Vallarþulurinn kynnir Aron Bjarnason, leikmann ÍBV, sem sykurpúðann úr Laugardal. Mjög krúttlegt.

Liðin labba hér út á völlinn. Eyjamenn leika í fallega bláum varabúningum í dag. Stuðningsmenn heimamanna láta strax vel í sér heyra.

Þóroddur Hjaltalín er dómari hér í dag, en hann dæmdi einmitt leik Fjölnis og Leiknis í Pepsi-deildinni núna á mánudaginn var. Þóroddur og hans menn voru gagnrýndir mikið fyrir frammistöðu sína í þeim leik. Það verður gaman að sjá hvernig Þóroddi vegnar í dag.

Það er ágætis stemning hérna á Laugardalsvelli. Gísli Pálmi og Kanye West á meðal þess sem fær að hljóma í græjunum. Gott stöff.

Byrjunarliðin eru komin inn. Athygli vekur að bæði Viktor Jónsson, sem og hinn snöggi Dion Jeremy Acoff eru hvíldir hjá Þrótturum.

Eyjamenn gera eina breytingu á byrjunarliði sínu úr tapinu á móti FH - Abel Dhaira fær tækifæri í búrinu og Guðjón Orri sest á bekkinn í hans stað.

Í síðustu umferð Borgunarbikarsins unnu Eyjamenn 4. deildarlið Léttis 6-0 á Hertz-vellinum. Þeir töpuðu þó síðasta leik sínum í Pepsi-deildinni 1-4 fyrir fræknum FH-ingum á Hásteinsvelli.

Þróttarar unnu BÍ/Bolungarvík 4-1 á gervigrasinu í Laugardal þar sem títtnefndur Viktor Jónsson gerði sér lítið fyrir og setti þrennu. Í síðustu umferð 1. deildarinnar sigruðu þeir svo KA 2-1. Þar gerði Viktor einnig mark.

Köttarar eru á þvílíkri siglingu í 1. deildinni eins og flestum er kunnugt - Með fullt hús stiga eftir 6 umferðir.
Viktor Jónsson sem er á láni frá Víkingi R. hefur heldur betur verið á skotskónum í sumar og verður skemmtilegt að sjá hvort hann setji ekki 1-2 fyrir Þrótt í dag.

Staðan í Vestmannaeyjum er þó ekki eins og best er á kosið en lærisveinar Jóhannesar Harðarsonar sitja á botni Pepsi-deildarinnar með 4 stig eftir 8 leiki.

Komiði heil og sæl kæru lesendur. Hér fer fram bein textalýsing á leik Þróttar R. og ÍBV á Laugardalsvelli allra landsmanna. Um er að ræða 16-liða úrslita viðureign í Borgunarbikar karla.