Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Fram
1
0
Þróttur R.
Gunnar Helgi Steindórsson '9 1-0
Davíð Þór Ásbjörnsson '79
22.06.2015  -  19:15
Laugardalsvöllur
1. deild karla 2015
Dómari: Þorvaldur Árnason
Byrjunarlið:
12. Cody Nobles Mizell (m)
3. Tryggvi Sveinn Bjarnason
6. Eyþór Helgi Birgisson ('88)
9. Brynjar Benediktsson
10. Orri Gunnarsson
13. Gunnar Helgi Steindórsson
15. Ingiberg Ólafur Jónsson
19. Sigurður Kristján Friðriksson
20. Magnús Már Lúðvíksson
22. Alexander Aron Davorsson
28. Sebastien Uchechukwu Ibeagha

Varamenn:
1. Sigmar Ingi Sigurðarson (m)
4. Ómar Friðriksson
5. Ernir Bjarnason ('88)
16. Arnór Daði Aðalsteinsson
17. Alex Freyr Elísson

Liðsstjórn:
Daði Guðmundsson
Andri Þór Sólbergsson

Gul spjöld:
Orri Gunnarsson ('16)

Rauð spjöld:
Leik lokið!
Leiknum er lokið og áhorfendur tryllast! Framarar vinna gríðarlega góðan sigur gegn nágrönnum sínum! Óvænt úrslit en kærkomin fyrir þá bláklæddu!
90. mín
Leikurinn að fjara út, þetta fer að verða búið.
88. mín
Inn:Ernir Bjarnason (Fram) Út:Eyþór Helgi Birgisson (Fram)
84. mín
Stuðningsmenn Fram voru byrjaðir að fagna!!! Orri Gunnarsson í algeru dauðafæri en skýtur í hliðarnetið!
80. mín
Framarar nálægt því að nýta sér liðsmuninn undir eins! Geysast upp í skyndisókn, boltinn berst á Brynjar Benediktsson sem lætur vaða en Aron Lloyd Green nær að trufla skot hans.
79. mín Rautt spjald: Davíð Þór Ásbjörnsson (Þróttur R.)
RAUTT SPJALD!! HVAÐ ER DAVÍÐ ÞÓR AÐ HUGSA?? Hann rífur svoleiðis í Eyþór Helga sem er að geysast upp kantinn og kemur í veg fyrir skyndisókn. Fær verðskuldað að líta sitt annað gula spjald og þar með rautt. Var kannski að taka "one for the team", en það hefði nú ekki verið neinn heimsendir þó Eyþór hefði farið framhjá honum. Klaufalegt!! Nú verður róðurinn þungur fyrir Þróttara!
77. mín Gult spjald: Rafn Andri Haraldsson (Þróttur R.)
Rafn Andri fær að líta gult spjald fyrir að taka niður Orra Gunnarsson á helst til grimmilegan hátt.
77. mín
Omar Koroma fljótur að stimpla sig í leikinn með skoti sem Cody Mizell ver þó nokkuð þægilega.
76. mín
Þróttarar fá þrjár hornspyrnur í röð. Í þeirri síðustu dettur boltinn út fyrir teiginn og Dion Acoff mætir og lætur vaða en boltinn fer vel yfir. Ágætis færi!
75. mín
Inn:Omar Koroma (Þróttur R.) Út:Aron Ýmir Pétursson (Þróttur R.)
Þróttarar gera sína aðra breytingu rétt áður en þeir taka hornspyrnu.
68. mín
Hlynur Hauksson með þrumuskot fyrir utan teig en boltinn siglir yfir markið. Það eru Þróttarar sem sækja og sækja þessa stundina!
66. mín
Viktor Jónsson fer illa með DAUÐAFÆRI!!!! Þróttarar galopnuðu vörn Framara og Viktor var kominn einn í gegn með allt pláss í heiminum. Fyrsta snertingin sveik hann hins vegar gjörsamlega og boltinn fór beint á Cody í marki Fram!
64. mín
Sókn Þróttara er að þyngjast umtalsvert og þeir eru búnir að fá nokkrar hornspyrnur en hafa enn ekki náð að klára dæmið.
61. mín
Þarna munaði litlu að Framarar tvöfölduðu forystu sína! Trausti missir boltann í teignum og Brynjar Benediktsson nær skoti sem fer í varnarmann Þróttar!
59. mín Gult spjald: Davíð Þór Ásbjörnsson (Þróttur R.)
Davíð fær að líta gula spjaldið fyrir hendi. Langur bolti kom inn í teig og Davíð reyndi að taka á móti honum með höndinni að mér sýndist.
58. mín
Afsakið hversu fáar færslur eru að detta inn, það er einfaldlega afar lítið í gangi. Jafnræði með liðunum og Þróttarar eru ekki að taka þetta nauðsynlega skref sem þarf til að þeir jafni metin. Eru þó líklega búnir að vera aðeins meira með boltann.
46. mín
Inn:Vilhjálmur Pálmason (Þróttur R.) Út:Alexander Veigar Þórarinsson (Þróttur R.)
Þróttarar gerðu eina breytingu í hálfleik. Vilhjálmur Pálmason kom inn á fyrir Alexander Veigar.
46. mín
Seinni hálfleikurinn er hafinn! Tekst Frömurum að landa kærkomnum sigri eða munu Þróttarar ná að snúa taflinu sér í vil?
45. mín
Hálfleikur
Gregg Ryder, þjálfari Þróttar, lætur sína menn taka létta upphitunaræfingu inni á vellinum áður en seinni hálfleikur hefst. Mættur með nokkrar keilur út á völlinn og menn taka litla spretti. Framarar eru ennþá inni í klefa.
45. mín
Hálfleikur
Flautað hefur verið til leikhlés í Laugardalnum! Leikurinn datt aðeins niður síðasta korterið eða svo en annars frábær skemmtun! Framarar eru 1-0 yfir gegn ósigruðu toppliði Þróttar. Tekst þeim að landa gríðarlega mikilvægum sigri?? Það kemur í ljós á eftir!
45. mín
Tryggvi Sveinn Bjarnason fær höfuðhögg í vítateig Þróttara en ekkert er dæmt. Hann þarf að fá aðhlynningu og fer af velli. Verður sjálfsagt hvíldur út fyrri hálfleikinn.
36. mín
Þrumuskot frá Ingiberg sem er á leið upp í vinkilinn en Trausti ver vel!
31. mín
Nafni minn Þórarinsson er ansi hugrakkur miðað við að vera á gulu spjaldi! Stökk í einvígi við Ingiberg Ólaf, mögulega með takkana á lofti, og sá síðarnefndi kenndi sér meins. Hins vegar ekkert dæmt. Ég er ekki að segja að þetta hafi verið brot, en ég er hins vegar að segja að menn á gulu spjaldi verða að vera aðeins varkárari en þetta. Smá ráð frá Alexander til Alexanders.
27. mín
Hlynur Hauksson með stórhættulega fyrirgjöf sem endar á kollinum á Acoff, en boltinn fer rétt yfir markið! Það vantar ekki fjörið hérna í Laugardalinn!
25. mín
Hætta á hinum endanum!! Viktor Jónsson með flotta takta í teignum og kemur boltanum á Alexander Veigar sem er hársbreidd frá því að ná skoti úr dauðafæri! Nær svo að halda áfram en málar sig út í horn og skot hans fer framhjá.
25. mín
Háspenna lífshætta!! Maggi Lú kemur með svakalegt innkast sem sjálfur Aron Einar Gunnarsson yrði stoltur af. Boltinn dettur steindauður niðri í teig en Þróttarar bjarga með naumindum.
24. mín
Framarar heimta hendi víti, bæði áhorfendur og leikmenn! Eftir laglegt spil kemur Orri Gunnarsson með fyrirgjöf og varnarmaður Þróttar stekkur fyrir hana. Framarar eru æfir og vilja meina að boltinn hafi farið í höndina á honum, en Þorvaldur harðneitar því og róar menn niður.
18. mín Gult spjald: Alexander Veigar Þórarinsson (Þróttur R.)
Það er heitt í kolunum hér í Laugardal og annað gula spjald leiksins lítur dagsins ljós! Einhverjum áhorfendum fannst liturinn eiga að vera annar! Alexander Veigar Þórarinsson er færður til bókar eftir að hann stekkur upp í einvígi við Sigurð Kristján Friðriksson með olnbogann á lofti. Alexander virtist keyra með olnbogann í höfuðið á Sigurði en Þorvaldur dómari sá atvikið vel og lyftir einungis gula spjaldinu.
17. mín
Viktor Jónsson er duglegur að skora mörk en í þetta skiptið ákvað hann að verja frá liðsfélaga sínum! Rafn Andri Haraldsson kom með frábæran bolta á Dion Acoff í teignum, sem sneri sér og kom sér í skotstöðu. Skot hans fór hins vegar beint í Viktor! Aðeins að lifna yfir gestunum.
16. mín Gult spjald: Orri Gunnarsson (Fram)
Orri Gunnarsson fær að líta fyrsta gula spjald leiksins og það réttilega. Dion Acoff er á fullri ferð upp vinstri kantinn og Orri einfaldlega tekur hann niður án þess að eiga séns í boltann. Réttur dómur.
14. mín
Framarar halda áfram að sækja og eiga annað skot. Markaskorarinn Gunnar Helgi lætur vaða utan teigs en boltinn beint á Trausta.
13. mín
Framarar eru krúsandi áfram þessa stundina! Jafnvel inn í nýtt gullaldarskeið! Eyþór Helgi kemur á blússandi spretti upp kantinn, Trausti fer út en hættir við og snýr við í markið og Eyþór lætur vaða, en boltinn fer rétt framhjá. Andartökum síðar á Eyþór Helgi annað skot rétt framhjá! Hvernig er þetta lið bara með 4 stig??
11. mín
Næstum því 2-0!!! Orri Gunnarsson með hörku hornspyrnu á kollinn á Tryggva Svein sem nær fínum skalla, en Trausti í marki Þróttar blakar boltanum yfir!
9. mín MARK!
Gunnar Helgi Steindórsson (Fram)
Stoðsending: Tryggvi Sveinn Bjarnason
MAAARK!!! Framarar eru komnir yfir og þar er á ferðinni Gunnar Helgi Steindórsson!! Framarar komu með frábæra aukaspyrnu inn í teig, Tryggvi Sveinn Bjarnason gerði virkilega vel og skallaði boltann til Gunnars Helga sem skoraði með fínu skoti! 1-0 fyrir FRAM!!!
6. mín
Framarar hársbreidd frá því að komast yfir!! Sigurður Kristján Friðriksson kemur með aukaspyrnu í teiginn sem Þróttarar ná ekki að skalla langt. Eyþór Helgi Birgisson fylgir eftir með skoti úr teignum en það siglir rétt framhjá!
3. mín
Þarna mátti ekkert allt of miklu muna. Dion Acoff kom á blússandi spretti upp hægri kantinn og keyrði inn í teig. Hann missti þó boltann aðeins of langt frá sér og Cody Mizell í marki Fram var á tánum og náði fyrstur til boltans.
1. mín
Vallarþulurinn hvetur áhorfendur til að láta í sér heyra og leikurinn er hafinn hér í Laugardalnum!
Fyrir leik
Leikmenn og dómararar eru mættir inn á völlinn undir dynjandi lófataki á Laugardalsvellinum. Nú fer að styttast í fjörið. Tekst Frömurum að binda enda á sigurgöngu Þróttara? Þessi leikur er gríðarlega mikilvægur fyrir bæði lið!
Fyrir leik
"Framarar, alla leið, inn í nýtt gullaldarskeið" syngur Hreimur í hátalarakerfinu á Laugardalsvelli. Vonandi fyrir Framara mun þetta gullaldarskeið ekki fara fram í 2. deildinni.
Fyrir leik
Síðast þegar undirritaður mætti á þennan völl fór fram leikur Íslands og Tékklands í undankeppni EM 2016. Troðfull stúka og gríðarleg stemning. En líkt og vanalega í heimaleikjum Fram á þessum velli næst engan veginn upp sú stemning, enda stúkan svo gott sem tóm miðað við fulla getu. Auðvitað er erfitt að þurfa að spila heimaleiki sína á þessum velli, hvað þá í 1. deild, en þetta er eini kosturinn í stöðunni fyrir Framara sem stendur.
Fyrir leik
Þróttarar gera enga breytingu á liðinu sem vann 2-1 sigur gegn KA í síðustu umferð. Enda er kannski engin ástæða til að breyta sigurliði.
Fyrir leik
Heimamenn í Fram gera eina breytingu á liði sínu frá því í 2-1 tapinu gegn Selfossi þann 11. júní. Eyþór Helgi Birgisson kemur inn í byrjunarliðið fyrir Daða Guðmundsson, sem fer á bekkinn.
Fyrir leik
Athyglisvert verður að sjá hvort Frömurum takist að hafa hemil á Viktori Jónssyni, sem hefur verið stórkostlegur það sem af er tímabili. Hann er markahæstur í 1. deildinni með sjö mörk.
Fyrir leik
Hér til hliðar má sjá byrjunarlið beggja liða. Gestirnir frá Þrótti, sem ekki þurfa að ferðast langt, hafa unnið alla sex leiki sína í 1. deildinni til þessa. Framarar hafa hins vegar verið í algeru basli og eru með fjögur stig í 10. sætinu, stigi frá fallsæti.
Fyrir leik
Góða kvöldið kæru lesendur og verið velkomnir í beina textalýsingu Fótbolta.net frá leik Fram og Þróttar í 1. deildinni. Leikurinn hefst á Laugardalsvelli eftir slétta klukkustund, klukkan 19:15.
Byrjunarlið:
30. Trausti Sigurbjörnsson (m)
5. Aron Ýmir Pétursson ('75)
9. Viktor Jónsson
10. Alexander Veigar Þórarinsson ('46)
10. Rafn Andri Haraldsson
11. Dion Acoff
14. Hlynur Hauksson
15. Davíð Þór Ásbjörnsson
19. Karl Brynjar Björnsson (f)
23. Aron Lloyd Green
27. Oddur Björnsson

Varamenn:
1. Elías Fannar Stefnisson (m)
3. Árni Þór Jakobsson
6. Vilhjálmur Pálmason ('46)
8. Hilmar Ástþórsson
12. Omar Koroma ('75)

Liðsstjórn:
Hallur Hallsson
Erlingur Jack Guðmundsson

Gul spjöld:
Alexander Veigar Þórarinsson ('18)
Davíð Þór Ásbjörnsson ('59)
Rafn Andri Haraldsson ('77)

Rauð spjöld:
Davíð Þór Ásbjörnsson ('79)