Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
3
0
Leiknir R.
Aron Sigurðarson '60 1-0
Þórir Guðjónsson '88 2-0
Aron Sigurðarson '90 3-0
15.06.2015  -  20:00
Fjölnisvöllur
Pepsi-deild karla 2015
Dómari: Þóroddur Hjaltalín
Byrjunarlið:
12. Þórður Ingason (m)
Ólafur Páll Snorrason ('90)
Gunnar Már Guðmundsson
3. Bergsveinn Ólafsson (f)
3. Daniel Ivanovski ('86)
7. Viðar Ari Jónsson
9. Þórir Guðjónsson
10. Aron Sigurðarson
19. Arnór Eyvar Ólafsson
23. Emil Pálsson
29. Guðmundur Karl Guðmundsson ('69)

Varamenn:
1. Jökull Blængsson (m)
6. Atli Már Þorbergsson ('86)
7. Birnir Snær Ingason
10. Ægir Jarl Jónasson ('90)
13. Anton Freyr Ársælsson
22. Ragnar Leósson ('69)
33. Ísak Atli Kristjánsson

Liðsstjórn:

Gul spjöld:
Bergsveinn Ólafsson ('45)
Ólafur Páll Snorrason ('72)
Þórir Guðjónsson ('80)

Rauð spjöld:
Leik lokið!
Leiknum er lokið með 3-0 sigri Fjölnis!!!
90. mín MARK!
Aron Sigurðarson (Fjölnir)
QUEEEEEEEEEEEEEEEEEEEEEEEEEEEE GOOOOLAZOOOOOOO!!!! ARON SIGURÐARSON MEÐ MAGNAÐ MARK NÁNAST FRÁ MIÐJU!!! VAR Á UNDAN ATLA ARNARSYNI Í BOLTANN, EYJÓLFUR VAR OF FRAMARLEGA OG ARON SMURÐI BOLTANUM YFIR HANN OG Í NETIÐ! EINA!!
90. mín
Inn:Ægir Jarl Jónasson (Fjölnir) Út:Ólafur Páll Snorrason (Fjölnir)
88. mín MARK!
Þórir Guðjónsson (Fjölnir)
MAAAAARK!!! 2-0 fyrir FJÖLNI!!!! Þórir Guðjónsson gulltryggir sigur heimamanna með frábæru marki!!
86. mín
Inn:Atli Már Þorbergsson (Fjölnir) Út:Daniel Ivanovski (Fjölnir)
Daniel Ivanovski steinliggur eftir einhvern atgang í teignum en stendur upp og haltrar af velli. Fjölnismenn tvínóna ekkert við hlutina og henda Atla Má inn á.
84. mín
DAUÐAFÆRI hjá Leikni!! Hilmar Árni fíflar bakvörð Fjölnis og kemur boltanum fyrir, en Atli Arnarson sýndist mér það vera sem rétt missir af honum!
82. mín
Inn:Fannar Þór Arnarsson (Leiknir R.) Út:Sindri Björnsson (Leiknir R.)
Tvöföld skipting hjá Leikni.
82. mín
Inn:Elvar Páll Sigurðsson (Leiknir R.) Út:Kristján Páll Jónsson (Leiknir R.)
80. mín Gult spjald: Þórir Guðjónsson (Fjölnir)
Gulu spjöldin þjóta á loft. Þórir Guðjóns með groddaralega tæklingu.
78. mín Gult spjald: Óttar Bjarni Guðmundsson (Leiknir R.)
Óttar Bjarni nælir sér í gult fyrir að stöðva skyndisókn Leiknismanna.


75. mín
Ömurlegt að lesa þessi tíst að neðan! Óháð því hvaða liði maður heldur með, þá er það bara ekki boðlegt að lið séu rænd löglegu marki! Það er fyrir neðan allar hellur! En sem betur fer virðist Þóroddur hafa haft rétt fyrir sér með vítaspyrnudóminn miðað við hvað menn eru að segja. Og ekki við hann að sakast að aðstoðardómarinn flaggaði, erfitt fyrir hann að sjá hvort boltinn var farinn eða ekki.


73. mín
Dauðafæri hinu megin!! Ragnar Leósson með boltann rétt framhjá.
73. mín
Mér er að berast til eyrna að boltinn hafi aldrei verið farinn! Þá er um hræðileg dómaramistök að ræða og Leiknismenn rændir marki! Vonandi er þetta vitleysa, vonandi var hann farinn - bara aðstoðardómarans vegna!
72. mín Gult spjald: Ólafur Páll Snorrason (Fjölnir)
Óli Palli fær gult.
71. mín
MARK HJÁ LEIKNI!! EN ÞAÐ ER DÆMT AF!!! Kristján Páll kemur boltanum fyrir og Kolbeinn skorar en aðstoðadómarinn vill meina að boltinn hafi verið farinn út af áður en Kristján gaf hann fyrir!! Önnur stór ákvörðun sem fellur Leiknismönnum ekki í vil, ómögulegt að sjá þetta frá mínu sjónarhorni!
69. mín
Inn:Ragnar Leósson (Fjölnir) Út:Guðmundur Karl Guðmundsson (Fjölnir)
Fjölnismenn gera sína fyrstu breytingu.
67. mín
ÞARNA VILDU LEIKNISMENN FÁ VÍTI!! Ólafur Hrannar reynir að keyra framhjá Arnóri Eyvari inni í teignum og svo sjáum við Arnór henda í tæklingu og báða detta niður!! Þóroddur dómari var vel staðsettur og metur þetta svo að Arnór hafi farið í boltann!! Erfitt að sjá héðan, ég skynjaði smá vítafnyk og Leiknismenn ekki sáttir!
66. mín
Þarna munaði litlu að Fjölnismenn bættu við!! Öflug skyndisókn endar með því að Aron rennir boltanum á Þóri Guðjóns sem reynir að vippa honum í fjærhornið, en boltinn fer rétt framhjá!
62. mín
VÁÁ!! Ólafur Páll hársbreidd frá því að skora beint úr hornspyrnu!!!! En Eyjólfur ver naumlega og þvingar annað horn! Þvílík spyrna sem þetta var!

Seinni spyrnan ágæt, á fjær, en Eyjólfur hugrakkur og grípur boltann.
60. mín Gult spjald: Ólafur Hrannar Kristjánsson (Leiknir R.)
60. mín MARK!
Aron Sigurðarson (Fjölnir)
Stoðsending: Ólafur Páll Snorrason
MAAAAAAARK! ARON SIGURÐARSON ER BÚINN AÐ KOMA FJÖLNI YFIR!! Stakk sér frábærlega á milli tveggja varnarmanna eftir stutta sendingu frá Óla Palla og skoraði með þéttingsföstu skoti í netið! Virkilega vel gert hjá Aroni!
59. mín
Inn:Kolbeinn Kárason (Leiknir R.) Út:Amath Andre Dansokho Diedhiou (Leiknir R.)
57. mín
Okkur er tilkynnt að það séu 1357 manns á vellinum! Sem er auðvitað frábær mæting! Ég get svo svarið það að ég er varla að kaupa að þetta séu svo margir, en jújú ég skal bara trúa því. Hefði haldið að það væru svona 900.
55. mín
Á hinum endanum á svo Sindri Björnsson skot en beint á markið.
54. mín
ÞARNA MUNAÐI NÁNAST ENGU!!! Frábær aukaspyrna frá Ólafi Páli og Emil Pálsson mætir askvaðandi og skallar boltann í DAUÐAFÆRI, en rétt framhjá!! Þarna áttu heimamenn að ná forystunni.
52. mín
Ekkert svakalega mikið að gerast, eiginlega bara afar lítið, fyrstu mínúturnar. Aron Sigurðar rétt í þessu með skot naumlega framhjá. Einhvern veginn eru Fjölnismenn líklegri en samt ekkert svo líklegir.
46. mín
Leikurinn er hafinn. Þökk sé Drottni, Allah, Búdda, Xenu eða hverjum sem er þarna uppi, þá losnum við loksins við þessa hræðilegu tónlist.

45. mín
Hálfleikur
Drengurinn var afar langt frá því að bæta Íslandsmetið, þetta var skelfileg frammistaða! En mér skilst að þetta hafi verið sjálfur Egill Ploder í Áttunni að taka út refsingu, en ekki Íslandsmeistari! Það hlaut að vera, enda var þetta skelfilegt! Gott grín samt!
45. mín
Hálfleikur
Íslandsmeistarinn í að halda á lofti er mættur, en hann mun reyna að bætta metið sitt, sem ku vera um 360 eða svo.
45. mín
Hálfleikur
Leikhlé í Grafarvoginum! Staðan er ennþá 0-0. Ágætis taktar inn á milli en annars hef ég alveg séð meira hressandi leiki! En allt í járnum ennþá.
45. mín
Alveg sorglega léleg aukaspyrna frá Hilmari. Hún er á leið yfir allan tímann! Illa farið með góðan séns!
45. mín Gult spjald: Bergsveinn Ólafsson (Fjölnir)
Gult spjald! Hilmar Árni á flottan sprett og lék á menn og var að komast í hörkuskotfæri en Bergsveinn fellir hann og aukaspyrna dæmd. Réttilega lyft gulu.
37. mín
Leiknismenn eiga fínt færi, Hilmar Árni með skot en Þórður ver og heldur boltanum!
36. mín
KLÚÐUR ALDARINNAR!!!! KLÚÐUR ALDARINNAR!!!! ARON SIGURÐAR MEÐ OPIÐ MARKIÐ FYRIR FRAMAN SIG AF HÁLFS METRA FÆRI OG SKÝTUR Í HLIÐARNETIÐ!!! HVERNIG VAR ÞETTA HÆGT????
35. mín
Aron Sigurðar með skot fyrir utan teig en það fer vel framhjá! Fjölnismenn hafa unnið sig vel inn í leikinn síðustu 10-15 mínútur eftir ósannfærandi byrjun. Leiknismenn voru með tök á leiknum en hafa misst þau.
32. mín
ÞVÍLÍK MISTÖK!!! ÞVÍLÍKT DAUÐAFÆRI!!! Bergsveinn Ólafsson missir boltann hræðilega frá sér, Ólafur Hrannar hirðir hann af honum eins og ránfugl og geysist að marki en skot hans er ömurlegt og er ekki nálægt því að hitta á rammann!!
30. mín
Fjölnismenn fá aukaspyrnu, Ólafur Páll kemur með fínan bolta inn í teig sem er hreinsaður frá. Boltinn berst til Viðars Ara sem á skot vel framhjá.
26. mín
Guðmundur Karl með fínan sprett sem endar með skoti sem fer beint á Eyjólf. Nokkuð rólegt undanfarnar mínútur. Fjölnismenn að komast aðeins betur inn í leikinn.
18. mín
Aron Sigurðar með flotta rispu og reynir svo skot sem er svo langt framhjá að það fór nánast í innkast!
16. mín
Halldór Kristinn kominn í hörkufæri og ætlar að taka Kolbein Sigþórs á þetta og fara framhjá Eyjólfi, en hann er dæmdur rangstæður.
16. mín
Óhætt að segja að það heyrist talsvert meira í Leiknismönnum í stúkunni en heimamönnum. Gulklæddir áhorfendur mega rífa sig í gang.
15. mín
HVERNIG VAR ÞETTA EKKI MARK?? AMATH DIEDHIOU með hörkuskot úr teignum sem siglir framhjá öllum leikmönnum en einhvern veginn ver Þórður þetta! Þvílík varsla! Leiknismenn að sækja þungt, og fá horn!
14. mín
STÓRHÆTTA við mark Fjölnis eftir hornspyrnu frá Leikni!! Boltinn steindrepst í teignum en því miður fyrir Leiknismenn nær enginn að pikka honum yfir línuna og heimamenn hreinsa.
10. mín
Fjölnismenn í ágætu færi! Flott fyrirgjöf frá hægri beint á Gunnar Má sem er dauðafrír og skallar boltann, en skallinn er af aðeins of löngu færi og Eyjólfur grípur.
7. mín
Leiknismenn eru að byrja þennan leik þokkalega vel og hafa átt tvö skot á markið sem hafa þó ekki valdið Þórði Ingasyni teljandi vandræðum.
3. mín
Fjölnismenn fá aukaspyrnu á hættulegum stað! Aron Sigurðarson með ágæta spyrnu og öllum blaðamönnum sýndist Eyjólfur blaka boltann yfir, en þó er dæmd markspyrna. Kannski snerti hann ekki boltann.
2. mín
Ágætis hætta eftir hornspyrnu Leiknismanna. Klafs í teignum eftir spyrnuna en boltinn endar aftur fyrir endamörk.
1. mín
Allt komið í lag! Leikurinn er hafinn hér á Fjölnisvelli! Það eru Leiknismenn sem byrja með boltann, ég á von á hörkuleik!
Fyrir leik
Byrjun leiksins tefst.. Aðstoðardómarinn sér eitthvað athugavert við netið hjá Leiknismönnum. Hvort það sé gat eða eitthvað álíka. Á meðan standa menn bara og taka því rólega í rokinu, reyna kannski að halda á sér smá hita.
Fyrir leik
Borgin með Hjálmum glymur í hátalarakerfinu og leikmenn koma inn á völlinn með dómarann Þórodd Hjaltalín í fararbroddi.
Fyrir leik
Gaman að þessu. Einhver hress Leiknismaður klifraði upp á sjónvarpsgáminn hjá stúkunni og festi einn forláta Leiknisfána upp á krana sem hangir í bílnum sem ber gáminn. Nokkuð fyndið. Gæslan bað hann svo vinsamlega að fara niður af gámnum (Mér skilst á heimildamanni mínum að hún hafi reyndar sagt honum að "druuuullla" sér niður.
Fyrir leik
Það er ansi mikið rok á vellinum. Fánarnir virðast vera að fjúka til næsta bæjar og fólki í stúkunni er örugglega þokkalega kalt. En ekki í nýju blaðamannastúkunni! Þar er gott að vera!
Fyrir leik
Hálftími í að leikur sé flautaður á. Ég held að von sé á hörkuleik, þessi lið hafa háð margar frábærar rimmur í 1. deildinni í gegnum tíðina og ég er ekki frá því að það sé létt "mini-rivalry" í gangi á milli þeirra!
Fyrir leik
Þær fréttir voru að berast mér að sjálfur Íslandsmeistarinn í að halda á lofti, Egill Ploder, muni mæta út á völl í hálfleik hér í Grafarvoginum og leika listir sínar. Hann ætlar að reyna að bæta Íslandsmetið fyrir framan fulla stúku, og það verður gaman að sjá hvernig það gengur!
Fyrir leik
Ég er í sjálfu sér ekki að skipta mér mikið af liðsvali þjálfaranna, enda er það ekki í mínum verkahring. Ég er hins vegar orðlaus yfir ákvörðun þeirra Freys og Davíðs Snorra að hafa ritstjórann minn, Magnús Má Einarsson, ekki einu sinni í hóp hjá Leikni! Ég botna engan veginn í þessu og tel að hér sé verið að gera stór mistök. Maggi bað mig ekki um að skrifa þetta, bara svo því sé haldið til haga. :)
Fyrir leik
Ég er þess heiðurs aðnjótandi að á móti mér og kollegunum tekur þessi glænýja og flotta blaðamannastúka. Fjölnismenn eru búnir að setja gler yfir svalirnar og nú myndi ekki einu sinni laufblað fjúka um millimetra hérna inni! Flott framtak! Ákveðin sumarhúsastemning yfir þessu.
Fyrir leik
Fjölnir hefur verið á flottri siglingu í Pepsi-deildinni og komið mörgum á óvart. Liðið er í fjórða sæti með 14 stig og getur með sigri komist upp í þriðja sæti.

Leiknismenn eru með átta stig í áttunda sæti og geta slitið sig frá botnpakkanum með sigri. Breiðhyltingar hafa farið ágætlega af stað á mótinu en tapað síðustu tveimur leikjum.
Fyrir leik
Miðverðirnir Óttar Bjarni Guðmundsson og Halldór Kristinn Halldórsson hjá Leikni hafa verið að glíma við meiðsli en eru báðir í byrjunarliðinu í kvöld. Þá er miðjumaðurinn Fannar Þór Arnarsson í fyrsta sinn í hóp í sumar en hann hefur ekkert getað leikið vegna meiðsla en er að koma til baka.
Fyrir leik
Fjölnismenn gera eina breytingu á sínu liði frá 3-1 sigrinum gegn Stjörnunni í síðustu umferð. Gunnar Már Guðmundsson, Herra Fjölnir, er aftur kominn í byrjunarliðið. Mark Magee er hins vegar ekki í hóp, en hann skoraði tvö mörk í síðasta leik. Mikið áfall fyrir Fjölnismenn að hann sé ekki með.
Fyrir leik
Hér til hliðar má sjá byrjunarlið beggja liða.
Fyrir leik
Það eru öll hráefni til staðar fyrir skemmtilegan leik í kvöld. Þessi lið hafa margsinnis mæst og oft á tíðum er mikið fjör þegar þau leika. Fjölnir tryggði sér sæti í Pepsi-deildinni á Leiknisvellinum 2013 en á sama velli kom liðið í veg fyrir að Leiknir kæmist upp 2010. Það er ákveðinn rígur þarna á milli.
Elvar Geir Magnússon
Fyrir leik
Hér verður bein textalýsing frá leik Fjölnis og Leiknis.

Fjölnir hefur verið á flottri siglingu í Pepsi-deildinni og komið mörgum á óvart. Liðið er í fjórða sæti með 14 stig og getur með sigri komist upp í þriðja sæti.

Leiknismenn eru með átta stig í áttunda sæti og geta slitið sig frá botnpakkanum með sigri. Breiðhyltingar hafa farið ágætlega af stað á mótinu en tapað síðustu tveimur leikjum.
Elvar Geir Magnússon
Byrjunarlið:
Óttar Bjarni Guðmundsson
Eyjólfur Tómasson
Halldór Kristinn Halldórsson
3. Eiríkur Ingi Magnússon
7. Atli Arnarson
10. Ólafur Hrannar Kristjánsson
15. Kristján Páll Jónsson (f) ('82)
19. Amath Andre Dansokho Diedhiou ('59)
21. Hilmar Árni Halldórsson
30. Charley Roussel Fomen
88. Sindri Björnsson ('82)

Varamenn:
1. Arnar Freyr Ólafsson (m)
5. Edvard Börkur Óttharsson
9. Kolbeinn Kárason ('59)
10. Fannar Þór Arnarsson ('82)
16. Frymezim Veselaj
23. Gestur Ingi Harðarson

Liðsstjórn:
Elvar Páll Sigurðsson

Gul spjöld:
Ólafur Hrannar Kristjánsson ('60)
Óttar Bjarni Guðmundsson ('78)

Rauð spjöld: