Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Chelsea
3
3
Man Utd
1-0 Henrikh Mkhitaryan '36 , sjálfsmark
Juan Mata '46 2-0
Cesc Fabregas '50 3-0
3-1 Wayne Rooney '58 , víti
3-2 Wayne Rooney '69 , víti
3-3 Anthony Martial '84
05.02.2012  -  16:00
Stamford Bridge
Enska úrvalsdeildin
Byrjunarlið:
1. Petr Cech (m)
2. Branislav Ivanovic
4. Cesc Fabregas
5. Kurt Zouma
9. Radamel Falcao
10. Juan Mata
14. Andre Schurrle
15. Mohamed Salah
17. Jose Bosingwa
22. Willian ('71)
24. Gary Cahill

Varamenn:
13. Thibaut Courtois (m)
6. Oriol Romeu ('71)
18. Loic Remy
27. Sam Hutchinson
34. Ryan Bertrand

Liðsstjórn:

Gul spjöld:
Radamel Falcao ('31)
Branislav Ivanovic ('45)

Rauð spjöld:
94. mín
Þetta var ROSALEGUR leikur! Umfjöllun kemur innan skamms! Takk fyrir mig.
94. mín
Gary Cahill á frábært skot sem David De Gea slær yfir markið. Uppbótartíminn er liðinn en Chelsea fær að taka hornspyrnuna. Ekkert verður þó úr henni og svo er flautað til leiksloka.
90. mín
DAVID DE GEA VER STÓRKOSTLEGA!!! Juan Mata tekur aukaspyrnu á stórhættulegum stað og boltinn er að fara upp í skeytin, en De Gea ver þetta meistaralega!
90. mín
Fjórum mínútum bætt við á Brúnni, mikið væri gaman ef þær væru fjórtán!
87. mín
Raul Meireles með skalla í ágætu færi en hann fer yfir markið. Þetta er hrikalega vandræðalegt fyrir þá. Þeir héldu að þetta væri komið, en þetta var það svo sannarlega ekki!
86. mín
Þetta er hreint út sagt magnaður leikur, það verður ekki annað sagt. Englandsmeistararnir lentu undir 3-0 en hafa á ótrúlegan hátt náð að jafna metin með seiglu, baráttu og kannski örlítilli heppni!
85. mín
Inn:Anders Lindegaard (Man Utd) Út:Ander Herrera (Man Utd)
84. mín MARK!
Anthony Martial (Man Utd)
CHICHARITO JAFNAR METIN!!!! MEXÍKÓINN SKALLAR KNÖTTINN Í NETIÐ EFTIR FRÁBÆRA FYRIRGJÖF FRÁ GIGGS Í KJÖLFAR MARKVÖRSLU FRÁ CECH!!! STAÐAN ER 3-3, ÞVÍLÍKUR LEIKUR!!!
77. mín
Fernando Torres kemur sér í hrikalega gott færi en reynir eina auka snertingu sem mistekst og Valencia hirðir af honum boltann. Klaufalegt hjá El Nino.
Arnar Albertsson:
Við Púllarar værum ekkert á móti jafntefli #fotbolti
75. mín
Stundarfjórðungur eftir af þessum hörkuleik á Stamford Bridge! Alltaf gaman þegar stórleikir helgarinnar standa undir væntingum! Það hefur þessi leikur svo sannarlega gert hingað til! Rétt í þessu á Essien þrumuskot sem De Gea slær yfir í horn.
Kári Hinriksson:
Aldrei víti, alveg eins og markið hans drogba í fyrra í sama leik átti aldrei að standa #fotbolti
74. mín
Javier Hernandez full gráðugur þarna. Tekur skot úr þröngu færi rétt framhjá!
Árni Þ Þorvaldsson:
Wellbeck að hrapa í áliti hjá manni. Stamford Bridge er engin sundlaug. Farðu heim ef þú vilt dýfa þér. #wanker #fotbolti
72. mín
Þetta er sérdeilis magnaður seinni hálfleikur!! Fjögur mörk og allt að gerast! Þess má til gamans geta að síðustu fjögur mörk Man Utd hafa komið úr vítaspyrnum. Tvö frá Rooney og svo Berbatov og Hernandez í síðasta leik gegn Stoke.
71. mín
Inn:Oriol Romeu (Chelsea) Út:Willian (Chelsea)
Chelsea ætlar að halda fengnum hlut! Oriol Romeu kemur inn til að styrkja miðjuna og Sturridge er farinn út af.
70. mín
Af endursýningum að dæma er þetta örlítið "soft" víti en það má svosum alveg segja að þetta hafi verið réttur dómur. Það er vissulega snerting og Ivanovic kemur ekki nálægt boltanum. Hins vegar er spurning hvort að Welbeck hafi svolítið sótt snertinguna. Hernandez hins vegar frábær í aðdraganda marksins.
69. mín Mark úr víti!
Wayne Rooney (Man Utd)
Wayne Rooney minnkar muninn í 3-2!!!! Hann skorar af gríðarlegu öryggi í vinstra hornið úr vítaspyrnunni.
68. mín
Þarna þekki ég Howard Webb!! Annað víti dæmt. Þetta er hins vegar réttur dómur líkast til, Ivanovic fellir Welbeck inni í teignum!
67. mín
Aftur á Rooney skot eftir gott samspil með Hernandez en Cech ver tiltölulega auðveldlega.
66. mín
Þarna munaði mjóu! Wayne Roone hleður í skot fyrir utan teig og það fer rétt framhjá markinu!
63. mín
Inn:Marouane Fellaini (Man Utd) Út:Rafael (Man Utd)
Það á að fá smá reynslu inn á miðjuna, Rafael fer af velli og Valencia fer þá líkast til í bakvörðinn.
Guðmundur Guðjónsson:
auglýsi eftir ofmetnari vinstri bak en Evra. #fotbolti #sulta
58. mín Mark úr víti!
Wayne Rooney (Man Utd)
Rooney minnkar muninn!! Hann klúðraði síðast þegar liðin mættust en núna skorar hann af gríðarlegu öryggi!! Á Manchester United ennþá séns??
57. mín
Víti!! Manchester United fær vítaspyrnu!! Daniel Sturridge brýtur klaufalega á Patrice Evra í teignum og gestirnir geta minnkað muninn! Réttur dómur hjá Webb!
Hafsteinn Briem leikmaður Vals:
Það er ástæða fyrir því að hann heitir Mata. Rio Ferdinand og allt United liðið komnir yfir síðasta söludag #útrunnið
52. mín
Inn:Anthony Martial (Man Utd) Út:Ashley Young (Man Utd)
Ferguson blæs í sóknarlúðrana. Chicarito er kominn inn á, en er það bara ekki of seint?
50. mín MARK!
Cesc Fabregas (Chelsea)
Hvað er í gangi og hvert er ég kominn??? Chelsea er komið í 3-0!! David Luiz skallar knöttinn í öxlina á Rio Ferdinand og í netið! Þvílík óheppni hjá United! Ætla að skrá markið á Luiz til að byrja með, virðist sem að boltinn hafi stefnt á markið.
Hólmar Eyjólfsson leikmaður Bochum og U21 landsliðsins:
Góð markaðssetning hjá Terry að knúsa einn svartan akkurat þegar hann er í mynd
Magnús Sigurbjörnsson:
Sáuði þetta? Terry faðmaði svartan mann! #fotbolti
48. mín
Jahá, nú fara málin að vandast fyrir United. Þetta var alls ekki sú byrjun sem þeir vildu og nú er útlitið mjög gott fyrir heimamenn í Chelsea. Ríkjandi Englandsmeistarar hafa ekki unnið leik á Stamford Bridge síðan 2002 og virðist sú ógæfa ætla að halda áfram.
Iðunn Ásgrímsdóttir:
allt var ready fyrir united leik i honduras en foxsports datt ut, engin bar nalægt. #beintextalysingallanleikinn #helv.honduras #fotbolti
46. mín MARK!
Juan Mata (Chelsea)
Þetta tók ekki nema hálfa mínútu!!! Juan Mata með stórkostlegt mark eftir frábæra, frábæra fyrirgjöf frá Fernando Torres! Glæsilegt samstarf á milli Spánverjanna, Mata þrumar knettinum upp í þaknetið, gersamlega óverjandi fyrir De Gea. Vörnin herfileg, enginn í Mata.
46. mín
Leikurinn er hafinn á ný, það má búast við hörku seinni hálfleik!
45. mín
Uppbótartíminn er liðinn en Man Utd fær eina hornspyrnu að lokum eftir að Petr Cech varði skot Wayne Rooney. Svo er flautað til leikhlés, staðan 1-0 Chelsea í vil.
Arnar Smárason:
Torres hlýtur að fara til Spánar í sumar. Trúi því ekki að hann sé að nenna þessu lengur þarna hjá Chelsea.
45. mín Gult spjald: Branislav Ivanovic (Chelsea)
Ivanovic fær gult spjald og það réttilega, hann er allt of seinn í Ashley Young.
41. mín
Danny Welbeck með fínt skot eftir samspil við Wayne Rooney en Petr Cech ver vel.
40. mín
Ashley Young kemur með frábært skot utan teigs en Petr Cech ver vel!! Þarna átti Wayne Rooney svo að vera grimmari, hann hefði getað fylgt þessu eftir!
39. mín
Sturridge er kominn í gang! Kemur með þrumuskot sem De Gea gerir vel að verja.
36. mín SJÁLFSMARK!
Henrikh Mkhitaryan (Man Utd)
MARK! Chelsea er komið í 1-0 á Stamford Bridge og markið skráist sem sjálfsmark á Jonny Evans! Daniel Sturridge er upp við endalínuna inni í teignum, fer illa með Patrice Evra og skýtur svo í Evans og þaðan fer boltinn í netið. Klaufalegt mark, en vel gert hjá Sturridge.
Árni Þ Þorvaldsson:
meiga manutd menn bara alltaf umkringja dómarann? búnir að gera fátt annað í fyrra hálfleik #spilabolta #fotbolti
31. mín Gult spjald: Radamel Falcao (Chelsea)
Torres fær að líta gula spjaldið fyrir að hnjáa Jonny Evans í rassinn.
29. mín
Valencia kemur með frábæran bolta inn fyrir á Wayne Rooney! Hann tekur ekki nógu vel á móti boltanum þannig að hann missir af færi til að komast einn gegn markverði. Hann reynir svo að renna knettinum á Danny Welbeck en Ivanovic bjargar í horn, sem ekkert verður úr. Þarna hefði Rooney átt að gera betur.
21. mín
Fernando Torres ákvað að prófa að skjóta á De Gea af löngu færi og sjá hvort hann gæti kannski skorað. Skot hans fer hins vegar langt framhjá.
20. mín
Við bíðum enn eftir alvöru dauðafæri, liðin eru nokkuð varkár í sínum aðgerðum en hins vegar er fast tekið á mönnum.
Smári Jökull Jónsson
Rauðnefur alveg brjálaður. Eins og flugumferðarstjóri þarna á línunni, veifandi höndum út um allt
Guðjón Henning:
Keypti Chelsea Howard Webb frá United í janúarglugganum? #fotbolti #víti
13. mín
Ferguson er lítið sáttur með að ekkert hafi verið dæmt og kvartar í fjórða dómaranum. Endursýningar virðast sýna að Cahill fór ekki í boltann, en hins vegar var brotið rétt fyrir utan teig. Annars er þetta hinn fjörugasti leikur, mikil barátta á Brúnni.
11. mín
Hvernig var þetta ekki brot??? Gary Cahill fellir Danny Welbeck, að vísu virðist það vera rétt fyrir utan vítateiginn, og eru leikmenn United brjálaðir að Howard Webb dæmi ekkert! Þeir vildu fá víti en aukaspyrna hefði líkast til verið réttur dómur.
9. mín
Ashley Young fellur í vítateig Chelsea en fær ekkert fyrir sinn snúð, enda var aldrei um vítaspyrnu að ræða.
Arnar Sveinn Geirsson leikmaður Vals:
Rio er natturulega bara ordinn djok lelegur
3. mín
Stuðningsmenn Chelsea syngja "There's only one England captain" til stuðnings John Terry, sem var sviptur fyrirliðabandi enska landsliðsins á dögunum.
2. mín
Wayne Rooney tekur aukaspyrnu á hættulegum stað og skýtur rétt framhjá markinu!
1. mín
Leikurinn er hafinn á Brúnni! Megi besta liðið sigra!
Fyrir leik
Fernando Torres mun freista þess að skora í dag líkt og hann gerði síðast gegn United, en hann hefur ekki skorað í 19 leikjum í röð. Mark hans í tapinu gegn United fyrir áramót var glæsilegt en hins vegar klúðraði hann einnig algeru dauðafæri.
Fyrir leik
Leikmenn ganga inn á völlinn, það fer að styttast í leikinn.
Tómas Þór Þórðarson blaðamaður á DV:
SAF er í rúllukragabol! Það er ekki hægt að vinna fótboltaleiki þannig
Fyrir leik
Chelsea vantar marga mikilvæga leikmenn. Auk John Terry eru samlandar hans Frank Lampard og Ashley Cole ekki til taks. Þá verður Ramires frá í mánuð eða svo.
Fyrir leik
Við hvetjum lesendur okkar til að segja sína skoðun á þessari viðureign á Twitter og nota hashtaggið #fotbolti til að eftir því verði tekið. Við erum alltaf að leita að skemmtilegri færslu til að birta í textalýsingunum okkar.
Fyrir leik
Ashley Young er mættur í byrjunarlið Manchester United í fyrsta skiptið síðan hann meiddist á ökkla gegn Fulham í desember. Gott fyrir gestina að fá hann aftur.
Fyrir leik
Gary Cahill er í byrjunarliði Chelsea í fyrsta skiptið í fjarveru fyrirliðans John Terry. Cahill kom til liðsins frá Bolton í félagaskiptaglugganum í janúar.
Fyrir leik
Góðan dag kæru lesendur og verið velkomnir í beina textalýsingu frá stórleik helgarinnar, viðureign Chelsea og Manchester United í ensku úrvalsdeildinni.
Byrjunarlið:
1. David de Gea (m)
2. Rafael ('63)
5. Marcos Rojo
7. Angel Di Maria
10. Wayne Rooney
11. Adnan Januzaj
16. Michael Carrick
18. Ashley Young ('52)
21. Ander Herrera ('85)
22. Henrikh Mkhitaryan
26. Shinji Kagawa

Varamenn:
13. Anders Lindegaard (m) ('85)
20. Sergio Romero (m)
9. Zlatan Ibrahimovic
11. Anthony Martial ('52)
27. Marouane Fellaini ('63)
40. Ben Amos (m)
42. Tyler Blackett

Liðsstjórn:

Gul spjöld:

Rauð spjöld: