Malen, Maguire, Rashford, Greenwood, Yoro, Eriksen og fleiri góðir í slúðri dagsins
Breiðablik
1
0
Selfoss
Fanndís Friðriksdóttir '43 , víti 1-0
23.06.2015  -  19:15
Kópavogsvöllur
Pepsi-deild kvenna 2015
Aðstæður: Góður völlur og fínt veður
Dómari: Helgi Mikael Jónasson
Maður leiksins: Fanndís Friðriksdóttir
Byrjunarlið:
Andrea Rán Snæfeld Hauksdóttir
Ásta Eir Árnadóttir
Sonný Lára Þráinsdóttir
Telma Hjaltalín Þrastardóttir ('74)
2. Svava Rós Guðmundsdóttir ('85)
8. Málfríður Erna Sigurðardóttir
10. Jóna Kristín Hauksdóttir
14. Hallbera Guðný Gísladóttir
22. Rakel Hönnudóttir
23. Fanndís Friðriksdóttir
28. Guðrún Arnardóttir

Varamenn:
55. Halla Margrét Hinriksdóttir (m)
3. Arna Dís Arnþórsdóttir
6. Aldís Kara Lúðvíksdóttir ('74)
7. Hildur Sif Hauksdóttir ('85)
25. Ingibjörg Sigurðardóttir

Liðsstjórn:
Fjolla Shala

Gul spjöld:
Jóna Kristín Hauksdóttir ('78)

Rauð spjöld:
Leik lokið!
Blikastúlkur fara með sigur á hólmi eftir hörkuleik gegn Selfossi.

Þessi leikur hefði getað dottið báðum megin en umdeilt atvik í fyrri hálfleik skilur liðin af.

Viðtöl og skýrsla á leiðinni. Takk fyrir mig.
87. mín
Donna Henry á mjög ljóta tæklingu á miðjum vellinum en Helgi lætur leikinn halda áfram þar sem Blikastúlkur voru með boltann.

Hann sleppir síðan Donna með spjaldið er leikurinn er stöðvaður. Þarna átti hann mjög augljóslega að spjalda Donna þar sem þessi tækling var virkilega ljót.

Hrúgan af atriðum sem Helgi hefur einfaldlega dæmt vitlaust er bara að stækka.
87. mín
Inn:María Rós Arngrímsdóttir (Selfoss) Út:Erna Guðjónsdóttir (Selfoss)
85. mín
Inn:Hildur Sif Hauksdóttir (Breiðablik) Út:Svava Rós Guðmundsdóttir (Breiðablik)
85. mín
Aldis Kara snýr af sér varnarmann og á síðan gott skot sem fer rétt framhjá.
83. mín
Inn:Esther Ýr Óskarsdóttir (Selfoss) Út:Magdalena Anna Reimus (Selfoss)
Selfyssingar ætla sér enn að fá eitthvað úr þessum leik.
80. mín
Guðrún Arnadóttir og Svava Rós báðar mjög nálægt því að skora í sömu sókninni!

Eftir mikinn atgang inn í teig gestanna fá Blikar tvö mjög góð færi en Selfyssingar verjast virkilega vel í tvígang og bjarga því að Blikastúlkur hreinlega klári leikinn.
78. mín Gult spjald: Jóna Kristín Hauksdóttir (Breiðablik)
Brýtur á Donna Henry.
74. mín
Inn:Aldís Kara Lúðvíksdóttir (Breiðablik) Út:Telma Hjaltalín Þrastardóttir (Breiðablik)
72. mín
Inn:Katrín Rúnarsdóttir (Selfoss) Út:Eva Lind Elíasdóttir (Selfoss)
72. mín
Stuðningsmenn Selfyssinga halda áfram að fagna hverri aukaspyrnu sem þeir fá eins og marki.
68. mín
Selfyssingar halda áfram að vera meira með boltann og vera sterkara liðið. Blikastúlkur hafa fallið aftar á völlinn og eru að verja forystuna. Þær eru hins vegar alltaf hættulegar í skyndisóknum með Fanndísi fremsta í flokki.
61. mín
Fastir liðir eins og venjulega, Fanndís með sprett upp vinstri kantinn sem er hættulegur. Nú kemst hún upp að endamörkum og reynir að leggja boltann á Telmu sem rétt missir af honum og Selfyssingar ná að koma boltanum í burtu.

Fanndís er búin að vera besti maður vallarins hingað til.

59. mín
Eva Lind reynir skot eftir hornspyrnu en hittir boltann ekki nógu vel og hann siglir framhjá.
56. mín
Eva Lind togar í Svövu Rós og stoppar efnilega sókn.

Eins augljós gul spjöld og þau gerast en Helgi lætur tiltal duga. Helgi hefur alls ekki heillað mig í dag. Þetta er beint úr bókinni og á einfaldlega bara að vera spjald!
55. mín
Selfyssingar ætla að gefa allt sitt í þennan seinni hálfleik en þær hafa verið vel af stað og eru mun líklegri en Blikastúlkur eins og er.

Það vantar smá herslumun til að skapa betri færi.

52. mín
Svava Rós brýtur á Donna Henry við mikinn fögnuð stuðningsmanna Selfoss en þeir hafa ekki gleymt vítaspyrnudómnum sem þeir voru eðlilega mjög ósáttir við.
47. mín
Fanndís með enn einn sprettinn upp kantinn, nú kemst hún inn í teig en færið er mjög þröngt og rennur þetta út í sandinn.
46. mín
Dagný Brynjars byrjar næstum hálfleikinn á því að jafna!

Eftir sókn frá vinstri kemur fyrirgjöf inn sem Dagný nær að skalla að marki en Sonný nær að verja.
45. mín
Seinni hálfleikur er byrjaður

45. mín
Hálfleikur
Blikastúlkur leiða í hálfleik.
44. mín
Mér fannst þetta persónulega hins vegar alls ekki vítaspyrna. Fanndís var komin ein gegn Chante í markinu en hún virðist missa boltann of langt frá sér en lætur sig síðan falla.

Ég sá þetta þannig að um leið og hún missir boltann of langt frá sér þá lætur hún sig falla við minnstu snertingnu. Einnig fannst mér að þar sem hún var komin ein í gegn að Helgi hafi átt að vísa Summer af velli þar sem hann á annað borð var að dæma.

Vafasamt út í gegn en Blikastúlkur leiða.
43. mín Mark úr víti!
Fanndís Friðriksdóttir (Breiðablik)
MAAAAAAAAARK!!

Fanndís skorar af gríðarlegu öryggi.
43. mín Gult spjald: Summer Williams (Selfoss)
43. mín
Fanndís Friðriks fær víti!
40. mín
Fanndís fer upp kantinn, fer heldur auðveldlega framhjá Önnu Maríu en fyrirgjöf eða skotið hjá henni fór beint á Sandiford.

Þetta var dæmigert fyrir leikinn hingað til. Gerði vel í að fara framhjá varnarmanninum en síðasta snertingin var slök.
38. mín
Það er í raun ekki mikið hægt að skrifa um síðustu mínútur. Bæði lið eru að spila þokkalega, komast í ágætar stöður en ná síðan ekki að búa sér til færi.

Það er annað hvort vel varist eða síðasta sending ekki nógu góð en það er lítið um alvöru tækifæri.
32. mín
Stelpunar í U-17 landsliðinu eru mættar í stúkunna til að fylgjast með en þær eru þessa stundina að spila á Evrópumótinu í þeirra aldursflokki en mótið fer einmitt fram á Íslandi.
29. mín
Selfoss liðið er meira með boltann og eru að spila vel en það hefur verið lítið um færi í leiknum.
25. mín
Fanndís fer upp kantinn og á stórhættulega fyrirgjöf sem fer framhjá öllum.

Blikar þurfa að fleiri svona hlaup frá Fanndísi sem er óstöðvandi kantmaður á sínum degi.
24. mín
Selfoss liðið fer mjög mikið upp hægri kantinn þar sem Guðmunda er. Það hefur nokkrum sinnum verið nálægt því að skila sér.

Mjög jafn leikur hjá mjög jöfnum liðum eins og er.
20. mín
Rakel Hönnudóttir á flotta sendingu inn fyrir vörn Selfyssinga, þar er Andrea Rán í mjög góðu færi, hún tekur skotið sem er fínt en Chante Sandiford í markinu ver í horn.

Mjög vel gert hjá þeim öllum þrem.
18. mín
Selfoss liðið hefur spilað þennan leik mjög vel hingað til og hefur verið sterkari aðilinn heilt yfir og þá sérstaklega síðustu mínútur.
15. mín
Guðmunda Brynja kemur með fyrirgjöf frá hægri sem Sonný Lára missir klaufalega og er Selfoss liðið hársbreidd frá því að komast yfir.

Guðrún Arnadóttir kemur boltan frá á síðustu stundu. Þarna var Sonný Lára heppin.
13. mín
Aftur fer Guðmunda af stað, hún leikur á Hallberu áður en Málfríður kemur í hjálparvörn og missir Guðmunda boltann að lokum útaf. Guðmunda er í stuði í dag og óhrædd við að ráðast á varnarmenn Blika.
12. mín
Guðmunda Brynja Óladóttir er virkilega góður leikmaður en hún var rétt í þessu að fara framhjá um fjórum leikmönnum Blika áður en brotið var á henni.

Vel gert hjá Guðmundu.
11. mín
Gert er hlé á leiknum þar sem Helgi Mikael, dómari leiksins, var ekki sáttur við boltann sem var notast við.

Prófaðir eru þrír boltar eða svo þangað til Helgi er loks sáttur.
8. mín
Fyrsta tilraun leiksins kemur frá Telmu Hjaltalín en skot hennar eftir hornspyrnu fer framhjá markinu. Fínasta tilraun.
6. mín
Blikastúlkur virðast sækja á fleiri leikmönnum en Selfoss sem liggja örlítið aftar og virðist vera ánægðar að láta Breiðablik vera með boltann og sækja síðan hratt.
4. mín
Nokkuð jöfn byrjun á leiknum. Liðin hafa fengið sína sóknina hvort en þær verið stoppaðar af vörn liðanna.

Fyrir leik
Leikur hafinn
Heimastúlkur byrja með boltann.

Toppslagurinn er kominn af stað! Ég spáði 3-3, stórskemmtilegu marka jafntefli. Sjáum til.
Fyrir leik
Liðin eru að ganga inn á völlinn. Blikar eru í sínum hefðbundnu grænu treyjum.

Selfoss liðið spilar í argentínsku varabúningum sínum.
Fyrir leik
Maður er kominn í rosalegan gír hérna í Kópavogi. Það eru góðar græjur og teknóið spilað í botni.

Fyrir leik
20 mínútur í leik og liðin eru á fullu að hita upp.

Það er mikið undir í dag og spennan er að magnast.
Fyrir leik
Nú er ég að koma á Kópavogsvöll í fyrsta skipti sem blaðamaður og líkar mér það vel. Flott útsýni, djús, snúðar og góð tónlist. Vel gert Breiðablik!
Fyrir leik
Breiðablik er auðvitað stórveldi í kvennaboltanum hér heima og hefur unnið mikið af titlum. Selfoss er ekki alveg með sömu hefð en þar á bæ hefur verið mikil uppbygging á síðustu árum og liðið hægt og rólega verið að bæta sig.

Þær virðast vera að toppa í ár og vinna síðustu ára er að skila sér.
Fyrir leik
Selfoss liðið fékk Aftureldingu í heimsókn í síðustu umferð þar sem flestir bjuggust við öruggum sigri Selfyssinga.

Staðan var markalaus í hálfleik en Selfoss vann leikinn þó að lokum, 2-0.
Fyrir leik
Breiðablik fór ansi illa með Val í síðustu umferð og unnu 6-0 þar sem Fanndís Friðriksdóttir var óstöðvandi og skoraði tvö mörk en hún hefði getað skorað fleiri.
Fyrir leik
Það er ekki margt sem kemur á óvart í byrjunarliðum liðanna.

Fjolla Shala hefur verið að spila undanfarið en hún er á bekknum hjá Breiðablik. Annars er allt nokkuð hefðbundið.
Fyrir leik
Þetta er sannkallaður stórslagur enda eru liðin í efstu tveim sætum deildarinnar. Breiðablik er á toppnum með 16 stig á meðan Selfoss er með 15 í öðru sæti.
Fyrir leik
Halló!
Verið velkomin í beina textalýsingu frá toppslag í Pepsi deild kvenna en lið Breiðabliks og Selfoss leika á Kópavogsvelli.
Byrjunarlið:
12. Chante Sherese Sandiford (m)
Anna María Friðgeirsdóttir
Erna Guðjónsdóttir ('87)
Dagný Brynjarsdóttir
2. Hrafnhildur Hauksdóttir
2. Donna Kay Henry
10. Guðmunda Brynja Óladóttir
11. Heiðdís Sigurjónsdóttir
15. Summer Williams
18. Magdalena Anna Reimus ('83)
19. Eva Lind Elíasdóttir ('72)

Varamenn:
13. Friðný Fjóla Jónsdóttir (m)
3. María Rós Arngrímsdóttir ('87)
5. Brynja Valgeirsdóttir
8. Íris Sverrisdóttir
28. Esther Ýr Óskarsdóttir ('83)
29. Katrín Rúnarsdóttir ('72)

Liðsstjórn:
Bríet Mörk Ómarsdóttir

Gul spjöld:
Summer Williams ('43)

Rauð spjöld: