Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fram
5
3
Þróttur R.
Steven Lennon '26 1-0
1-1 Ólafur Magnússon '84
Sam Tillen '90 , víti 2-1
2-2 Erlingur Jack Guðmundsson '90 , víti
Hlynur Atli Magnússon '90 , víti 3-2
3-3 Helgi Pétur Magnússon '90 , víti
Sveinbjörn Jónasson '90 , víti 4-3
Steven Lennon '90 , víti 5-3
09.02.2012  -  18:45
Egilshöll
Reykjavíkurmótið
Dómari: Magnús Þórisson
Byrjunarlið:
1. Ögmundur Kristinsson (m)
14. Hlynur Atli Magnússon (f)

Varamenn:
1. Denis Cardaklija (m)
21. Stefán Birgir Jóhannesson

Liðsstjórn:

Gul spjöld:
Samuel Hewson ('50)

Rauð spjöld:
Fyrir leik
Komið þið sæl. Framundan er tvíhöfði í Egilshöllinni þar sem undanúrslitaleikirnir í Reykjavíkurmótinu fara fram. Báðir verða í beinni textalýsingu hér á síðunni, sá fyrri er viðureign Fram og Þróttar.

Framarar björguðu sér frá falli úr Pepsi-deildinni síðasta sumar en Þróttarar leika í 1. deildinni.

Helsti markaskorari Þróttar í fyrra, Sveinbjörn Jónasson, gekk nýlega í raðir Framara en hann var markakóngur í 1. deildinni.

Ef jafnt verður að loknum venjulegum leiktíma í kvöld verður farið beint í vítaspyrnukeppni.
1. mín
Leikurinn er hafinn. Dómari í kvöld er kokkurinn Magnús Þórisson.
5. mín
Á upphafsmínútum leiksins hefur helst dregið til tíðinda að Þróttarar gerðu tilkall til vítaspyrnu, vildu fá dæmda hendi innan teigs en ekkert var dæmt.
10. mín
Steven Lennon með fínt skot úr aukaspyrnu sem Ögmundur Ólafsson markvörður náði að verja, boltinn fór í lappirnar á Sveinbirni sem virtist ekki tilbúinn og ekkert varð úr færi hans.
19. mín
Eftir góðan breskan samleik fékk Sam Hewson hörkufínt færi en skot hans naumlega framhjá. Framarar talsvert betri í þessum leik, eins og við mátti kannski búast.
Tómas Þór Þórðarson:
Ásgeir Gunnar mættur að horfa á Fram. Þeir eru smeykir við að taka sénsinn á honum segir stjórnarmaður. Meiðslin.
26. mín MARK!
Steven Lennon (Fram)
Fyrsta markið er komið og það var af skemmtilegra taginu. Steven Lennon var með boltann fyrir utan teig í baráttu við varnarmann, stuðningsmenn Fram vildu fá dæmda aukaspyrnu þar sem ýtt var við honum en Lennon stóð í lappirnar og skaut hnitmiðuðu skoti með tánni í bláhornið.
38. mín
Ósköp lítið gerst síðan markið kom. Framarar mun meira með knöttinn þó og ekki enn búið að reyna á Ögmund Kristinsson í marki Fram.
42. mín
Inn:Birkir Már Þrastarson (Þróttur R.) Út:Davíð Stefánsson (Þróttur R.)
45. mín
Ögmundur varði naumlega en glæsilega skot frá Kristjáni Haukssyni í teignum. Flautað svo til hálfleiks. Þróttarar geta verið sáttir með að fara bara einu marki undir í hálfleikinn. Framarar verið talsvert betri. Sveinbjörn Jónasson á að vera búinn að skora í þessum leik.
46. mín
Inn:Daði Bergsson (Þróttur R.) Út:Hermann Ágúst Björnsson (Þróttur R.)
Seinni hálfleikur er farinn af stað.
47. mín
Framarar næstum komnir í 2-0 eftir 20 sekúndna leik í seinni hálfleik. Steven Lennon, með stórhættulegt skot sem fór af varnarmanni og rétt yfir.
50. mín Gult spjald: Samuel Hewson (Fram)
59. mín
Leikurinn heldur áfram að spilast með sama hætti og áður. Framarar stýra ferðinni og eru mun líklegri til að bæta við marki.
60. mín Gult spjald: Erlingur Jack Guðmundsson (Þróttur R.)
Harður dómur hjá Magnúsi.
62. mín
Búið er að opna fyrir textalýsinguna fyrir leik Fylkis og KR sem verður 20:45. Þið getið því litið á byrjunarliðin fyrir þann leik.
65. mín
Fyrir þau ykkar sem hafið verið að velta fyrir ykkur uppstillingunni á liði Fram þá er markt athyglisvert í henni. Steven Lennon er í ansi frjálsu hlutverki framarlega á miðjunni og Sam Tillen er varnasinnaður miðjumaður í dag.
69. mín
Lennon í fínu færi, vippaði yfir Ögmund í markinu og markið sjálft líka. Enn eitt færi þeirra bláu.
74. mín
Hallur Hallsson hlaut skurð í átökum um boltann svo vel blæddi úr. Magnús Þórisson dómari er núna að þrífa blóðið upp með handklæði. Það var mikill hiti í mönnum eftir atvikið og ljót orð látin falla en Magnús ákvað að lyfta ekki spjaldi á loft.
Tómas Þór Þórðarson:
Það er bilun hvað sam tillen kemst upp með að gera og segja. Öskrar á alblóðugan, liggjandi hall hallson og hraunar yfir dómarann. Ekki gult
83. mín
Inn:Helgi Pétur Magnússon (Þróttur R.) Út:Kristján Einar Auðunsson (Þróttur R.)
83. mín
Inn:Ólafur Magnússon (Þróttur R.) Út:Guðfinnur Þórir Ómarsson (Þróttur R.)
84. mín MARK!
Ólafur Magnússon (Þróttur R.)
Þróttarar hafa jafnað! Daði Bergsson hefur komið með góðan kraft í Þróttaraliðið og spólaði sig í gegnum vörn Fram áður en boltinn kom fyrir og Ólafur Magnússon varamaður náði að skora á fjærstönginni.
85. mín
Inn:Hólmbert Aron Friðjónsson (Fram) Út:Kristinn Ingi Halldórsson (Fram)
88. mín
Það stefnir allt í að þessi leikur fari í vítaspyrnukeppni, það er ekki framlengt. Framarar geta sjálfum sér um kennt að hafa ekki verið búnir að klára þennan leik.
90. mín
Leik lokið. Þessi leikur fer í vítaspyrnukeppni. Stemningin er með Þrótturum enda jöfnuðu þeir eftir að Framliðið hafði verið mun betra í leiknum.
90. mín Mark úr víti!
Sam Tillen (Fram)
Fram skorar úr fyrstu spyrnu vítakeppninnar. Ögmundur fór í rétt horn en hann náði ekki að verja.
90. mín Mark úr víti!
Erlingur Jack Guðmundsson (Þróttur R.)
Þróttarar jafna af öryggi.
90. mín
Varið! - Ögmundur ver spyrnu Sam Hewson!
90. mín
Framhjá! Daði Bergsson hittir ekki á markið! Boltinn framhjá. Staðan því jöfn í vítakeppninni.
90. mín Mark úr víti!
Hlynur Atli Magnússon (Fram)
Hlynur Atli skoraði með öruggu skoti í hornið.
90. mín Mark úr víti!
Helgi Pétur Magnússon (Þróttur R.)
Áfram heldur spennan!
90. mín Mark úr víti!
Sveinbjörn Jónasson (Fram)
Sveinbjörn skorar gegn gömlu félögunum.
90. mín
Sláin yfir! - Oddur Björnsson með skot í slánna! Fram getur tryggt sér áfram með næstu spyrnu.
90. mín Mark úr víti!
Steven Lennon (Fram)
Þetta er komið! Framarar eru komnir í úrslitaleikinn.
Byrjunarlið:
Hallur Hallsson
Erlingur Jack Guðmundsson
1. Ögmundur Ólafsson (m)
2. Kristján Einar Auðunsson ('83)
9. Arnþór Ari Atlason
15. Daníel Benediktsson
22. Guðfinnur Þórir Ómarsson ('83)
27. Oddur Björnsson
28. Davíð Stefánsson ('42)

Varamenn:
25. Snæbjörn Valur Ólafsson (m)
4. Helgi Pétur Magnússon ('83)
5. Birkir Már Þrastarson ('42)
7. Daði Bergsson ('46)
18. Ólafur Magnússon ('83)
23. Valtýr Gíslason

Liðsstjórn:

Gul spjöld:
Erlingur Jack Guðmundsson ('60)

Rauð spjöld: