Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
KR
0
0
Breiðablik
27.07.2015  -  20:00
Alvogenvöllurinn
Pepsi-deild karla 2015
Aðstæður: Mjög flott veður til að spila fótbolta. Völlurinn virkar mjög góður líka
Dómari: Þorvaldur Árnason
Áhorfendur: 2250
Byrjunarlið:
1. Stefán Logi Magnússon (m)
Pálmi Rafn Pálmason
2. Grétar Sigfinnur Sigurðarson
6. Gunnar Þór Gunnarsson
7. Skúli Jón Friðgeirsson
7. Gary Martin ('76)
8. Þorsteinn Már Ragnarsson
8. Jónas Guðni Sævarsson
18. Aron Bjarki Jósepsson
19. Sören Frederiksen ('76)
20. Jacob Toppel Schoop ('65)

Varamenn:
13. Sindri Snær Jensson (m)
4. Gonzalo Balbi Lorenzo
9. Hólmbert Aron Friðjónsson ('76)
11. Almarr Ormarsson ('65)
16. Kristinn Jóhannes Magnússon
20. Axel Sigurðarson
22. Óskar Örn Hauksson ('76)

Liðsstjórn:

Gul spjöld:
Þorsteinn Már Ragnarsson ('32)

Rauð spjöld:
Leik lokið!
Markalaust jafntefli í stórleiknum. Frekar leiðinlegur leikur fyrir utan tíu mínútur eða svo í seinni hálfleik.

Viðtöl og skýrsla á leiðinni. Takk fyrir mig.
90. mín
Fjórum mínútum bætt við. Ég hefði búist við lengri uppbótartíma.
89. mín
Aron Bjarki kemur með fyrirgjöf á Hólmbert Aron sem skallar hársbreidd framhjá markinu. KR-ingar fá hornspyrnu í kjölfarið sem Blikar rétt ná að koma í burtu.
87. mín
Glenn sendir boltann á Arnþór Ara sem er í mjög góðu færi. Hann hittir ekki rammann og það er búið að flagga rangstæðu í þokkabót.
85. mín
Nú er hver að vera síðastur. Fimm mínútur eftir af venjulegum leiktíma. Það verður þó væntanlega nokkuð langur uppbótartími þar sem Stefán Logi lá meiddur áðan.
81. mín
Guðjón Pétur er við það að sleppa í gegn en sem betur fer fyrir KR-inga þá er hann ekki sá hraðasti og varnarmenn KR ná að komast til baka og bjarga.
79. mín
Búið að róast aðeins yfir þessu eftir rosalegar mínútur. Eftir að Stefán Logi meiddist, þá stoppaði leikurinn í nokkrar mínútur og hann hefur ekki náð sömu hæðum eftir það.
76. mín
Inn:Hólmbert Aron Friðjónsson (KR) Út:Gary Martin (KR)
Rándýr tvöföld skipting hjá KR-ingum.
76. mín
Inn:Óskar Örn Hauksson (KR) Út:Sören Frederiksen (KR)
75. mín
Leikurinn heldur loks áfram og virðist vera í lagi með Stefán.
73. mín
Meira búið að gerast síðustu tæpar tíu mínútur en allan leikinn á undan því. Loksins er líf að færast í þetta.

Stefán Logi er ennþá meiddur en það er verið að gefa honum aðhlynningu. KR-ingar ætluðu að gera tvöfalda breytingu. Hólbert og Óskar virtust vera á leiðinni inná. Spurning hvað gerist núna.
72. mín
Jonathan Glenn kominn einn í gegn en hann tekur aðeins of fasta snertingu og Stefán Logi kemst í boltann. Þeim lendir síðan saman og Stefán liggur eftir meiddur. Þarna hefði Glenn átt að gera betur.
70. mín
Áður en skiptingin var gerð var Arnþór Ari kominn í svipað færi og Gary var í rétt áðan. Nú ver Stefán Logi frábærlega og Ellert rétt missti af frákastinu.
70. mín
Inn:Jonathan Glenn (Breiðablik) Út:Ellert Hreinsson (Breiðablik)
Glenn spilar tvo leiki á tveim dögum með tveim mismunandi liðum í Pepsi deildinni.
69. mín
KR-ingar nálægt því að komast yfir! Besta færi leiksins hingað til. Gary Martin var í góðri stöðu innan teigs hjá Blikum en Gunnleifur varði skotið hans mjög vel. Boltinn barst síðan á Gunnar Þór sem setur boltann hátt yfir.
68. mín
Leikurinn hefur lifnað við síðustu mínútur. Þorsteinn Már átti hættulega fyrirgjöf sem Gary rétt missti af.
67. mín
Ellert og Kári nálægt því að skora eftir hornspyrnuna en KR-ingar rétt sleppa. Er markið að fara að koma?
66. mín
Kristinn Jónsson með stórhættulegan bolta fyrir markið sem Grétar þarf að skalla í horn.
65. mín
Inn:Almarr Ormarsson (KR) Út:Jacob Toppel Schoop (KR)
64. mín
Blikar nálægt því að komast yfir!

Arnþór Ari var í fínasta færi eftir hraða sókn, Stefán Logi varði hins vegar skotið hans virkilega vel. Blikar hafa verið líklegri síðustu mínútur.
61. mín
Ellert Hreinsson var kominn í mjög góða stöðu en hann var við það að komast einn gegn Stefáni Loga. KR-ingar rétt ná að bjarga í horn á síðustu stundu. Besta tækifæri leiksins hingað til.
60. mín
Inn:Höskuldur Gunnlaugsson (Breiðablik) Út:Andri Rafn Yeoman (Breiðablik)
Gæti hresst upp á leikinn.
57. mín
Fín sókn KR-inga endar með því að Þorsteinn Már er dæmdur rangstæður.

Seinni hálfleikurinn er beint framhald á þeim fyrri. Nokkuð rólegt yfir þessu bara.
55. mín
Schoop er við það að komast í gott færi er Oliver kemur askvaðandi til baka og stöðvar hann með frábærri tæklingu.
52. mín
Þess má geta að Þorvaldur Árnason, dómari leiksins yfirgaf svæðið með sjúkrabíl í hálfleik. Erlendur Eiríkson dæmir því síðari hálfleikinn.

Þorvaldur er með heilahristing eftir að hafa fengið boltann í höfuðið frá Atla Sigurjóns.
50. mín
Fyrsta færi seinni hálfleiks fá KR-ingar, Gary Martin á skalla eftir aukaspyrnu Schoop en færið var þröngt og skallinn í hliðarnetið.
45. mín
Síðari hálfleikurinn er byrjaður
45. mín
Inn:Kári Ársælsson (Breiðablik) Út:Elfar Freyr Helgason (Breiðablik)
Heppinn að fá ekki rautt í þeim fyrri þannig Arnar Grétarson er skynsamur.

45. mín
Hálfleikur
Markalaust og frekar dauft í fyrri hálfleik. Vonumst eftir betri seinni hálfleik.
45. mín
Guðjón Pétur Lýðsson átti aukaspyrnu sem var nánast á vítateigslínunni á hlið vítateigsins. Hann reyndi skot sem var alls ekki svo galið. Stefán Logi kíldi boltann yfir markið. Ein besta tilraun leiksins hingað til.
43. mín
Blikar bruna í sókn hinum megin og Atli Sigurjónsson reynir skot utan teigs sem fer naumlega framhjá. Atli búinn að vera manna sprækastur hjá Blikum.
42. mín
Schoop með skalla að marki en hann er ekki hættulegur.
40. mín
Þorvaldur er búinn að vera heldur duglegur að dæma fyrir minn smekk. Boltinn fær ekki að rúlla nóg.
34. mín
Pálmi Rafn með skot sem Gulli ver vel. Eftir langa KR sókn kemst Pálmi í fínt en þröngt færi. Gunnleifur lokar hins vegar vel og bjargar.
32. mín Gult spjald: Þorsteinn Már Ragnarsson (KR)
Braut af sér, Þorvaldur ætlaði að láta leikinn halda áfram. Blikar misstu boltann, Þorvaldur flautar og spjaldar Þorstein, líklegast rétt.
31. mín
Atli Sigurjónsson reynir fasta sendingu fram völlinn sem fer beint í Þorvald dómara sem dettur á rassinn og allir í stúkunni fagna.
28. mín
Elfar er stálheppinn að fá ekki annað gult spjald. Stoppar snögga sókn KR-inga með tæklingu.

Þorvaldur hefði að öllum líkindum spjaldað Elfar, hefði hann ekki verið á spjaldi.
27. mín
Eins og ég var nú spenntur fyrir þessum leik, þá er hann að valda smá vonbriðgum þennan fyrsta tæpa hálftíma.
24. mín
Blikar sækja hratt, Arnþór Ari finnur Atla Sigurjónsson rétt utan teigs. Hann fer í skotið en það fer yfir markið. Ég held Atla myndi ekki finnast það neitt leiðinlegt að skora gegn KR.
22. mín
"Við þurfum meiri hraða í þennan leik. Liðin eru of varkár eins og þau hugsi fyrst og fremst um að tapa ekki," segir Kristján Guðmundsson sem lýsir á Stöð 2 Sport og er ekki sáttur með gæðin hingað til.
Elvar Geir Magnússon
19. mín Gult spjald: Elfar Freyr Helgason (Breiðablik)
Brýtur af sér, sparkar boltanum í burtu og fær að launum gult kort.
18. mín
Arnór Sveinn og Þorsteinn Már fara upp í sama bolta og Þorsteinn virtist fá hendina á Arnóri í sig og hann liggur eftir. KR-ingar vilja eitthvað en Þorvaldur stöðvar leikinn vegna höfuðmeiðsla en dæmir ekkert.
16. mín
Talandi um Kristinn Jónsson. Sören er við það að komast í mjög gott færi en Kristinn kemur með svakalega tæklingu og bjargar. Frábær varnarleikur.
14. mín
Kristinn Jónsson fer upp vinstri vænginn við hvert tækifæri og reynir að sækja á bakverði KR-inga. Hann er hættulegur þegar hann tekur á því að fara í þessi hlaup en hann hefur verið einstaklega góður í einmitt þeim í allt sumar.

10. mín
Atli Sigurjónsson átti rétt í þessu misheppnaða sendingu sem fór beint útaf. Stuðningsmönnum KR finnst það ekkert leiðinlegt.
7. mín
Pálmi Rafn hefur fengið eitthvað högg á höfuðið, leikurinn er stöðvaður og hann fær aðhlynningu. Hann virðst ætla að halda leik áfram.
6. mín
Oliver Sigurjónsson á fyrstu tilraun Blika í leiknum. Hann tekur aukaspyrnu af um 30 metrum. Boltinn fer rétt framhjá markinu hjá Stefáni Loga sem virtist vera með þetta á hreinu. Fínasta tilraun engu að síður.
3. mín
Schoop aftur með fyrirgjöf, þessi er stórhættuleg og Þorsteinn Már er mjög nálægt því að komast í boltann. Blikar rétt ná að bjarga.
2. mín
KR-ingar eiga fyrstu sóknina. Schoop reynir fyrirgjöf en KR-ingarnir ná að koma boltanum í burtu.

Fyrir leik
Leikur hafinn
KR-ingar byrja og sækja að KR heimilinu. Veislan er byrjuð!
Fyrir leik
Leiðrétting frá því áðan. Þorvaldur mun dæma leikinn. Erlendur Eiríksson mun vera aðstoðardómari. Annar aðstoðardómarinn hefur því meiðst. Þóroddur Hjaltalín mun því vera varadómari.
Fyrir leik
Bóas, KR-ingur númer eitt er á Alogen vellinum að vanda. Hann lifir sig almennilega í þetta og syngur hástöfum með KR laginu.
Fyrir leik
Blikar eru ekki ánægðir með að mega ekki koma með trommur á völlinn. Þeir berja þess í stað í auglýsingaskiltin við hliðarlínuna.
Fyrir leik
Átta mínútur í leik, ég er orðinn spenntur! Eruð þið spennt? Þið ættuð að vera það.
Fyrir leik
Þorvaldur Árnason, maðurinn sem átti að dæma leikinn er meiddur. Þóroddur Hjaltalín er kallaður upp í stúkunni og beðinn um að gefa sig fram. Hann mun væntanlega verða varadómari og Erlendur Eiríksson, sem átti að verða varadómari, mun þá dæma leikinn.

Elvar Geir Magnússon

Fyrir leik
Bjarni Fel er mættur. Það er rosalega þæginlegt að vera á KR vellinum, ef maður missir af einhverju, þá er Bjarni Fel að lýsa leiknum við hliðina á manni fyrir KR útvarpið. Eðall.
Fyrir leik
KR-ingarnir voru mættir töluvert á undan Blikum en nú eru bæði lið að hita upp á vellinum.

Eitt af mínum uppahalds lögum í gangi á fóninum. Love me Again með John Newman. Kemur mér alltaf í knattspyrnu gírinn.
Endilega komið á Twitter, skrifið hvað þið eruð að hugsa tengt leiknum og gerið #fotboltinet og ég mun henda inn áhugaverðum punktum og allskonar sprelli inn í textalýsinguna.

Fyrir leik
Bæði lið eru án miðvarðar sem venjulega er í byrjunarliði.

Daninn Rasmus Steenberg Christiansen er ekki með vegna leikbanns og sömu sögu er að segja um Damir Muminovic hjá Breiðablik.
Fyrir leik
Ég trúi varla öðru en að Glenn komi inná á einhverjum tímapunkti.

Atli Sigurjónsson spilar í fyrsta skipti gegn KR í Frostaskjóli síðan hann færði sig um set og fór í Kópavoginn.
Fyrir leik
Hjá Blikum fer Höskuldur Gunnlaugsson á bekkinn, spurning hvort hann sé eitthvað tæpur fyrir leikinn en hann hefur verið að glíma við meiðsli í sumar. Jonathan Glenn er á bekknum en hann spilaði 45 mínútur með ÍBV í gær, gegn Stjörnunni.

Það verður að teljast mjög áhugavert að vera í leikmannahópi tveggja mismunandi liða, tvo daga í röð í sömu deildinni.
Fyrir leik
Örn Hauksson, Almarr Ormarson og Hólmbert Aron Friðjónsson eru allir á varamannabekk KR-inga.

Þorsteinn Már Ragnarsson, Jacob Schoop, Gary Martin og Sören Fredriksen verða því fremstu menn KR í leiknum.
Fyrir leik
Blikar geta komist upp í annað sætið í deildinni með sigri og verða þeir þá aðeins stigi á eftir KR sem vermir toppsætið.

Sigri KR-ingar hins vegar, skella þeir sér í fimm stiga forrystu á toppi deildarinnar. FH á þá reyndar leik til góða á þá.
Fyrir leik
Halló halló gott fólk. Verið velkomin í stórleik í Pepsi deildinni!

KR-ingar fá Blika í heimsókn í Vesturbæinn í mjög mikilvægum leik á toppi deildarinnar.
Byrjunarlið:
Gunnleifur Gunnleifsson
3. Oliver Sigurjónsson
5. Elfar Freyr Helgason ('45)
5. Arnór Sveinn Aðalsteinsson
8. Arnþór Ari Atlason
10. Atli Sigurjónsson
19. Kristinn Jónsson
21. Viktor Örn Margeirsson
22. Ellert Hreinsson ('70)
30. Andri Rafn Yeoman ('60)
45. Guðjón Pétur Lýðsson

Varamenn:
24. Aron Snær Friðriksson (m)
11. Gísli Eyjólfsson
17. Jonathan Glenn ('70)
21. Guðmundur Friðriksson

Liðsstjórn:
Olgeir Sigurgeirsson
Höskuldur Gunnlaugsson

Gul spjöld:
Elfar Freyr Helgason ('19)

Rauð spjöld: