Kominn uppbótartími og varla miklu bætt við.

Guðmundur Atli leggur boltann á Viktor Unnar sem á hörkuskot yfir markið. HK-ingar eru að sigla þessu í höfn.

Víti!!

Bjögvin er kominn í gott færi, hann nær skotinu sem Beitir ver en það var brotið á honum í leiðinni.

Spurning hvort Magnús hefði átt að gera betur í þessu marki, skallinn var ekki mjög fastur og hafði Magnús hendur í boltanum en það dugði ekki til.

Báðir markmenn hafa verið góðir í dag og bjargað sínum liðum. Líklega bestu menn vallarins hingað til.

Guðmundur Atli.. Skoraðu drengur!!

Ég hrósaði honum áðan og hann er búinn að klúðra tveimur frábærum færum síðan þá. Magnús er aftur vel á verði.

Guðmundur kominn algjörlega einn í gegn en Magnús er fljótur niður og ver stórglæsilega. Virkilega vel gert hjá stráknum.

Aran á flotta fyrirgjöf sem endar á Andra Fannari, Andri reynir hálfgerða bakfallspyrnu sem er ekki nógu föst og fer auk þess framhjá markinu.

Þarna á Guðmundur Atli að skora.. Kominn í frábært færi einn gegn Magnúsi en Magnús stendur vel, bíður og ver að lokum með löppunum. Vel gert hjá markmanninum en maður býst við marki frá Guðmundi í svona færi.

Birgir á skot sem Beitir gerir vel í að verja í horn.

Beitir er svo sannarlega búinn að vinna fyrir kaupinu sínu í dag.

Guðmundur Atli er eins og skordýr.. Finnur lyktina af mistökum og veit alltaf hvar markið er. Alvöru framherji. Var mjög nálægt því að komast í gegn eftir vandræðagang í vörn Hauka.

Seinni hálfleikurinn heldur áfram eins og leikurinn hefur verið að þróast. Sóknir til skiptis en lítið um færi.

Þetta er búið að vera afar jafnt allan leikinn.

Seinni hálfleikur er kominn af stað.

Ég væri til í fleiri mörk hérna!

Þróttur, sem var svo gott sem komið upp í Pepsi deildina eru 1-0 yfir gegn Selfoss í hálfleik og má fara að taka tappann af kampavíninu í Laugardalnum.

Haukamenn hafa verið sterkari síðustu mínúturnar í fyrri hálfleik en ekki náð að skapa sér afgerandi tækifæri. Björgvin var rétt í þessu að skjóta framhjá úr fínu færi rétt utan teigs.

Jón Gunnar á skot eftir hornspyrnu en hann hittir boltann ekki merkilega og hann fer hátt yfir.

Aron Jó með hörkuskot rétt utan teigs eftir að Björgvin hafði gert frábærlega og lagt boltann á hann.

Þetta er í fyrsta skipti sem ég sé Björgvin spila og maður sér gæði leikmannsins langar leiðir.

Smá harka að færast í þetta. Harðar tæklingar og leikmenn að láta dómarann heyra það, gaman að því. Haukamenn hafa verið ósáttir við dómarann hingað til og finnst hann hliðhollur heimamönnum.

Guðmundur Atli reynir "Di Canio" karatespark en Magnús grípur boltann. Skemmtileg tilraun.

Aron Jóhansson á aukaspyrnu lengst utan af velli sem fer í gegnum allan pakkann og þarf Beitir að hafa sig allan við til að verja í horn. Beitir hefur tvisvar varið virkilega vel.

Björgvin kemur sér í hálf færi hinum megin en skot hans úr horni vítateigs fer vel yfir. Jafnræði í leiknum eins og er.

Guðmundur Atli við það að sleppa í gegn eftir mistök hjá Aran en Gunnlaugur Fannar bjargar á síðustu stundu.

Ágúst Freyr fer upp vinstri vænginn og kemst í færi en Magnús lokar vel á hann í markinu og ver örugglega.

Leikurinn hefur aðeins dottið niður eftir markið. Það virðist hafa slegið Hauka aðeins út á laginu.

Birgir Magnús gerir virkilega vel, ræðst á HK vörnina og á síðan mjög gott skot sem virðist vera á leiðinni í bláhornið en Beitir ver frábærlega. Flestir af áhorfendunum og mér meðtöldum héldu að þetta væri mark.

Haukar hafa undirtökin hérna og reynir Daníel Snorri skot af löngu færi sem fer framhjá. HK-ingar hafa ekki gert mikið í upphafi leiks.

Haukamenn byrja töluvert betur og er Björgvin nálægt því að skora eftir sókn en Beitir er vel á verði.