Malen, Maguire, Rashford, Greenwood, Yoro, Eriksen og fleiri góðir í slúðri dagsins
Leiknir R.
0
2
Breiðablik
0-1 Ellert Hreinsson '45
0-2 Atli Sigurjónsson '79
07.06.2015  -  19:15
Leiknisvöllur
Pepsi-deild karla 2015
Aðstæður: Rigning og smá gola.
Dómari: Valgeir Valgeirsson
Byrjunarlið:
Eyjólfur Tómasson
Halldór Kristinn Halldórsson ('30)
Elvar Páll Sigurðsson ('70)
3. Eiríkur Ingi Magnússon
7. Atli Arnarson
10. Ólafur Hrannar Kristjánsson ('61)
15. Kristján Páll Jónsson (f)
21. Hilmar Árni Halldórsson
23. Gestur Ingi Harðarson
30. Charley Roussel Fomen
88. Sindri Björnsson

Varamenn:
1. Arnar Freyr Ólafsson (m)
5. Daði Bærings Halldórsson
5. Edvard Börkur Óttharsson ('30)
9. Kolbeinn Kárason ('61)
16. Frymezim Veselaj
19. Amath Andre Dansokho Diedhiou ('70)
27. Magnús Már Einarsson

Liðsstjórn:

Gul spjöld:
Atli Arnarson ('47)

Rauð spjöld:
Leik lokið!
Skýrlsla viðtöl og fleira væntanlegt síðar í kvöld.
92. mín
Inn:Sólon Breki Leifsson (Breiðablik) Út:Guðjón Pétur Lýðsson (Breiðablik)
87. mín
Inn:Arnór Gauti Ragnarsson (Breiðablik) Út:Ellert Hreinsson (Breiðablik)
85. mín
Frábær aukaspyrna frá Hilmari sem Gulli ver stórglæsilega í horn!
84. mín
Eftir markið eru Blikar búnir að fá þrjú góð færi og þar af eitt DAUÐAFÆRI nú siðast, en þá sólaði Guðjón Pétur tvo varnarmenn Blika inn í teig og tekur svo skot af stuttu færi sem Eyjó ver frábærlega í marki Leiknis.
79. mín MARK!
Atli Sigurjónsson (Breiðablik)
Stoðsending: Guðjón Pétur Lýðsson
GLÆSILEGUR sprettur hjá Guðjóni Pétri upp hægri kantinn þar sem hann fíflar Fomen upp úr skónum, Fomen vinnur svo boltann af honum en GPL stuggar við honum sem verður til þess að Fomen dettur, Valgeir dæmir ekkert og Guðjón rennir boltanum fyrir utan teig á Atla sem virðist vera að missa boltann frá sér en smellir honum bara beint í fjærhornið, óverjandi fyrir Eyjó. Lúxus mark. En aukaspyrna á Guðjón? Ég skal ekki dæma um það en þetta var vafaatriði.
77. mín
Frábærlega gert hjá Eiríki Inga þarna, Höskuldur reynir að keyra á hann og tekur skærin sín en Eiríkur les leikinn vel og stígur hann út og fiskar svo brot. Þetta verður Eiríkur að gera meira af gegn Höskuldi, hann er sterkari en hann.
76. mín
Sindri Björnsson búinn að fá dæmd á sig tvö soft brot með stuttu millibili og er allt annað en sáttur við störf Valgeirs þessa stundina. Freysi biður menn að hætta að einbeita sér að dómaranum.
73. mín
Inn:Atli Sigurjónsson (Breiðablik) Út:Arnþór Ari Atlason (Breiðablik)
72. mín
Frábær tækling frá Gesti sem stöðvar skot frá Arnþóri af stuttu færi í vítateignum.

,,Koma Leiknir, náið þessu helv**** marki hérna!" Öskrar Freysi á sína menn, þeir eru langt frá því að vera búnir að segja sitt síðasta held ég.
71. mín
Sóknarþungi Blika eykst með hverri mínútunni. Þeir eru gífurlega kræfir í pressunni.
70. mín
Inn:Amath Andre Dansokho Diedhiou (Leiknir R.) Út:Elvar Páll Sigurðsson (Leiknir R.)
Elvar mun vilja gleyma þessum leik sem fyrst. Mætir sínum gömlu félögum í Breiðablik og sást nánast ekkert í leiknum.
68. mín
Eiríkur Ingi á í stökustu vandræðum með Höskuld eins og staðan er núna! Held að flestir bakverðir deildarinnar ættu það svosem með Höskuld í þessum ham.
67. mín
Nú var ungur drengur að búa til sókn fyrir Blika, þið megið giska einu sinni hver það var.

Já það var Höskuldur, fer illa með varnarmenn Leiknis og kemur svo með frábæra fyrirgjöf á Ellert sem nær ekki nægilega miklum krafti í skallann og boltinn beint á Eyjó í markinu.
65. mín
VÁ!!

Frábærlega gert hjá Kristjáni Páli, fer illa með Kidda Jóns og tekur svo þrumuskot á markið sem Gulli ver út í teig en enginn mættur í frákast og Blikar koma boltanum burt.
63. mín
Aukaspyrna úti vinstra megin sem Leiknismenn eiga.

Damir bægjar hættunni frá, setur hann í innkast.
61. mín
Inn:Kolbeinn Kárason (Leiknir R.) Út:Ólafur Hrannar Kristjánsson (Leiknir R.)
57. mín
Obbosí!!

Skonding frá Oliver úr teignum vinstra megin, Eyjó í vandræðum og þarf að slá hann yfir í horn.

Hann grípur svo hornspyrnuna og neglir honum upp hægri kantinn.
55. mín
Blika stuðningsmennirnir að vinna með smá "banter" í þessum skrifuðu orðum, eru að taka niður Leiknisfána í stúkunni og setja Breiðabliks fána í staðin.
52. mín
ÚFFFF !!!! Frábær fyrirgjöf frá Guðjóni Pétri af hægri vængnum beint á Ellert sem nær lítilli snertingu á boltann og skotið á markið laust frá honum. Þarna á Ellert einfaldlega að gera betur!
52. mín
Brotið á Kristjáni Páli, Oliver þar að verki. Ekki mikið hægt að setja út á þetta.

Skot af 30 metra færi úr aukaspyrnunni frá Hilmari en hún reynir ekki mikið á Gulla í markinu.
51. mín
Charley Fomen hefur skipt um skó í hálfleik, kominn í fagurgræna skó. Var í appelsínugulum. Spurning hvort hann sé að vinna með felulitina?
50. mín
Enn og aftur er það Höskuldur, nú tekur hann Eirík Inga vel á og kemur sér í skotfæri vinstra megin í teignum en skotið beint á Eyjó.
49. mín
Höskuldur er búinn að vera frábær það sem af er leiks, mikil hætta sem skapast þegar hann fær boltann í fæturnar, snöggur og mjög útsjónarsamur leikmaður. Tala nú ekki um krullurnar á honum.
47. mín Gult spjald: Atli Arnarson (Leiknir R.)
Fyrir litlar sakir, brýtur á Höskuld, hættulegt skotfæri, 25 metrum frá markið örlítið vinstra megin við markið.

GPL með spyrnuna en hún er framhjá.
46. mín
Síðari háfleikur er hafinn.

Rosalega sem að Addi Grétars er flottur í tauinu. Varð bara að koma því að.
45. mín
Hálfleikur
Rétt eftir markið flautar Valgeir til hálfleiks. Kjaftshögg fyrir Leiknismenn að fá þetta mark á sig. Voru heilt yfir betri í fyrri hálfleiknum fannst mér.
45. mín MARK!
Ellert Hreinsson (Breiðablik)
Stoðsending: Höskuldur Gunnlaugsson
0-1 fyrir þeim grænklæddu!!!

Þetta mark á Höskuldur frá toppi til táar, gerir frábærlega út á vinstri vængnum að koma sér í góða fyrirgjafastöðu, keyrir inn á teiginn og setur fastan bolta fyrir sem Eyjó nær ekki til og þá myndast darraðadans inn á teignum og boltinn í einskis manns landi í smá tíma þar til Ellert nær að pota honum inn fyrir línuna.
43. mín
Edvard Börkur brýtur af sér í þriðja skiptið í leiknum á stuttum tíma, núna á Höskuldi sem lá í smá stund en er staðinn á fætur.

Eddi er á barmi spjalds, það er bara ekkert flóknara en það.
41. mín
Feilsendingar, miðjuklafs, ótímabærar stungusendingar, lítið um skot. Krefst marktækifæra sem fyrst.
40. mín
Nú er bara ekkert í gangi því miður.
34. mín
Blikar taka hérna 3 hornspyrnur með stuttu millibili en ekkert verður úr þeim.
32. mín
Ekkert skotfæri segi ég. Fínasta skottilraun hjá Oliver úr aukaspyrnunni rétt yfir markið!
31. mín
Fyrsta sem Eddi gerir er að brjóta klaufalega af sér milli miðju og vítateigs. Ekkert skotfæri svosem.
30. mín
Inn:Edvard Börkur Óttharsson (Leiknir R.) Út:Halldór Kristinn Halldórsson (Leiknir R.)
Halldór virðist vera meiddur. Eddi var byrjaður að hita vel upp fyrir leik og greinilegt að Halldór hefur verið eitthvað tæpur fyrir leik.

26. mín
Greinilega planið hjá Leiknismönnum að pressa duglega á öftustu fjóra hjá Blikunum, Freysi gjörsamlega öskrar úr sér lungun á hliðarlínunni og stýrir mönnum. Passion.
24. mín
Aukaspyrna frá Fomen af 30 m færi, mjög döpur og beint útaf.
23. mín Gult spjald: Damir Muminovic (Breiðablik)
Damir fer hérna í bókina fyrir litlar sakir, athyglisvert. Fomen hefði frekar átt skilið spjald. Vonandi er Valgeir dómari ekki að missa línuna sína strax í byrjun.
22. mín
Fomen fær hér tiltal fyrir að stoppa sókn Blika með peysutogi á hægri kantinum, braut á Arnóri að mér sýndist.
16. mín
Atli Arnarsson með skot RÉTT framhjá marki Blika, fast var það ekki, en ef hann hefði verið á rammann hefði Gulli ekki náð til hans.
13. mín
Höskuldur með ágætis skottilraun fyrir utan teig, yfir markið þó!
13. mín
Gulli kýlir hornspyrnuna í burtu, vel gert. ,,In traffic" kýling þarna!
12. mín
Elfar Freyr er í stökustu vandræðum í upphafi leiksins. Skallar boltann núna beint afturfyrir þegar enginn var nálægt honum í teignum, hornspyrna sem Leiknir á.
10. mín
Oliver Sigurjónsson brýtur hér sókn Leiknis á bak aftur, tekur hinn snögga Eirík Inga niður í kapphlaupi þeirra um boltann.
9. mín
Úff Elfar Freyr með erfiða sendingu til baka á Gulla í markinu sem þarf að taka hann á lærið og hamra honum útaf.
8. mín
Eyjó með dapurt útspark sem fer beint útaf hægra megin.
5. mín
Hornspyrna frá Blikum sem Eyjó grípur vel. Ellert fór upp á móti honum.
3. mín
Leikurinn byrjar frekar rólega, mikið um feilsendingar og menn ágætlega mikið að brjóta ef sér á þessum fyrstu mínútum. Hér verður ekki tomma gefin eftir.
2. mín
Leiknismenn sækja í átt að sundlauginni.
1. mín
Leikur hafinn
Byrjum þetta partý!
Fyrir leik
Þetta er að bresta á!!!
Fyrir leik
Gulli Gull og Kiddi Jóns báðir í byrjunarliði Blika en þeir fara síðan beint í mikilvægt landsliðsverkefni eftir leik!
Fyrir leik
"In the Ghetto" með kónginum sjálfum komið á fóninn. Það þýðir bara eitt, liðin ganga inn á völlinn.
Fyrir leik
Þreytist ekki á því að nefna það að 5 leikmenn á skýrslu Leiknis hafa leikið með Tindastól á síðustu árum. Þetta eru þeir Kolbeinn, Elvar Páll, Atli, Kristján Páll og Edvard Börkur. Greinilega fínt að komast aðeins í dreifbýlið og þá sérstaklega á Sauðárkrók.
Fyrir leik
DJ-inn hérna á Leiknisvellinum er ráðinn í afmælisveisluna mína 14.júlí næstkomandi.
Fyrir leik
Leikmenn beggja liða eru mættir út að hita sig upp fyrir komandi átök. Rúmur hálftími í leik og spennan magnast.
Fyrir leik
...og ekki er tónlistin af verri endanum!

Lagið "Ayo" með lífskúnstnernum Chris Brown og vini hans Tyga ómar nú í hátalarakerfinu sem er beint fyrir neðan fjölmiðlaskúrinn. Ég og þeir 4 áhorfendur sem eru mættir í stúkuna kvörtum ekki!
Fyrir leik
Það er mikilvægt að kunna að hrósa líka. Eftir komu fréttaritara á Leiknisvöll var alveg augljóst að hér eru allir að reyna sitt besta við að gera aðstöðu blaðamanna sem bærilegasta þrátt fyrir að hafa úr litlu að moða. Eftir að hafa gefið þeim ansi harða útreið í síðasta leik þá hrósa ég þeim fyrir viðmótið núna, við reynum að gera gott úr þessu þangað til að fjölmiðla gámurinn sem beðið er eftir birtist á landinu!
Fyrir leik
Óttar Bjarni Guðmundsson varð fyrir höfuðmeiðslum í tapinu gegn Stjörnunni í bikarnum og er ekki með í kvöld. Gestur Ingi Harðarson er í hjarta varnarinnar. Óttar sagði við Fótbolta.net að hann vonaðist til að vera bara frá einn leik.

Hjá Blikum kemur Arnór Sveinn Aðalsteinsson aftur inn, hann hefur jafnað sig af höfuðmeiðslum.
Elvar Geir Magnússon
Fyrir leik
Það verður athyglisvert að sjá byrjunarlið liðanna þeirra er að vænta innan skamms. Á meðan þá svoleiðis svolgrum við í okkur kaffi og gúmmelaði.

Væri til í að fá ykkar spá og hugleiðingar fyrir leikinn til að krydda aðeins upp í textalýsingunni. Notumst við kassamerkið: #fotboltinet á Twitter.
Fyrir leik
Kristján Jónsson blaðamaður Morgunblaðsins var fenginn til að spá fyrir um úrslit 8.umferðar í Pepsi deidlinni.

Leiknir 1 - 2 Breiðablik
Þessi er nokkuð áhugaverður. Blikarnir eru eina taplausa liðið og hafa verið mjög sannfærandi undanfarið. Maður er enn að reyna að lesa í hvort Breiðhyltingar nái að gera heimavöllinn að vígi í efstu deild. Þeir hafa bara spilað tvo leiki þar, einn sigur og eitt tap. Ég reikna því frekar með sigri Blika. Atli skorar fyrir Leikni en Höskuldur og Ellert fyrir Blika.
Fyrir leik
Bæði lið kepptu í bikarkeppni KSÍ í nýliðinni viku.

Leiknir héldu í Garðabæinn og spiluðu gegn Íslandsmeisturum Stjörnunnar. Eftir dramatískan leik fór leikurinn í vítakeppni sem fór alla leið í bráðabana þar sem Charley Fomen klikkaði úr sinni spyrnu og þar með var ljóst að Stjarnan færi áfram.

Breiðablik lögðu leið sína einnig í Garðabæ, þó til að spila við annað lið. Þeir mættu 4.deildarliðinu KFG í leik sem var nokkuð óvænt ágætlega spennandi. Ekki margir sem hefðu búist við því að KFG menn ættu eftir að jafna í 1-1 þegar skammt væri eftir af leiknum, en sú varð raunin, en Blikar sýndu mátt sinn og meginn með því að koma til baka með tveimur góðum mörkum og klára leikinn 1-3 og fara þar af leiðandi áfram í 16-liða úrslitin.
Fyrir leik
Leiknisljónin, stuðningsmannasveit Leiknis hafa staðið frábærlega í að hvetja sitt lið í þeirra frumraun í deild þeirra bestu. Ekki hafa þeir bara verið til sóma í hvatningu heldur einnig umgengni, en þeim var sérstaklega hrósað af Garðbæingum þar sem Ljónin eru talin hafa skilið eftir sig hreinni stúku heldur en fyrir komu þeirra. Verður án vafa gaman að sjá þá syngja og tralla hér í dag.
Fyrir leik
Breiðablik hafa ekki tapað knattspyrnuleik síðan 28.október þegar þeir töpuðu fyrir Þór 0-2 í Pepsi bikarnum. Síðan þá hafa þeir unnið 13 sigra og gert 4 jafntefli í öllum keppnum, fyrir utan einn leik gegn ÍBV í Lengjubikarnum þar sem þeim var dæmdur ósigur fyrir ólöglegan leikmann, en þann leik unnu þeir 2-0. Ekki amaleg statistík.

Leiknir hafa farið virkilega vel af stað í Pepsi miðað við væntingar til þeirra fyrir mót. Þeir sitja sem stendur í 6.sæti með 2 sigra, 2 jafntefli og 2 töp.
Fyrir leik
Komiði sæl og blessuð ævinlega.

Krakkinn í Aftureldingargallanum heilsar ykkur þráðbeint úr Breiðholtinu og hér mun að sjálfsögðu fara fram beint textalýsing á risa leik Leiknis úr Breiðholti og Breiðabliks úr Kópavogi. Fylgist með.
Byrjunarlið:
Gunnleifur Gunnleifsson
Höskuldur Gunnlaugsson
3. Oliver Sigurjónsson
4. Damir Muminovic
5. Elfar Freyr Helgason
5. Arnór Sveinn Aðalsteinsson
8. Arnþór Ari Atlason ('73)
19. Kristinn Jónsson
22. Ellert Hreinsson ('87)
30. Andri Rafn Yeoman
45. Guðjón Pétur Lýðsson ('92)

Varamenn:
24. Aron Snær Friðriksson (m)
10. Atli Sigurjónsson ('73)
13. Sólon Breki Leifsson ('92)
19. Gunnlaugur Hlynur Birgisson
21. Guðmundur Friðriksson
27. Arnór Gauti Ragnarsson ('87)

Liðsstjórn:

Gul spjöld:
Damir Muminovic ('23)

Rauð spjöld: