmtilega tilraun vel fyrir utan teig, sér að Doddi stendur nokkuð framarlega, og reynir að setja hann aðeins upp í loftið, en Doddi er fljótur að skila sér og hirðir knöttinn.
18. mín
Hér vilja Valsmenn fá vítaspyrnu, Sigurður Egill fellur í teignum en lítið á þetta held ég.
17. mín
Fjölnismenn taka hornspyrnu. Slök spyrna hjá Óla Palla sem Anton Ari grípur án mikillar fyrirhafnar.
14. mín
Hér ráða Valsmenn algjörlega ferðinni, Sigurður Lár á hér skot úr þröngu færi framhjá markinu.
13. mín
Fjölnismenn í tómu tjóni þarna aftast, missa boltann í tvígang sem verður til þess að Pedersen kemst í ákjósanlega skotstöðu en Bergsveinn bjargar fyrir horn og nær að koma boltanum í innkast.
10. mín MARK!
Bjarni Ólafur Eiríksson (Valur)
Stoðsending: Kristinn Freyr Sigurðsson
BINGÓ VALSMENN KOMNIR YFIR !!!

Eftir atgang í teignum tekst Kristni að renna boltanum út á D-bogann þar sem Bjarni Ólafur er mættur og setur hann þéttingsfastan innanfótar í fjærhornið, glæsilega afgreitt hjá bakverðinum.
10. mín
ÚFF !!! hér má ekki miklu muna, Viðar Örn bjargar á línunni með bakinu eftir skot frá Sigurði Agli.
9. mín
Góð sókn hjá Valsmönnum sem endar á fastri fyrirgjöf frá Baldvini, Emil Páls kemur og neglir boltanum í horn.

6. mín
Þórir gerir vel í að taka boltann með sér af miðjunni og keyrir upp á Orra Sigurð, en Orri gerir vel, stoppar sóknina og setur boltann í Þórð og út fyrir endalínu.
4. mín
Valsmenn sækja með vindi í fyrri hálfleik, gætu þess vegna endað á því að sækja með honum líka í seinni, svo breytileg er áttin hérna á Vodafone-vellinum.
3. mín
Guðmundur Karl sér um að skalla þessa aukaspyrnu í burtu. Oft kallaður Fýsí Kalli. Fýsískur Karl. Sterkur.
2. mín
Aukaspyrna 10metrum fyrir utan teig hægra megin. Einar Karl er kallaður til að taka hana.
2. mín
Valsmenn sækja í átt að Háskólanum á meðan Fjölnismenn verða að láta sér það nægja að sækja í átt að skemmtistaðnum Rúbín í Öskjuhlíð.
1. mín
Leikur hafinn
Partýið byrjað.
Fyrir leik
Nú ómar ,,Valsmenn léttir í lund" á meðan leikmenn liðanna labba inn á völlinn.
Fyrir leik
Nú fer að styttast í þetta, liðin ganga nú í klefa sína og fá smá pepp og vatnssopa áður en haldið er í stríðið.

Maður er að veðrast allur.
Fyrir leik
VÓ!!

Hér var að berast ein stór kveðja, okkar eini sanni Geir Ólafs gekk inn í blaðamannastúkuna og skilaði kveðju til allra knattspyrnuáhugamanna landsins. Sagðist vera virkilega ánægður með hvað deildin var sterk í ár og gat ómögulega spáð fyrir um hvort liðið myndi fara með sigur á hólmi hér í dag. Takið þetta með ykkur á koddann í kvöld.
Fyrir leik
Hér fallast menn í faðma. Emil Páls labbar rakleiðis inn á völlinn og beint í faðm Einars Karls, enda gamlir liðsfélagar.

Stuttu síðar gengur Óli Palli inná völlinn og fær knús frá sínum gamla þjálfara Óla Jóh.

Knús í hús.
Fyrir leik
Byrjunarliðin dottin í hús og eru þau eins og við var að búast.

Tvær breytingar hjá Val.
Ingvar Kale út Anton Ari inn.
Haukur Páll út Einar Karl inn.

Engar breytingar hjá Fjölni.
Fyrir leik
Okkur voru að berast þær fregnir að Ingvar Kale markvörður Vals er veikur, Anton Ari kemur í markið í hans stað. Anton hefur spilað áður í Pepsi deildinni en hann sló Fjalar Þorgeirsson úr marki Valsmanna í fyrra.
Fyrir leik
Ekki er búist við miklum breytingum hjá þeim gulklæddu. Enda afhverju ættu menn að breyta því sem gott er. Gústi Púst er kominn með formúlu sem virkar, skulum þó ekki útiloka meiðsli/veikindi og annað.
Fyrir leik
Nú fara byrjunarlið að detta í hús og verður gaman að sjá hvernig Óli Jóh tæklar fjarveru Hauk Páls fyrirliða Vals sem meiddist í síðasta leik, gert er ráð fyrir því að Iain Williamson eða Einar Karl byrji þennan leik á miðjunni. Gaman væri ef Einar Karl myndi byrja því hann lék einmitt með þeim gulklæddu fyrri hluta tímabils á síðustu leiktíð.
Fyrir leik
Í síðustu umferð unnu Fjölnir sterkan heimasigur á Keflavík, en sá leikur endaði 1-0 og skoraði Þórir Guðjónsson af vítapunktinum.

Valur fóru hins vegar í fýluferð upp í Kópavog þar sem þeir lutu í lægra haldi fyrir Breiðablik, 1-0 í hörkuleik.
Fyrir leik
Valsmenn eru sem stendur í 9.sæti með 4 stig eftir fjóra leiki.

Fjölnismenn hafa byrjað öllu betur og eru í 4.sæti með sjö stig eftir fjóra leiki.

Leikurinn í dag verður vafalaust uppfullur af skemmtun og fjöri, bæði lið vilja vinna og er mikil pressa á að heimamenn fari að skila fleiri stigum í hús.
Fyrir leik
Komiði sæl og verið velkomin í þessa beinu textalýsingu frá leik Vals og Fjölnis í Pepsi deild karla sem fram fer á Vodafone-vellinum.
Byrjunarlið:
12. Þórður Ingason (m)
Ólafur Páll Snorrason ('55)
Gunnar Már Guðmundsson
3. Bergsveinn Ólafsson (f)
3. Daniel Ivanovski ('73)
7. Viðar Ari Jónsson
9. Þórir Guðjónsson
10. Aron Sigurðarson
16. Guðmundur Böðvar Guðjónsson
23. Emil Pálsson
29. Guðmundur Karl Guðmundsson ('69)

Varamenn:
7. Birnir Snær Ingason
13. Anton Freyr Ársælsson
18. Mark Charles Magee ('55)
19. Arnór Eyvar Ólafsson
22. Ragnar Leósson ('69)
28. Hans Viktor Guðmundsson ('73)

Liðsstjórn:
Steinar Örn Gunnarsson

Gul spjöld:
Bergsveinn Ólafsson ('91)

Rauð spjöld: