Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
0
0
Fylkir
26.09.2015  -  14:00
Víkingsvöllur
Pepsi-deild karla 2015
Aðstæður: Vindasamt og nokkuð blautt
Dómari: Guðmundur Ársæll Guðmundsson
Byrjunarlið:
1. Thomas Nielsen (m)
3. Ívar Örn Jónsson
4. Igor Taskovic
7. Erlingur Agnarsson
7. Hallgrímur Mar Steingrímsson
8. Viktor Bjarki Arnarsson
9. Haukur Baldvinsson ('46)
12. Halldór Smári Sigurðsson
15. Andri Rúnar Bjarnason ('63)
16. Milos Zivkovic
24. Davíð Örn Atlason ('84)

Varamenn:
10. Rolf Glavind Toft ('46)
12. Kristófer Karl Jensson
14. Bjarni Páll Runólfsson ('84)
19. Stefán Bjarni Hjaltested
23. Finnur Ólafsson
29. Agnar Darri Sverrisson ('63)

Liðsstjórn:

Gul spjöld:
Igor Taskovic ('55)
Agnar Darri Sverrisson ('75)

Rauð spjöld:
Leik lokið!
Þetta er búið. Markalaust jafntefli staðreynd.
91. mín
Igor missir boltann undir pressu í vörninni. Kjartan er rangstæður þegar Albert reynir að koma boltanum á hann.
90. mín
Leikmenn Víkings virka ferskari og sýna smá vilja til að klára þetta. Ekki mikið um færi samt.
88. mín
Agnar Darri kemst upp kantinn að endamörkum en það er enginn í teignum til að klára þetta fyrir Víking.
86. mín
Ívar Örn með aukaspyrnu. Boltinn endar hjá Viktori Bjarki sem skýtur framhjá af 10 metrum.
84. mín
Inn:Bjarni Páll Runólfsson (Víkingur R.) Út:Davíð Örn Atlason (Víkingur R.)
83. mín
Ásgeir Börkur vinnur boltann og gefur inn fyrir á Albert. Milos afgreiðir þetta í rólegheitum. Leit út fyrir að vera með 100% stjórn á þessu.
78. mín
Daði fær prýðilegt færi fyrir Fylki en er of seinn að láta vaða.
75. mín Gult spjald: Agnar Darri Sverrisson (Víkingur R.)
Agnar Darri tæklar Tómas og fær gult spjald eftir að Fylkismenn væla í dómaranum. Guðmundur virtist ekki ætla að gefa spjald í fyrstu.
72. mín
Tómas Þorsteinsson á skot rétt fyrir utan teig eftir að boltinn fellur til hans úr teignum eftir horn. Þrumufleygur sem fer rétt yfir.
71. mín
Inn:Kjartan Ágúst Breiðdal (Fylkir) Út:Ingimundur Níels Óskarsson (Fylkir)
71. mín
Ívar Örn vinnur boltann. Fer upp völlinn og skýtur framhjá.
69. mín
Daði með skot af 35-40 metrum fyrir Fylki. Þetta var ákveðin bjartsýni. Fer framhjá.
68. mín
Ásgeir Örn nær skalla að marki fyrir Fylki en hann er ekki nógu fastur til að verða hættulegur.
63. mín
Inn:Agnar Darri Sverrisson (Víkingur R.) Út:Andri Rúnar Bjarnason (Víkingur R.)
62. mín
Andrés Már fær frían skalla eftir fyrirgjöf. Gott færi sem fer forgörðum þegar hann skallar framhjá.
61. mín
Inn:Ásgeir Örn Arnþórsson (Fylkir) Út:Ragnar Bragi Sveinsson (Fylkir)
58. mín
Fylkismenn vilja víti fyrir hendi á Davíð Örn. Ekkert dæmt. Réttur dómur.
56. mín Gult spjald: Ragnar Bragi Sveinsson (Fylkir)
Fær gult spjald fyrir að vera með derring við Igor.
55. mín Gult spjald: Igor Taskovic (Víkingur R.)
Gult fyrir gróf tæklingu.
53. mín
Ásgeir Eyþórs reynir langan bolta í anda norska boltans fyrir Fylki. Skilar engu.
52. mín
Ívar Örn á skelfilega sendingu. Ragnar sendir á Albert sem á slakt skot. Þokkalegt færi sem hefði verið hægt að nýta betur.
50. mín
Spilið gengur ekki mikið betur í seinni hálfleik. Fylkir reynir nokkrar sendingar en endar með því Tómas Þorsteinsson spyrnir boltanum í innkast.
46. mín
Inn:Rolf Glavind Toft (Víkingur R.) Út:Haukur Baldvinsson (Víkingur R.)
Skipting í hálfleik.
46. mín
Hermann er kominn upp í stúku með kaffibolla. Mikla betra veður í stúkunni en á bekknum.
46. mín
Seinni hálfleikur er hafinn. Fylkismenn sparka þetta í gang.
45. mín
Hálfleikur
Hermann Hreiðarsson þjálfari Fylkis fékk rautt spjald á leiðinni inn í klefa. Lítið meira hægt að segja um það í bili. Hann var kominn með gult um miðjan fyrri hálfleik þegar allir aðrir voru pollrólegir, líka leikmennirnir inn á vellinum.
45. mín
Hálfleikur
Ekki mikið búið að gerast í fyrri hálfleik. Örfá hálffæri og langskot. Spurning hvort menn hressist við að fara inn og hlýja sér í nokkrar mínútur. Erfitt að segja hvort liðið sé líklegra. Ragnar Bragi og Albert Brynjar virkuðu frískir fyrir Fylki en hefur dregið nokkuð af þeim og sama má segja um Hallgrím Mar og Hauk hjá Víking.
45. mín
Fylkismenn sækja hratt. Eftir fyrirgjöf fer boltinn í varnarmann og stefnir á markið en Thomas slær hann yfir og í horn.
45. mín
Andri fær hálffæri. Rennir æfingabolta beint á Ólaf.
44. mín Gult spjald: Ásgeir Eyþórsson (Fylkir)
Fær gult spjald fyrir peysutog þegar Víkingur reynir að sækja hratt.
41. mín
Nákvæmlega ekki neitt sem kemur út úr þessari hornspyrnu.
40. mín
Milos vinnur boltann fyrir Víking og kemur honum út á kant. Endar með hornspyrnu.
35. mín
Halldór nær skalla að marki fyirr Víking en þetta fer framhjá.
34. mín Gult spjald: Ingimundur Níels Óskarsson (Fylkir)
Ingiundur fær gult fyrir að hrinda Viktori Bjarka í jörðina. Þetta hefði getað endað með fleiri spjöldum og öðrum lit. Viktor hefði auðveldlega getið fengið spald fyrir sín viðskipti við Ragnar Braga.
33. mín
Hér er allt að verða vitlaust. Ragnar er tæklaður og hiti i mönnum.
31. mín Gult spjald: Daði Ólafsson (Fylkir)
Daði búinn að vera inn á í tvær mínútur. Fer í hressilega tæklingu og fær spjald.
30. mín
Tonci rennir sér fyrir boltann. Fær hann á vondan stað, rétt fyrir neðan nafla. Liggur eftir í nokkra stund.
29. mín Gult spjald: Hermann Hreiðarsson (Fylkir)
Hermann nælir sér í gult. Erfitt að segja fyrir hvað. Dómarinn samtals búinn að flauta þrisvar í flautuna á 30 mínútum.
28. mín
Inn:Daði Ólafsson (Fylkir) Út:Jóhannes Karl Guðjónsson (Fylkir)
Jóhannes Karl greinilega eitthvað meiddur. Hans hlutverki lokið í dag.
25. mín
Jói Kalli virðist vera að biðja um skiptingu. Kannski búinn að fá nóg af þessu roki.
24. mín
Andrés Már reynir skot af 20 metrum. Æfingabolti fyrir Thomas.
23. mín Gult spjald: Kristján Hauksson (Fylkir)
Togar niður Ívar Örn og fær gult spjald.
22. mín
Ásgeir Börkur með slaka sendingu. Endar með því að Tonci tæklar Hallgrím um miðjan völl. Fyrsta aukaspyrna leiksins þar með staðreynd.
17. mín
Gott spil hjá Víking sem endar með því að Viktor Bjarki fær ágætis rými til að skjóta fyrir utan teig af 25 metrum. Fer framhjá.
15. mín
Milos rennir sér fyrir skot Ingumundar á markteig. Vel bjargað hjá Milos.
14. mín
Fylkir með tvær fyrirgjafir, sú fyrsta of löng en sú næsta hátt yfir markið.
10. mín
Skelfileg sending hjá Milos í vörninni hjá Víking. Albert Brynjar er nálægt því að skora en boltinn fer rétt framhjá.
9. mín
Jói Kalli skýtur yfir af 35 metrum. Menn eru allavega að reyna.
7. mín
Þetta er nokkuð mikið klafs. Liðin missi boltann auðveldlega sitt á hvað. Spilið ekki alveg komið í gang.
4. mín
Ingimundur gefur fyrir en Albert Brynjar nær ekki að stýra boltanum. Fer yfir.
3. mín
Viktor Bjarki sparkar boltanum aftur fyrir. Horn fyrir Fylki.
2. mín
Völlurinn blautur og menn eru í smá basli með að átta sig hérna.
1. mín
Leikur hafinn
Víkingur tekur miðju og leikurinn er hafinn.
Fyrir leik
Þá mæta liðin inn á völlinn. Þetta fer að detta í gang.
Fyrir leik
Hér í Fossvogi blasta menn Happy með Pharrell Williams. Ekki margir mættir en þeir eru þó kátir, enda rignir ekki inn í stúku.
Fyrir leik
Hermann Hreiðarsson er þjálfari Fylkismanna í kjötheimum þrátt fyrir að heimasíða Árbæinga segi annað í netheimum. Heimasíðumálin greinilega ekki efst á forgangslistanum þar. Listinn um Fylkismenn erlendis er skemmtilega skrautlegur. Sumir einfaldlega hættir og aðrir farnir annað.

http://fylkir.is/fotbolti/meistaraflokkur-karla.html
Fyrir leik
Þrjár breytingar hjá Víking fyrir leikinn. Andri Rúnar Bjarnason, Erlingur Agnarsson og Haukur Baldvinsson koma inn í byrjunarlið Víkings í staðinn fyrir Vladimir Tufegdzic, Alan Alexander Lowing og Arnþór Inga Kristinsson.
Ein breyting hjá Fylki. Inn kemur Tonci Radonkovic fyrir Andra Þór Jónsson.
Fyrir leik
Fossvogurinn skartar sínu fegursta í dag. Eða svona næstum því. Hressandi haustveður með roki og rigningu inn á milli. Bjóst við því að þetta yrði verra. Það glittir meira að segja í smá sól. Vindurinn liggur þvert yfir völlinn í bakið á stúkunni þannig að áhorfendur geta andað léttar.
Fyrir leik
Tveir leikmenn Víkings verða í banni í dag. Það eru Vladimir Tufegdzic og Arnþór Ingi Kristinsson. Sá fyrrnefndi kemur reyndar ekki við sögu í fleiri leikjum þetta tímabilið eins og greint hefur verið frá. Hann hefur gengið til liðs við FK Zemun sem leikur í næstefstu deild í heimalandi hans Serbíu.
Fyrir leik
Ragnar Bragi Sveinsson leikmaður Fylkis skoraði tvö mörk í síðsta leik gegn Leikni í 3-1 sigri og var leikmaður umferðarinnar eftir stórleik.
Fyrir leik
Fyrir utan leiðinlegt veður og komu Justin Bieber þá er það víst mikil tölvuleikjaspilun sem gæti verið að trufla leikmenn í dag. Fifa 16, PES 2016 og íslenski leikurinn Kickoff CM eru allir nýir á markaðnum. Við skulum vona að markverðirnir hafi allavega tekið því rólega í tölvuleikjaspilun fyrir leiki dagsins.
Fyrir leik
Þegar liðin mættust í Árbænum 26. júní þá fór Fylkir með sigur af hólmi. Það var Ásgeir Örn Arnþórsson sem skoraði sigurmarkið í uppbótartíma seinni hálfleiks í 1-0 sigri. Síðan þá hafa bæði lið gert breytingar á þjálfaramálum hjá sér. Hermann Hreiðarsson tók við af Ásmundi Arnarssyni hjá Fylki á meðan Milos Milojevic tók alfarið við stjórninni hjá Víkingi en Ólafur Þórðarson var látinn fara.
Fyrir leik
Framundan er leikur Víkings og Fylkis á Víkingsvelli i í næstsíðustu umferð Pepsi deildarinnar.

Bæði lið skoruðu 3 mörk í síðustu umferð. Fylkir sigraði Leikni 3-1 og Víkingur tapaði 4-3 fyrir Fjölni í Grafarvogi. Vonandi verður sama markastuðið á liðunum í dag.

Fylkir og Víkingur eru örugg með sín sæti í deildinni. Fylkir er í 7. sæti með 25 stig og Víkingur í 9. sæti með 22 stig. Bæði lið eiga fræðilega möguleika á að enda í 6. sæti þetta árið en gætu jafnframt endað í 10. sæti. Fylkismenn björguðu sér endanlega frá falli í síðustu umferð en bæði lið vilja eflaust enda sumarið á jákvæðum nótum.

Það er Guðmundur Ársæll Guðmundsson sem sér um að dæma leikinn í dag.


Byrjunarlið:
1. Ólafur Íshólm Ólafsson (m)
Kristján Hauksson
2. Ásgeir Eyþórsson
4. Tonci Radovinkovic
7. Ingimundur Níels Óskarsson ('71)
8. Ragnar Bragi Sveinsson (f) ('61)
8. Jóhannes Karl Guðjónsson ('28)
10. Ásgeir Börkur Ásgeirsson
10. Andrés Már Jóhannesson
14. Albert Brynjar Ingason (f)
16. Tómas Þorsteinsson

Varamenn:
9. Hákon Ingi Jónsson
11. Kjartan Ágúst Breiðdal ('71)
23. Ari Leifsson
29. Axel Andri Antonsson
49. Ásgeir Örn Arnþórsson ('61)

Liðsstjórn:
Bjarni Þórður Halldórsson
Daði Ólafsson

Gul spjöld:
Kristján Hauksson ('23)
Hermann Hreiðarsson ('29)
Daði Ólafsson ('31)
Ingimundur Níels Óskarsson ('34)
Ásgeir Eyþórsson ('44)
Ragnar Bragi Sveinsson ('56)

Rauð spjöld: