Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fram
1
1
KA
0-1 Ævar Ingi Jóhannesson '22
Ingiberg Ólafur Jónsson '77 1-1
Hilmar Trausti Arnarsson '80
Alexander Aron Davorsson '90
18.07.2015  -  16:00
Framvöllur - Úlfarsárdal
1. deild karla 2015
Dómari: Ívar Orri Kristjánsson
Áhorfendur: 277
Byrjunarlið:
12. Cody Nobles Mizell (m)
Daði Guðmundsson
3. Tryggvi Sveinn Bjarnason
6. Eyþór Helgi Birgisson
9. Brynjar Benediktsson ('73)
10. Orri Gunnarsson
13. Gunnar Helgi Steindórsson ('37)
15. Ingiberg Ólafur Jónsson
19. Sigurður Kristján Friðriksson ('87)
20. Magnús Már Lúðvíksson
28. Sebastien Uchechukwu Ibeagha

Varamenn:
12. Bjarki Pétursson (m)
5. Ernir Bjarnason
8. Einar Bjarni Ómarsson
11. Hrannar Einarsson ('87)
16. Arnór Daði Aðalsteinsson
22. Alexander Aron Davorsson ('37)
23. Rúrik Andri Þorfinnsson ('73)

Liðsstjórn:

Gul spjöld:
Orri Gunnarsson ('44)
Magnús Már Lúðvíksson ('69)

Rauð spjöld:
Alexander Aron Davorsson ('90)
Leik lokið!
Leik lokið!

Jafntefli hér í dag. Framarar líklega ánægðri með úrslitin, þar sem þeir færast lengra frá botninum með þessu stigi, á meðan þetta stig gefur KA lítið í toppbaráttunni.

Viðtöl og skýrslan seinna í dag.
94. mín
Framarar skora en Ívar Orri dæmir brot á Framara!!!

Ívar Orri gjörsamlega búinn að missa öll tök á leiknum.

Magnús Lúðvíksson tekur aukaspyrnu sem fer á fjærstöngina, Rajko er i boltanum, en missir boltann frá sér og Framarar pota boltanum yfir línuna. Ekki möguleiki að sjá hvort það hafi verið brotið á Rajko eður ei.

Framarar kvörtuðu fyrst en síðan veit ég ekki hvort þeir hafi áttað sig á því að þetta væri rétt.
91. mín
Bjarki Þór með hornspyrnu fyrir KA sem fer aftur fyrir endamörk. Úlfar var nálægt því að ná til boltans á fjærstönginni, en náði ekki.
90. mín Rautt spjald: Alexander Aron Davorsson (Fram)
Davíð Rúnar tekur boltann af Alexander Aroni við vítateigslínuna. Alexander dettur og Framarar alveg brjálaðir og vilja fá eitthvað fyrir sinn snúð.

Ívar Orri lætur leikinn halda áfram og stuttu seinna fær Alexander Aron rautt spjald. Mjög líklega fyrir kjaftbrúk!
89. mín
Ben Everson með skot við vítateigslínuna, rétt framhjá nærstönginni.
88. mín
Eftir að KA urðu einum manni færri þá hafa þeir tekið öll völd á vellinum.
87. mín
Inn:Hrannar Einarsson (Fram) Út:Sigurður Kristján Friðriksson (Fram)
Fyrsti leikur Hrannars í búningi Fram. Kom til félagsins frá ÍR.
87. mín
Inn:Úlfar Valsson (KA) Út:Halldór Hermann Jónsson (KA)
86. mín

85. mín
VÁ! Ben Everson með hörkuskot að marki sem Cody þarf að hafa sig allan við til að verja. Þetta var af heldur löngu færi og ótrúlegt hvað Ben hitti boltann vel.
84. mín
Ævar Ingi fer upp kantinn, hleypur inn á miðjuna og á síðan skot með vinstri frá vítateigslínunni en framhjá fjærstönginni.

Það er líf í KA-mönnum, loksins.
84. mín
Cody ver á línu eftir hornspyrnu frá Bjarka Þór!
83. mín
Halldór Hermann með skot utan teigs sem Cody ver í horn.
80. mín Rautt spjald: Hilmar Trausti Arnarsson (KA)
Fær sitt annað gula spjald á stuttum tíma. Nú fyrir brot á Magnús Má sem lá heillengi sárþjáður á vellinum en um leið og Ívar Orri lyfti spjaldinu, stóð hann upp og heldur leik áfram.

Annar leikurinn í röð sem vinstri bakvörður KA fær rautt spjald.
77. mín MARK!
Ingiberg Ólafur Jónsson (Fram)
Stoðsending: Magnús Már Lúðvíksson
Maggi Lú. með aukaspyrnuna sem Ingiberg Ólafur skallar í tómt markið eftir að Rajko hafi gripið í tómt.

Auðvelt mark Framara og staðan orðin jöfn!
76. mín Gult spjald: Hilmar Trausti Arnarsson (KA)
Brýtur á Orra Gunnarssyni.
75. mín
Rúrik Andri með skot utan teigs en Rajko býður upp á eina sjónvarpsmarkvörslu og heldur boltanum.
74. mín
Rajko er eitthvað tæpur ,hann sparkaði boltanum fram áðan og fékk högg á ristina frá framherja Fram sem pressaði á hann. Hann heldur samt sem áður leik áfram.
73. mín
Inn:Rúrik Andri Þorfinnsson (Fram) Út:Brynjar Benediktsson (Fram)
Brynjar átta fína spretti í leiknum, en Framarar þurfa meira.
73. mín

71. mín

71. mín
Stuðningsmenn KA hafa tekið við sér í stúkunni.
70. mín
Alexander Aron fer upp vinstri kantinn, kemst ekki framhjá Hrannari en lætur vaða utan teigs en skotið framhjá markinu. Engin hætta.
69. mín Gult spjald: Magnús Már Lúðvíksson (Fram)
67. mín
Inn:Benjamin James Everson (KA) Út:Elfar Árni Aðalsteinsson (KA)
Elfar hefur átt verið líflegri og þá sérstaklega í seinni hálfleiknum.

Ben er mættur til að fríska upp á sóknarleik gestanna.
60. mín
ÚFF!!!

Framarar nærri því að jafna, Brynjar Ben. kemst í fínt færi innan teigs en er truflaður í tilraun sinni, sókn Framarar heldur áfram sem endar með skoti frá Magga Lú. í þverslánna!

Framarar vildu fá vítaspyrnu eftir að Brynjar Ben. féll í teignum en Ívar Orri lét leikinn halda áfram.

Þarna voru gestirnir stálheppnir!
59. mín Gult spjald: Jóhann Helgason (KA)
Fer með takkana í Orra Gunnarsson í baráttunni við boltann.
57. mín
Jóhann Helga. rennir boltanum meðfram vítateigslínunni, þar sem Ævar Ingi kemur á hlaupinu en skot hans framhjá markinu.
56. mín
Klaufalega brotið á Hrannari Birni við vítateigshornið hægra megin.

Jóhann Helgason gerir sig kláran til að taka spyrnuna.
52. mín
Það er nákvæmlega ekkert að gerast hérna fyrstu mínúturnar.
46. mín
Seinni hálfleikurinn er byrjaður.
45. mín
Framarar vökva völinn vel í hálfleik. Alvöru græjar hér í Úlfarsárdalnum.
45. mín
Hálfleikur
Ívar Orri hefur flautað til hálfleiks. Gestirnir frá Akureyri eru marki yfir eftir frekar rólegan og tíðindalítinn leik.

Á meðan staðan er enn svona, þá eru Framarar alltaf í séns. Þeir sýndu það í síðasta leik liðanna í fyrstu umferð, eftir að hafa verið tveimur mörkum undir í hálfleik.

Sjáum hvað setur.
45. mín
Sigurður Kristján liggur eftir, eftir samstuð við Archange Nkumu.
45. mín
Eyþór Helgi með hörkuskot innan teigs í bakið á Callum Williams.

Callum hefur verið mikilvægur í vörn KA í dag.
44. mín Gult spjald: Orri Gunnarsson (Fram)
Ívar Orri spjaldar Orra fyrir brot á Bjarka Þór.

Orri með lélega móttöku og Bjarki Þór vinnur boltann af honum. Pirringsbrot hjá Orra sem fær ódýrt en líklega réttilega spjald.
41. mín
Brynjar Ben. með skot utan teigs en framhjá markinu. Lítil hætta.
39. mín
Pétur Péturs þjálfari Fram kemur með tilskipun inn á völlinn. Hann færir Magnús Má upp völinn sem fremri miðjumann og Orri Gunnarsson kemur til baka í stöðu Magnúsar.

Spurning hverju þetta skilar sér.
37. mín
Inn:Alexander Aron Davorsson (Fram) Út:Gunnar Helgi Steindórsson (Fram)
Skynsamlegt. Gunnar Helgi fer af velli og Alexander Aron kemur inn.

Gunnar Helgi gengur ekki heill til skógar eftir höfuðhöggið sem hann fékk í byrjun leiks.
35. mín
Gunnar Helgi liggur eftir. Er líklega enn tæpur eftir höfuðhöggið sem hann fékk í byrjun leiks.
34. mín
Þarna munaði litlu!!!

Orri Gunnarsson með stórhættulega fyrirgjöf frá hægri, meðfram gervigrasinu á nærstöngina. Rajkovic var of seinn til og var Brynjar Ben. undan í boltann. Á síðustu stundu bjargaði Callum Williams KA-mönnum og boltinn endar afturfyrir.
32. mín
Framarar sækja í næstu sókn en skot Sebastien Ibeagha himinhátt yfir, rétt fyrir utan vítateigslínuna.
31. mín
Ævar Ingi í daaaaaaauðafæri!!!

Skyndilega er hann kominn einn gegn Cody Mizell. Ævar Ingi leikur á hann en kemur sér í þröngt færi, reynir skot sem fer í varnarmann Fram og reynir síðan að vippa boltanum á Bjarka Þór sem var kominn inn í teiginn, en Cody var þá mættur aftur og greip boltann.

Þetta færi ætti að skila marki í 8 af hverjum 10 mögulegum.
30. mín
Framarar hafa aðeins unnið sig betur inn í leikinn eftir að hafa lent undir. Þeir reyna halda boltanum aðeins meira, það er góð byrjun til að ná að jafna.

Að halda boltanum og vinna sig síðan framar á völlinn.
29. mín
Ívar Orri heldur áfram. Framarar fá markspyrnu þegar Ingiberg Ólafur hreinsar aftur fyrir markið.

Það er létt yfir fólkinu hér á vellinum, sem hlær bara að þessari ákvörðun Ívars Orra.
26. mín
Brynjar Ben. leikur á Hilmar Trausta innan teigs, reynir síðan fyrirgjöf en þar er enginn Fram-leikmaður. Callum Williams tekur enga sénsa og sparkar í horn.
24. mín
Nkumu er svo mikill hax-kall á miðjunni hjá KA.

Lék sér að fara framhjá miðjumanni Fram með einni gabbhreyfingu, fann síðan Elfar Árna með utanfótar sendingu innfyrir vörn Fram sem var heldur flöt. Elfar Árni átti síðan skot utan teigs sem Cody ver yfir markið og horn.

Framarar hreinsa síðan frá, úr horninu.
23. mín
Inn:Bjarki Þór Viðarsson (KA) Út:Juraj Grizelj (KA)
Juraj meiddur og Bjarki Þór kemur inn á vinstri kantinn.
22. mín MARK!
Ævar Ingi Jóhannesson (KA)
Stoðsending: Elfar Árni Aðalsteinsson
Elfar Árni með fyrirgjöf frá hægri og þar er Ævar Ingi mættur inn í teig og leggur boltann í netið.

Laglega spilað og gestirnir komnir yfir!

Athyglisvert, þar sem KA-menn voru manni færri á vellinum, þegar þeir skoruðu.
19. mín
Juraj er utan vallar og verið er að nudda á honum aftanvert vinstra læri.

Einmitt þau meiðsli sem hafa hrjáð hann að undanförnu og haldið honum frá knattspyrnuvellinum síðustu vikur.
19. mín
Juraj er á leiðinni útaf, hann hefur beðið um skiptingu vegna meiðsla.

Ekki góðar fréttir fyrir KA.
15. mín
Ívar Orri er mættur til leiks, dæmir Ævar Inga rangstæðan þegar Elfar Árni er fyrir innan. Elfar Árni stöðvar hlaupið sitt og hefur því engin áhrif á leikinn.

Þarna hefði eðlilegur dómari lesið leikinn og látið leikinn halda áfram.
12. mín
Afspyrnu rólegt allt saman hérna á vellinum. Miðjubaráttan mikil og menn eru að taka á því.

Juraj Grizelj lá eftir, eftir baráttu við Magnús Má áðan og nú fékk Gunnar Helgi högg á hnakkann og liggur eftir.

Bæði lið ætla selja sig dýrt hér í dag.
8. mín
Úrvalslið fyrri umferðar í 1. deild karla var opinbert á Fótbolta.net fyrr í dag.

Þar eiga KA tvo fulltrúa, þá Archange Nkumu og Ævar Inga.
3. mín
Cody Mizell ver frá Elfari Árna af stuttu færi!

Juraj Grizelj með fyrirgjöf frá vinstri, á fjærstöngina sem Halldór Hermann skallar að markinu, Elfar Árni teygir sig í boltann og breytir stefnunni en Cody er vel á verði og nær að komast fyrir boltann.
2. mín
Ævar Ingi var við það að sleppa í gegnum vörn Fram, en fær að svo virðist hné í læri af varnarmanni Fram og liggur eftir. Hann slær höndum í jörðina af sársauka en stendur upp stuttu síðar.

Þetta gæti aftrað honum það sem eftir er leiks.
1. mín
Það verður fróðlegt að sjá hvernig Ívar Orri Kristjánsson dómari leiksins stendur sig með flautuna í dag.

Bæði lið eiga slæmar minningar frá honum í sumar, Fram voru allt annað en sáttir með dómgæslu hans í bikarleik gegn KV fyrr í sumar og síðan dæmdi hann tvö mörk af KA, í jafnteflisleik gegn Selfoss fyrir norðan.
1. mín
Leikur hafinn
Leikurinn er hafinn.
Fyrir leik
Athyglisvert að sjá að Schiöttararnir stuðningsmannasveit KA eru hvergi sjáanlegir, en þeir hafa fylgt liðinu í nánast alla leiki sumarsins.
Fyrir leik
Þá er það komið á hreint, Bjarni þjálfari KA er í persónulegum erindagjörðum fyrir austan.
Fyrir leik
Það vekur athygli að Bjarni Jó. þjálfari KA er ekki á bekknum hjá KA í dag. Srdjan Tufegdzic stýrir liðinu í dag.
Fyrir leik
Þessi sömu lið mættust í fyrsta umferð deildarinnar í hörku markaleik, þar sem liðin skyldu jöfn 3-3.

Þar voru KA-menn 2-0 yfir í hálfleik. Framarar komust hinsvegar í 3-2 áður en KA jafnaði í uppbótartíma.
Fyrir leik
Það er ansi hvasst hér í Úlfarsárdal, en samt sem áður ágætis knattspyrnuveður, þar sem sólin skín, enn sem komið er.
Fyrir leik
Bjarni Jó. gerir nokkrar breytingar á sínu liði.

Halldór Hermann kemur loksins inn í byrjunarlið KA eftir meiðsli, Elfar Árni kemur einnig inn eftir að hafa verið tæpur í síðasta leik og verið á bekknum og þá kemur Juraj Grizelj einnig inn í byrjunarliðið eftir meiðsli og frí í Króatíu.

Á bekkinn fara þeir Ólafur Aron og Benjamin Everson. Ívar Örn er síðan í banni eftir að hafa fengið rautt spjald í 2-1 tapi liðsins gegn Grindavík í síðustu umferð.
Fyrir leik
Bæði lið léku síðasta deildarleik sinn gegn Grindavík.

Fram gerði 1-1 jafntefli á heimavelli. Pétur Pétursson gerir eina breytingu á byrjunarliði sínu frá þeim leik. Daði Guðmundsson kemur inn í stað Alexanders Arons.
Fyrir leik
Fram er í 10. sæti deildarinnar með 11 stig, þremur stigum meira en Grótta sem töpuðu í gærkvöldi gegn HK 1-0.

KA er hinsvegar í 4. sæti deildarinnar með 18 stig, átta stigum á eftir Víkingi sem fengu þrjú stig úr leik sínum gegn Haukum í gærkvöldi.
Fyrir leik
Þetta er afspyrnu mikilvægur leikur fyrir bæði lið.

Fram þarf á öllum þremur stigunum sem í boði eru, til að koma sér lengra frá botninum og að sama skapi mega KA-menn ekki við því að tapa fleiri stigum í baráttunni um sæti í Pepsi-deildinni að ári.
Fyrir leik
Verið velkomin í beina textalýsingu frá leik Fram og KA í 12. umferð Pepsi-deildar karla.
Byrjunarlið:
Davíð Rúnar Bjarnason
Srdjan Rajkovic
Halldór Hermann Jónsson ('87)
3. Callum Williams
4. Hilmar Trausti Arnarsson
7. Ævar Ingi Jóhannesson
9. Elfar Árni Aðalsteinsson ('67)
10. Juraj Grizelj ('23)
11. Jóhann Helgason
22. Hrannar Björn Steingrímsson
25. Archie Nkumu

Varamenn:
18. Fannar Hafsteinsson (m)
4. Ólafur Aron Pétursson
14. Úlfar Valsson ('87)
19. Benjamin James Everson ('67)
26. Ívar Sigurbjörnsson
30. Bjarki Þór Viðarsson ('23)

Liðsstjórn:

Gul spjöld:
Jóhann Helgason ('59)
Hilmar Trausti Arnarsson ('76)

Rauð spjöld:
Hilmar Trausti Arnarsson ('80)