Malen, Maguire, Rashford, Greenwood, Yoro, Eriksen og fleiri góðir í slúðri dagsins
Haukar
3
1
Fjarðabyggð
Björgvin Stefánsson '38 1-0
Björgvin Stefánsson '84 , víti 2-0
2-1 Viktor Örn Guðmundsson '93
Björgvin Stefánsson '93 3-1
14.08.2015  -  18:30
Schenkervöllurinn
1. deild karla 2015
Dómari: Ívar Orri Kristjánsson
Áhorfendur: 183
Byrjunarlið:
1. Terrance William Dieterich (m)
Þórarinn Jónas Ásgeirsson ('58)
4. Gunnlaugur Fannar Guðmundsson
11. Arnar Aðalgeirsson ('76)
12. Gunnar Jökull Johns ('63)
13. Aran Nganpanya
13. Andri Fannar Freysson
17. Daníel Snorri Guðlaugsson
22. Björgvin Stefánsson
22. Aron Jóhannsson (f)
22. Alexander Freyr Sindrason (f)

Varamenn:
1. Magnús Þór Gunnarsson (m)
5. Marteinn Gauti Andrason
6. Þórður Jón Jóhannesson
16. Birgir Magnús Birgisson
19. Darri Tryggvason ('76)
28. Haukur Björnsson ('63)

Liðsstjórn:

Gul spjöld:
Aran Nganpanya ('23)

Rauð spjöld:
Leik lokið!
Leik lokið.

Sanngjarn 3-1 sigur Hauka staðreynd!
93. mín MARK!
Björgvin Stefánsson (Haukar)
Það er eitthvað að þessum manni... bætir við þriðja marki Hauka í kvöld!

Skorar í autt markið eftir að Kile Kennedy hafi misst boltann í tómu tjóni.
93. mín MARK!
Viktor Örn Guðmundsson (Fjarðabyggð)
Skorar beint úr aukaspyrnunni. Öruggt og þægilegt hjá Viktori.
93. mín
Brotið á Stefáni Þór meter fyrir utan teiginn.
91. mín
Carl Oscar með skalla yfir markið eftir aukaspyrnu frá Viktori Erni.
90. mín
Venjulegum leiktíma er lokið. Uppbótartími.
87. mín
Aron Jóhannsson er yfirleitt vítaskytta Hauka en Björgvin er greinilega að safna mörkum í safnið og tók vítið sjálfur. Hann fiskaði víti gegn Grindavík fyrr í sumar sem Aron tók og skoraði úr.
84. mín Gult spjald: Kile Gerald Kennedy (Fjarðabyggð)
Björgvin slapp skyndilega einn í gegn og leikur á Kile Kennedy í markinu sem brýtur á Björgvini í kjölfarið.

Víti hárréttur dómur og gult ágætis val á lit á spjaldi hjá Ívari Orra. Rautt hefði verið full gróft.
84. mín Mark úr víti!
Björgvin Stefánsson (Haukar)
Annað mark hans í leiknum. Sendir Kile í vitlaust horn og skýtur nánast á mitt markið.
84. mín
VÍTI!!! HAUKAR FÁ VÍTI!

Björgvin ætlar á punktinn sjálfur!
81. mín
Viðar Þór fellur við, við hornfánann hægra megin. Alexander Freyr brýtur á honum. Aukaspyrna.
80. mín
Haukur Björnsson með fínt skot rétt fyrir utan teiginn en rétt framhjá.
80. mín
Það er hætt að rigna.
77. mín Gult spjald: Bjarni Mark Antonsson (Fjarðabyggð)
Stöðvar #BS7 rétt áður en hann sleppur í gegn. Réttur dómur og réttur litur á spjaldinu.
76. mín
Inn:Darri Tryggvason (Haukar) Út:Arnar Aðalgeirsson (Haukar)
DJ Trikson er kominn inná fyrir Arnar Aðalgeirsson sem hefur verið mjög skapandi í leiknum og átt góðan leik.
74. mín
Úr horninu var Gunnlaugur Fannar ekki langt frá því að bæta við öðru marki fyrir Hauka. En skot hans rétt framhjá markinu.
74. mín
Inn:Sveinn Fannar Sæmundsson (Fjarðabyggð) Út:Ólafur Örn Eyjólfsson (Fjarðabyggð)
Þriðja breyting gestanna.
74. mín
Haukar komast í gott færi, Arnar Aðalgeirsson rennir boltanum út til Hauks, sem hefur nægan tíma en tekur alltof langan tíma í þetta og á síðan skot í varnarmann Fjarðabyggðar og í horn.

Björgvin brjálaður, þar sem hann var dauðafrír hliðin á Hauki í mun betra færi.
71. mín
Anton Mark Duffield þjálfari Fjarðabyggðar öskrar á lítinn boltastrák fyrir að vera ekki á tánum og rétta leikmanni Fjarðabyggðar boltann á stundinni. Öskrar á strákgreyið þónokkrum orðum um að hann eigi ekki að vera halda á bolta á lofti á hliðarlínunni. Hann baðst síðan afsökunar stuttu seinna.

Þórhallur Dan aðstoðarþjálfari Hauka var ekki ánægður með Mark Duffield, hann fór til hans og talaði við hann um að svona myndi maður ekki haga sér.

"Látum kappið aldrei bera fegurðina ofurliði" ...
65. mín
Ólafur Örn fellur innan teigs og einhverjir austanmann vilja fá víti en ekkert dæmt. Þetta var lítillegt.
64. mín
Seinni hálfleikurinn eign gestanna hingað til.
63. mín
Inn:Haukur Björnsson (Haukar) Út:Gunnar Jökull Johns (Haukar)
61. mín
Björgvin Stefánsson við það að sleppa í gegn, virðist sem sóknin renni út í sandinn en hann nær þá að pota boltanum fyrir markið en þar er enginn Haukamaður.
60. mín
Terrance er að halda Haukum í núllinu þessa stundina. Ver í tvígang núna, fyrst blakar hann fyrirgjöf frá og ver síðan eftir að sóknarmaður gestanna hafi náð frákastinu.
58. mín
Inn:Zlatko Krickic (Haukar) Út:Þórarinn Jónas Ásgeirsson (Haukar)
Þórarinn af velli og fær því bara eitt stig í Fantasy, þar sem hann nær ekki 60 mínútum í kvöld. Fín frammistaða hjá Action Red sem hefur áunnið sér það á ferlinum að fara á deit með Diljá Helgadóttur í Ungfrú Ísland.
57. mín
GUÐ MINN GÓÐUR ELVAR INGI VIGNISSON!!!!

Gestirnir fá aukaspyrnu á miðjum vellinum, taka spyrnuna strax og skyndilega er Viðar Þór sloppinn einn í gegn, Terrance gerir vel og ver skotið en boltinn skoppar til Elvars Inga sem er einn á móti markinu í miðjum vítateignum. Boltinn skoppaði örlítið og hann skýtur himinhátt yfir.

Guð minn góður í annað sinn. Guð hjálpi manninum.

Klúður sumarsins (Staðfest)
56. mín

56. mín
Andri Þór með fyrirgjöf frá hægri sem Terrance nær að slá í burtu. Þarna var hætta á ferðum en Haukar hreinsa frá á síðustu stundu.
54. mín
SKOT Í STÖNG!!!

Arnar Aðalgeirsson sýnir hér hvað í honum býr, uppúr engu lætur hann vaða og á skot í stöng langt fyrir utan teig. Snýr boltanum framhjá Kile í fjærstöngina. Þarna munaði litlu.
53. mín
Varamaðurinn, Viðar Þór er að koma inn af miklum krafti og er að láta finna fyrir sér hérna fyrstu mínúturnar í seinni hálfleiknum.

Gestirnir töluvert betri fyrstu 8 mínúturnar.
51. mín
Smá hætta eftir hornspyrnu KFF en að lokum er það markmaðurinn, Terrance sem nær að handsama boltann.
50. mín
Glórulaust brot hjá Þórarni Jónasi á Carli Oscari og Ívar Orri dæmir réttlega aukaspyrnu.

Viktor Örn tekur spyrnuna sem ekkert verður úr. Pressan heldur þó áfram og Fjarðabyggð fær hornspyrnu.
48. mín
Það er hellidempa þessa stundina... en Anton Mark er grjótharður með derhúfu og á stuttbuxum á hliðarlínunni.
46. mín
Seinni hálfleikurinn er byrjaður.

Tvær skiptingar hjá gestunum í hálfleik. Þeir ætla greinilega að reyna breyta gangi leiksins.
46. mín
Inn:Viðar Þór Sigurðsson (Fjarðabyggð) Út:Hákon Þór Sófusson (Fjarðabyggð)
Tvöföld skipting hjá Fjarðabyggð í hálfleik.
46. mín
Inn:Nik Chamberlain (Fjarðabyggð) Út:Emil Stefánsson (Fjarðabyggð)
45. mín
Hálfleikur
Jóhann Ingi Guðmundsson varnarmaður Hauka er ekki í leikmannahópnum í kvöld, sökum þess að hann rotaðist fyrir stuttu síðan og er því ekki leikfær.
45. mín
Hálfleikur
Það er byrjað að rigna hérna á Ásvöllum en algjört logn. Regnboginn er mættur yfir Hvaleyravatnið.
45. mín
Hálfleikur
Haukar hafa fengið eitt til tvö tækifæri til að bæta við, þó enginn dauðafæri, heldur álitlegar sóknir sem síðan hafa runnið út í sandinn. Þetta er meira en gestirnir geta sagt.
45. mín
Hálfleikur
Gestirnir þurfa að sýna betri leik í þeim seinni ætli þeir sér að fá eitt eða fleiri stig úr þessum leik. Þeir hafa ekki sýnt mikið og hvað þá sóknarlega.
45. mín
Hálfleikur
Hálfleikur.

Haukamenn leiða í hálfleik, 1-0. Rosalega rólegur leikur hingað til. Sanngjarnt og ekki sanngjarnt? Ég hreinlega veit það ekki.
45. mín
Emil Stefánsson klaufi, hann ætlaði að hreinsa frá en hitti ekki boltann betur en svo að hann fór beint á Kile í markinu.
45. mín

44. mín

44. mín
Þórarinn Jónas með skot með vinstri út í buskann, eins og TÓMAS MAYAH sagði í beinni lýsingu á SportTV.
43. mín
Spyrna Viktors var aðeins of langt í burtu og fór beint á Terrance í markinu. Auðvelt fyrir Bandaríkjamanninn.
43. mín
Viktor Örn undirbýr sig til að taka aukaspyrnu fyrir Fjarðabyggð á hættulegum stað.
43. mín
Aron með slaka spyrnu sem leit vel út fyrstu sekúndabrotin en síðan ekki söguna meir, og boltinn himinhátt yfir.
42. mín
Fyrirliðinn, Stefán Þór brýtur á Aroni Jó. 8 metrum fyrir framan vítateig gestanna. Aron tekur spyrnuna...
38. mín MARK!
Björgvin Stefánsson (Haukar)
Stoðsending: Andri Fannar Freysson
HVER ANNAR?

Andri Fannar á stóran þátt í þessu marki, virtist vera sleppa í gegn en var óeigingjarn, renndi boltanum til hægri á Björgvin Stefánsson sem átti nóg eftir áður en hann skoraði.

Tók við boltanum og lagði síðan boltann í nærhornið, óverjandi fyrir Kile í markinu. 11 mark Björgvins í sumar, þvílík gæði!
36. mín
Arnar Aðalgeirsson liggur á vellinum. Hann reyndi skot, en varmarmaður Fjarðabyggðar fór fyrir með löppina og boltinn varð á milli. Hann hefur fengið einhvern slink. Ætti ekki að vera alvarlegt.
30. mín
Stuðningsmenn Fjarðabyggðar öskra inn á völlinn "Haukar er fyrir þá sem ekki komast í FH" - Hart skotið en hittir ekki alveg í mark, þar sem í liði Fjarðabyggðar í kvöld eru þrír uppaldnir FH-ingar og einn á bekknum sem ekki komust í FH-liðið auk þess sem Brynjar Jónasson er FH-ingur en er í banni í kvöld.

Ouch.
29. mín
Bjarni Mark heppinn að skora ekki sjálfsmark!

Björgvin Stefánsson kemur með fyrirgjöf sem Bjarni Mark ætlaði að hreinsa en slæsar boltann sem endar ofan á þaknetinu.

Haukamenn fá horn sem verður ekkert úr.
25. mín
Aron Jó. brýtur harkalega á Bjarna Mark og á, á venjulegum degi að fá spjald fyrir.

Ívar Orri ákveður hinsvegar að sleppa Aroni. Anton Mark Duffield allt annað en sáttur og lætur Ívar Orra heyra það! - Enda á Ívar Orri það skilið, alltaf gult spjald.
24. mín
ÚFF!

Carl Oscar með skalla sem stríkur fjærstöngina, eftir aukaspyrnu frá Viktori Erni.
23. mín Gult spjald: Aran Nganpanya (Haukar)
22. mín
Arnar Aðalgeirsson með skalla að marki eftir hornspyrnu frá Aroni Jó. en gestirnir bjarga nánast á marklínu og Haukar fá aðra hornspyrnu sem Kile grípur.
21. mín
Arnar Aðalgeirsson með frábæra sendingu upp völlinn sem Hafþór virtist misreikna en á síðustu stundu náði hann að teygja sig í boltann og hreinsa í horn, rétt áður en Björgvin Stefánsson var sloppinn í gegn.
15. mín
Þetta er allt rosalega rólegt hérna.
13. mín Gult spjald: Andri Þór Magnússon (Fjarðabyggð)
Stöðvar skyndisókn Hauka, með því að brjóta á Arnari Aðalgeirssyni.
8. mín
Dauðafæri!!!

Andri Fannar Freysson kemst í dauðafæri einn gegn Kile Kennedy en skýtur boltanum yfir. Hann horfir síðan á aðstoðardómarann og bjóst líklega við því að vera rangstæður en svo var ekki. Stórhættulegt færi, gestirnir stálheppnir!
5. mín
Brynjar Jónasson framherji Fjarðabyggðar er í leikbanni í dag. Carl Oscar er fremstur gestanna.
2. mín
ActionRed, Þórarinn Jónas liggur eftir. Hefur fengið höfuðhögg og rennir sér í nokkra snúninga á vellinum.
1. mín
Mark Duffield stjórnar liði Fjarðabyggðar en Brynjar Gestsson þjálfari liðsins er veikur.
1. mín
Leikur hafinn
Leikurinn er byrjaður.
Fyrir leik
Það er fáránlega fámennt í stúkunni. Kannski 20 manns þegar leikurinn fer að hefjast.
Fyrir leik
Hver gengur fremst í röðinni inn á völlinn? Jú, enginn annar en Ívar Orri Kristjánsson sem hefur heldur betur verið á milli tannana hjá knattspyrnufólki undanfarna daga og vikur.

Ég er ekki á vagninum, viðurkenni honum það. Verður gaman að sjá hvernig hann stendur sig með flautuna.
Fyrir leik
Svíinn, Carl Oscar Anderson er í byrjunarliði Fjarðabyggðar í annað sinn en hann kom til liðsins frá Bandaríkjunum. Hann þekkir greinilega landsliðsþjálfarann Lars Lagerback og talaði við hann í góða stund áður en hann fór til búningsherbergja.
Fyrir leik
Það er frábært knattspyrnuveður hér á Ásvöllum.

Það rignir hér af og til en það er algjört logn hér.

Þetta Blásvalla rugl er orðið þreytt djók...Bara svo það sé á hreinu.
Fyrir leik
Heimir Hallgrímsson og Lars Lagerback landsliðsþjálfarar Íslands eru mættir á Ásvelli. En ekki hvað?
Fyrir leik
Hafþór Þrastarsson er að vanda í byrjunarliði Fjarðabyggðar. Hann er að koma í heimsókn á sinn gamla heimavöll en hann lék með Haukum undanfarin ár áður en hann fór austur.
Fyrir leik
Gaman að segja ykkur frá því að ActionRed er í byrjunarliði Hauka í kvöld. Hann var á láni hjá Víði Garði fyrri hluta sumars en spilaði sinn fyrsta leik fyrir Hauka í síðustu umferð þegar hann kom inná sem varamaður.
Fyrir leik
Strákarnir að austan fóru létt með strákana hans Luka Kostic í fyrri umferðinni 2-0.

Brynjar Jónasson kom Fjarðabyggð yfir í leiknum á 21. mínútu leiksins úr víti og síðan bætti Viktor Örn Guðmundsson við öðru marki í blálok fyrri hálfleiks.

Báðir eiga þeir það sameiginlegt að vera uppaldnir hjá nágrannafélagi Haukum, í FH.
Fyrir leik
Gestirnir að austan hafa ekki enn unnið leik í seinni umferðinni. Þeir hafa tapað tveimur og gert tvö jafntefli.

Haukar hafa unnið einn, gert eitt jafntefli og tapað tveimur í seinni umferðinni.
Fyrir leik
Heil umferð fer fram í 16. umferð 1. deildar karla í kvöld.

Einn leikur hefst klukkan 18:15, aðrir leikir byrja klukkan 18:30.
Fyrir leik
Verið velkomin í beina textalýsingu frá leik Hauka og Fjarðabyggðar í 1. deild karla.
Byrjunarlið:
20. Kile Gerald Kennedy (m)
2. Emil Stefánsson ('46)
5. Carl Oscar Anderson
6. Stefán Þór Eysteinsson
7. Elvar Ingi Vignisson
10. Viktor Örn Guðmundsson
11. Andri Þór Magnússon
13. Hákon Þór Sófusson ('46)
21. Hafþór Þrastarson
22. Ólafur Örn Eyjólfsson ('74)
23. Bjarni Mark Antonsson

Varamenn:
12. Þorvaldur Marteinn Jónsson (m)
4. Martin Sindri Rosenthal
13. Víkingur Pálmason
16. Nik Chamberlain ('46)
18. Viðar Þór Sigurðsson ('46)
20. Sveinn Fannar Sæmundsson ('74)
25. Ingvar Ásbjörn Ingvarsson

Liðsstjórn:

Gul spjöld:
Andri Þór Magnússon ('13)
Bjarni Mark Antonsson ('77)
Kile Gerald Kennedy ('84)

Rauð spjöld: