Malen, Maguire, Rashford, Greenwood, Yoro, Eriksen og fleiri góðir í slúðri dagsins
KR
0
1
Rosenborg
0-1 Pål André Helland '56 , víti
16.07.2015  -  19:15
KR-völlur - Fyrri leikur
Undankeppni Evrópudeildarinnar
Aðstæður: Fullkomnar aðstæður til knattspyrnuiðkunar
Dómari: Adam Farkas (Ungv)
Áhorfendur: 1540
Maður leiksins: Tobias Mikkelsen
Byrjunarlið:
1. Stefán Logi Magnússon (m)
Pálmi Rafn Pálmason
2. Grétar Sigfinnur Sigurðarson
3. Rasmus Christiansen
6. Gunnar Þór Gunnarsson
8. Þorsteinn Már Ragnarsson ('29)
8. Jónas Guðni Sævarsson
18. Aron Bjarki Jósepsson
19. Sören Frederiksen ('67)
20. Jacob Toppel Schoop
22. Óskar Örn Hauksson (f) ('80)

Varamenn:
13. Sindri Snær Jensson (m)
4. Gonzalo Balbi Lorenzo
7. Gary Martin ('29)
9. Hólmbert Aron Friðjónsson ('67)
11. Almarr Ormarsson ('80)
16. Kristinn Jóhannes Magnússon
20. Axel Sigurðarson

Liðsstjórn:

Gul spjöld:
Sören Frederiksen ('55)
Óskar Örn Hauksson ('60)

Rauð spjöld:
Leik lokið!
Alls ekki slæm úrslit fyrir KR-inga sem áttu ekki sinn besta dag í dag. Geta algjörlega komið til baka í seinni leiknum í Noregi.
90. mín
4 mínútur í uppbótartíma...
89. mín
Það hefur lítið verið að frétta hérna síðustu mínúturnar. Fólk byrjað að tía sig úr stúkunni...
84. mín
Gary Martin tekur aukaspyrnu eftir að brotið er á Hólmberti Aroni. Gary setur boltann inn í teig en flautað er þó á aukaspyrnu sem Rosenborg eiga. Brotið er á Jonasi Svensson í atgangnum inni í teig.
82. mín Gult spjald: Mike Lindemann Jensen (Rosenborg)
Fyrir mótmæli.
82. mín Gult spjald: Riku Riski (Rosenborg)
Fyrir að sparka boltanum í burtu þegar KR-ingar eiga aukaspyrnu. Bjánalegt.
80. mín
Inn:Almarr Ormarsson (KR) Út:Óskar Örn Hauksson (KR)
Óskar Örn tekinn af velli eftir erfiðan dag á skrifstofunni. In-form Almarr Ormarsson kemur inn á.
80. mín
HVERNIG GAT HANN KLÚÐRAÐ ÞESSU?
Jacob Schoop á fullkomna sendingu inn á Óskar Örn sem er nánast einn fyrir framan markið en skot hans fer langt yfir!!
79. mín
Inn:Riku Riski (Rosenborg) Út:Pål André Helland (Rosenborg)
79. mín
Pálmi Rafn snýr með bakið í markið, fær boltann í fætur frá Óskari Erni, nær að snúa sér við og setja boltann út á Gary Martin á vinstri kantinum. Gary reynir að finna Hólmbert sem er inni í teignum en Andre Hansen grípur sendinguna frá Gary.
70. mín
Fredrik Midtsjo leikur sér að Jónasi Guðna rétt fyrir utan vítateig KR-inga, nær að koma boltanum inn á samherja sem nær skoti sem Stefán Logi ver.
69. mín
Tobias Mikkelsen gefur boltann inn fyrir Mike Jensen sem er inni í vítateig KR-inga. Jensen nær þó ekki að koma fætinum í boltann og KR-ingar fá markspyrnu.
67. mín
Inn:Hólmbert Aron Friðjónsson (KR) Út:Sören Frederiksen (KR)
Hólmbert Aron kemur hér inn á í sínum fyrsta leik fyrir félagið og fær góða móttöku frá nýum stuðningsmönnum sínum. Gary Martin færir sig út á kantinn og Hólmbert er fremstur.
66. mín
Boltinn dettur fyrir Jonas Svensson inni í teig KR-inga og hann á frábært skot sem Stefán Logi nær að verja vel.
66. mín
Hólmbert Aron er að gera sig tilbúinn að koma inn á völlinn. Sören fer líklegast út af, búinn að vera slakur í dag.
65. mín
KR-ingar fá aukaspyrnu á ágætis stað á vinstri kantinum. Gary Martin spyrnir boltanum inn í teiginn úr aukaspyrnunni en gestirnir hreinsa. Úr því brunar Pål Helland upp völlinn og er einn á móti Stefáni Loga. Stefán kemur þó út úr teignum og nær að tækla boltann úr hættu. Gary Martin nær þá boltanum hinu megin á vellinum og reynir fyrirgjöf en gestirnir setja boltann aftur fyrir markið og KR fær hornspyrnu. Ekkert kemur þó upp úr horninu.
60. mín Gult spjald: Óskar Örn Hauksson (KR)
58. mín
Þarna mátti litlu muna!!
Sören Frederiksen sendir boltann fyrir markið þar sem Óskar Örn bíður á fjærstönginni. Hann nær þó ekki að nikka boltanum með hausnum inn í markið. Þarna hefði Óskar líklega viljað vera hausnum hærri!
56. mín Mark úr víti!
Pål André Helland (Rosenborg)
Stoðsending: Alexander Söderlund
MAAAARK!!!
Stefán Logi velur hægra hornið en Pål André setur hann örugglega í það vinstra. 0-1!
55. mín Gult spjald: Sören Frederiksen (KR)
55. mín
VÍTASPYRNA - ROSENBORG
Rasmus Christiansen brýtur á Alexander Söderlund. Ungverjinn flautar og Pål André Helland fer á punktinn...
53. mín
KR-ingar sækja hér aftur. Pálmi Rafn á frábæra sendingu inn á Gary Martin en hann reynir fyrirgjöf þar sem enginn er. Upp úr þessu reyna Rosenborgarar að sækja upp vinstri kantinn en þar stöðvar Aron Bjarki sóknina með því að brjóta á Fredrik Midtjso og gestirnir fá aukaspyrnu.
51. mín
Stórhættuleg sókn hjá KR-ingum!
Jacob Schoop nær að stela boltanum af leikmanni Rosenborg á hægri kantinum, koma sér inn fyrir framan teiginn og senda boltann á Sören Fredriksen. Sören er hins vegar hrikalega lengi að athafna sig og endar boltinn hjá Óskari Erni sem á mjög gott skot en það fer framhjá markinu.
47. mín
Pål André Helland fer hér upp hægri kantinn og leikur á hvern KR-inginn á fætur annars, reynir svo skot en það fer framhjá marki Stefáns Loga.
46. mín
Jæja þá eru allir leikmenn mættir á völlinn og við erum komin af stað á nýjan leik!
45. mín
Hálfleikur
Tökum okkur smá pásu eftir fjörugan fyrri hálfleik!
45. mín
KR-ingar neita þó að láta deigan síga og sækja fast hinu megin á vellinum en ekkert virðist koma út úr sóknaruppspili þeirra.
43. mín
Rosenborg eru, eins og þeir segja ytra; "piling on the pressure."
Þeir fá hornspyrnu sem Tobias Mikkelsen tekur. Hólmar Örn er réttur maður á réttum stað því boltinn smellur beint á pönnuna á manninum. Hólmar skallar boltann þó rétt, rétt svo yfir markið en mark hjá gestunum liggur svona semí í loftinu.
41. mín
Rosenborg fær aukaspyrnu á mjög hættulegum stað. Pål André Helland tekur hana, klínir boltanum upp í hægra hornið en Stefán Logi er ekki svona stór fyrir ekki neitt! Mjög góð markvarsla á mjög góðri spyrnu.
40. mín
Hérna vilja heimamenn fá hendi, víti! Boltinn virðist fara í hendina á varnarmanni Rosenborg en Adam Farkas dæmir ekkert. Rosenborg fara þá í skyndisókn hinu megin á vellinum. Söderlund virðist vera að fá boltann í fætur rétt fyrir framan mark Stefáns Loga en Jónas Guðni er þá mættur á sprettinum til að koma í veg fyrir mögulegt marktækifæri.
38. mín
Gestirnir eru nú búnir að eiga nokkur skot á markið en þau hafa öll ratað beint í fangið á Stefáni Loga. Alexander Söderlund reynir skot, sem eins og hin, fer beint á Stefán.
36. mín
Úr hinni hornspyrnunni á Óskar Örn skalla sem gestirnir ná að koma frá. Boltinn dettur á Pálma Rafn sem setur hann úr á Schoop. Schoop reynir að keyra inn fyrir framan teig en skotið er slakt og ná Rosenborgarar að hreinsa.
35. mín
Jacob Schoop tekur hornspyrnu sem KR-ingar eiga. Hún ratar beint á kollinn á Aroni Bjarka en skallinn er slakur. Gestirnir hreins út í annað horn.
33. mín
Tobias Mikkelsen fær boltann hér á vinstri kantinum og hleður í skot sem fer beint í fangið á Stefáni Loga.
31. mín
Besta færi leiksins hingað til!

Eftir fyrirgjöf Mikel Dorsin nær Grétar Sigfinnur að hreinsa boltann úr teignum. Boltinn ratar hins vegar beint á Tobias Mikkelsen sem finnur Alexander Söderlund sem er á fleygiferð inn í teig KR-inga. Tobias á frábæra sendingu sem Söderlund skallar rétt yfir markið!
29. mín
Inn:Gary Martin (KR) Út:Þorsteinn Már Ragnarsson (KR)
Það er morgunljóst að Þorsteinn Már hefur lokið leik hér enda er hann lagstur niður á völlinn. Gary Martin kemur í stað hans í framlínu þeirra röndóttu.
27. mín
Gary Martin er að gera sig tilbúinn að koma inn á fyrir Þorstein Má. Hólmbert Aron greinilega ekki framarlega í goggunarröðinni hjá Bjarna.
26. mín
Það er fyndið að sjá að Jacob Schoop og Ole Kristian Sandnes, báðir númer 20 hjá hvoru liði fyrir sig, líta nánast út eins og klón af hvorum öðrum. Báðir með sítt, dökkt hár og báðir númer 20. Mjög fyndið að sjá þá berjast hérna á móti hvorum öðrum á miðjunni.
25. mín
Þorsteinn fékk eitthvað bindi utan um lærið en hann er hér að rembast við að taka það af sér. Spurning hvort hann sé klár í restina af leiknum...
22. mín
Rosenborgarar reyna að koma boltanum fram völlinn en það mistekst eitthvað. Boltinn dettur aftur inn fyrir vörn Norsarana þar sem Sören Fredriksen og Þorsteinn Már eru hvorugir rangstæðir. Mikael Dorsin nær þó að stíga Þorstein, sem gefst þó ekki upp, út og Þorsteinn er hálfpartinn tæklaður niður af Andre Hansen og liggur eftir. Þorsteinn fær aðhlúun en fyrir utan völlinn en er svo hleypt aftur inn á.
19. mín
Schoop-arinn á ágætis bolta inn í teig en enginn nær að koma þessum inn. Beint framhjá.
19. mín
KR-ingar eiga aukaspyrnu á ágætis stað. Jacob Schoop stendur yfir boltanum...
19. mín
Eftir ágætis sókn á Tobias Mikkelsen skalla að marki KR eftir fyrirgjöf frá Mike Jensen. Skallinn fer þó yfir markið en hættuleg var sóknin.
17. mín
Tobias Mikkelsen reynir skot að marki KR-inga en þessi bolti fer hátt yfir markið.
15. mín
Rosenborgarmenn eiga hér ágætis sókn upp hægri kantinn en eftir pínu moð inni í teignum ratar boltinn heim til Stefáns Loga í marki KR.
14. mín
Gunnar Þór á ágætis fyrirgjöf inn í teig gestanna en boltinn flýgur í gegn um allan pakkann og út í innkast. Sören hefði líklega getað verið aðeins betur staðsettur til að nikka honum inn þarna.
12. mín
JA HÉRNA HÉR
Boltinn dettur út úr teignum beint fyrir fæturna á Jónasi Guðna sem reynir sturlað skot fyrir utan teig. Þessi bolti dettur hins vegar rétt ofan á þaknetinu en þarna hefði Jónas líklega verið að skora mark lífs síns. Hefði getað hætt hefði hann skorað þarna
10. mín
KR-ingarnir eru búnir að vera nokkuð sprækir hér á fyrstu mínútunum. Gestirnir fá hér aðra hornspyrnu en Stefán Logi á ekki í neinum vandræðum með að plokka þennan úr loftinu.
5. mín
Fyrstu hornspyrnu leiksins eiga gestirnir. Mikael Dorsin reynir fyrirgjöf en Pálmi Rafn nær að koma sér fyrir hana. Hornspyrnuna tekur Mike Jensen en Sören skallar hana í burtu.
2. mín
KR-ingar byrja hressilega!
Pálmi Rafn leggur boltann út á Óskar Örn sem reynir ágætis skot en það ratar beint í fangið á fyrrum KR-ingnum Andre Hansen í markinu.
1. mín
Leikur hafinn
Þá erum við loksins komin af stað!

Gestirnir byrja með boltann og spila í átt að KR heimilinu.
Fyrir leik
Maður fær bara gæsahúð - Svoleiðis er stemningin á vellinum þegar
Fyrir leik
Það er sannkölluð þjóðhátíðarstemning hér á Alvogen vellinum og troðfullt er í stúkunni. 12:00 í græjunum og allir léttir.
Fyrir leik
Hér má svo sjá byrjunarliðsgrafík hjá gestunum
Fyrir leik
Hér má sjá byrjunarlið KR-inga á grafísku formi
Fyrir leik
Hér til hliðar má sjá byrjunarlið liðanna í kvöld.

Gary Martin og Hólmbert Aron Friðjónsson eru báðir á bekknum hjá KR í kvöld og er það því Þorsteinn Már Ragnarsson sem leiðir sóknarlínuna í kvöld.

Hólmar Örn Eyjólfsson, landsliðsmaður Íslands er í byrjunarliði gestanna í kvöld.

Elvar Geir Magnússon
Fyrir leik
Hvetjum fólk til að taka þátt í þessu veislu kvöldi með því að nota #fotboltinet á samskiptamiðlinum Twitter.

Valin tíst verða svo sett hingað í textalýsinguna.
Gunnar Birgisson
Fyrir leik
Hólmar Örn Eyjólfsson, leikmaður Rosenborgar: Smelltu til að lesa viðtalið í heild sinni.

Ég er spenntur fyrir þessum leik. Öll fjölskyldan verður í stúkunni og margir af mínum vinum. Þetta er fyrsti leikurinn minn á Íslandi í ansi langan tíma. Það verður extra pressa á mér í leiknum, ég verð í sviðsljósinu.
Elvar Geir Magnússon
Fyrir leik
Kåre Ingebritsen, þjálfari Rosenborg í samtali við Vísi: Smelltu til að lesa viðtalið í heild sinni.

Við vitum að KR er gott lið. Við sáum báða leikina gegn Cork og þeir sögðu okkur mikið. KR-liðið er gott og spilar góðan fótbolta. Þetta verður jafn leikur en vonandi, ef við spilum okkar besta leik, náum við að vinna. Við erum að fara þetta á liðsheildinni og allir í liðinu vita þeirra hlutverk. Okkar styrkleiki er liðsheildin en ekki einstaklingar þó við séum með góða einstaklinga líka.
Gunnar Birgisson
Fyrir leik
Bjarni Guðjónsson, þjálfari KR: Smelltu til að lesa viðtalið í heild sinni.

Ef við eigum góðan leik hérna heima og náum í hagstæð úrslit þá getur allt gerst í seinni leiknum. Það skiptir þá kannski meira máli að spila á sínum heimavelli sem er töluvert stór og flottur, á meðan mér finnst það ekki skipta okkur miklu máli í gegnum árin hvort við séum að spila á heima eða útivelli.

Rosenborg er feikilega öflugt lið og vel rútínað og með marga mjög góða leikmenn. Þeir geta bæði sótt hratt og þeir eru einnig mjög flínkir að halda boltanum vel innan liðsins. Þeir hafa úr mörgum vopnum að velja.

Gunnar Birgisson
Fyrir leik
Ég get lofað ykkur því að hér verða mörk í kvöld. Gaman væri að sjá hvernig gestirnir myndu bregðast við ef KR-ingar byrjuðu leikinn á því að sækja og ná kannski að lauma inn marki snemma.
Gunnar Birgisson
Fyrir leik
KR komust áfram í síðustu umferð undankeppni Evrópudeildarinnar gegn Cork City frá Írlandi. Þeir gerðu markalaust jafntefli við þá á útivelli en unnu svo 2-1 heima eftir framlengingu og var það daninn knái Jacob Schoop sem skaut þeim áfram, hann mun vafalaust vera í sviðsljósinu hér í kvöld enda verið einn besti leikmaður Íslandsmótsins hingað til.
Gunnar Birgisson
Fyrir leik
Rosenborg komust áfram í undankeppni Evrópudeildarinnar í síðustu umferð gegn Víking frá Færeyjum. Þeir unnu fyrri leikinn á útivelli 0-2 en gerðu svo jafntefli heima fyrir 0-0 sem verða að teljast slök úrslit hjá norska stórveldinu og vill ég meina að KR-ingar eigi að standa í þeim hér í kvöld.
Gunnar Birgisson
Fyrir leik
Síðan liðin spiluðu síðast í Evrópukeppninni hafa bæði lið spilað einn leik í heimalandinu.

KR fór í Víkina og sóttu þrjú auðveld stig með 0-3 sigri á Víkingum.

Rosenborg fékk Odd Grenland í heimsókn og unnu öruggan 3-0 sigur þar sem Hólmar Örn lagði meðal annars upp fyrsta mark Rosenborg manna.
Gunnar Birgisson
Fyrir leik
Þessi leikur er kannski aðeins sérstakari en aðrir því Skagfirsk ættaði íslendingurinn Hólmar Örn Eyjólfsson er í liði útiliðsins Rosenborg. Hólmar hefur verið að standa sig gífurlega vel í norska liðinu sem trónir á toppi norsku deildarinnar með 5 stiga forystu á næsta lið, Stabæk.
Gunnar Birgisson
Fyrir leik
Já var það ekki bara? Sæl og marg blessuð fótboltafólk og aðrir unnendur.

Hér mun fara fram standandi partý-lýsing á leik KR og Rosenborg. Evrópuleikir hjá íslenskum liðum kveikja í fólki, ég veit það bara.
Gunnar Birgisson
Byrjunarlið:
1. Andre Hansen (m)
3. Mikael Frank Dorsin
7. Mike Lindemann Jensen
11. Tobias Mikkelsen
14. Alexander Söderlund
15. Hólmar Örn Eyjólfsson
16. Jorgen Skjelvik
20. Ole Kristian Selnæs
21. Fredrik Midtsjo
22. Jonas Svensson
23. Pål André Helland ('79)

Varamenn:
12. Alexander Hansen (m)
9. Riku Riski ('79)
10. Tomas Malec
17. Emil Nielsen
32. John Hou Sæter
36. Andreas Klausen Helmersen

Liðsstjórn:

Gul spjöld:
Riku Riski ('82)
Mike Lindemann Jensen ('82)

Rauð spjöld: