Þess má geta að inni á vellinum er afmælisbarn, en Skúli Jón Friðgeirsson á 27 ára afmæli í dag.

Þess má til "gamans" geta að Inter Baku er að fara að spila við Athletic Bilbao í kvöld.. ég fæ algert óbragð í kjaftinn við tilhugsunina. Það var klárlega FH sem átti að mæta þessu spænska stórliði í kvöld.

Ánægður með Eyjalundana, þeir eru að fá sér í stúkunni. Sá glitta í einn Tópas pela! Gæti mögulega hafa verið Ópal..

Níu mínútur í leikinn. Ég hvet þá sem horfa til að vera virkir á Twitter og nota kassamerkið #fotboltinet. Ekkert sérstaklega margir í stúkunni, enda Eyjamenn allir að undirbúa þjóðhátíð og margir stungu af úr bænum í kvöld.

Þá eru stuðningsmenn ÍBV farnir að flykkjast á svæðið, eða Eyjalundarnir eins og þeir kalla sig. Býst við miklum látum frá Eyjalundunum í kvöld.

Ansi fjölþjóðlegt Eyjaliðið, gaman að því. Ég tel sex útlendinga í byrjunarliði þeirra og þá tel ég að sjálfsögðu ekki með Ian Jeffs, sem er nú bara orðinn að Íslendingi í húð og hár. Sjálfir eru KR-ingarnir með þrjá erlenda leikmenn í byrjunarliðinu og tvo á bekknum.

Það er bongóblíða hérna í Vesturbænum. Aðstæður til knattspyrnuiðkunnar gætu bara ekki verið betri, svei mér þá! Menn í góðum gír að hita upp úti á velli, að vísu bara KR-ingar enn sem komið er en Eyjamenn fara örugglega fljótlega að láta sjá sig.

Sindri Snær Jensson er maðurinn sem KR fær til að spila gegn ÍBV í Vestmannaeyjum. Sindri Snær var í markinu í Vestmannaeyjum um verslunarmannahelgina í fyrra þegar KR vann góðan 5-2 sigur á Hásteinsvelli fyrir framan mörg þúsund manns.

Eyjamenn gera eina breytingu á sínu liði frá 3-0 tapi gegn Stjörnunni, en Jonathan Patrick Barden kemur inn í byrjunarliðið fyrir Gunnar Þorsteinsson.

Talsverðar breytingar eru á liði KR frá markalausa jafnteflinu gegn Blikum á dögunum. Sindri Snær Jensson, Rasmus Christiansen, Gonzalo Balbi, Almarr Ormarsson, Kristinn Jóhannes Magnússon og Hólmbert Aron Friðjónsson koma allir inn í byrjunarliðið. Stefán Logi Magnússon er fjarri góðu gamni og leikmenn á borð við Gary Martin, Þorstein Má Ragnarsson og Sören Frederiksen byrja á bekknum.

Góða kvöldið!

Hér verður bein textalýsing frá leik KR og ÍBV í undanúrslitum Borgunarbikarsins.

Sigurvegarinn mætir Val í úrslitaleik á Laugardalsvelli þann 15. ágúst.