Liðin ganga til leiks og uppskera lófaklapp frá þessum sárafáum áhorfendum sem eru mættir. Garðar Örn, rauði baróninn sér til þess að allt fari vel fram í kvöld.

Sárafáir áhorfendur mættir á Hlíðarenda. Það er alls ekki orðið of seint að drífa sig í úlpu og skella sér á völlinn.

Þjálfararnir skarta báðir flottu dressi í kvöld. Zoran geysilega fallegum frakka með derhúfu. Óli Jó er að sjálfsögðu með klukkuna utanum hálsinn og ef að sjónin er ekki að svíkja mig þá skartar hann nýrri 10-11 húfu.

10 mínútur í leik.

Það vekur athygli að Selfyssingar spila í sokkum frá Val í kvöld. Valsmenn verða í sínum hefðbundnu rauðu búningum, hvítar stuttbuxur og sokkar. Gestirnir eru í sínum bláu og hvítu búningum með argentísku ívafi og sokkarnir hvítir þar líka. Það gengur ekki og Valsmenn því gjafmildir að lána Selfyssingum rauðu sokkana sína.

Jæja byrjunarliðin komin inn. Bæði lið stilla upp sínu sterkasta liði af þeim leikmönnum sem eru heilir. Haukur Páll og Andri Adolphs meiddir hjá Valsmönnum. Þorsteinn Daníel enn á tæpur hjá Selfyssingum en er þó á bekknum. Barros og Sytnik eru þó báðir fjarri góðu gamni og hvorugir í hóp í kvöld. Sindri Pálmason byrjar sinn fyrsta leik í sumar.

Valsmenn unnu síðasta leik sinn örugglega gegn Fylki 0-3 á meðan Selfyssingar gerðu jafntefli við Grindvíkinga 1-1.

Bæði lið hafa heilt yfir spilað undir getu á þessu tímabili. Valsliðið situr í 7.sæti Pepsideildarinnar en vilja vera hærra. Sömu sögu má segja um Selfyssinga en þeir sitja í 8.sæti 1.deildarinnar.

Góða kvöldið áhorfendur góðir. Í kvöld fara fram fjöldamargir leikir í Borgunarbikar karla. Hér ætlum við að fylgjast með leik Vals og Selfyssinga. Við eigum von á hörkuleik.