Malen, Maguire, Rashford, Greenwood, Yoro, Eriksen og fleiri góðir í slúðri dagsins
KR
2
1
FH
Óskar Örn Hauksson '15 1-0
1-1 Kassim Doumbia '17
Gary Martin '61 2-1
05.07.2015  -  20:00
Alvogenvöllurinn
Borgunarbikar karla
Dómari: Garðar Örn Hinriksson
Byrjunarlið:
1. Stefán Logi Magnússon (m)
Pálmi Rafn Pálmason ('75)
2. Grétar Sigfinnur Sigurðarson
3. Rasmus Christiansen
6. Gunnar Þór Gunnarsson
7. Gary Martin ('70)
8. Jónas Guðni Sævarsson
18. Aron Bjarki Jósepsson
19. Sören Frederiksen
20. Jacob Toppel Schoop
22. Óskar Örn Hauksson (f) ('81)

Varamenn:
13. Sindri Snær Jensson (m)
7. Skúli Jón Friðgeirsson
8. Þorsteinn Már Ragnarsson ('81)
11. Almarr Ormarsson ('70)
16. Kristinn Jóhannes Magnússon ('75)
20. Axel Sigurðarson
21. Atli Hrafn Andrason

Liðsstjórn:

Gul spjöld:
Pálmi Rafn Pálmason ('58)

Rauð spjöld:
Leik lokið!
KR verður í pottinum á þriðjudag.
94. mín
Hornspyrna sem FH fékk... Róbert markvörður fór fram, dæmt sóknarbrot.
93. mín
Jacob Schoop í daaaaauðafæri! Einn gegn Róberti með allan tímann í heiminum en Róbert náði að verja!
90. mín
4 mínútur í viðbótartíma.
88. mín Gult spjald: Kassim Doumbia (FH)
87. mín
STÖNGIN BJARGAR FH!!! Sören Frederiksen með skot sem breytti um stefnu af Kassim Doumbia og fór í stöngina.
87. mín
ÞARNA MUNAÐI NÁNAST ENGU!!! Rosalega gott hratt spil FH, Atli Guðnason með snilldarsendingu á Steven Lennon sem var einn gegn Stefáni Loga en Stefán náði að verja. Rosalegt atvik.
85. mín
Inn:Kristján Flóki Finnbogason (FH) Út:Jeremy Serwy (FH)
82. mín Gult spjald: Emil Pálsson (FH)
81. mín
Inn:Þorsteinn Már Ragnarsson (KR) Út:Óskar Örn Hauksson (KR)
Þorsteinn mætti með tvo miða inn á völlinn! Rétti Jónasi Guðna og Rasmusi. Mourinho taktík hjá þjálfurum KR.
79. mín
Inn:Emil Pálsson (FH) Út:Bjarni Þór Viðarsson (FH)
76. mín Gult spjald: Davíð Þór Viðarsson (FH)
75. mín
Inn:Kristinn Jóhannes Magnússon (KR) Út:Pálmi Rafn Pálmason (KR)
75. mín
HÖRKUFÆRI! KR líklegri til að bæta við en FH að jafna. Sören í flottu færi en skot yfir.
74. mín
Miðjan hjá FH hefur verið undir í þessum leik, algjörlega.
72. mín
Inn:Atli Viðar Björnsson (FH) Út:Þórarinn Ingi Valdimarsson (FH)
70. mín
Inn:Almarr Ormarsson (KR) Út:Gary Martin (KR)

65. mín
Óskar Örn í góðu skotfæri en Kassim bjargaði á síðustu stundu!
61. mín MARK!
Gary Martin (KR)
Gary Martin sem hefur verið verulega öflugur í kvöld nær að skora! Skyndilega fékk hann flugbraut úti vinstra megin, fyrsta snerting hans var ekki nægilega góð og hann fór í ansi þröngt færi en náði að klára framhjá Róberti og í markið. Set spurningamerki við Róbert í þessu.
58. mín Gult spjald: Pálmi Rafn Pálmason (KR)
52. mín
Helsta umræðuefnið í hálfleiknum var stökk-kraftur Kassim Doumbia. Svakalega hoppaði hann í markinu sínu!
50. mín
Serwy með fyrirgjöf. Lennon með skalla í jörðina og yfir.
48. mín
Óskar Örn Hauksson með aukaspyrnu á stórhættulegum stað! Naumlega framhjá!
46. mín
Seinni hálfleikur er hafinn
45. mín
Hálfleikur
45. mín
Atli Guðnason ógnar! Dansar í vítateig KR en á síðustu stundu bjargar Grétar Sigfinnur.
44. mín
Bjarni Þór Viðarsson með skot yfir markið. Fékk fínt skotfæri.
42. mín
Það hefur róast talsvet yfir leiknum.

40. mín
Steven Lennon í dauðafæri en hitti boltann herfilega! Skotið hátt yfir markið.
39. mín
Bjarni Þór Viðarsson miðjumaður FH þarf að komast í takt við leikinn. Hefur ekki átt góðan fyrri hálfleik. Sendingar ónákvæmar og er undir í allri baráttu.
38. mín
STÖNGIN!!!!! Svakalegt skot utan teigs frá Gunnari leikmanni KR sem hafnaði í stönginni.
32. mín
KR-ingar í stórhættulegri sókn en Jónas Guðni náði ekki að hitta boltann.
22. mín
Þessi leikur byrjar frábærlega.
17. mín MARK!
Kassim Doumbia (FH)
Stoðsending: Jeremy Serwy
FH ekki lengi að kvitta!!! Svakalegt skallamark. Rosalegur skalli eftir hornspyrnu og boltinn syngur í netinu. Sá kraftur. Þrátt fyrir að þetta hafi nánast verið beint á Stefán þá kom hann engum vörnum við! Boltinn breytti um stefnu af Óskari Erni.
15. mín MARK!
Óskar Örn Hauksson (KR)
Stoðsending: Gary Martin
Óskar og Gary Martin með frábæran samleik og Brynjar Ásgeir var úr leik. Óskar fékk boltann á markteignum og skoraði! Kassim leit ekki vel út þarna.
14. mín
Óskar Örn Hauksson með lúmskt skot. Naumlega framhjá.
12. mín
Grétar Sigfinnur Sigurðarson er vel hikstandi í upphafi. Áðan ætlaði hann að skalla til baka en dreif varla á Stefán Loga i markinu. Atli Guðna nálægt því að komast á milli en Stefán reddaði þessu naumlega.
11. mín
Varnarleikur KR lítur hrikalega illa út í upphafi leiks. Leikur allt á reiðiskjálfi.
6. mín
ROOOOOOSALEG SÓKN HJÁ FH! Þarna skall hurð nærri hælum! Á endanum var flögguð rangstaða en allt var galopið.
5. mín
"Við viljum Jónas í formanninn!" syngja stuðningsmenn KR. Vilja Jónas Ými, stuðningsmann FH, sem formann KSÍ!
3. mín
Miðjan er svo sannarlega vöknuð. Það eru helstu tíðindin fyrstu mínútur leiksins. Sungið dátt.
1. mín
Leikur hafinn
Rauði baróninn hefur flautað til leiks!!! Ég ætla að spá því að við fáum allt fyrir peninginn. Framlenging, vítaspyrnukeppni og veisla.
Fyrir leik
GLEÐITÍÐINDI!!!! Bóasinn, brjálaður stuðningsmaður KR, er mættur í stúkuna! Hann var fjarri góðu gamni gegn Leikni í Pepsi-deildinni í síðustu umferð en er mættur og virkar í hrottalegu formi. Þetta verður eitthvað.
Fyrir leik
Vallarþulur KR, Páll Sævar, oftast kallaður Röddin er að lesa upp byrjunarliðin. Stemningin að aukast. Það verður að taka það fram að Röddin fær 10 í einkunn í sínu starfi.

Fyrir leik
Það verður náttúrulega að taka fram að Böddi löpp er ekki með FH! Böðvar Böðvarsson er meiddur samkvæmt því sem við heyrum og það eru ekki jákvæðar fréttir því Löppin hefur verið hreinlega frábær í sumar. Sam Tillen er því í byrjunarliðinu. Ég bið afsökunar á því að hafa keki komið inn á þetta fyrr!
Fyrir leik
Þorvaldur Árnason sem átti að dæma þennan leik er veikur. Vorum að fá það staðfest frá eftirlitsmanni leiksins.
Fyrir leik
Spámaður leiksins: Eyjólfur Tómasson, markvörður Leiknis:
Eyjólfur spáir 2-0 útisigri FH í kvöld.
Fyrir leik
Gary Martin er mættur aftur eftir meiðsli og er í byrjunarliði KR í kvöld. Aðstæður hér á KR-vellinum eru framúrskarandi. Völlurinn smá blautur, fínn hiti og algjört logn. Þetta verður veisla!
Fyrir leik
Jonathan Hendrickx er fyrsta sinn í hópnum hjá FH eftir að hafa meiðst illa í byrjun maí. Gleðitíðindi að sjá hann aftur á skýrslu.
Fyrir leik
Rauði baróninn, Garðar Örn Hinriksson, sér um að dæma þennan leik. Áhugavert því Þorvaldur Árnason átti upphaflega að dæma. Ekki eru komnar fréttir af því af hverju breyting var gerð. Jóhann Gunnar Guðmundsson, kjötiðnaðarmaðurinn frá Hvolsvelli, og Frosti Viðar Gunnarsson eru aðstoðardómarar.

Fyrir leik
Byrjunarliðin eru komin inn.

Skúli Jón Friðgeirsson varð fyrir smávægilegum meiðslum þegar KR gerði 1-1 jafntefli við Cork í forkeppni Evrópudeildarinnar á fimmtudag. Hann er á bekknum í kvöld. Gonzalo Balbi meiddist í þeim leik og er ekki í hóp.

Guðmann Þórisson er meðal varamanna hjá FH.
Verið með okkur á Twitter. Kassamerkið er #fotboltinet
Fyrir leik
KR og FH hafa mæst einu sinni áður í Pepsi-deildinni í sumar. Það var í fyrstu umferðinni og þá unnu FH-ingarnir 3-1 sigur hér á KR-vellinum þrátt fyrir að vera undir þegar tuttugu mínútur voru eftir.
Fyrir leik
KR er ríkjandi bikarmeistari og hefur unnið bikarinn þrisvar á síðustu fjórum árum. FH er ekki eins mikið bikarlið, það er komið í átta liða úrslitin í fyrsta sinn í fimm ár eða síðan að liðið varð bikarmeistari síðast 2010.
Fyrir leik
Heilir og sælir lesendur góðir. Framundan er El Clasico í bikarnum. KR - FH. Tvö efstu lið Pepsi-deildarinnar mætast.
Byrjunarlið:
1. Róbert Örn Óskarsson (m)
Samuel Lee Tillen
Davíð Þór Viðarsson
Bjarni Þór Viðarsson ('79)
4. Pétur Viðarsson
7. Steven Lennon
11. Atli Guðnason
20. Kassim Doumbia
22. Jeremy Serwy ('85)
23. Brynjar Ásgeir Guðmundsson
23. Þórarinn Ingi Valdimarsson ('72)

Varamenn:
12. Kristján Finnbogi Finnbogason (m)
8. Emil Pálsson ('79)
16. Jón Ragnar Jónsson
17. Atli Viðar Björnsson ('72)
18. Kristján Flóki Finnbogason ('85)
21. Guðmann Þórisson
26. Jonathan Hendrickx

Liðsstjórn:

Gul spjöld:
Davíð Þór Viðarsson ('76)
Emil Pálsson ('82)
Kassim Doumbia ('88)

Rauð spjöld: