Malen, Maguire, Rashford, Greenwood, Yoro, Eriksen og fleiri góðir í slúðri dagsins
Haukar
2
1
Fram
0-1 Ernir Bjarnason '40
Björgvin Stefánsson '81 1-1
2-1 Cody Nobles Mizell '92 , sjálfsmark
28.05.2015  -  19:15
Schenkervöllurinn
1. deild karla 2015
Aðstæður: Sólin skín, blæs aðeins en kalt.
Dómari: Leiknir Ágústsson
Byrjunarlið:
1. Terrance William Dieterich (m)
3. Stefnir Stefánsson ('62)
4. Gunnlaugur Fannar Guðmundsson
5. Marteinn Gauti Andrason ('62)
6. Þórður Jón Jóhannesson
13. Andri Fannar Freysson
17. Daníel Snorri Guðlaugsson
22. Björgvin Stefánsson
22. Aron Jóhannsson (f)
22. Alexander Freyr Sindrason (f)
28. Haukur Björnsson ('89)

Varamenn:
1. Magnús Þór Gunnarsson (m)
12. Gunnar Jökull Johns
13. Aran Nganpanya ('62)
16. Birgir Magnús Birgisson
16. Lárus Geir Árelíusson
19. Darri Tryggvason ('89)

Liðsstjórn:

Gul spjöld:

Rauð spjöld:
Leik lokið!
Leik lokið með ótrúlegum sigri Hauka 2-1!

Haukar hafa unnið fyrstu tvo heimaleikina sína en Framarar eru enn í leit af sínum fyrsta sigri í sumar.

Viðtöl og skýrslan koma hér inn í kvöld.
92. mín SJÁLFSMARK!
Cody Nobles Mizell (Fram)
Stoðsending: Darri Tryggvason
Haukar komast yfir í uppbótartíma!!!

Darri Tryggvason nýkominn inná sem varamaður, vinnur baráttuna við Sigurð Kristján á hægri vængnum. Á síðan fyrirgjöf frá endalínunni sem fer í varnarmann Fram og innfyrir línuna.

Ómögulegt að sjá í hvaða varnarmann Fram boltinn fór, svo ég skrái þetta á markmann Fram.
89. mín
Inn:Darri Tryggvason (Haukar) Út:Haukur Björnsson (Haukar)
87. mín
Inn:Einar Bjarni Ómarsson (Fram) Út:Gunnar Helgi Steindórsson (Fram)
86. mín Gult spjald: Tryggvi Sveinn Bjarnason (Fram)
Steig ofan á ristina á Hauk og fær gult spjald.
84. mín
Nú er leikurinn galopinn og bæði lið vilja öll stigin.

Þórður Jón í dauðafæri en skýtur framhjá. Er síðan dæmdur rangstæður, svo markið hefði aldrei staðið hefði hann skorað.
82. mín
Á meðan ég lýsi marki Hauka ver Terrance í marki Hauka og boltinn lekur framhjá fjærstönginni og í horn. Ekkert verður úr horninu.
81. mín
Sókn Hauka virtist vera renna út í sandinn. Zlatko Krickic var í fínni stöðu til að ná skoti á marki, en í stað þess að skjóta lét hann boltann út í teiginn á Aron sem átti skot sem Cody varði. Boltinn fór út í teiginn þar sem Björgvin var fyrstur að boltanum og lagði boltann í netið viðstöðulaust
81. mín MARK!
Björgvin Stefánsson (Haukar)
Hver annar en Björgvin Stefánsson?

Fylgir eftir skoti sem Cody Mizell varði frá Aroni Jóhannssyni.
80. mín
Frábær sprettur hjá Björgvini í kapphlaupi við Magnús Má, hann nær fyrirgjöf þar sem Haukur Björnsson kemur á ferðinni. Hann hittir boltann hinsvegar enganveginn og boltinn himinhátt yfir.

Erfitt fyrir Hauk að stjórna boltanum.
75. mín
Daníel Snorri með afleitlega fyrirgjöf frá hægri kantinum, yfir mark Framara.
73. mín
Nú væri gott fyrir Hauka að vera með eitthvað spil í erminni á bekknum, fyrir sóknarleikinn en það er svo langt í frá að vera þannig.

Tryggvi Sveinn og Magnús Már eru ekki í miklum vandræðum í miðri vörn Fram.
71. mín
Haukar eru loks farnir að sækja aðeins, fyrsta korterið í seinni hálfleik áttu þeir varla eina sókn.
70. mín
Björgvin Stefánsson með bakfallspyrnu innan teigs nokkrum cm framhjá nærstönginni. Cody Mizell var ekki alveg með þetta á hreinu og því stálheppinn.
69. mín
Fyrirliðinn, Orri Gunnarsson hefur ekki bara tekið fyrirliðabandið af Magnúsi Má, heldur er hann byrjaður að taka aukaspyrnurnar líka.

Átti rétt í þessu aukaspyrnu í hliðarnet Hauka. Betri en allar spyrnur Magnúsar í leiknum.
67. mín
Illa farið með aukaspyrnu Hauka.

Aron með aukaspyrnuna á fjærstöngina þar sem Þórður Jón átti að skalla boltanum inn í pakkann. Skallinn skelfilegur og boltinn aftur fyrir endamörk.

Allt er þetta æft á æfingasvæðinu og lítur rosa vel út þegar vel gengur. En aftur á móti hræðilegt þegar þetta gengur ekki upp.
66. mín
Andri Fannar reynir að koma sér í skotstöðu en Maggi Lú gerir vel og kemur sér fyrir skotið.

Haukarnir halda boltanum og á endanum er brotið á Aran.
65. mín
Orri Gunnarsson gjörsamlega labbar framhjá Alexander Frey og nær fyrirgjöfinni. Þar var enginn Framari til staðar og sóknin endar með því að Framarar eru dæmdir brotlegir.
64. mín
Haukarnir eru langt í frá að vera líklegir til að jafna í þessum leik.
62. mín
Inn:Zlatko Krickic (Haukar) Út:Marteinn Gauti Andrason (Haukar)
62. mín
Inn:Aran Nganpanya (Haukar) Út:Stefnir Stefánsson (Haukar)
62. mín
Maggi Lú. með enn einu afspyrnulélegu aukaspyrnuna, himinhátt yfir.
58. mín
Fyrirgjöf frá hægri inn í teig Hauka sem Sebastien Ibeagha tekur niður. Hann nær þó ekki að halda boltanum. Endar með því að Fram fær horn.

Ibeagha allt annað en sáttur, en það var greinilega vel tekið á honum þegar hann reyndi að halda boltanum. Víti hefði þó verið strangur dómur.
56. mín Gult spjald: Alexander Aron Davorsson (Fram)
Lætur finna fyrir sér og fer harkalega Í Stefni Stefánsson um leið og Stefnir sparkar boltanum upp völlinn.
52. mín
Maggi Lú. búinn að eiga tvær aukaspyrnur á stuttum tíma á fínum stað en báðar hafa þær ekki farið yfir fyrsta varnarmann Hauka. Afspyrnuslakt!
52. mín
Seinni hálfleikurinn byrjar rólega.

Ingiberg Ólafur var tekinn af velli vegna veikina og Brynjar Ben. er tæpur í náranum.
46. mín
Inn:Alex Freyr Elísson (Fram) Út:Brynjar Benediktsson (Fram)
46. mín
Inn:Tryggvi Sveinn Bjarnason (Fram) Út:Ingiberg Ólafur Jónsson (Fram)
46. mín
Seinni hálfleikurinn er byrjaður!
45. mín
Tvöföld skipting hjá Frömurum í hálfleik!

Tryggvi Sveinn og Alex Freyr Elísson eru komnir inná.
45. mín
Eyþór Helgi Birgisson leikmaður Fram er í stúkunni í kvöld, vegna nárameiðsla.
45. mín
Erfitt að segja að um sanngjörnu stöðu sé um að ræða hér í hálfleik.

Þetta snýst hinsvegar einungis um það að skora fleiri mörk en andstæðingurinn. Held að Framarnir séu slétt sama hvernig þeir spila, svo lengi sem þeir vinna leikinn. Þeir þyrstir í fyrsta sigurinn í sumar og það yrði lang besti kosturinn fyrir þá að ná honum hér strax í kvöld.
45. mín
Hálfleikur
Gestirnir eru yfir 1-0 í hálfleik.

Haukar klaufar í nokkrum færum að vera ekki búnir að skora en Framarar hinsvegar ákveðnir innan vítateigs Hauka sem skilaði sér með marki.
41. mín
Haukar fara í sókn eftir að hafa lent undir og fá gott færi en misskilingur milli Arons og Björgvins verður þess valdandi að sóknin rennur út í sandinn.
40. mín MARK!
Ernir Bjarnason (Fram)
Eftir darraðadans inn í vítateig Hauka dettur boltinn fyrir fætur Ernis sem á skot að marki Hauka. Boltinn átti í viðkomu annað hvort varnarmanns eða Terrance í markinu, í það minnsta endaði boltinn í netinu!

Í sömu sókn átti Alexander Aron skalla tilraun sem var nærri því að fara inn. Framarar töldu að brotið hafði verið á Alexander í aðdraganda skallans.
36. mín
Andri Fannar með skot frá vítateigslínunni en yfir markið. Þarna hefði karl faðir hans, Freyr Sverrisson viljað sjá hann halla sér meira yfir boltann.
30. mín
Eftir hálftíma leik hafa bæði lið verið svipað mikið með boltann.

Haukar hafa þó fengið tvö hættulegustu færi leiksins. Það fyrsta endaði í stönginni og það seinna í þverslánni.
29. mín
Framararnir fyrstir til eftir horn Hauka og hreinsa frá.
28. mín
Haukar leika með örlitlum vindi í bakið.

Aron Jóhannsson átti rétt í þessu skot í varnarmann Fram og aftur fyrir. Horn.
22. mín
Gunnar Helgi reynir skalla að marki Hauka en boltinn fór í átt frá markinu. Haukarnir í veseni með að hreinsa frá í fyrstu tilraun en ná því að lokum.
20. mín
Stuttu áður hafði Brynjar Ben. sloppið í gegn en var dæmdur rangstæður.
20. mín
Þórður Jón með skalla í þverslánna! Fyrirgjöf frá Andra Fannari sem Þórður Jón skallaði yfir Cody í markinu og í þverslánna.

Framarnir stálheppnir aftur!
14. mín
DAUÐAFÆRI! Björgvin Stefánsson á skot í stöngina eftir fyrirgjöf frá Hauki. Laglegt spil Hauka sem endaði með ágætri fyrirgjöf sem miðverðir Fram misreiknuðu. Björgvin einn við markteiginn en nær ekki að stýra boltanum í netið.
11. mín
Gunnar Helgi með fyrirgjöf frá hægri sem Terrance nær til, missir reyndar boltann frá sér en er síðan fyrstur til að ná boltanum aftur.
8. mín
Gott þríhyrningaspil milli Andra Fannars og Arons Jóhannssonar endar með fyrirgjöf frá Stefni frá endalínunni. Cody Mizell gerir vel og grípur fyrirgjöfina.
6. mín
Brynjar Benediktsson er í byrjunarliði Fram í kvöld. Hann er að mæta á sinn gamla heimavöll. Hann hefur verið í Haukum undanfarin þrjú ár.

Sigmar Ingi er síðan á varamannabekk Fram en hann lék með Haukum undanfarin ár í 1. deildinni.
4. mín
Marteinn Gauti brýtur klaufalega á Gunnari Helga við hliðarlínuna hægra megin. Maggi Lú tekur aukaspyrnuna sem fer inn í teig, Haukar eru í vandræðu með að hreinsa frá en Framarar að sama skapi í vandræðum með að ná skoti á markið og að lokum fer boltann aftur fyrir endamörk. Markspyrna.
2. mín
Alexander Aron á að fyrsta skotið í leiknum en skotið hans er varið af Terrance William. Ernir Bjarnason vann boltann á miðjunni og gaf á Alexander sem var innan teigs. Skotið hefði mátt vera betra.
1. mín
Leikur hafinn
Leikur hafinn.

Haukar byrja með boltann og sækja í átt að Vallarhverfinu. Framarar sækja í átt að Reykjavík.
Fyrir leik
Það er gott sem logn hérna á Ásvöllum. Ótrúlegt en satt. Sólin skín og fámennt í stúkunni.

Liðin eru að ganga inn á völlinn, í þessum töluðu.
Fyrir leik
Pétur Pétursson þjálfari Fram seturr Einar Bjarna og Einar Má á bekkinn og enginn Eyþór Helgi Birgisson er í hóp hjá Fram.

Inn koma þeir Orri Gunnarsson sem tekur fyrirliðabandið, Ernir Bjarnason og Alexander Aron Davorsson.
Fyrir leik
Hjá Haukum koma þeir Andri Fannar Freysson, Þórður Jón Jóhannesson og Stefnir Stefánsson inn í byrjunarlið Hauka, í stað Aran Nganpanya sem fer á bekkinn og Alexanders Helgasonar og Arnars Þórs Tómassonar sem ekki eru í leikmannahóp Hauka í kvöld.
Fyrir leik
Bæði lið gera þrjár breytingar frá síðasta leik.

Haukar töpuðu á útivelli 3-1 gegn KA á meðan Fram tapaði á heimavelli gegn Fjarðabyggð 1-0.
Fyrir leik
Liðin fara alveg að detta inn hér til hliðar.

Það er fínasta veður í Hafnarfirðinum þessa stundina. Það getur hinsvegar fljótt breyst.
Fyrir leik
Heimamenn eru með 3 stig að loknum þremur leikjum.

Gestirnir eru hinsvegar með einungis eitt stig eftir þrjá leiki og þurfa svo sannarlega á öllum stigunum að halda hér í kvöld.
Fyrir leik
Verið velkomin í beina textalýsingu frá leik Hauka og Fram í 1. deild karla.

Þetta er fyrsti leikurinn í 4. umferð 1. deildar í sumar.
Byrjunarlið:
12. Cody Nobles Mizell (m)
4. Ómar Friðriksson
5. Ernir Bjarnason
9. Brynjar Benediktsson ('46)
10. Orri Gunnarsson
13. Gunnar Helgi Steindórsson ('87)
15. Ingiberg Ólafur Jónsson ('46)
19. Sigurður Kristján Friðriksson
20. Magnús Már Lúðvíksson
22. Alexander Aron Davorsson
28. Sebastien Uchechukwu Ibeagha

Varamenn:
1. Sigmar Ingi Sigurðarson (m)
3. Tryggvi Sveinn Bjarnason ('46)
8. Einar Bjarni Ómarsson ('87)
16. Arnór Daði Aðalsteinsson
17. Alex Freyr Elísson ('46)
21. Einar Már Þórisson

Liðsstjórn:
Daði Guðmundsson

Gul spjöld:
Alexander Aron Davorsson ('56)
Tryggvi Sveinn Bjarnason ('86)

Rauð spjöld: