HAAAAA???????? STJARNAN SKORAR EN VILHJÁLMUR ALVAR DÆMIR BROT OG ÞAR AF LEIÐANDI EKKI MARK!!! ÉG SÁ EKKI NEITT HVAÐ HANN FLAUTAÐI Á, ÚFF!!!

4 mínútum bætt við.

Þetta fer að líða undir lok, fáum við thriller hérna í lokin?

Arnar Grétars að fá gult spjald fyrir mótmæli.

Fráááábær sókn hjá Blikum, Glenn virtist vera fyrir innan en var það ekki, fann Andra Yeoman inn í teig og hann með skot rééétt framhjá.

Stjörnumenn gjörsamlega liggja á Blikum þessa stundina.

Gaui Bald með gott skot sem Gulli á erfitt með að halda en nær þó að klófesta boltann á endanum.

Ellert Hreinsson fær hér dauuuuuðafæri, fær boltann einn og óvaldaður inn í teignum en missir boltann frá sér með donkey touch svokölluðu.

Tvöföld skipting í vændum hjá Rúnari.

HVERNIG SKORUÐU BLIKAR EKKI ÞARNA?

Föst fyrirgjöf frá Kristin af vinstri kantinum og Höskuldur og Ellert báðir hársbreidd frá því að ná að tækla boltann í netið!

Skot frá Pablo rétt framhjá markinu. Stjarnan betri þessa stundina.

Spyrnan fer ekki framhjá fremsta manni Blika.

Aukaspyrna sem Stjarnan á, rétt fyrir utan teiginn hægra megin.

Fínasta sókn frá Stjörnunni sem endar með skoti frá Guðjóni sem fer af Damir og rétt framhjá!

Úr hornspyrnunni á Arnar skalla rétt framhjá fjærstönginni.

Glenn með frábæra syrpu í teignum sem endar með því að Nielsen lokar vel og fer jafnvel smá í hann í leiðinni, boltinn berst út á Arnþór Ara sem á skot sem er bjargað á línu og loks kemur Kristinn Jóns með skot rétt framhjá stönginni fjær. Hætta á ferðum.

Síðari hálfleikur hafinn.

Mér er tjáð það hér í hálfleik að rétt fyrir hálfleikslok átti sér stað skrýtið atvik þar sem Guðjón Baldvinsson er togaður niður af aftasta varnarmanni Blika, línuvörðurinn flaggaði og héldu allir á vellinum að hann væri að dæma rangstöðu á Guðjón. Það kom svo í ljós á endursýningum að það er klárlega brotið á Guðjóni og aðstoðardómarinn var að dæma brot á Guðjón, við þetta fær Rúnar Páll gult spjald fyrir mótmæli og verður í banni gegn Fjölni, þungavigtar ákvörðun hjá Vilhjálmi Alvari þarna.

Damir liggur hér eftir samstuð við Guðjón Baldvinsson, sá ekki nægilega vel hvað gerðist. Kristinn Jóns setur boltann útaf.

Stjörnumenn sækja og sækja, Þorri Geir nú með skot innan teigs sem fer í varnarmann Blika og í horn, tvær hornspyrnur sem Stjarnan á með stuttu millibili.

Stjörnumenn öllu líflegri þessa stundina, Arnar Már búinn að vera gríðarlega ferskur á hægri vængnum.

Rólegt yfir þessu akkúrat núna.

Hér heimta þeir bláklæddu brot innan vítateigs. Hrint ansi duglega í bakið á Daníel Laxdal þarna, ég er ekki frá því að ég sé sammála þeim, út á velli hefði ALLTAF verið dæmt á þetta.

6-0 í hornum fyrir Breiðablik. En það er víst ekki spurt að því.

Arnþór Ari við það að sleppa í gegn þegar Brynjar Gauti kemur með gjörsamlega geggjaða tæklingu til að bægja hættunni frá, boltinn í horn.


Í horninu berst boltinn út í teiginn þar sem Oliver reynir "karate-spark" en boltinn beint á Gunnar í markinu.

Glæsilega gert hjá Stjörnunni, sending frá Præst yfir á hægri kantinn á Arnar sem hælar hann í gegnum klofið beint á Hörð Árna sem var í framhjáhlaupi, en fyrirgjöfin frá Herði slök og Blikar ná boltanum auðveldlega.

Blikar komast upp að endamörkum, Arnþór Ari reynir skot sem Gunnar ver vel beint í hornspyrnu, vel lokað þarna.

Úr horninu kemur skyndisókn frá Stjörnunni sem Damir brýtur á bak aftur.

Guðjón Baldvinsson með fyrsta alvöru skot leiksins, fín tilraun frá D-boganum en Gunnleifur grípur boltann.

Það er þéttsetið í Garðabænum og mikið sungið. Gaman að sjá.

Fyrsta hornspyrna leiksins, hana eiga Breiðablik.

Ekkert varð úr henni.

Stjörnumenn í sínum bláu treyjum sækja í átt að Hamraborginni, Blikar í hvítu treyjunum sínum sækja í gagnstæða átt.