Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
ÍA
2
3
FH
Arnar Már Guðjónsson '4 1-0
1-1 Atli Viðar Björnsson '24
1-2 Emil Pálsson '49
1-3 Atli Viðar Björnsson '53
Garðar Gunnlaugsson '81 2-3
Marko Andelkovic '92
10.08.2015  -  19:15
Norðurálsvöllurinn
Pepsi-deild karla 2015
Dómari: Garðar Örn Hinriksson
Byrjunarlið:
12. Árni Snær Ólafsson (m)
Arnar Már Guðjónsson
Ármann Smári Björnsson
Arnór Snær Guðmundsson
Ingimar Elí Hlynsson ('58)
2. Þórður Þorsteinn Þórðarson
18. Albert Hafsteinsson ('86)
19. Eggert Kári Karlsson
23. Ásgeir Marteinsson ('64)
27. Darren Lough
32. Garðar Gunnlaugsson

Varamenn:
8. Hallur Flosason
10. Jón Vilhelm Ákason ('64)
13. Arsenij Buinickij
14. Ólafur Valur Valdimarsson ('58)
15. Teitur Pétursson
20. Gylfi Veigar Gylfason
31. Marko Andelkovic ('86)

Liðsstjórn:

Gul spjöld:
Ingimar Elí Hlynsson ('25)
Ólafur Valur Valdimarsson ('65)

Rauð spjöld:
Marko Andelkovic ('92)
Leik lokið!
Leik lokið!

Ótrúlegum leik lokið hér á Skaganum. FH-ingar fara með öll stigin heim í Hafnarfjörðinn.
95. mín
Þetta var furðulegt, Árni Snær hleypur úr markinu, stillir boltanum upp og tekur spyrnuna.

Boltinn beint í hendurnar á Róberti Erni.

Jón Vilhelm ALLT ANNAÐ EN SÁTTUR! Snýr sér við og hristir hausinn yfir þessu öllu saman. Ármann Smári setur hendur á loft og horfir á Gunnlaug Jónsson.
94. mín
Doumbia gerist brotlegur rétt fyrir utan teig. Jón Vilhelm gerir sig líklegan til að taka spyrnuna. Meter fyrir utan teig!
92. mín
Árni Snær kemur með geðveika spyrnu upp allan völlinn, Jón Vilhelm flikkar boltanum inn í teig þar sem Kassim Doumbia tæklar boltann í burtu og í leiðinni virðist hann fara í Eggert Kára sem fellur við og haltrar!

Skagamenn alveg brjálaðir og Marko virðist hafa sagt einhvern andskotan við Garðar. Því Marko fær rautt spjald umsvifalaust!
92. mín Rautt spjald: Marko Andelkovic (ÍA)
Fær beint rautt spjald fyrir kjaftbrúk!
92. mín
Skagamenn vilja víti!!!!
91. mín Gult spjald: Róbert Örn Óskarsson (FH)
Of lengi að taka aukaspyrnuna og fær spjald fyrir vikið.
88. mín
Þórarinn Ingi??? Hvar varst þú á síðustu skot æfingu?

FH-ingarnir komast í skyndisókn og Þórarinn Ingi er kominn einn gegn Árna Snæ sem kemur langt út á móti honum. Skot Þórarins Inga er hinsvegar afleitt, fyrsta lagi dreif hann ekki á markið og boltinn var ca. 10-15 metrum frá markinu. Serwy náði hinsvegar til boltans og kom með fyrirgjöf en boltinn yfir Þórarinn Inga á fjærstönginni.
87. mín
Jón Vilhelm með skot í stöngina!!!

Skot frá vítateigslínunni sem fer í stöngina og aftur fyrir. Það er líf í heimamönnum heldur betur.

Hvar eru FH-ingarnir?
86. mín
Inn:Marko Andelkovic (ÍA) Út:Albert Hafsteinsson (ÍA)
Marko fær 4 mínútur +.
81. mín MARK!
Garðar Gunnlaugsson (ÍA)
Stoðsending: Árni Snær Ólafsson
Árni Snær tók aukaspyrnu á vallarhelmingi ÍA, alla leið inn í teig. Þar var Garðar í baráttunni við nokkra varnarmenn FH en á einhvern ótrúlegan hátt hélt hann boltanum hjá sér og var skyndilega kominn einn gegn Róberti. Hann lagði boltann yfir Róbert sem var kominn niður og í fjærhornið fór boltinn.

Laglega klárað Garðar!
80. mín
Garðar Gunnlaugsson við það að sleppa einn í gegn, tekur skotið en Pétur Viðarsson með frábæran varnarleik og kastar sér fyrir boltann.
79. mín
Ólafur Valur sem er á spjaldi fer í Róbert Örn þegar hann er búinn að grípa boltann.

Róbert Örn liggur eftir og enn og aftur kvartar hann yfir vinstri mjöðminni. Þessi mjöðm hlýtur að vera aftra honum á vellinum.
78. mín
Inn:Kristján Flóki Finnbogason (FH) Út:Atli Viðar Björnsson (FH)
Tveggja marka-maðurinn fer af velli fyrir Flóka.

Framhherji fyrir framherja.
76. mín
Fjórða skot tilraun Garðars síðan ég sagði að það hafi lítið sést til hans í leiknum. Skotið fer nú á markið, en beint á Róbert Örn.
75. mín
Emil brýtur á Arnari Má á miðjum vellinum. Arnar Már liggur eftir og öskrar. Er fljótur að standa upp og hleypur inn í teiginn. ÞÞÞ með aukaspyrnuna.

Boltinn endar hjá Garðari sem reynir enn og aftur marktilraun en yfir markið fer boltinn.
74. mín
Það er líf í Garðari eftir allt saman. Á skalla yfir markið.
74. mín
Jonathan Hendrickx með skot langt fyrir utan teig og framhjá fjærstönginni fór boltinn. Lítil hætta þarna en ágætis tilraun.
71. mín
Inn:Samuel Lee Tillen (FH) Út:Böðvar Böðvarsson (FH)
Vinstri bakvörður fyrir vinstri bakvörð.
71. mín
Garðar Gunnlaugsson með skot 5-6 metrum framhjá fjærstönginni.

Hann hefur lítið sést í leiknum og fengið úr litlu að moða. Þarna reyndi hann, fullmikil bjartsýni.
70. mín
Tólfta hornspyrna FH. Serwy tekur hana...

Boltinn fer yfir allan pakkann og Jón Vilhelm hreinsar frá, af fjærstönginni.
68. mín
Ellefta hornspyrna FH-inga í leiknum. Serwy tekur hana.

Ótrúlegt en satt, þá er það Ármann Smári sem skallar boltann frá.
67. mín
Jón Vilhelm með hörku skot utan teigs sem fer í varnarmann FH og þaðan á markið. Róbert Örn tekur enga áhættu og slær boltann í burtu.
65. mín Gult spjald: Ólafur Valur Valdimarsson (ÍA)
Lætur til sín taka og stígur ofan á Davíð Þór og uppsker spjald.
64. mín
Inn:Jón Vilhelm Ákason (ÍA) Út:Ásgeir Marteinsson (ÍA)
Það er ekkert Meðal-Jón sem kemur hér inná.
63. mín
Þrátt fyrir að vera tveimur mörkum yfir þá halda gestirnir áfram að sækja og sækja.
62. mín
Atli Viðar nærri því að skora þrennuna, skot tilraun hans endar rétt framhjá markinu.
61. mín
Emil Pálsson með hörkuskot innan teigs sem fer í ennið á Ármanni Smára og yfir markið.

FH-ingar sóttu hratt, Þórarinn Ingi með fyrirgjöf og boltinn endaði hjá Emil sem tók skotið.
60. mín
Darren Lough með aukaspyrnu sem Kassim Doumbia skallar frá.
58. mín
Inn:Ólafur Valur Valdimarsson (ÍA) Út:Ingimar Elí Hlynsson (ÍA)
Fyrsta skipting leiksins.
58. mín
Róbert Örn liggur á vellinum, eitthvað laskaður. Heldur um mjöðmina.
56. mín
56. mín

56. mín

56. mín

55. mín
Atli Viðar er á eldi!!!

Á nú skot fyrir utan teig sem Árni Snær blakar í fjærstöngina og aftur fyrir.

Árni Snær var heldur framarlega og í litlu jafnvægi og Atli ætlaði að notfæra sér það. Heimamenn og þá sérstaklega, Árni Snær stálheppinn en að sama skapi vel gert hjá honum að ná að blaka boltanum í burtu frá markinu.
53. mín MARK!
Atli Viðar Björnsson (FH)
Stoðsending: Jeremy Serwy
Þriðja skallamarkið í kvöld!

Serwy með fyrirgjöf frá endalínunni þar sem Atli Viðar kom á nærstöngina og skallaði boltann í netið af stuttu færi. Gott hlaup frá Atla Viðari og sendingin fullkomin frá Serwy.

Þvílík byrjun gestanna og þvílík martraðar-byrjun heimamanna!
52. mín
Hætta innan teigs FH.

Garðar framlengir boltann inn í markteig FH þar sem Ásgeir Marteins. og Eggert Kári voru báðir nálægt boltanum en á síðustu stundu náðu FH-ingar að hreinsa frá. Þarna munaði litlu.
51. mín Gult spjald: Kassim Doumbia (FH)
Dööö-umbia.

Fær spjald fyrir að sparka boltanum í burtu eftir að flautað hafi verið aukaspyrna.
49. mín MARK!
Emil Pálsson (FH)
Stoðsending: Jeremy Serwy
SKALLI OG MARK!

Þórarinn Ingi lék sér með boltann fyrir utan teiginn, tók sér góðan tíma með boltann, fann síðan Serwy við vítateigslínuna vinstra megin, Serwy skallaði síðan boltann fyrir markið þar sem Emil Pálsson var einn og óvaldaður og stangaði boltann í markið frá markteigslínunni.

Óverjandi fyrir Árna í markinu. - Gestirnir eru komnir yfir!
48. mín
Dauðafæri!

Atli Viðar kemst einn gegn Árna Snæ sem kemur vel út á móti Atla. Skot Atla endar í bringunni á Árna og síðan nær Árni boltanum fyrir utan teig og hreinsar frá. Þarna gerði Árni vel!
48. mín
Sam Tillen er farinn að hita upp hjá FH.

Hjá ÍA er Marko og Arsenij byrjaðir að hita upp.
46. mín
Það verður síðan ekkert úr aukaspyrnu Skagamanna.
46. mín Gult spjald: Jonathan Hendrickx (FH)
Miðjan tekin, boltinn sendur út á vinstri kantinn þar tekur Jonathan Hendrickx hressilega á Eggerti Kára sem liggur eftir og Garðar Örn ekki lengi að lyfta upp spjaldinu.
46. mín
Seinni hálfleikurinn er byrjaður!
45. mín
Hálfleikur
Njótið - Hér er Jónas Ýmir stuðningsmaður FH að styðja sitt lið í stúkunni.


45. mín
Hálfleikur
45. mín

45. mín
Hálfleikur
Hálfleikur!

Staðan jöfn í hálfleik 1-1. Skagamenn komust yfir snemma leiks en eftir það fengu FH-ingar nokkur færi til að jafna. Eftir varnarmistök ÞÞÞ kom jöfnunarmarkið.

FH-ingar verið meira með boltann í fyrri hálfleiknum og hefðu hæglega getað verið yfir. Skagamenn eru þó alltaf líklegir í sínum föstu leikatriðum eins og sást í fyrsta markinu sem kom eftir hornspyrnu.
45. mín
Serwy með skalla að marki eftir fyrirgjöf frá Löppinni en beint á Árna Snæ í markinu sem var vil staðsettur í markinu. Var búinn að parkera sér á nærstöngina.
42. mín
Þórarinn Ingi er utan vallar þessa stundina. Hann virðist hafa fengið skurð og verið er að gera að sárum hans.
40. mín
Serwy með hornspyrnu fyrir FH í næstu sókn sem fer á fjærstöngina og hver annar en Ármann Smári skallar boltann í innkast. Er hann með segul á boltann?
39. mín
Róbert Örn í smá vandræðum í markinu en gerir þó vel.

Ásgeir Marteins. með hornspyrnu sem Róbert Örn fer út í, slær í burtu og dettur í kjölfarið. Skagamenn reyna tvær marktilraunir sem ná ekki að marki og FH-ingar ná síðan að hreinsa frá áður en þeir lenda í meiri vandræðum.
36. mín
Úr aukaspyrnunni nær Ármann Smári skalla frá vítateigslínunni sem smurði fjærstöngina. Þarna munaði ekki miklu. góður skalli.
36. mín
Ingimar Elí fær aukaspyrnu við hliðarlínuna og þarf að fara af velli. Skagamenn alls ekki ánægðir og vildu fá spjald fyrir brotið. Sá því miður ekki almennilega hvað gerðist.
35. mín
Allt í lagi að uppfæra það að áhorfendum hefur heldur betur fjölgað frá því að leikurinn byrjaði. Það eru tölvert margir Skagamenn í brekkunni góðu.
33. mín

32. mín
FH-ingar sækja hratt upp hægri kantinn, Serwy með afskaplega lélega fyrirgjöf, alltof háa og yfir allan pakkann.

Emil Páls. er hinsvegar fyrstur til að ná boltanum, sendir boltann út í teiginn á Þórarinn Inga sem nær ekki skoti á marki og sóknin rennur út í sandinn.
30. mín
Atli Guðna er nú kominn á hægri kantinn og Serwy framarlega á miðjunni.
29. mín
Kassim Doumbia hoppar hæst allra og skallar aukaspyrnu Lough í burtu.

Eggert Kári liggur eftir og stöðva þarf leikinn. Hann var í baráttunn við Doumbia og fékk eitthvað höfuðhögg. Er hinsvegar staðinn upp.
29. mín
Jæja, Skagamenn allir komnir inn í teig og Lough undirbýr aukaspyrnu frá miðju.
25. mín Gult spjald: Ingimar Elí Hlynsson (ÍA)
Fyrsta spjald leiksins.
24. mín MARK!
Atli Viðar Björnsson (FH)
Stoðsending: Atli Guðnason
ÞÞÞ missti boltann í hægri bakverðinum.

Þórarinn Ingi keyrði upp vinstri vænginn, sendir fyrir þar sem Atli Guðna var innan teigs, framlengdi boltann á Atla Viðar sem lagði boltann í netið.

Þetta mark skrifast heldur betur á ÞÞÞ en hinsvegar laglega gert hjá Ötlunum og Þórarni. Gerðu þetta einfalt og vel.
22. mín
Böddi Löpp með glimrandi fyrirgjöf frá vinstri sem Þórarinn Ingi skallar rétt framhjá fjærstönginni.

Hann vildi síðan fá hornspyrnu en fékk ekki.
21. mín
FH hefur heldur betur tekið völdin á vellinum. Skagamenn verjast á öllum nema Garðari þessa stundina.

Garðar er þó drjúgur að hlaupa á milli varnarmanna FH þegar þeir eru með boltann.
21. mín
Serwy reynir fyrirgjöf sem endar með skot sem Árni Snær grípur.
15. mín
Emil Pálsson skallar að marki sem fer í varnarmann Skagamanna, Hendrickx fær síðan boltann inn í teig en á mislukkaða tilraun.

Sókn FH heldur áfram en hún endar með því að Atli Viðar missir boltann aftur fyrir endamörk. Þvílík hornaveislan hérna hjá FH.

Maður leiksins hingað til: Ármann Smári sem er allt í öllu í varnarleik ÍA í föstum leikatriðum.
14. mín
Fimmta hornspyrna FH...

Og Ármann Smári skallar enn og aftur frá og FH fær síðan hornspyrnu hægra megin.

Sjöttu hornspyrnu sína...
14. mín
Fjórða hornspyrna FH...
13. mín
Enn og aftur er það Ármann Smári sem hreinsar frá eftir hornspyrnu.
13. mín
FH fær hornspyrnu, sína þriðju í leiknum.
10. mín
Skalli í stöng!

Emil Pálsson með skalla í fjærstöngina eftir fyrirgjöf frá hægri. Þarna munaði litlu. Árni Snær stóð stjarfur á línunni og misreiknaði annað hvort boltann eða átti ekki möguleika í hann. Þetta var lúmskur skalli, sem fór fyrst í grasið og skoppaði síðan í stöngina.

Þarna voru heimamenn heppnir!
9. mín
Bakverðir FH, þeir Hendrickx og BöddiLöpp koma langt upp völlinn hérna til að byrja með. Þá aðallega sá fyrrnefndi.
8. mín
Athyglisvert að Skagamenn eru ekki með neinn varamarkmann í kvöld.
8. mín
Jonathan Hendrickx með fyrirgjöf sem Ármann Smári skallar í burtu.
6. mín
Serwy með hornspyrnu frá vinstri sem Árni Snær kýlir í burtu.
4. mín MARK!
Arnar Már Guðjónsson (ÍA)
Stoðsending: Ásgeir Marteinsson
Ásgeir Marteinsson tekur gull af hornspyrnu sem fer beint inn í miðjan markteiginn. Þar kemur Arnar Már á hlaupinu og stangar boltann í netið!

1-0 fyrir heimamenn! Ja hérna hér, hver hefði búist við þessu?
4. mín
Skagamenn fá hornspyrnu, Albert reynir fyrirgjöf sem Kassim fer fyrir og boltinn endar afturfyrir.

Ásgeir Marteins. tekur spyrnuna og mark!
2. mín
Fyrsta færi leiksins!

Atli Viðar fær boltann inn í teig Skagamanna. Skagamenn heldur værukærir, Atli tekur við boltann og reynir skot en Arnór Snær nær að tækla fyrir boltann.

FH-ingar fá hornspyrnu sem Ármann Smári hreinsar frá.
2. mín
Skagamenn byrja í 4-4-2 með Garðar og Eggert Kára fremsta. Ásgeir og Ingimar Elí á köntunum. Arnar Már og Albert Hafsteinsson á miðjunni.

Darren Lough og ÞÞÞ í bakvörðunum. Ármann Smári og Arnór Snær í miðvörðunum.
1. mín
Leikur hafinn
Leikurinn er hafinn!

FH-ingar sækja í átt að Akraneshöllinni.
Fyrir leik
Þeir sem eru grjótharðir á vellinum eru:
Atli Viðar Björnsson, Garðar Gunnlaugsson, Darren Lough og Arnór Snær Guðmundsson.

Þeir eru allir í stuttermatreyju og ekkert væl!
Fyrir leik
Liðin ganga út á völlinn. Það er heldur kalt í veðri og fámennt í stúkunni.
Fyrir leik
Marko Andelkovic er á bekknum hjá ÍA í kvöld. Hann hefur átt misjafna leiki í sumar. Gunnlaugur Jónsson þjálfari ÍA sagði í viðtali fyrir nokkru að hann sé þó ánægður með leikmanninn þegar hann kemur inná í leikjum.

Það verður því athyglisvert að sjá hvernig Marko standi sig, þegar hann kemur inná, ef úr því verður það er að segja.
Fyrir leik
11 mínútur í leik og leikmenn beggja liða halda í átt að búningsherbergjunum.
Fyrir leik

Fyrir leik
Hermann Óli Davíðsson formaður ÍH og einn af eigendum Reykjavik Chips er mættur í stúkuna. Hann er væntanlega að scouta leikmenn beggja liða fyrir ÍH sem eru komnir í úrslitakeppnina í 4. deildinni.
Fyrir leik
Atli Viðar heldur sæti sínu í byrjunarliði FH, annan leikinn í röð. Það hefur nú ekki gerst oft í sumar.

Steven Lennon er enn frá vegna meiðsla og Brynjar Ásgeir er hvergi sjáanlegur í leikmannahóp FH, hann handleggsbrotnaði í seinni leik FH í Evrópukeppninni. Þá er Sam Hewson enn frá vegna meiðsla.
Fyrir leik
Takið þátt í umræðunni á Twitter. Myllumerkið #fotboltinet.
Fyrir leik
Það eru tvær breytingar á byrjunarliði ÍA frá síðasta leik.

Jón Vilhelm og Hallur Flosason detta út og í þeirra stað koma þeir Eggert Kári og Ingimar Elí.
Fyrir leik
Þórarinn Ingi Valdimarsson kemur inn í byrjunarlið FH frá síðasta leik. Hann fer á miðjuna í staðinn fyrir Bjarna Þór Viðarsson sem tekur út leikbann í kvöld.
Fyrir leik
Byrjunarliðin eru komin inn. Þórarinn Ingi Valdimarsson kemur inn í byrjunarlið FH frá síðasta leik. Hann fer á miðjuna í staðinn fyrir Bjarna.
Elvar Geir Magnússon
Fyrir leik
Miðjumaðurinn Bjarni Þór Viðarsson verður ekki með í kvöld þegar topplið Pepsi-deildarinnar, FH, heimsækir Skagamenn.

Bjarni er kominn með fjórar áminningar og tekur því út leikbann.

Bjarni hefur verið að leika vel í undanförnum leikjum fyrir Fimleikafélagið en hann skoraði í 2-1 sigrinum gegn Val í síðustu umferð.
Fyrir leik
FH eru á toppi deildarinnar eftir góðan 2-1 heimasigur á Val í síðustu umferð. Þeir eru með 30 stig, þremur stigum meira en KR sem taka á móti Fylki í kvöld.
Fyrir leik
ÍA getur hinsvegar farið með ágætis sjálfstraust inn í þennan leik í kvöld, þar sem liðið er taplaust í síðustu fjórum leikjum í deildinni. Tveir sigrar og tvö jafntefli.

ÍA eru fjórum stigum frá fallsæti og á leikinn í kvöld til góða á bæði ÍBV og Leikni sem eru fyrir neðan þá.
Fyrir leik
Í fyrri umferðinni í sumar fór FH létt með ÍA. Leiknum lauk með 4-1 sigri Hafnfirðinga en sá leikur er talinn vera eini sigur FH í sumars sem þeir yfirspiluðu andstæðinga sína og unnu leikinn á sannfærandi hátt.

Skagamenn sátu vart til sólar í þeim leik. FH komst í 4-0 áður en Arsenij Buinickij minnkaði muninn á 79. mínútu leiksins, þá nýkominn inn á sem varamaður.
Fyrir leik
Það bendir nánast allt til þess að FH fari með sigur af hólmi úr þessum leik í kvöld ef rýnt er í innbyrðis viðureignir félaganna síðustu ár.

Í síðustu 12 innbyrðis viðureignum hefur FH unnið 11 og liðin gert eitt jafntefli. Þetta er frá tímabilinu 2006 til 2015. Jafnteflið kom á Kaplakrikavelli sumarið 2007. Þar skoraði Tryggvi Guðmundsson úr víti í byrjun leiks en enginn annar en Ellert Jón Björnsson jafnaði fyrir Skagamenn stuttu fyrir leikslok.

Markatalan í þessum 12 leikjum er: 40-15 FH í vil.
Fyrir leik
Haukur Harðarson, íþróttafréttamaður RÚV, spáir í 15. umferðina.

ÍA 0 - 1 FH (mánudag 19:15)
Atli Viðar byrjar aftur og skorar eina markið í leik þar sem einhver FH-ingur fær beint rautt spjald!
Fyrir leik
Verið velkomin í beina textalýsingu frá Akranesi.

Hér í kvöld eigast við ÍA og FH í 15. umferð Pepsi-deildar karla.
Byrjunarlið:
1. Róbert Örn Óskarsson (m)
Davíð Þór Viðarsson
4. Pétur Viðarsson
8. Emil Pálsson
11. Atli Guðnason
17. Atli Viðar Björnsson ('78)
20. Kassim Doumbia
21. Böðvar Böðvarsson ('71)
22. Jeremy Serwy
23. Þórarinn Ingi Valdimarsson
26. Jonathan Hendrickx

Varamenn:
12. Kristján Finnbogi Finnbogason (m)
6. Baldur Búi Heimisson
16. Jón Ragnar Jónsson
18. Kristján Flóki Finnbogason ('78)
21. Grétar Snær Gunnarsson
25. Eggert Georg Tómasson

Liðsstjórn:
Samuel Lee Tillen (Þ)

Gul spjöld:
Jonathan Hendrickx ('46)
Kassim Doumbia ('51)
Róbert Örn Óskarsson ('91)

Rauð spjöld: