Hafliði Breiðfjörð, stuðningsmaður FH og sparkspekingur:
Þetta er sama hugmyndafræði og verið hefur í Evrópuleikjunum. Mjög varnarsinnað og Pétur Viðars á miðjunni eins og verið hefur. Ég hef mikla trú á því að FH reyni að halda mjög lágu tempói leiknum.

"Ég ætla að skella mér í sólina," segir Gummi Hilmars, fyrrum leikmaður FH og núverandi blaðamaður á Morgunblaðinu, sem er hér meðal áhorfenda. Smellti sér samt í kaffi til kollegana í fréttamannaboxinu og gaf af sér.

Upphitun í fullum gangi. Bjarni Þór Viðarsson og Pétur Viðarsson skullu saman í upphitun og lágu eftir í smá stund. Eru samt báðir komnir á fætur og í fullu fjöri.

Þekktasti leikmaður Inter Baku er Zurab Khizanishvili. 33 ára varnarmaður. Lék á sínum tíma með Rangers, Blackburn, Newcastle og fleiri rosa fín lið.

Spámenn fréttamannastúkunnar:
Pétur Hreinsson, mbl.is: 1-0 fyrir FH.
Ingvi Þór Sæmunds, Vísi: (Eftir langa umhugsun) 0-1.
Alexander Freyr, Viðskiptablaðinu: 1-2.
Hafliði Breiðfjörð, ljósmyndari: 2-0.

Miðjan hjá FH er ansi varnarsinnuð með Pétur Viðarsson og bræðurna Davíð og Bjarna Viðarssyni. Líklega uppstillingu FH má sjá hér að neðan. Vörn er besta sóknin er það ekki?:

Róbert
Hendrickx - Doumbia - Guðmann - Böddi
Pétur - Bjarni - Davíð
Emil - Atli - Þórarinn

Byrjunarlið FH er komið inn. Sóknarmaðurinn Steven Lennon er meiddur og ekki með FH í kvöld. Guðmann Þórisson er hinsvegar í hjarta varnarinnar en hann var tæpur fyrir leikinn.

Sjáum hvað veðmálafenið hefur um leikinn að segja (Bet 365):

FH: 2,30
Jafntefli: 3,25
Inter Baku: 2,87

Heimir Guðjónsson, þjálfari FH:
Það er alveg ljóst að það hefur ekkert hentað okkur vel að spila við lið frá Austur-Evrópu. Þetta eru léttleikandi lið og góðir í stutta spilinu. Eins og staðan er í dag þá held ég að möguleikarnir séu góðir. Það hafa verið mannabreytingar hjá þeim og það tekur alltaf tíma að slípa saman nýtt lið.

Davíð Þór Viðarsson, fyrirliði FH:
Það er mikilvægt fyrir okkur að spila vel í kvöld og við verðum að reyna ná góðum úrslitum, svo þetta verði alvöru leikur ytra. Svo lengi sem við höldum okkar skipulagi og vinnum fyrir hvern annan þá eru lið ekki að skapa mikið af færum á okkur, hvort sem það er á heimavelli eða úti.

Þetta er 29. Evrópuleikur FH undir Stjórn Heimis Guðjónssonar, en Heimir hefur stýrt liðinu til sigurs í 12 leikjum af þessum 28 og tapað 11. Það er því óhætt að segja að vinningshlutfall FH sé nokkuð gott undir stjórn Heimis í Evrópukeppni.

Góðan og gleðilegan dag! Í Kaplakrika er komið að næsta skrefi FH í Evrópuþátttöku sinni. Eftir að hafa lagt SJK frá Finnlandi í síðustu umferð er komið að fyrri leiknum gegn Inter Baku frá Aserbaidsjan. Erfitt verkefni fyrir FH-inga en ljóst er að það er afar mikilvægt að ná hagstæðum úrslitum í kvöld!