Þróttarar hafa svosum alveg fengið færi! Rétt í þessu er Jade Flory aftur ein gegn markverði en þrumar yfir!

Hjá Fylki kom semsagt inn á Andrea Katrín Ólafsdóttir.. sem er skráð í byrjunarliðið hér hjá okkur upp úr KSÍ skýrslunni.. játa að ég skil ekki neitt.

Berglind fær alveg kjörið tækifæri til að fullkomna þrennuna þegar hún kemst ein í gegn eftir frábæra stungu frá Söndru Sif! Skot hennar er hins vegar beint á Mckenzie!

Shu-o Tseng er búin að vera fáránlega öflug á miðjunni. Gríðarlegur kraftur í henni og rétt í þessu átti hún skot utan teigs sem fór rétt yfir!

Þróttarar gætu ekki skorað þó líf þeirra væri að veði!! Jade Flory kemst ein í gegn en fer að dóla með boltann og reyna að sóla markvörðinn og endar bara í algjöru rugli! Sóknin fjarar svo út.

Þróttarar vilja fá hendi í teignum en ekkert dæmt. Guðrún Jóna þjálfari Þróttar er brjáluð og dómarinn ræðir við hana.

Leikurinn er hafinn á ný og Fylkir byrjar með boltann.

Hulda Hrund í dauðafæri í teignum eftir að hún hirðir boltann af Fanneyju en skot hennar fer framhjá. Fylkir gætu verið með fjögur til fimm mörk.

Þróttarar fengu ágætis færi áðan og fá svo aukaspyrnu á þokkalegum stað, heldur langt fyrir utan teig mögulega. Madison Solow lætur vaða en skot hennar fer beint á Evu í markinu.

Ruth Þórðar í hörkufæri en skýtur boltanum rétt framhjá! Flott sókn hjá Fylkisstúlkum, ég sé ekki annað en að þetta endi með sannfærandi sigri þeirra.

Algjör deddari hinu megin!! Hvernig varði Mckenzie þetta??? Berglind Björg er ein í markteignum og lætur vaða, ágætis skot, en Mckenzie ver frábærlega yfir. Þetta var eins í síðasta leik gegn Val, henni að þakka að Þróttur er ekki að fá enn fleiri mörk á sig. Hún hlýtur að vera á yfirvinnukaupi!

ALGJÖRT DAUÐAFÆRI HJÁ ÞRÓTTI!! Eva Bergrín kemst ein gegn markverði eftir frábæra stungusendingu en skot hennar er hörmulegt og Eva Ýr í markinu ver vel! Hefði átt að klára þetta!

Víti!!! Fylkisstúlkur fá víti eftir að varnarmaður Þróttar hrindir í bakið á Berglindi Björg inni í teignum! Hún tekur spyrnuna sjálf!

Þróttarar hafa verið í algerri anuðvörn síðan markið kom! Rétt í þessu á Ruth Þórðar þrumuskot fyrir utan teig eftir góða sókn en Mckenzie, sem var frábær gegn Val í síðasta leik, gerir vel og blakar boltanum yfir. Ekkert verður úr hornspyrnunni.

Þetta er það sama og gerðist við Þróttara í síðasta leik. Þær byrja ágætlega en sofna svo gersamlega á verðinum og fá á sig mark snemma. Fylkisstúlkur mega samt eiga það að þær höfðu verið að ná fínu tökum á leiknum.

Nokkuð rólegt til að byrja með. Það er jafnræði með liðunum sem bæði hafa verið nálægt því að skapa sér álitlegar sóknir en aðeins vantað herslumuninn.

Leikurinn er hafinn og það eru Þróttarar sem byrja með boltann.