Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þróttur R.
2
0
Grindavík
Dion Acoff '61 1-0
Omar Koroma '67 2-0
Hallur Hallsson '82
14.08.2015  -  18:30
Gervigrasvöllur Laugardal
1. deild karla 2015
Aðstæður: Fínar
Dómari: Gunnar Sverrir Gunnarsson
Maður leiksins: Dion Acoff
Byrjunarlið:
30. Trausti Sigurbjörnsson (m)
Hallur Hallsson
4. Hreinn Ingi Örnólfsson (f)
6. Vilhjálmur Pálmason ('82)
9. Viktor Jónsson ('46)
11. Dion Acoff
14. Hlynur Hauksson
19. Karl Brynjar Björnsson (f)
21. Tonny Mawejje
26. Grétar Atli Grétarsson
27. Oddur Björnsson ('51)

Varamenn:
1. Elías Fannar Stefnisson (m)
5. Aron Ýmir Pétursson
10. Alexander Veigar Þórarinsson
12. Omar Koroma ('46)
20. Jón Arnar Barðdal ('51)
23. Aron Lloyd Green ('82)

Liðsstjórn:
Erlingur Jack Guðmundsson

Gul spjöld:
Grétar Atli Grétarsson ('38)
Hallur Hallsson ('64)

Rauð spjöld:
Hallur Hallsson ('82)
Leik lokið!
Mikilvægur sigur Þróttara. Eru nú sjö stigum á undan Þórsurum sem eru í 3. sætinu. Menn eru farnir að finna Pepsi bragð í Laugardalnum. Skýrsla og viðtöl á eftir!
89. mín
Eftir hornspyrnu Grindvíkinga ná Þróttarar skyndisókn. Dion á góðan sprett upp völlinn og sendingu á Tonny Mawejje sem kemst í dauðafæri. Tonny er ekki mikill markaskorari og Majewski ver skot hans. Tonny fær annan möguleika á að skora en þá komst varnarmaður fyrir skot hans.
86. mín Gult spjald: Björn Berg Bryde (Grindavík)
Peysutog á Dion. Hárrétt.
85. mín
Grindvíkingar taka aðeins við sér eftir rauða spjaldið. Þetta er líklega of seint samt.
83. mín
Dauðafæri eftir langt innkast Grindvíkinga en Angel setur boltann framhjá.
82. mín
Inn:Aron Lloyd Green (Þróttur R.) Út:Vilhjálmur Pálmason (Þróttur R.)
82. mín Rautt spjald: Hallur Hallsson (Þróttur R.)
Hallur fær rauða spjaldið. Annað gult og rautt fyrir brot á miðjunni.
80. mín
Leik Þórs og HK er lokið með markalausu jafntefli. Þróttarar verða því sjö stigum á undan Þór ef að leikurinn fer svona. Líkurnar á Pepsi-deild í Laugardalnum næsta sumar eru alltaf að aukast.
78. mín
Þróttarar eru líklegri til að bæta við en Grindvíkingar að jafna. Hálf andlaust hjá þeim gulu í síðari hálfleiknum.
74. mín
Inn:Magnús Björgvinsson (Grindavík) Út:Alejandro Jesus Blzquez Hernandez (Grindavík)
74. mín
Inn:Rodrigo Gomes Mateo (Grindavík) Út:Ásgeir Þór Ingólfsson (Grindavík)
Ásgeir er búinn að haltra í lengri tíma og fær loksisn skiptinguna.
72. mín
Þróttarar verðskulda að vera yfir. Hafa verið betri í síðari hálfleiknum.
68. mín
Inn:Matthías Örn Friðriksson (Grindavík) Út:Úlfar Hrafn Pálsson (Grindavík)
67. mín MARK!
Omar Koroma (Þróttur R.)
Þróttarar létu kné fylgja kviði eftir markið og uppskera nú annað mark. Omar kemst í færi eftir undirbúning Jóns Arnars og vippar yfir Majewski í marki Grindvíkinga. Varamennirnir öflugir.

Þróttarar fagna ógurlega!
64. mín Gult spjald: Hallur Hallsson (Þróttur R.)
61. mín MARK!
Dion Acoff (Þróttur R.)
Eftir rosalega skothríð að marki Grindvíkinga þá nær Dion að skora með skoti í fjærhornið. Grindvíkingar höfðu komist fyrir nokkur skot en Dion fann glufu. 1-0 fyrir Þrótti!
59. mín
Áfram sótt á báða bóga. Ómögulegt að spá fyrir um sigurvegara hér í dag.
54. mín
Angel á fyrsta skotið í síðari hálfleik. Skýtur rétt fyrir utan vítateigsbogann en yfir markið.
51. mín
Inn:Jón Arnar Barðdal (Þróttur R.) Út:Oddur Björnsson (Þróttur R.)
Oddur haltrar af velli. Fyrsti leikur hans í einn og hálfan mánuð. Lánssmaðurinn úr Stjörnunni kemur inn.
46. mín
Inn:Omar Koroma (Þróttur R.) Út:Viktor Jónsson (Þróttur R.)
Viktor getur ekki haldið áfram eftir höfuðhöggið undir lok fyrri hálfleiks. Áfall fyrir Þróttara. Omar kemur inn í hans stað. Hann hefur lítið sýnt það sem af er tímabils. Hvað gerir hann í dag?
45. mín
Markalaust í hálfleik. Bæði lið hafa átt ágætis sóknir en vantað herslumuninn.

Grindvíkingar eru komnir með fjögur gul spjöld og Ásgeir Þór fyrirliði ræðir aðeins við Gunnar á leið til búningsherbergja.
45. mín
Viktor er mættur aftur inn á.
45. mín Gult spjald: Jósef Kristinn Jósefsson (Grindavík)
Gulklæddir halda áfram að fá gul spjöld. Jósef brýtur á Dion eftir góðan sprett hans.
44. mín
Viktor fer út af. Spurning hvort hann komi aftur inn á í seinni hálfleik?
43. mín
Viktor Jónsson fær þungt höfuðhögg eftir að aukaspyrna kom inn á teiginn. Verið að huga að meiðslum hans í augnablikinu. Ljóst að við fáum einhvern viðbótartíma í fyrri hálfleiknum.
41. mín Gult spjald: Marinó Axel Helgason (Grindavík)
Ljót tækling á Dion. Þróttarar vilja rautt spjald en Gunnar Sverrir er ósammála.
39. mín
Dion í færi eftir hraða sókn en skot hans fer beint á Majewski.
38. mín Gult spjald: Grétar Atli Grétarsson (Þróttur R.)
33. mín
Angel með skot framhjá úr þröngu færi. Sótt á báða bóga hér. Grindvíkingar þó öllu líklegri.
30. mín Gult spjald: Ásgeir Þór Ingólfsson (Grindavík)
Fyrirliðinn brotlegur. Eltir Úlfar í bókina.
29. mín
DAUÐAFÆRI! Tomislav Misura sleppur einn í gegn en Trausti kemur út á móti og ver.
25. mín
Besta færi Þróttara hinagð til! Eftir laglega sókn á Dion fyrirgjöf sem er aðeins fyrir aftan Vilhjálm. Hann nær skoti með hælnum en boltinn yfir markið.
19. mín
Vó! Hornspyrna og Björn Berg á skot í slána og yfir af stuttu færi. Var í gjörgæslu hjá Viktori Jónssyni sem missir skóinn sinn í látunum.
16. mín
Maciej Majewski tæpur í marki Grindavíkur. Fær skallasendingu til baka og grípur boltann á vítateigslínunni. Þróttarar vilja hendir og aukaspyrnu en Gunnar Sverrir dæmir ekkert.
15. mín
Björn Berg Bryde með skalla rétt framhjá eftir aukaspyrnu.
14. mín Gult spjald: Úlfar Hrafn Pálsson (Grindavík)
Úlfar, einn af fáum örvfættum hægri bakvörðum í heiminum, fer í bókina.
10. mín
Tíðindalítið ennþá í Laugardalnum. Þó er nokkuð ljóst að Þróttarar fara ekki aftur á toppinn í kvöld. Ólafsvíkingar eru strax komnir í 2-0 á Ísafirði gegn botnliði BÍ/Bolungarvíkur.
6. mín
Vikor Jónsson með skot talsvert yfir eftir hornspyrnu.
5. mín
Áhugavert einvígi. Dion Acoff, hægri kantmaður Þróttar, og Jósef Kristinn Jósefsson eigast við í kvöld. Tveir fljótustu menn deildarinnar?
4. mín
Þróttarar með áhugaverða útfærslu á hornspyrnu. Byrja allir fyrir utan teiginn og koma síðan hlaupandi á fleygiferð þegar boltanum er spyrnt. Herbragðið heppnast þó ekki í þetta skipti.
1. mín
Leikurinn er hafinn!
Fyrir leik
Þróttur sigraði fyrri leik liðanna í sumar þar sem Viktor Jónsson skoraði eina markið.
Fyrir leik
Hjá Grindvíkingum byrjar nýi leikmaðurinn Angel Guirado Aldeguer. Hann kemur inn fyrir hinn öfluga Alex Frey Hilmarsson sem er í leikbanni í dag.
Fyrir leik
Nóg af breytingum hjá Þrótti. Davíð Þór Ásbjörnsson er farinn til Bandaríkjanna í skóla og Hreinn Ingi Örnólfsson tekur stöðu hans í hjarta varnarinnar.

Oddur Björnsson kemur inn eftir að hafa verið frá keppni síðan í byrjun júlí.

Vilhjálmur Pálmason kemur inn fyrir Rafn Andra Haraldsson sem er fjarri góðu gamni. Hallur Hallsson kemur líka inn frá því í tapinu gegn Víkingi Ólafsvík en Alexander Veigar Þórarinsson er á bekknum gegn sínum gömlu félögum í Grindavík eftir að hafa byrjað í Ólafsvík. Aron Lloyd Green fer líka á bekkinn.
Fyrir leik
Grindvíkingar sömdu á dögunum við framherjann Angel Guairido og hann gæti spilað sinn fyrsta leik með liðinu í kvöld.
Fyrir leik
Davíð Snorri Jónasson, annar af þjálfurum Leiknis, spáir Þrótti sigri í kvöld.

Þróttur 2 - 0 Grindavík
Hungraðir Þróttarar hafa unnið alla heimaleiki sína og það verður engin breyting í þessari umferð. Jón Arnar og Viktor Jóns með mörkin í 2-0 sigri.
Fyrir leik
Hæ hæ,
Hér verður bein textalýsing frá leik Þróttar og Grindavíkur í 1. deild karla.

Þróttur er fyrir leikinn í 2. sæti deildarinnar með 33 stig. Þróttur tapaði 3-2 gegn Víkingi Ólafsvík í síðasta leik og missti toppsætið til Ólafsvíkinga. Liðið er aftur á móti fimm stigum á undan Þór.

Grindavík siglir lygnan sjó í 6. sætinu með 24 stig.
Byrjunarlið:
Jósef Kristinn Jósefsson
Marinó Axel Helgason
Maciej Majewski
Úlfar Hrafn Pálsson ('68)
2. Hákon Ívar Ólafsson
3. Marko Valdimar Stefánsson
10. Angel Guirado Aldeguer
11. Ásgeir Þór Ingólfsson ('74)
14. Tomislav Misura
24. Björn Berg Bryde
28. Alejandro Jesus Blzquez Hernandez ('74)

Varamenn:
2. Emil Gluhalic
3. Gylfi Örn Á Öfjörð
4. Rodrigo Gomes Mateo ('74)
9. Matthías Örn Friðriksson ('68)
17. Magnús Björgvinsson ('74)

Liðsstjórn:
Benóný Þórhallsson

Gul spjöld:
Úlfar Hrafn Pálsson ('14)
Ásgeir Þór Ingólfsson ('30)
Marinó Axel Helgason ('41)
Jósef Kristinn Jósefsson ('45)
Björn Berg Bryde ('86)

Rauð spjöld: