Malen, Maguire, Rashford, Greenwood, Yoro, Eriksen og fleiri góðir í slúðri dagsins
Valur
0
1
Breiðablik
0-1 Jonathan Glenn '38
10.08.2015  -  19:15
Laugardalsvöllur
Pepsi-deild karla 2015
Dómari: Vilhjálmur Alvar Þórarinsson
Áhorfendur: 992
Byrjunarlið:
33. Anton Ari Einarsson (m)
2. Thomas Guldborg Christensen
7. Haukur Páll Sigurðsson ('45)
8. Kristinn Ingi Halldórsson ('77)
10. Kristinn Freyr Sigurðsson
11. Sigurður Egill Lárusson
19. Emil Atlason
20. Orri Sigurður Ómarsson
21. Bjarni Ólafur Eiríksson
22. Mathias Schlie
23. Andri Fannar Stefánsson

Varamenn:
1. Ingvar Þór Kale (m)
3. Iain James Williamson ('45)
4. Einar Karl Ingvarsson
14. Gunnar Gunnarsson
16. Tómas Óli Garðarsson
17. Andri Adolphsson ('77)
19. Baldvin Sturluson

Liðsstjórn:

Gul spjöld:
Haukur Páll Sigurðsson ('32)
Thomas Guldborg Christensen ('87)
Sigurður Egill Lárusson ('90)

Rauð spjöld:
Leik lokið!
Blikar sigra val öðru sinni í sumar. Fyrri hálfleikurinn var jafn og spennandi en Blikar voru betri í þeim síðari.

Viðtöl og skýrsla á leiðinni. Takk fyrir mig.
90. mín Gult spjald: Sigurður Egill Lárusson (Valur)
Pirringsbrot við hliðarlínuna.
90. mín
Kristinn Freyr tekur aukaspyrnu beint á kollinn á Bjarna Ólafi sem á góðan skalla sem fer rétt framhjá samskeytunum.
90. mín Gult spjald: Höskuldur Gunnlaugsson (Breiðablik)
90. mín
Fimm mínútur í uppbótartíma.
89. mín Gult spjald: Atli Sigurjónsson (Breiðablik)
Stoppar Valsmenn sem voru að komast í skyndisókn.
87. mín
Atli Sigurjóns tekur aukaspyrnu utan teigs sem fer hátt yfir og vel framhjá.
87. mín Gult spjald: Thomas Guldborg Christensen (Valur)
86. mín
Leikurinn hefur dottið niður síðustu mínútur. Blikum líður bara ákaflega vel eins og er.
80. mín
Inn:Guðmundur Friðriksson (Breiðablik) Út:Arnór Sveinn Aðalsteinsson (Breiðablik)
Arnór Sveinn er eitthvað meiddur.
78. mín
Bjarni Ólafur með góða fyrirgjöf beint á kollinn á Kristinn Frey sem á fastan skalla sem Gunnleifur ver yfir markið. Gunnleifur var svolítið heppinn, hann ætlaði að grípa boltann en missti hann úr höndum. Sem betur fer fyrir hann fór boltinn yfir markið og ekki inn í það.
77. mín
Inn:Andri Adolphsson (Valur) Út:Kristinn Ingi Halldórsson (Valur)
Ekki alveg dagurinn hans Kristins Inga frekar en í síðasta leik.
77. mín
Inn:Atli Sigurjónsson (Breiðablik) Út:Guðjón Pétur Lýðsson (Breiðablik)
74. mín
Jonathan Glenn kominn í gott færi, Orri truflar hann hins vegar nóg og skot Glenn fer framhjá.
71. mín
Kristinn Freyr í ágætis skallafæri eftir sendingu frá Andra Fannari en skallinn fer framhjá.
69. mín
Dauðafæri!

Dauðafæri hinum megin, Kristinn Jónsson er kominn einn í gegn en hann ætlar að vippa létt yfir Anton Ara. Þetta var hins vegar rosalega léleg tilraun og boltinn rúllar langt framhjá.

Bæði lið hefðu auðveldlega getað skorað á síðustu tveim mínútum.
68. mín
Dauðafæri!

Kristinn Ingi á að skora þarna. Svo einfalt er það. Bjarni Ólafur á góða fyrirgjöf á Kristinn sem hittir boltann afar illa í þvílíku færi. Framhald á FH leiknum, þessi afgreiðsla.
64. mín
Hann er staðinn upp og leikurinn heldur áfram.
62. mín
Mathias Schlie liggur eftir en hann hefur fengið eitthvað höfuðhögg.
60. mín
Inn:Andri Rafn Yeoman (Breiðablik) Út:Oliver Sigurjónsson (Breiðablik)
Oliver á gulu. Hann var líka að fá aðhlynningu frá sjúkraþjálfara Blika áðan.
59. mín
Blikar hafa verið sterkari í þessum seinni hálfleik. Valsmenn sakna Pedersen og svo þurfti Haukur Páll auðvitað að fara af velli.
58. mín
Glenn á fallega fyrirgjöf á Arnþór Ara sem er í virkilega góðu skallafæri en hann setur boltann framhjá. Þarna átti hann að hitta markið strákurinn!
55. mín
Kristinn Freyr hársbreidd frá því að skalla boltann í eigið mark eftir hornspyrnu Blika. Heppinn þarna.
54. mín
Bjarni Ólafur nær skalla að marki eftir aukaspyrnuna en hann er laus og beint á Gunnleif.
53. mín Gult spjald: Oliver Sigurjónsson (Breiðablik)
Tekur Christiansen niður en hann var á miklum sprett í áttina að Blika vörninni.
52. mín
Guðjón Pétur á mjög góða aukaspyrnu rétt utan teigs sem Anton nær að verja mjög vel.
50. mín
Bjarni Ólafur með sendingu á Schlie sem reynir skot sem fer hátt yfir.
49. mín
Christiansen og Anton Ari í bullinu! Christiansen ætlar að senda til baka á Anton og boltinn fer í gegnum klofið á honum. Höskuldur var við það að ná til hans og hefði hann verið með opið mark fyrir framan sig hefði það tekist. Anton nær hins vegar að bjarga sér. Anton Ari ekki sannfærandi.
47. mín
Kristinn Jóns á hættulega fyrirgjöf sem Glenn rétt missir af. Fyrsta sókn seinni hálfleiks er Blika.
45. mín
Seinni hálfleikur er kominn af stað
45. mín
Inn:Iain James Williamson (Valur) Út:Haukur Páll Sigurðsson (Valur)
Spurning hvort hann sé meiddur eða það sé verið að passa að hann fjúki ekki útaf með rautt.
45. mín
Hálfleikur
Blikar leiða í hálfleik. Valsmenn svolítið óheppnir að vera undir í hálfelik en svona er jú fótboltinn stundum.

45. mín
Haukur Páll brýtur á Höskuldi. Verður að passa sig þar sem hann er á gulu spjaldi.

Aukaspyrnan endar á Arnþóri Ara sem er í fínu færi en skot hans fer framhjá.
44. mín
Valsmenn hafa alls ekki verið verri aðilinn hingað til í leiknum og eru frekar óheppnir að vera undir í leiknum.
40. mín
Sigurður Egill fer niður í teignum eftir baráttu við Elfar. Sigurður vill víti en það er dæmt á hann.
38. mín MARK!
Jonathan Glenn (Breiðablik)
Stoðsending: Guðjón Pétur Lýðsson
MAAAAAAAAAARK!!


Blikar eru komnir yfir. Slysalegt mark, Guðjón Pétur á hörkuskot í Jonathan Glenn og þaðan fer hann inn. Anton Ari mættur í aðra áttina en fær hann síðan framhjá sér hinum megin. Leit ekki alltof vel út en græna liðið úr Kópavogi er komið yfir.
35. mín
Anton Ari stálheppinn!! Fær sendingu til baka og er of lengi að koma honum í burtu. Jonathan Glenn pressar hann og nær að tækla boltann en hann rúllar hárfínt framhjá.
34. mín Gult spjald: Arnór Sveinn Aðalsteinsson (Breiðablik)
34. mín
Guðjón Pétur tekur svo aukaspyrnuna sem er af rúmlega 20 metra færi en hún fer framhjá. Haukur Páll er kominn aftur inná.
33. mín
Haukur haltrar nú af velli. Spurning með framhald hans í leiknum.
32. mín Gult spjald: Haukur Páll Sigurðsson (Valur)
Brýtur á Höskuldi. Haukur Páll virðist hins vegar sárþjáður og liggur eftir.

30. mín
Emil Atlason í ágætis færi rétt utan teigs en skot hans hittir ekki markið.
28. mín
Sigurður Egill í virkilega góðu skotfæri í miðjum teig Blika en Damir bjargar virkilega vel og Valur fær hornspyrnu.
26. mín
Kristinn Jónsson hefur ekki komist mikið upp vinstri kantinn eins og hann hefur gert svo mikið af í sumar.
24. mín
Oliver á hræðilega sendingu til baka, Sigurður Egill er við það að komast í boltann og í færi en Elfar Freyr bjargar á síðustu stundu. Hættulegt hjá Oliver, hefði getað farið verr.
22. mín
Emil Atlason á þokkalegt skot sem Gulli á ekki miklum erfiðleikum með.
21. mín
Valsmenn fá hornspyrnu en hreinsun frá Damir klikkaði illa.
16. mín
Höskuldur liggur eftir samstuð vil Hauk Pál en hann hristir þetta af sér og heldur leik áfram.
13. mín
Emil Atla virðist fá olnbogann á Elfari í sig og hann liggur eftir. Hann stendur síðan upp og heldur leik áfram.
12. mín
Fínasta byrjun á leiknum hérna á þjóðarleikvanginum
11. mín
Blikar fá hornspyrnu og boltinn berst á Ellert Hreinsson sem á hörkuskot rétt framhjá. Besta færi Blika hingað til.

9. mín
Jonathan Glenn við það að sleppa í gegn en Anton Ari er á undan í boltann og sparkar hann í burtu.

Höskuldur Gunnlaugs fær tiltal frá Vilhjálmi fyrir brot á Schlie skömmu áður.

6. mín
Haukur Páll leggur boltann á Schlie sem reynir skot utan teigs sem fer ofan á markið.
5. mín
Valsmenn byrja leikinn betur og eru mun meira með boltann.
1. mín
Valsmenn næstum búnir að skora eftir tæplega mínútu!

Kristinn Freyr vinnur boltann á miðjunni og sendir á Sigurð Egil sem á gott skot utan teigs hárfínt framhjá. Góð tilraun.
Fyrir leik
Leikur hafinn
Þetta er komið af stað! Gestirnir byrja með boltann.
Fyrir leik
Nú er verið að kynna liðin til leiks á meðan þau labba inná völlinn. Fimm mínútur til stefnu!

Fyrir leik
Liðin ganga til búningsklefa og fá smá ræðu frá þjálfurunum. Svo er þetta bara að fara að byrja!
Fyrir leik
Stuðningsmenn Breiðabliks mæta snemma með trommur og hávaða. Svona viljum við hafa þetta.

Fyrir leik
Leikmenn eru komnir á völlinn og hita upp.

Gaman að það sé sjónvarp í blaðamannastúkunni, er að hlusta á þátt um Óla Þórðar. Lætur mig sakna hans úr boltanum.
Fyrir leik
Breiðablik getur, ef allt fer eftir þeirra óskum, verið einu stigi á eftir toppliði FH eftir leik.

Valsmenn fara hins vegar upp fyrir Blika og upp í þriðja sætið, nái þeir að vinna.
Fyrir leik
Pedersen meiddist á æfingu
Byrjunarliðin voru að detta í hús og er ansi margt áhugavert.

Ef við byrjum á liði Vals, þar er Ingvari Kale hent á bekkinn en hann átti ekki sinn besta leik gegn FH. Anton Ari Einarsson leysir stöðu hans í markinu. Baldvin Sturluson átti einnig slæman dag gegn FH og kemur Andri Fannar Stefánsson inn í hans stað. Emil Atlason fær síðan tækifæri í byrjunarliðinu en Patrick Pedersen er ekki með þar sem hann meiddist á æfingu.

Blikar fengu Keflavík í heimsókn og unnu sannfærandi sigur. Arnar Grétarsson, þjálfari liðsins gerir enga breytingu á liðinu enda ekki ástæða til.
Elvar Geir Magnússon
Fyrir leik
Valur er með 24 stig í fjórða sæti og eru komnir nokkuð langt frá toppnum. Blikar eru sæti ofar með 26 stig. Þegar liðin mættust í fyrri umferðinni vann Breiðablik 1-0 sigur. Höskuldur Gunnlaugsson skoraði markið.
Elvar Geir Magnússon
Fyrir leik
Jörundur Áki Sveinsson um Breiðablik:
Breiðablik er vel spilandi lið og og geta með sigri skilið Val eftir sem þeir vilja örugglega gera. Hafa verið nokkuð stöðugir í sumar, gerðu vel í að fá Glenn. Hafa fengið fæst mörk á sig í deildinni, níu. Sækja á mörgum mönnum og vinna mjög vel saman sem lið. Flottur bragur á þessu liði.

Þetta verður hörkuleikur og ég hallast að því að þetta endi með jafntefli.
Elvar Geir Magnússon
Fyrir leik
Jörundur Áki Sveinsson um Val:
Þetta verður eitthvað. Valur að færa sig yfir á Laugardalsvöll og maður veit ekki hvaða áhrif það hefur á þá. Það munar tveimur stigum á þessum liðum þannig að það er algjört lykilatriði að tapa ekki. Valsmenn hafa spilað vel í sumar. Eru með flott lið og leikmenn sem eru með betri leikmönnum í deildinni. Nú reynir talsvert á þá og hvort þeir vilji þetta nógu mikið. Þetta er mjög athyglisverður leikur.
Elvar Geir Magnússon
Fyrir leik
Gott og gleðilegt kvöld, hér á Laugardalsvelli fer fram leikur Vals og Breiðabliks. Valsmenn eru fluttir tímabundið á Laugardalsvöll á meðan verið er að teppaleggja Hlíðarenda. Vilhjálmur Alvar Þórarinsson dæmir þennan leik.
Elvar Geir Magnússon
Byrjunarlið:
Gunnleifur Gunnleifsson
Höskuldur Gunnlaugsson
3. Oliver Sigurjónsson ('60)
4. Damir Muminovic
5. Elfar Freyr Helgason
5. Arnór Sveinn Aðalsteinsson ('80)
8. Arnþór Ari Atlason
17. Jonathan Glenn
19. Kristinn Jónsson
22. Ellert Hreinsson
45. Guðjón Pétur Lýðsson ('77)

Varamenn:
24. Aron Snær Friðriksson (m)
10. Atli Sigurjónsson ('77)
15. Davíð Kristján Ólafsson
21. Guðmundur Friðriksson ('80)
21. Viktor Örn Margeirsson
30. Andri Rafn Yeoman ('60)

Liðsstjórn:
Olgeir Sigurgeirsson

Gul spjöld:
Arnór Sveinn Aðalsteinsson ('34)
Oliver Sigurjónsson ('53)
Atli Sigurjónsson ('89)
Höskuldur Gunnlaugsson ('90)

Rauð spjöld: