Malen, Maguire, Rashford, Greenwood, Yoro, Eriksen og fleiri góðir í slúðri dagsins
Valur
3
0
KR
Patrick Pedersen '6 , víti 1-0
Patrick Pedersen '52 2-0
Haukur Ásberg Hilmarsson '90 3-0
07.06.2015  -  19:15
Vodafonevöllurinn
Pepsi-deild karla 2015
Aðstæður: Mjög hvasst en völlurinn lítur vel út.
Dómari: Þóroddur Hjaltalín
Maður leiksins: Patrick Pedersen
Byrjunarlið:
1. Ingvar Þór Kale (m)
2. Thomas Guldborg Ghristensen
3. Iain James Williamson
7. Haukur Páll Sigurðsson
8. Kristinn Ingi Halldórsson
9. Patrick Pedersen ('87)
10. Kristinn Freyr Sigurðsson
11. Sigurður Egill Lárusson ('79)
20. Orri Sigurður Ómarsson
21. Bjarni Ólafur Eiríksson
23. Andri Fannar Stefánsson

Varamenn:
33. Anton Ari Einarsson (m)
4. Einar Karl Ingvarsson
6. Daði Bergsson
14. Haukur Ásberg Hilmarsson ('87)
14. Gunnar Gunnarsson
16. Tómas Óli Garðarsson ('79)
19. Baldvin Sturluson

Liðsstjórn:

Gul spjöld:
Haukur Páll Sigurðsson ('17)
Bjarni Ólafur Eiríksson ('55)
Kristinn Freyr Sigurðsson ('60)
Ingvar Þór Kale ('72)
Patrick Pedersen ('86)

Rauð spjöld:
Leik lokið!
Loksins sigruðu Valsmenn, KR-inga á heimavelli.

Sanngjarn sigur.

Skýrsla og viðtöl á leiðinni. Takk fyrir mig.
90. mín MARK!
Haukur Ásberg Hilmarsson (Valur)
Stoðsending: Iain James Williamson
MAAAAAAAAAAAAAAAARK!!!

3-0, game over. Frábær sigur Vals staðreynd.

Nú varð varamanninum ekki á nein mistök. Williamson átti góða sendingu á Hauk, hann fór framhjá Stefáni Loga sem kom langt út á móti honum og Haukur lagði boltann í autt markið.

90. mín
Óskar Örn með líklegast síðustu tilraun leiksins. Hann er í fínu skotfæri en skotið hans fer hátt, hátt yfir markið.

89. mín
Haukur er nýkominn inná. Hann kemst einn gegn Stefáni Loga og fær nægann tíma til að taka skotið.

Hann setur boltann hins vegar framhjá. Þarna varð hann að gera betur.
87. mín
Inn:Haukur Ásberg Hilmarsson (Valur) Út:Patrick Pedersen (Valur)
87. mín
Inn:Grétar Sigfinnur Sigurðarson (KR) Út:Jónas Guðni Sævarsson (KR)
86. mín Gult spjald: Patrick Pedersen (Valur)
Pedersen fer illa í Skúla Jón.
85. mín
Tómas Óli er tekinn niður í teignum eftir góða Valssókn.

Þetta virtist vera klár vítaspyrna héðan en Þóroddur dæmir ekki neitt.

Vafasamt.
83. mín
Þá kemur Sören og fer framhjá tveim varnarmönnum Vals. Hann er kominn í fína stöðu þegar Valsmenn rétt ná að bjarga í horn.

Hornspyrnan berst á Óskar Örn sem reynir skot, það fer í varnarmann og önnur hornspyrna dæmd.
81. mín
Leikurinn hefur aðeins fjarað út síðustu mínútur.

Ekki mikil gæði þessa stundina og lítði um færi.
79. mín
Inn:Tómas Óli Garðarsson (Valur) Út:Sigurður Egill Lárusson (Valur)
Sigurður lá eftir meiddur rétt áðan.
75. mín
Sigurður Egill fór upp kantinn og komst í skotfæri, hann tekur skot sem fer beint á Stefán sem ver.
72. mín Gult spjald: Pálmi Rafn Pálmason (KR)
Alls fengu þrír leikmenn gult spjald í kjölfar tæklingarinnar.
72. mín Gult spjald: Jacob Toppel Schoop (KR)
72. mín Gult spjald: Ingvar Þór Kale (Valur)
71. mín
Almarr fer ansi hressilega í Sigurð Egil og er mjög mikill hiti í mönnum.

Það hópast allir að Þóroddi og og menn byrja nánast að slást.
70. mín
KR-ingar fá aukaspyrnu á stórhættulegum stað.

Schoop tekur spyrnuna en hún er í vegginn og í horn.
68. mín
Sören er komin í fína stöðu og Ingvar Kale kemur á fleygiferð beint á hann. Sören fellur niður og vilja KR-ingar vítaspyrnu.

Þóroddur dæmir markspyrnu.

64. mín
Schoop ræðst á Vals vörnina og á síðan sendingu á landa sinn Sören Frederiksen. Sören reynir skot úr erfiðu færi sem fer framhjá.
60. mín Gult spjald: Kristinn Freyr Sigurðsson (Valur)
Fer harkalega í Schoop.

Schoop hefur ekki verið eins áberandi í dag og í undanförnum leikjum.
59. mín
Schoop á mjög hættulega fyrirgjöf sem Þorsteinn Már og Almarr rétt missa af.
57. mín
Kristinn Ingi við það að komast í mjög gott færi en Stefán Logi kemst í boltann á undan honum.

Kristinn og Stefán lenda síðan í samstuði og fá KR-ingar aukaspyrnu.
56. mín
Inn:Almarr Ormarsson (KR) Út:Rasmus Christiansen (KR)
Bjarni ætlar að henda meiru í sóknarleikinn.
55. mín
Pedersen svo nálægt því að skora þrennu!!

Pedersen á skalla í mjög góðu færi sem Stefán Logi nær að verja. Frábært færi en skallinn ekki alveg nógu góður og því fór sem fór.
55. mín Gult spjald: Bjarni Ólafur Eiríksson (Valur)
52. mín MARK!
Patrick Pedersen (Valur)
Stoðsending: Bjarni Ólafur Eiríksson
MAAAAAAAAAAAAAAAAAAAAARK!!!!

KR-ingar hafa farið betur af stað í seinni hálfleik en þeir eru nú tveim mörkum undir. Bjarni Ólafur á glæsilega sendingu fyrir markið sem Pedersen klárar frábærlega.

Alvöru framherjamark. Ætla Valsmenn loksins að vinna KR á heimavelli!?
51. mín
Jacob Schoop tekur aukaspyrnu af kantinum sem er stórhættuleg en hún fer í gegnum allan pakkann og hafnar í stönginni.

Valsarar eru stálheppnir að vera ennþá yfir.
49. mín
Fyrstu mínúturnar í seinni hálfleik er eign KR-inga og hafa þeir pressað nánast stanslaust síðan hann byrjaði.
46. mín
KR-ingar byrja seinni hálfleikinn af krafti og eru búnir að fá tvær hornspyrnur á fyrstu mínútunni.
45. mín
Seinni hálfleikurinn er kominn af stað
45. mín
Hálfleikur
Jónas Guðni átti síðustu tilraun fyrri hálfleiks en skot hans fór framhjá.

Þóroddur flautar til hálfleiks í sömu andrá og leiða heimamenn í hálfleik.
45. mín
Pálmi Rafn hefur fengið góða meðferð hjá sjúkraþjálfara KR því hann heldur leik áfram.

Hann var draghaltur í heilar fimm mínútur og þurfti að fá aðhlynningu en hann virðist vera í lagi núna.
42. mín
Flott markvarsla hjá Ingvari!

Óskar Örn fær góða sendingu á sig inn í teig Valsmanna og á mjög gott skot sem Ingvar nær að verja í horn. Virkilega góð varsla.
39. mín
Valsmenn hafa verið hættulegir síðustu mínútur. Pedersen, Kristinn Ingi, Kristinn Freyr og Sigurður Egill eru að reynast varnarmönnum KR erfiðir.

Valsmenn náðu rétt í þessu frábærri sókn þar sem Pedersen náði skemmtilegri hælsendingu á Kristinn Frey sem lék á nokkra varnarmenn en KR vörnin náði að stöðva sóknina að lokum.
35. mín
KR-ingar eru komnir með tök á miðjunni og hefur Valsliðið fallið aftar á völlinn, þetta gæti verið hættulegt fyrir heimamenn.
34. mín
Andri Fannar og Jónas Guðni lenda í smá árekstri og fá KR-ingar aukaspyrnu. Bjartsýnustu stuðningsmenn KR vilja rautt spjald þar sem Andri fór óvart aðeins í andlitið á Jónasi en það var af og frá að dæma rautt á svona.
32. mín Gult spjald: Aron Bjarki Jósepsson (KR)
31. mín
Kristinn Freyr dansar í gegnum KR vörnina og á skot sem er ekki nógu fast og Stefán Logi nær að handsama boltann örugglega.
30. mín
KR-ingar eru líklegri með hverri mínútunni að skora.

Valsmenn eru að sama skapi stórhættulegir í skyndisóknum sínum.
29. mín
Það kom stórhættulegur bolti fyrir markið hjá Val sem Ingvar Kale rétt nær að halda í annari tilraun. Pálmi Rafn var hársbreidd frá því að ná til hans í frábærri stöðu.
28. mín
Eftir stórhættulega KR sókn tekur Jónas Guðni hörkuskot sem Thomas Christensen nær að komast fyrir með frábærri tæklingu.

Haukur Páll liggur eftir og fær aðhlynningu.
25. mín
Hættuleg KR sókn endar með því að Óskar Örn reynir skot sem fer í varnarmann.

KR-ingar eru frekar líklegir þessa stundina.
23. mín
Pálmi er búinn að vera haltur í fimm mínútur eða svo og búinn að fá aðhlynningu oftar en einu sinni en hann mætir alltaf aftur inn á völlinn.
21. mín
Pálmi Rafn er greinilega eitthvað meiddur og gæti verið að hann þurfi að fara útaf.
17. mín Gult spjald: Haukur Páll Sigurðsson (Valur)
Þórdoddur ekki alveg með á nótunum. Tækling sem fór beint í boltann.

Hauki finnst gaman að tækla en nú verður hann að passa sig.
16. mín
Sigurður Egill var kominn einn gegn Stefáni Loga en hann var dæmdur rangstæður.

Varnarlína KR-inga hefur ekki verið mjög sannfærandi hingað til.
14. mín
Leikurinn hefur aðeins róast niður síðustu örfáu mínúturnar. Maður getur andað smá.

12. mín
Maður hefur varla við því að skrifa hérna!

Svo mikið að gerast. Kristinn Ingi var kominn í mjög góða stöðu en Stefán Logi var rétt á undan honum í boltann og bjargaði því sem bjargað var.
11. mín
Sören Frederiksen reynir skot utan teigs sem fer yfir markið. Liðin skiptast á að sækja.
10. mín
Þorsteinn Már var kominn í góða stöðu inn í teig Valsmanna og hann reyndi skot sem fer í varnarmann og í horn.
8. mín
Ef þetta tempó heldur áfram þá erum við að fara að sjá rosalegan leik.

Valsmenn eru við það að sleppa í gegn en Skúli Jón nær að stoppa skemmtilega sókn þeirra.
6. mín Mark úr víti!
Patrick Pedersen (Valur)
Stoðsending: Andri Fannar Stefánsson
MAAAAAAAAAAAAAAARK!!!

Pedersen tekur vítið sjálfur og skorar. Föst spyrna og aldrei hætta.

Frábær byrjun á leiknum og Valur hefur forrystu.
5. mín
Víííííti!!!!

Rasmus tekur Pedersen niður. Alltaf vítaspyrna. Klaufalegt hjá einum Dana. Mjög vel gert hjá öðrum Dana.
3. mín
Kristinn Ingi er nánast kominn einn gegn Stefáni Loga sem kemur askvaðandi og stöðvar hann. Þarna vildu Valsarar fá vítaspyrnu. Maður hefur séð dæmt á þetta.

Leikurinn fer mjög vel af stað. Það er mikill hraði og barátta í þessu frá fyrstu mínútu.
2. mín
Gunnar Þór með fyrstu tilraun leiksins. Hann reynir skot af löngu færi sem fer langt framhjá.
1. mín
Leikurinn er varla byrjaður og Haukur Páll býður Pálma Rafn velkomin til baka á Hlíðarenda og tæklar hann hressilega. Pálmi liggur eftir og fær aðhlynningnu utan vallar.
Fyrir leik
Leikur hafinn
Veislan er komin af stað! Valur byrjar með boltann.
Fyrir leik
Liðin eru gengin á völlinn og allt að ské!

Fyrir leik
KR hefur unnið síðustu fimm leiki liðana sem spilaðir hafa verið á Hlíðarenda.

Nær Valur að snúa því við í kvöld?
Fyrir leik
Það er allt að gerast inni á vellinum.

Húsasmiðjan og Valur eru að skrifa undir nýjan samning. Frábært.
Fyrir leik
Korter í leik og stúkan er byrjuð að fyllast ágætlega. Sérstaklega Valsmegin.

Það er komin spenna í loftið, andrúmsloftið er rafmagnað. Allt að gerast!
Fyrir leik
Umræðan í blaðamannastúkunni er um Jacob Toppel Schoop og eru ekkert nema góð orð látin falla um Danann. Það eru fleiri en einn á því að hann geti ráðið úrslitum hér í kvöld.
Fyrir leik
Ég er ekki frá því að það geti ringt svolítið í kvöld. Ekki væri það leiðinlegt fyrir leikinn.

Annars eru áhorfendur byrjaðir að koma sér fyrir. Það er jafnan mjög vel mætt á þessa leiki og oftar en ekki uppselt. Stemningin á þessum leikjum er einfaldlega bara aðeins öðruvísi.
Fyrir leik
Liðin eru mætt á völlinn og eru að hita upp. 35 mínútur í leik og það styttist í þennan Reykjavíkurslag.

Óli Jó er á hliðarlínunni og það er sláandi fréttir, hann er ekki með 10-11 húfu.
Fyrir leik
Gonzalo Balbi er ekki með KR í kvöld en hann er meiddur.
Fyrir leik
Eftir sex leiki eru KR-ingar í harðri toppbaráttu við FH, Breiðablik og Fjölni. Þeir hafa 13 stig og hafa aðeins tapað einum leik.

Valsarar eru um miðja deild og vantar allan stöðuleika í úrslitin hjá þeim. Valur steinlá t.d fyrir Leikni í fyrstu umferð. Þeir unnu síðan FH, 2-0 á sama velli.
Fyrir leik
Ólafur Jóhannesson virðist vera búinn að finna uppahalds byrjunarliðið sitt því hann gerir engar breytingar frá síðasta deildarleik sem var 3-0 sigur gegn Fylki.

Bjarni Guðjónsson gerir eina breytingu frá liðinu sem vann Keflavík í síðasta deildarleik. Gonzalo Balbi fer úr liðinu á meðan Aron Bjarki Jósefsson kemur inn í hans stað.
Pálmi Rafn Pálmason varð íslandsmeistari með Val um árið og hann snýr aftur á Hlíðarenda í kvöld.
Fyrir leik
Fótbolti.net fékk Kristján Jónsson, blaðamann hjá Morgunblaðinu til að spá fyrir um úrslit leikja dagsins.

Kristján spáir KR sigri. En hann hafði þetta að segja fyrir leikinn.

Maður veit ekki við hverju maður á að búast af Valsliðinu. Þeir hafa náð frábærum sigrum gegn FH og Fylki en samt er stigasöfnunin ekkert sérstaklega mikil á heildina litið. KR-ingar eru býsna sannfærandi en Bjarni og Gummi hafa strax náð tökum á liðinu þrátt fyrir miklar breytingar. Ég reikna með 0:2 sigri KR þar sem Þorsteinn og Sören skora mörkin.

Fyrir leik
Heilir og sælir lesendur góðir og verið hjartanlega velkomin í þessa textalýsingu á stórleik Vals og KR á Hlíðarenda.

Það er fátt sem þessum liðum finnst skemmtilegra að gera en að vinna hvort annað og er ávallt hart barist er liðin mætast.
Byrjunarlið:
1. Stefán Logi Magnússon (m)
Pálmi Rafn Pálmason
3. Rasmus Christiansen ('56)
6. Gunnar Þór Gunnarsson
7. Skúli Jón Friðgeirsson
8. Þorsteinn Már Ragnarsson
8. Jónas Guðni Sævarsson ('87)
18. Aron Bjarki Jósepsson
19. Sören Frederiksen
20. Jacob Toppel Schoop
22. Óskar Örn Hauksson (f)

Varamenn:
13. Sindri Snær Jensson (m)
2. Grétar Sigfinnur Sigurðarson ('87)
11. Almarr Ormarsson ('56)
16. Kristinn Jóhannes Magnússon
20. Axel Sigurðarson
21. Atli Hrafn Andrason
23. Guðmundur Andri Tryggvason

Liðsstjórn:

Gul spjöld:
Aron Bjarki Jósepsson ('32)
Pálmi Rafn Pálmason ('72)
Jacob Toppel Schoop ('72)

Rauð spjöld: