Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
2
0
ÍA
Bergsveinn Ólafsson '16 1-0
Þórir Guðjónsson '63 2-0
31.05.2015  -  19:15
Fjölnisvöllur
Pepsi-deild karla 2015
Aðstæður: Sól, smá vindur og heiðskýrt.'
Dómari: Garðar Örn Hinriksson
Áhorfendur: 1115
Byrjunarlið:
12. Þórður Ingason (m)
Ólafur Páll Snorrason
Gunnar Már Guðmundsson
3. Bergsveinn Ólafsson (f)
3. Daniel Ivanovski
7. Viðar Ari Jónsson
9. Þórir Guðjónsson ('83)
10. Aron Sigurðarson
16. Guðmundur Böðvar Guðjónsson ('24)
23. Emil Pálsson
29. Guðmundur Karl Guðmundsson ('60)

Varamenn:
7. Birnir Snær Ingason
15. Haukur Lárusson
18. Mark Charles Magee ('83)
19. Arnór Eyvar Ólafsson ('24)
22. Ragnar Leósson ('60)
28. Hans Viktor Guðmundsson

Liðsstjórn:
Steinar Örn Gunnarsson

Gul spjöld:
Viðar Ari Jónsson ('59)
Þórir Guðjónsson ('76)
Aron Sigurðarson ('91)

Rauð spjöld:
Leik lokið!
Eggert Kári með magnað skot, tók boltann á lofti eftir fyrirgjöf en Þórður varði stórfenglega. Síðasta sókn leiksins og Fjölnir sigrar sanngjarnt. Skýrsla og viðtöl koma innan skamms.
91. mín Gult spjald: Aron Sigurðarson (Fjölnir)
90. mín
90 mínútur komnar á klukkuna og því einungis uppbótartími eftir.
89. mín
Gunnlaugur Jóns þjálfari ÍA kallar nógur tími inn á völlinn til sinna manna. Er nú ekki alveg sammála því.
87. mín
Leikurinn er að renna út. 3 mín eftir og smá uppbót. Það þarf eitthvað mikið að gerast til að ÍA fái eitthvað út úr þessum leik.
83. mín
Inn:Mark Charles Magee (Fjölnir) Út:Þórir Guðjónsson (Fjölnir)
77. mín
Inn:Eggert Kári Karlsson (ÍA) Út:Ásgeir Marteinsson (ÍA)
Ásgeir varla búinn að sjást í leiknum.
76. mín Gult spjald: Þórir Guðjónsson (Fjölnir)
74. mín
Mér sýnist litlar líkur á að Skagamenn jafni leikinn úr þessu en það er þeirra að afsanna það.
66. mín
Rétt áður en Fjölnir skoraði markið að þá var ég að fara að skrifa að Skagamenn væru að komast meira og meira inn í leikinn en að sem fyrr vantaði bit í sóknarleikinn. Þá fengu þeir þetta mark í andlitið og það er spurning hvernig það kemur til með að fara með baráttuandann í Skagaliðinu. Tek ekkert af Fjölnismönnum, þeir eru búnir að vera virkilega flottir í kvöld og eiga þessa forystu verðskuldaða.
63. mín MARK!
Þórir Guðjónsson (Fjölnir)
MAAAAARRRRKKKKKKKKK!!!!! Ragnar Leósson með stórfenglega sendingu hátt upp völlinn, boltinn skoppaði yfir varnarmann ÍA og þar var ÞÓRIR GUÐJÓNSSON sem var mættur og potaði boltanum í netið í fyrsta touchi.
60. mín
Inn:Ragnar Leósson (Fjölnir) Út:Guðmundur Karl Guðmundsson (Fjölnir)
Ragnar Leósson fyrrum leikmaður ÍA kemur inn á.
59. mín Gult spjald: Viðar Ari Jónsson (Fjölnir)
55. mín
Hlutirnir gerast hratt þessa stundina. Skagamenn áttu stórgóða sókn þar sem Jón Vilhelm átti skalla að marki Fjölnis sem Þórður varði glæsilega í horn.
54. mín
Aftur er Þórir með fyrirgjöf og þar var Aron mættur með skalla sem Árni Snær varði glæsilega. Fjölnismenn pressa stíft.
52. mín
Fjölnismenn eru stórhættulegir. Þórir átti frábæra fyrirgjöf á Gunnar Má sem tók boltann niður og sendi á Guðmund Karl sem náði góðu skoti að marki. Þeim hungrar í annað mark!
49. mín
Fjölnismenn áttu stórgóða sókn rétt áður en Ásgeir fékk gult spjald fyrir brot á Daniel Ivanovski. Gunnar Már átti þá frábæra sendingu á Aron Sig sem náði góðu skoti að marki sem Árni varði vel.
49. mín Gult spjald: Ásgeir Marteinsson (ÍA)
46. mín
Inn:Hallur Flosason (ÍA) Út:Albert Hafsteinsson (ÍA)
Seinni hálfleikur hafinn. Skagamenn gera breytingu. Hallur Flosa kemur inn í stað Alberts Hafsteins.
45. mín
Hálfleikur
Fyrri hálfleik er lokið. Fjölnismenn eru búnir að vera beittari í sínum aðgerðum og það skilaði marki á 16 mínútu. Komið hlé og við fáum okkur snarl og kaffi.
43. mín
Það er ekki hægt að segja að leikurinn hafi verið opinn fram að þessu. Lítið um hættuleg færi en hefur þó alveg verið fjörugt. Það eiga eftir að koma fleiri mörk, það er ég viss um.
41. mín Gult spjald: Albert Hafsteinsson (ÍA)
Albert fær gult spjald fyrir að hanga aftan í Viðari Ara.

31. mín
Herra Fjölnir átti sendingu á Þóri Guðjóns sem setti boltann í netið......nema að hann var rangstæður sem gengur ekki.
29. mín
Aron Sig með þrusu skot utan af velli. Árni Snær gerði þó vel í að verja boltann og kýla hann út aftur.
28. mín
Skagamenn eru undir en eru þó ekki búnir að vera eitthvað mikið slakari það sem af er. Það vantar hinsvegar allt bit og ákveðni í sóknarleik þeirra.
24. mín
Inn:Arnór Eyvar Ólafsson (Fjölnir) Út:Guðmundur Böðvar Guðjónsson (Fjölnir)
Guðmundur Böðvar varð fyrir einhverju hnjaski eins og Bjarni Fel myndi segja og þurfti af velli.
16. mín MARK!
Bergsveinn Ólafsson (Fjölnir)
Stoðsending: Emil Pálsson
MAAAAARRRRRKKKK!!! Fjölnismenn fengu hornspyrnu, Ólafur Páll tók spyrnuna. Það varð þvaga inn í teignum hjá ÍA mönnum, Emil Páls náði að skalla boltann og Bergsveinn náði að pota boltanum inn í markið.
15. mín
Þórir Guðjóns slapp hér einn á móti Árna Snæ sem gerði vel, kom út á móti og varði boltann í horn.
12. mín
Það kom hér áðan að leiknum væri lokið, sem er svo sannarlega ekki búið að gerast. Þessi mistök skrifast á fingrasetningu blaðamanns.
8. mín
Liðin eru að þreifa á hvort öðru eins og stendur. Bæði lið virðast nokkuð ákveðin í að skora og pressa á víxl. Aron Sigurðarsson átti skot í stöng fyrir Fjölni en hættan engin. Hann var í lélegri skotstöðu sem og að hann var rangstæður sem er reyndar krúsjalt atriði í knattspyrnuleik.
3. mín
ÍA búnir að fá tvær hornspyrnur í röð á fyrstu tveim mínútunum. Engin hætta samt sem skapaðist.
1. mín
Leikur hafinn
Þetta er byrjað! Skagamenn leika í átt að Egilshöll og Fjölnismenn eru þá í átt að Grafarvogskirkju. ÍA er í hvítum treyjum og svörtum buxum á meðan heimamenn eru í sínum hefðbundnu litum, Gul treyja og bláar buxur.
Fyrir leik
Liðin eru kominn inn á völlinn og klæðast bolum merktum Vertu næs átaki Rauða krossins en tilgangurinn er að berjast gegn fordómum í garð fólks af erlendum uppruna.
Fyrir leik
Fólk er byrjað að safnast saman í stúkunni. Friðrik Dór og Erpur og Henrik Biering hljóma í hljóðkerfinu með ,,Keyrum´etta í gang"
Fyrir leik
10 mínútur í leik. Ég ætla að fá mér kaffi og snarl.
Fyrir leik
Rauði baróninn, Garðar Örn Hinriksson heldur um flautuna í kvöld. Honum til aðstoðar eru þeir Smári Stefánsson og Oddur Helgi Guðmundsson. Eftirlitsmaður KSÍ er Ólafur Kjartansson.
Fyrir leik
Skagamenn sitja í 10 sæti deildarinnar með 3 töp á bakinu, eitt jafntefli og einn sigur. Það eina sem kemur í veg fyrir að Skagamenn sitja í tveimur að neðstu sætum deildarinnar er það að liðin fyrir neðan ÍA, ÍBV og Keflavík hafa verið arfaslök það sem af er sumri.
Fyrir leik
Heimamenn í Fjölni sitja í 7 sæti deildarinnar eftir 5 umferðir. 2 sigrar, 2 jafntefli og eitt tap. Það er ágætis byrjun á mótinu þótt að eitthvað segir mér að Fjölnismenn vilji meira en það.
Fyrir leik
Fjölnismenn eru að reyna að stela Ghettótitlinum af Leiknismönnum heyrist mér á tónlistinni. Grjóthart rapp er blastað af svölunum, held að þetta sé enginn annar en Snoop Dogg
Fyrir leik
Spámaður umferðarinnar hjá okkur á .net er Árni Vilhjálmsson markaskorarinn mikli og leikmaður Lilleström. Hann hafði þetta að segja um leik Fjölnis og ÍA

,,Fjölnismenn eru búnir að búa til eitthvað vígji þarna fyrir framan vörnina hjá sér. Virðast fá lið ná að skora framhjá þeim. Þeir halda hreinu og taka þetta solid 1-0"
Fyrir leik
Byrjunarlið liðanna eru komin inn og Skagamenn gera breytingu vegna meiðsla Garðars Gunnlaugssonar og kemur Ásgeir Marteinsson í hans stað í byrjunarliðið og Arnar Már Guðjónsson kemur inn í stað Gylfa Veigars.

Fjölnismenn halda sínu liði óbreyttu frá leiknum á móti Val.
Fyrir leik
Fjölnir og ÍA hafa 6 sinnum att kappi í deildarkeppni. Tvisvar hefur Fjölnir haft betur, ÍA einu sinni og þrisvar sinnum hafa þau gert jafntefli. Síðasti leikur liðanna fór fram einmitt á Fjölnisvelli þann 27.08.2011 og fór 1 - 1. Vonandi að það verði fleiri mörk í kvöld.
Fyrir leik
Síðasti leikur Fjölnismanna sem var á móti Val var víst fjörugasti leikur sumarsins........fyrri hálfleikur það er að segja en þá komu 6 mörk og síðan ekki söguna meir og seinni hálfleikurinn var jafn fjörugur og handrotaður fiskur og leikurinn endaði 3 - 3
Ég vil minna ykkur á að nota hashtaggið #fotboltinet ef þið eruð á twitter og eruð með einhverjar skemmtilegar skoðanir á leiknum.
Fyrir leik
Skagamenn urðu fyrir miklu áfalli í síðasta leik er Garðar Gunnlaugsson fór meiddur af velli og verður hann frá keppni í 3 - 4 vikur. Hver á fylla hans skarð kemur í ljós fljótlega er leikmannaskýrslurnar koma í hús.
Fyrir leik
Komiði sæl og blessuð og verið velkomin í beina textalýsingu frá leik Fjölnis og ÍA í Pepsí deild karla í knattspyrnu. Leikurinn hefst kl. 19:15 og verð ég með ykkur þangað til að leik lýkur.
Byrjunarlið:
12. Árni Snær Ólafsson (m)
Arnar Már Guðjónsson
Ármann Smári Björnsson
Arnór Snær Guðmundsson
2. Þórður Þorsteinn Þórðarson
10. Jón Vilhelm Ákason
13. Arsenij Buinickij
18. Albert Hafsteinsson ('46)
23. Ásgeir Marteinsson ('77)
27. Darren Lough
31. Marko Andelkovic

Varamenn:
3. Sindri Snæfells Kristinsson
8. Hallur Flosason ('46)
15. Teitur Pétursson
19. Eggert Kári Karlsson ('77)
20. Gylfi Veigar Gylfason

Liðsstjórn:
Páll Gísli Jónsson
Ingimar Elí Hlynsson

Gul spjöld:
Albert Hafsteinsson ('41)
Ásgeir Marteinsson ('49)

Rauð spjöld: