Malen, Maguire, Rashford, Greenwood, Yoro, Eriksen og fleiri góðir í slúðri dagsins
Leiknir R.
0
1
Valur
0-1 Kristinn Ingi Halldórsson '22
20.07.2015  -  20:00
Leiknisvöllur
Pepsi-deild karla 2015
Dómari: Erlendur Eiríksson
Byrjunarlið:
Eyjólfur Tómasson
Halldór Kristinn Halldórsson
3. Eiríkur Ingi Magnússon
10. Ólafur Hrannar Kristjánsson ('69)
10. Fannar Þór Arnarsson ('58)
11. Brynjar Hlöðversson
15. Kristján Páll Jónsson (f)
21. Hilmar Árni Halldórsson
23. Gestur Ingi Harðarson
30. Charley Roussel Fomen ('77)
88. Sindri Björnsson

Varamenn:
1. Arnar Freyr Ólafsson (m)
5. Daði Bærings Halldórsson
5. Edvard Börkur Óttharsson
7. Atli Arnarson ('58)
9. Kolbeinn Kárason ('69)
27. Magnús Már Einarsson

Liðsstjórn:
Elvar Páll Sigurðsson

Gul spjöld:
Sindri Björnsson ('60)
Brynjar Hlöðversson ('79)

Rauð spjöld:
Leik lokið!
Valsmenn eru óstöðvandi!!!
93. mín
Patrick Pedersen að gera enn og aftur frábærlega, keyrir upp að endamörkum og setur boltann fyrir autt markið en þar er enginn.
91. mín
Þarna skall hurð nærri hælum fyrir Valsmenn, boltinn berst inn í teiginn þeirra þar sem nánast bara allir leikmenn vallarins eru staðsettir og myndast skemmtilegur þvögubolti þar sem enginn veit hvað er í gangi en boltinn endar svo útaf og markspyrna sem Kale tekur.
90. mín
Fjórum mínútum bætt við!
90. mín Gult spjald: Patrick Pedersen (Valur)
Fyrir tuð eftir að Erlendur dæmdi brot niðrí horni, Óli Jóh langt frá því að vera sáttur.
89. mín
Fyrirgjöf frá hægri til vinstri frá Kristni Inga á Bjarna Ólaf sem er einn á einn á Sindra Björns inn í teignum hægra megin, Sindri gerir frábærlega þarna, stígur hann út og hreinsar boltann í innkast.
85. mín
Frábær sókn hjá Val, Andri Fannar með frábæra sendingu frá vinstri yfir á hægri, þar eru þrír Valsmenn við það að sleppa í gegn en þeir eru óákveðnir og þetta endar með því að Kristinn Ingi gefur laka sendingu fyrir á engan nema Gest sem hreinsar.
83. mín Gult spjald: Andri Fannar Stefánsson (Valur)
81. mín
Inn:Andri Adolphsson (Valur) Út:Sigurður Egill Lárusson (Valur)
80. mín Gult spjald: Einar Karl Ingvarsson (Valur)
Stoppar sókn Leiknis í fæðingu, svokallað "professional foul"
79. mín Gult spjald: Brynjar Hlöðversson (Leiknir R.)
Groddaraleg tækling á Kristinn Frey.
78. mín
Leiknir eru að reyna og reyna eins og þeir geta.
77. mín
Inn:Elvar Páll Sigurðsson (Leiknir R.) Út:Charley Roussel Fomen (Leiknir R.)
75. mín
ÚFF!! Þarna mátti ekki miklu muna, frábær sending frá Kristni Frey inn í teiginn en Eyjó gerir frábærlega að taka boltann á undan Sigga Lár sem var í þann mund að fara setja'nn.
71. mín
Hér vilja Valsmenn fá víti, vilja meina að Siggi Lár hafi verið tæklaður niður inn í teig.
Heyriði smellinn!? segir Óli Jó við skiltadómarann.
70. mín
Aukaspyrna frá Valsmönnum vel fyrir utan sem veldur smá usla inn á teignum, þó engum stórvægilegum og á endanum hrifsar Eyjó boltann til sín.
69. mín
Inn:Kolbeinn Kárason (Leiknir R.) Út:Ólafur Hrannar Kristjánsson (Leiknir R.)

60. mín Gult spjald: Sindri Björnsson (Leiknir R.)
Aaaalltof seinn í Ingvar Kale eftir að hann greip háan bolta frá Hilmari.
58. mín
Inn:Atli Arnarson (Leiknir R.) Út:Fannar Þór Arnarsson (Leiknir R.)
Sauðkrækingurinn og Tindastólsmaðurinn Atli Arnarsson að stimpla sig inn í þennan leik.
58. mín
Skemmtilegur aðdragandi að þessari skiptingu, Óli Jó gaf Iain skýr skilaboð um að leggjast niður inni á vellinum til að tefja leikinn örlítið á meðan Baldvin gerir sig kláran, en Freysi og Davíð átta sig á þessu og öskra á Erlend að leyfa þessu ekki að gerast, Iain haltrar svo útaf og Baldvin inná.
57. mín
Inn:Baldvin Sturluson (Valur) Út:Iain James Williamson (Valur)
Iain meiddur, Andri fer þá upp á miðjuna og Baldvin í hægri bakvörðinn.
55. mín
Frááábær sókn hjá Leikni, Eiríkur Ingi geysist upp hægri kantinn og tekur svo straujið inn á miðjuna og setur boltann upp hægri kantinn þar sem Kristján leikur á þá nokkra og kemur svo með fyrirgjöfina sem er því miður of löng, svona sóknir verða eiginlega að enda með marki.
53. mín
Lítið í gangi þessa stundina, mesta lagi þreifingar hjá Leikni fram á við, þeir eru farnir að þrýsta liðinu ofar og greinilegt að þeir ætla að setja mark sitt á þennan leik.
49. mín
Iain með skot frá miðju. Það er smá vindur á mark Leiknismanna og ekkert að því að reyna svona gloríur.
47. mín
Kolbeinn Kárason sendur einn að hita hjá Leikni. Þeir þurfa meiri kraft fram á við kannski er hann lausnin?
46. mín
Síðari hálfleikur er hafinn, ég lofa fleiri mörkum!
45. mín
Hálfleikur
Valsmenn leiða 0-1 í hálfleik, förum og fáum okkur kaffi.
44. mín
Kristinn Ingi fær hér högg aftan á bakið og liggur eftir á miðsvæðinu.

Svona er þetta bara Stinni, hörkum af okkur, svona er bara leikurinn! segir Bjössi Hreiðarss sem stendur beint fyrir framan brotið. Granítharður.
43. mín
Óli Hrannar reynir skot frá miðjuboganum sirka.boltinn vel framhjá og aldrei nein hætta. Oft sagt það hins vegar að þeir skora sem þora.
39. mín
Hættuleg sókn frá Leikni, Sindri Björnsson vinnur boltann frábærlega og kemur honum út á vinstri kantinn þar sem Óli Hrannar er mættur og á bara eftir að setja boltann fyrir á Sindra sem var á keyrslunni inn í teig en Gunni Gunn gerir vel og kemur boltanum í horn.

Hornspyrnan fer útaf.
36. mín
Öll mín virðing fer til Leiknisljónanna eins og staðan er núna, það sem þetta fólk getur sungið og trallað, myndar gjörsamlega frábæra stemmingu á vellinum þrátt fyrir að þeirra lið sé 0-1 undir á heimavelli.
35. mín
Ég get svo svarið það Patrick Pedersen er að vinna á við fjóra hérna í dag, kemur djúpt niður til að dreifa spilinu og er svo mættur til að fá stungusendingar nokkrum sekúndum síðar. Búinn að vera frábær.
33. mín
Óli Hrannar kemst nánast upp að endamörkum hægra megin og reynir að koma boltanum inní en vel gert hjá Bjarna Ólafi sem blokkar fyrirgjöfina og kemur hættunni frá um stundarsakir í það minnsta.
32. mín
Einar Karl reynir sendingu innfyrir vörn Leiknis á Sigga Lár, hún heppnast. Vandamálið er bara að Sigurður Egill var fyrir innan vörnina áður en sendingin kom. Með öðrum orðum, hann var rangstæður.
29. mín
Andri Fannar fær hér að keyra einhverja 30-40 metra óáreittur með boltann án þess að nokkur Leiknismaður mæti honum, setur boltann svo út á Patrick Pedersen sem fær töts frá Gesti og boltinn af honum og útaf, hornspyrna.

Dæmt brot á Valsmenn í hornspyrnunni.
26. mín
Sigurður Egill með skemmtilega tilraun, reynir að vippa yfir Eyjó sem var staðsettur frekar framarlega, hér áðan missti Eyjó svo skot úr höndunum á sér í tvígang sem var nánast beint á hann. Heppinn að ekki fór verr.
22. mín MARK!
Kristinn Ingi Halldórsson (Valur)
Stoðsending: Patrick Pedersen
Valsmenn eru komnir yfir í Breiðholtinu!!

Patrick Pedersen keyrir upp að endamörkum vinstra megin og leggur boltann svo út í teiginn frekar laust, það voru fáir leiknismenn sem höfðu áhuga á því að fórna sér í þann bolta og Kristinn Ingi kemur á blússandi siglingu og klárar með föstu skoti sem fyrir yfir Eyjó í markinu.

0-1 !!
21. mín
Aukaspyrna frá Hilmari Árna inn á teiginn af 40 metra færi, enginn sem nær til boltans, markspyrna sem Ingvar Kale tekur.
20. mín
Lítið i gangi, döpur fyrirgjöf frá Leikni núna sem fer beint aftur fyrir.
15. mín
Frááábærlega gert hjá Gesti Inga þarna, Pedersen við það að keyra á fullri ferð inn á teiginn frá vinstri kantinum en Gestur stígur hann bara vel út og skilar markspyrnu sem Eyjó tekur.
13. mín
Patrick Pedersen að komast í fyrirgjafastöðu en vel gert hjá Eirík Inga, hrifsar af honum boltar og hreinsar, losa pressuna, mikilvægt.

Eftir hreinsuna berst boltinn út á teig til Einars Karls sem tekur skot vel fyrir utan, skotið langt framhjá og lítil hætta.
12. mín
Fastur bolti inná teig Leiknis, Eyjó gerir vel og kemur út og handsamar boltann rétt áður en Kristinn Ingi hefði náð til hans.
10. mín
Charley Fomen kemur hérna á hörkuspretti inn á völlinn og tekur skot af 35 metra færi, ég hef nú séð klikkaðari tilraunir! Boltinn hins vegar hátt yfir.
8. mín
Fínasta sókn frá Val, boltinn í goðu flæði inná miðjunni og svo fer hann út á kant á Sigga Lár sem nær ekki fyrirgjöfinni nægilega vel. Leiknir geysast í sókn og eftir flotta fyrirgjöf frá Hilmari rétt missi Óli af boltanum einn á fjærstönginni, boltinn fer samt fyrir markið aftur og Gunni Gunn þarf að hreinsa boltann í horn.

Kale grípur hornspyrnuna "In traffic" eins og kaninn segir. Fullt af mönnum í kringum hann.
6. mín
Innkast frá Leikni sem Orri Sigurður skallar í horn.
6. mín
Þetta byrjar, jahh, vægast sagt rólega.

2. mín
Valsmenn í sínum hvítu treyjum sækja í átt að Austurberginu á meðan Leiknir sækja í gagnstæða átt, líkt og þekkist í knattpsyrnunni, það er ekki hægt að sækja á sama markið víst.
1. mín
Leikur hafinn
Byrjum þetta partý!
Fyrir leik
Leikmenn að ganga inn á völlinn. Nú fer Erlendur að flauta þetta á.
Fyrir leik
Tæpar 5 mínútur í leik, Leiknisljónin að taka við sér.

Fyrir leik
Síðasti leikur sem Leiknir unnu var 26.maí gegn Víking Reykjavík á heimavelli. Valsmenn hafa aftur á móti ekki tapað fótboltaleik síðan 20.maí og var það gegn Breiðablik á útivelli.
Fyrir leik
Jahérna hér, Haukur Páll er klæddur borgaralega í þann mund er hann sest á varamannbekk Vals, spurninga hvort að hann sé bara hérna til að fylla upp í skýrsluna? Ég skal ekki segja, en þetta er athyglisvert.

Fyrir leik
Það kemur okkur ekkert á óvart hérna í dag strákar, EKKI NEITT!! Bjössi Hreiðarss með skýr skilaboð til sinna manna í upphitun.

Fyrir leik
Minni fólk á að taka endilega þátt í umræðunni á samskiptamiðlinum Twitter, notið #fotboltinet
Fyrir leik
40 mínútur í leik, ég ætla að fara og athuga hvort grillin séu komin í gang hjá Leiknismönnum. Ekki frá því að það fari að votta fyrir spennu hjá manni. Bjössi Hreiðars mættur út á völl fyrir lifandis löngu síðan að stilla upp fyrir upphitun sinna manna, eitthvað sem Davíð Snorri gerði sennilega í síðustu viku miðað við að ég var mættur vel fyrir leik og allt klárt hjá Leiknismönnum.
Fyrir leik
Mikið áfall fyrir bæði lið, Leiknir að missa sinn besta hafsent og Valur einnig, ásamt því eru Valur að missa einn sinn besta miðjumann, vonandi eru meiðsli þessara leikmanna hjá Val ekki alvarleg.
Fyrir leik
Já hvað haldiði? Stórar breytingar á byrjunarliðunum, Óttar Bjarni eins og áður sagði fer út og Gestur inn og einnig sest Kolbeinn á bekkinn fyrir Sindra Björnsson sem kemur inn á miðjuna fyrir Hilmar sem fer út á kant og Óli Hrannar upp á topp.

Hjá Val eru breytingarnar öllu drastískari. Haukur Páll og Thomas Guldborg eiga við meiðsli að stríða, Thomas er úr hóp og Haukur á bekknum. Í þeirra stað koma Gunnar Gunnarsson og Einar Karl Ingvarsson. Gunni í miðvörðinn og Einar á miðjuna.
Fyrir leik
Maggi pera, dyggur stuðningsmaður Leiknis, er með Fotboltinet snapchattið í dag. Afar áhugaverð innslög!
Elvar Geir Magnússon
Fyrir leik
Óttar Bjarni miðvörður Leiknis er í banni og verður gaman að sjá hvernig Freysi og Davíð leysa það og hvaða breytingar verði gerðar á byrjunarliðinu. Byrjunarliðin fara að detta inn hvað og hverju.
Fyrir leik
Síðustu leikir þessara liða fóru svo að Valur vann Stjörnuna á útivelli 1-2 á meðan Leiknir gerði 1-1 jafntefli við Keflavík á heimavelli.
Fyrir leik
Fyrir leik er búist við hörkuleik milli tveggja góðra liða. Valsmenn eitt heitasta lið á Íslandi um þessar mundir og Leiknismenn að berjast fyrir lífi sínu í Pepsi deildinni og þurfa að fara vinna fleiri fótboltaleiki ætli þeir sér að taka þátt í deild þeirra bestu að ári.
Fyrir leik
Komiði sæl og veriði velkomin í beina textalýsingu frá leik Leiknis og Vals.

Fyrri leik þessara liða lauk með 0-3 sigri Leiknis sem var fyrsti leikur þeirra í efstu deild.
Byrjunarlið:
1. Ingvar Þór Kale (m)
3. Iain James Williamson ('57)
4. Einar Karl Ingvarsson
8. Kristinn Ingi Halldórsson
9. Patrick Pedersen
10. Kristinn Freyr Sigurðsson
11. Sigurður Egill Lárusson ('81)
14. Gunnar Gunnarsson
20. Orri Sigurður Ómarsson
21. Bjarni Ólafur Eiríksson
23. Andri Fannar Stefánsson

Varamenn:
33. Anton Ari Einarsson (m)
6. Daði Bergsson
7. Haukur Páll Sigurðsson
14. Haukur Ásberg Hilmarsson
16. Tómas Óli Garðarsson
17. Andri Adolphsson ('81)
19. Baldvin Sturluson ('57)

Liðsstjórn:

Gul spjöld:
Einar Karl Ingvarsson ('80)
Andri Fannar Stefánsson ('83)
Patrick Pedersen ('90)

Rauð spjöld: