Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
2
0
Höttur
Aron Gauti Magnússon '87
Rolf Glavind Toft '96 1-0
Igor Taskovic '111 2-0
03.06.2015  -  19:15
Víkingsvöllur
Borgunarbikar karla
Aðstæður: Frábærar.
Dómari: Sigurður Óli Þórleifsson
Byrjunarlið:
1. Thomas Nielsen (m)
Stefán Þór Pálsson
8. Viktor Bjarki Arnarsson
9. Haukur Baldvinsson ('47)
10. Rolf Glavind Toft
11. Dofri Snorrason
12. Halldór Smári Sigurðsson
21. Arnþór Ingi Kristinsson ('97)
22. Alan Lowing
27. Tómas Guðmundsson
29. Agnar Darri Sverrisson ('58)

Varamenn:
12. Denis Cardaklija (m)
3. Ívar Örn Jónsson ('47)
4. Igor Taskovic ('97)
15. Andri Rúnar Bjarnason ('58)
16. Milos Zivkovic
17. Tómas Ingi Urbancic
28. Eiríkur Stefánsson

Liðsstjórn:

Gul spjöld:
Arnþór Ingi Kristinsson ('94)

Rauð spjöld:
Leik lokið!
Leik lokið !

Viðtöl og skýrsla á leiðinni.
111. mín MARK!
Igor Taskovic (Víkingur R.)
2-0 og sigurinn í höfn!!

Igor leikur á Sigurð í markinu og setur hann í autt markið!
108. mín
Ívar með skot úr teignum sem Sigurður ver.
107. mín
BJARGAÐ Á LÍNU!!!

Andri með skot af stuttu færi sem Jovan bjargar á línu!
106. mín
Seinni hálfleikurinn hafinn. Þ.e.a.s á framlengingunni.
105. mín
Fyrri hálfleikur framlengingarinnar lokið.
103. mín
Hornspyrna frá Vikes sem Igor skallar vel yfir markið.
101. mín
Að ég held fyrsta alvöru skot Hattar í leiknum og það er ekki fjærri lagi, flott skot hjá Högna af 25 metra færi sem fer rétt framhjá!
100. mín
Rolf Toft sleppur einn í gegn en GLÆSILEGA varið hjá Sigurði Hrannari !!!!
98. mín
Hér er krampi að gera vart við sig hjá leikmanni Hattar. Igor Taskovic hjálpar til við að teygja á.
97. mín
Inn:Igor Taskovic (Víkingur R.) Út:Arnþór Ingi Kristinsson (Víkingur R.)
96. mín MARK!
Rolf Glavind Toft (Víkingur R.)
ÞAR KOM ÞAÐ!! Eftir 97 mínútur spilaðar rofnar stíflan.

Kemur sending til baka hjá Hetti sem Jovan ætlaði að fara setja nokkuð auðveldlega í burtu en hittir ekki boltann og Rolf Toft kom á blindu hliðina og setti hann framhjá Sigurði úr þröngu færi!
95. mín
Arnþór Ingi með flottan bolta á fjær á Dofra sem á lausan skalla framhjá markinu.
94. mín Gult spjald: Arnþór Ingi Kristinsson (Víkingur R.)
93. mín
ÚFF!!! hvað var Sigurður að gera þarna?

Fer lengst út úr markinu til að bjarga boltanum frá því að fara úr hornspyrnu, skóflar boltanum út beint á Dofra sem kemur með afleita fyrirgjöf, þrátt fyrir að enginn hafi verið milli stanganna.
92. mín
Alveg ljóst að framlengingin verður gífurleg brekka fyrir Hött. En ég tek hatt minn ofan fyrir baráttu þeirra í leiknum, gjörsamlega til fyrirmyndar.
91. mín
Fyrri hálfleikur framlengingar er hafinn.
90. mín
Víkingur í efstu deild og Höttur í 2.deild eru á leið í framlengingu!!
90. mín
Við erum á leið í framlengingu gott fólk.

87. mín Rautt spjald: Aron Gauti Magnússon (Höttur)
Úffffff.

Þetta er þungavigtar ákvörðun hjá Sigurði Óla dómara. Aron fer í ansi glæfralega tæklingu með báða fætur á undan sér en dregur þó mikið úr tæklingunni þegar hann sér í hvað stefnir. Fer í boltann og svo manninn, alveg hægt að réttlæta þetta en þetta hefði alveg getað verið gult spjald líka.
85. mín
Hornspyrna sem Sigurður Hrannar kýlir í burtu beint á Viktor Bjarka sem er aleinn fyrir utan teig og lætur vaða en það skot var nær því að fella eitthvað tré fyrir aftan markið en að komast í netið sjálft.
84. mín
Hér leggur Stefán boltann út á Ívar sem er í ákjósanlegu skotfæri í D-boganum, en skotið hátt yfir.
83. mín
Stefán Þór Pálsson með skot út gaaaalopnu færi af ca 8 metrum, en skotið eins mikið beint á Sigurð Hrannar og hægt er.
82. mín
Stuðningsmenn Hattar duglegir að láta heyra í sér á Twitter, skiljanlega. Mikið í húfi fyrir Egilsstaðabúa. Hvar er Simmi Vill? Ég spyr.

80. mín
10 mínútur eftir. Þetta verða langar 10 mínútur.

78. mín
Ekki nóg með að Óli Þórðar er staðinn upp á Víkings bekknum, Einar Ásgeirsson liðstjóri og alt muligt man er einnig staðinn á fætur. Menn eru undrandi.
76. mín
Óli Þórðar er staðinn á fætur, honum er ekki skemmt. Líkt og áhorfendum.
75. mín
Trúiði mér kæru lesendur, ég er að reyna að finna eitthvað til að segja ykkur frá sem tengist leiknum. Ég bara get það ekki.
72. mín
Viktor Bjarki með skot langt framhjá.
71. mín
Hornspyrna sem Sigurður æðir út í og kýlir í burtu, sá er að eiga stórleik.
70. mín
Inn:Friðrik Ingi Þráinsson (Höttur) Út:Jónas Ástþór Hafsteinsson (Höttur)

68. mín
Andri Rúnar í færi en hittir ekki boltann og framhjá fer hann.
67. mín
Skot frá Stebba Páls af 30 metra færi. Hátt yfir.
65. mín
Inn:Marteinn Gauti Kárason (Höttur) Út:Kristófer Einarsson (Höttur)
65. mín
Ívar Örn með skot í teignum sem Sigurður ver vel!
62. mín
Ívar með enn eina drauma sendinguna á Arnþór Ara sem skilar honum niður á Andra Rúnar sem á fínt skot rétt framhjá!
58. mín
Rolf Toft í algjöru dauðafæri, fær boltann innarlega í teignum hægra megin, en ákveður að taka 2-3 auka snertingar og leggja hann fyrir hægri fótinn á sér, á þeim tíma ná Hattarmenn að fleygja sér fyrir skotið og koma honum í burtu.

Andri Rúnar átti svo lausan skalla framhjá markinu.
58. mín
Inn:Andri Rúnar Bjarnason (Víkingur R.) Út:Agnar Darri Sverrisson (Víkingur R.)
57. mín
Viktor Bjarki með skot lengst framhjá markinu.
55. mín
Höttur eru alveg jafn líklegir að komast áfram eins og staðan er núna. Þeir hafa ekki átt eitt færi í leiknum. En það hafa Víkingar eiginlega ekki átt heldur.
52. mín
Leikmenn Víkings virðast ekki vera að átta sig á því að háu boltarnir þeirra inn í teig af köntunum eru ekki að virka. Óttar og Jovan eru búnir að vera gífurlega öflugir varnarlega í dag og skalla hvern boltann á fætur öðrum úr hættusvæðinu.
51. mín
Rolf Toft gerir vel með að koma sér í gott skotfæri vinstra megin í teignum, en skotið hans svipað og leikurinn, afleitt.
50. mín
Enn er það Ívar með sína frábæru bolta, aftur á fjærstöngina, beint á Agnar sem tekur skot en Sigurður ver í horn.
48. mín
Og Ívar lætur strax til skarar skríða, setur háan og góðan bolta á fjærstöngina þar sem Agnar Darri mætir honum en skot hans yfir markið.
47. mín
Inn:Ívar Örn Jónsson (Víkingur R.) Út:Haukur Baldvinsson (Víkingur R.)
Aukaspyrnu Ívar mættur til leiks.
46. mín
Rolf Toft með frábæra sendingu á Stefán Þór sem var einn inn í teig en fyrsta snertingin skelfileg og sóknin rennur út í sandinn.
45. mín
Seinni hálfleikur hafinn.
45. mín
Hálfleikur
Þökkum fyrir það. Þetta er búið að vera átakanlegt.
45. mín
Fyrirgjöf frá Dofra af hægri vængnum, afturfyrir markið. Markspyrna.
44. mín
Fínt spil hjá Rolf og Hauki Baldvins á vinstri vængnum sem endar með fyrirgjöf frá Rolf, en hún er skölluð í burtu af Óttari Stein.
42. mín
,,Hvar er Pape minn!" syngja Víkingar, jahh ef einhver gæti gæti lífgað þennan leik við þá væri það hann. Vona að Óli sé ekki búinn að eyða honum úr símanum sínum.
40. mín
Ég myndi ekki kvarta ef Sigurður Óli myndi flauta til hálfleiks núna. Þetta er ekki mikil skemmtun get ég sagt ykkur.
38. mín
Viktor Bjarki klobbar hér Jónas Ástþór, sennilega mest spennandi atvik sem gerst hefur í leiknum hingað til.
35. mín
Mikið ofboðslega er þetta dapur leikur. Stíga upp takk.
35. mín
Rolf Toft reynir sendingu fyrir en Sigurður Hrannar gerir vel og grípur boltann, fær síðan að mér sýndist Aron Gauta í síðuna á sér og liggur í smástund.

En er staðinn upp og tekur útsparkið.
27. mín
Fráááábært skot frá Arnþóri Inga af u.þ.b. 25 metra færi, en Sigurður eins og köttur í marki Hattar og ver í horn.
24. mín
Skemmtilegur sprettur hjá Óttari Stein, vann boltann í sínum eigin vítateig, geystist upp völlinn, tók 3 Víkinga skemmtilega á en tapaði svo boltanum rétt fyrir utan vítateig Víkinga. Hefði viljað sjá hann taka bara skotið!
19. mín
Mjög góð barátta hjá leikmönnum Hattar þessa stundina, þeir ætla augljóslega að gefa Víkingum leik hér í dag!
16. mín
Fínt skot frá Rolf Toft utarlega í teignum, en glæsileg markvarsla frá Sigurði Hrannari stöðvaði það skot að fara í netið.
14. mín
Aðstæður til knattspyrnuiðkunar eru eins og þær verða bestar. Smá gola, 12 stiga hita og glittir í smá sól. Allt til alls til að hér sjáist flottur bolti.
13. mín
Sigurður Hrannar tekur sér mjög góðan tíma í allar sínar markspyrnur. ,,Hann er að tefja dómari!!" Öskra stuðningsmenn Víkings.
12. mín
Fyrsta skot leiksins kemur á 12 mínútu, það á Viktor Bjarki á D-boganum. En skotið víðsfjarri rammanum.
11. mín
Hér fá Höttur fínt færi Aron Gauti með boltann vinstra megin í teignum en nær ekki að koma honum almennilega fyrir sig til að skjóta á markið og Dofri nær að koma boltanum burt.
10. mín
Mikið jafnræði í leiknum þessa stundina, miðjumoð svokallað. mikið af feilsendingum.
8. mín
FH lentir undir í Krikanum gegn HK. Jahérna hér.
6. mín
Fín sending af miðjunni frá Alan Lowing á Agnar Darra sem reynir að taka við honum vinstra megin í teignum en það misheppnast, fær boltann í lærið og beint útaf.
5. mín
Hér í blaðamannastúkunni er boðið upp á sótsvart iðnaðarkaffi. Kæmi mér ekki á óvart ef Óli Þórðar skyldi hafa hellt uppá þetta fyrir leik, svo sterkt er það.
4. mín
,,Við viljum boltann í mark Víkingur," syngja stuðningsmenn Víkings. Hér vantar ekkert upp á kröfurnar skal ég segja ykkur!
3. mín
Pressan er fljót að flosna upp og fara Höttur aftur í öryggið og leggjast aftar á völlinn. Víkingar byrja betur.
1. mín
,,LÆSA, LÆSA!" öskra Hattarmenn í kór, þeir byrja á því að pressa ansi hátt. Áhugaverð nálgun.
1. mín
Leikur hafinn
Let's get it on.
Fyrir leik
En nóg af vitleysu, leikurinn er við það að hefjast.

Dómari leiksins er Sigurður Óli Þorleifsson.
Honum til aðstoðar eru þau Rúna Kristín Stefánsdóttir og Snorri Páll Einarsson.
Fyrir leik
Sigurður Hrannar er einnig að koma á sinn gamla heimavöll en hann var varamarkvörður hjá Víkingum í fyrra.
Fyrir leik
Ansi skemmtilegt að í leik kvöldsins eru tveir leikmenn sem byrja inn á sem hafa verið í 12.00 nefnd Verzlunarskóla Íslands.

Sigurður Hrannar markmaður Hattar sat í nefndinni árið 2013 og gaf meðal annars út lagið ,,Sumartímann" sem náði gífurlegum vinsældum, spurning hvort hann hafi sagt nýlega einhverjum flokkstjórum að hoppa upp í.... Nei ég segi svona.

Smelltu hér til að hlusta á Sumartímann.

Hinn leikmaðurinn er Arnþór Ingi en hann sat í nefndinni árið 2010 og lék meðal annars í ,,Víkinni" sem náði miklum vinsældum einnig, hét hann þar Ragnar Ben og lenti í alls kyns ævintýrum.

Smelltu hér til að horfa á Víkina.
Fyrir leik
Kominn router!!

Internet tengingin er í blússandi siglingu og við erum komin í beint samband frá Víkinni.
Fyrir leik
Það er verið að leita að internet "rádernum" í Víkinni. Finnst ekki. Vesen í gangi í fjölmiðlaaðstöðunni. Menn tala um að ráderinn sé heima hjá Igor Taskovic!!
Elvar Geir Magnússon
Fyrir leik
Gulli Guðjóns þjálfari Hattar gerir tvær breytingar á sínu byrjunarliði frá síðasta leik gegn ÍR.

Úr liðinu fara þeir Runólfur Sveinn Sigmundsson og Friðrik Ingi Þráinsson. Í þeirra stað koma Kristófer Einarsson og Jónas Ástþór Hafsteinsson.

Nú eru ca 45 mín í leik og við fáum okkur kaffi og bakkelsi og komum aftur að vörmu spori.
Fyrir leik
Byrjunarlið Víkings er talsvert breytt en Óli hefur ákveðið að gera 6 breytingar á liði sínu frá tapleiknum í Eyjum!

Inn í liðið koma; Tómas Guðmunds, Halldór Smári, Viktor Bjarki, Haukur Baldvins, Stefán Þór og Agnar Darri.

Úr liðinu fara; Milos, Igor, Andri Rúnar, Ívar Örn, Finnur Ólafs og Davíð Örn.

Greinilegt að hér fá nýjir menn að spreyta sig!
Fyrir leik
Endilega verið með okkur í leikjum kvöldsins og tístið með kassamerkinu #fotboltinet, vel valin tíst verða svo sett inn í textalýsingarnar til að krydda þær! Erum við ekki í þessu fyrir kryddið?
Fyrir leik
Óli Þórðar þjálfari Víkings sakaði sína menn um ábyrgðarleysi í tapinu gegn ÍBV um síðustu helgi og sagði eftirminnilega í viðtali við Fótbolta.net; ,,Ef ég á að passa þennan ljósastaur hérna þá gæti ég staðið hérna allan daginn og passað hann."
Fyrir leik
Höttur hafa farið brösulega af stað í sinni deild, 2.deild. Þeir hafa tapað þremur leikjum og unnið einn, nú síðast töpuðu þeir fyrir ÍR 4-0.

Víkingur R. hafa einnig farið svona upp og ofan af stað í Pepsi deildinni en eftir af að hafa farið taplausir í gegnum fyrstu fjóra leikina hafa þeir tapað síðustu tveimur leikjum og nú síðast 3-2 tap út í Eyjum gegn ÍBV.
Fyrir leik
Fyrirfram og á pappírunum ættum við að sjá Víkings sigur hér í dag en það hefur sýnt sig og sannað marg oft að ekki er alltaf auðvelt að spá fyrir um úrslit leikja þegar kemur að bikarnum. Hér gætu ótrúlegustu hlutir gerst.
Fyrir leik
Jú komiði nú sæl og blessuð!

Hér mun fara fram svoleiðis þráðbein textalýsing frá leik Víkings Reykjavík og Hattar frá Egilsstöðum.
Byrjunarlið:
1. Sigurður Hrannar Björnsson (m)
2. Ísleifur Guðmundsson
4. Kristófer Einarsson ('65)
4. Óttar Steinn Magnússon
10. Högni Helgason
11. Jónas Ástþór Hafsteinsson ('70)
13. Halldór Fannar Júlíusson
14. Kristófer Örn Kristjánsson
17. Jovan Kujundzic
18. Aron Gauti Magnússon
23. Jordan Farahani

Varamenn:
12. Anton Helgi Loftsson (m)
8. Friðrik Ingi Þráinsson ('70)
10. Brynjar Árnason
11. Marteinn Gauti Kárason ('65)
16. Óttar Guðlaugsson
20. Benedikt Jónsson
23. Elvar Þór Ægisson

Liðsstjórn:

Gul spjöld:

Rauð spjöld:
Aron Gauti Magnússon ('87)