Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
1
2
Stjarnan
Alex Freyr Hilmarsson '10 1-0
1-1 Baldur Sigurðsson '58
1-2 Halldór Orri Björnsson '68
08.05.2016  -  19:15
Víkingsvöllur
Pepsi-deild karla 2016
Aðstæður: Völlurinn frábær miðað við árstíma og gott veður
Dómari: Pétur Guðmundsson
Áhorfendur: 1250
Byrjunarlið:
1. Róbert Örn Óskarsson (m)
Stefán Þór Pálsson ('48)
3. Ívar Örn Jónsson
4. Igor Taskovic
7. Alex Freyr Hilmarsson ('70)
8. Viktor Bjarki Arnarsson ('56)
9. Viktor Jónsson
10. Gary Martin
11. Dofri Snorrason
21. Arnþór Ingi Kristinsson
22. Alan Lowing

Varamenn:
7. Erlingur Agnarsson
10. Óttar Magnús Karlsson ('70)
12. Halldór Smári Sigurðsson ('48)
12. Kristófer Karl Jensson
13. Iain James Williamson ('56)
14. Bjarni Páll Runólfsson
15. Andri Rúnar Bjarnason

Liðsstjórn:

Gul spjöld:
Dofri Snorrason ('90)

Rauð spjöld:
Leik lokið!
Flottur seinni hálfleikur dugar fyrir Stjörnuna sem er með fullt hús stiga. Viðtöl og skýrsla á leiðinni. Takk fyrir mig.
90. mín
Bjarni Ben staðinn upp við hliðina á mér. Flottur með RayBan gleraugu.
90. mín Gult spjald: Guðjón Baldvinsson (Stjarnan)
Bombar Taskovic niður, þrjú gul í uppbótartíma. Ekkert þangað til.

90. mín Gult spjald: Dofri Snorrason (Víkingur R.)
Alltof seinn í Ævar Inga. Tíminn er að renna út.
90. mín Gult spjald: Baldur Sigurðsson (Stjarnan)
Ljótt brot á Gary. Englendingurinn lætur smalann heyra það.
90. mín
Fjórum mínútum bætt við.
90. mín
Dofri á skot sem virðist vera á leiðinni framhjá en Kerr tekur enga sénsa og slær boltann í horn.
88. mín
Víkingar komast í álitlega sókn eftir gott spil en Taskovic missir boltann síðan of langt frá sér og Stjarnan vinnur boltann, klaufalegt hjá honum.
84. mín
Gary Martin hefur ekki verið mikið með í seinni hálfleik. Hann og aðrir verða að stíga upp hjá Víkingum.
82. mín
Ívar Örn á fyrirgjöf sem Kerr nær. Markmaðurinn dettur síðan ofan á boltann og tekur sér eins langan tíma og hann mögulega má, jafnvel aðeins lengri. Stjörnumönnum liggur lítið á.
80. mín
Víkingar hafa tíu mínútur til að ná einhverju gegn tíu mönnum Stjörnunnar.
77. mín
Taskovic reynir langa sendingu innfyrir vörn Stjörnunnar en Dofri nær ekki alveg til boltans og hann fer á Kerr.

75. mín
Víkingar byrjuðu seinni hálfleikinn ágætlega en Stjarnan tók síðan völdin eftir því sem leið á hann.
74. mín
Arnþór Ingi skallar hornspyrnuna frá Ívari Erni rétt framhjá.
73. mín
Gary Martin nær góðu skoti á lofti sem Kerr slær í horn. Mjög góð tilraun.
72. mín
Komnar börur fyrir Óla Kalla. Stjarnan spilar því manni færri, síðustu 20 mínúturnar eða svo.
71. mín
Óli Kalli á erfitt með að stíga í löppina, þetta lítur alls ekki vel út. Stjarnan búin með allar sínar skiptingar.
70. mín
Inn:Óttar Magnús Karlsson (Víkingur R.) Út:Alex Freyr Hilmarsson (Víkingur R.)
Alex verið góður í dag.
69. mín
Óli Kalli liggur eftir samstuð við Halldór Smára. Halldór fór af fullum krafti í þetta og þetta leit ekki sérlega vel út hjá Víkingnum.
68. mín MARK!
Halldór Orri Björnsson (Stjarnan)
Stoðsending: Ólafur Karl Finsen
MAAAAAAAAAAAAAAAAAAAAARK!!!!

Og þvílíkt mark líka! Fær boltann af um 25 metra færi og snýr hann í bláhornið. Frábært skot og þvílíkur viðsnúningur!

Óli Kalli átti sendinguna á hann. Heldur betur sem skiptingar Rúnars eru að virka í ár.
66. mín
Þeir félgar standa upp og halda báðir leik áfram.

65. mín
Leikurinn stöðvaður þar sem Hörður Árnason og Alex Freyr skullu saman og lágu báðir eftir.
64. mín
Gary Martin kemur boltanum í markið en búið er að veifa rangstöðu. Aukaspyrna frá Ívari fyrir markið endaði hjá Gary á fjær.
64. mín
Inn:Jeppe Hansen (Stjarnan) Út:Eyjólfur Héðinsson (Stjarnan)
Veigar Páll skorar tvennu og kemur síðan ekkert inná í næsta leik.
62. mín
Halldór Orri tekur aukaspyrnu rétt innan vallarhelming Víkinga, hún fer á kollinn á Baldur sem á lausan skalla sem fer beint í fangið á Robba.
58. mín MARK!
Baldur Sigurðsson (Stjarnan)
Stoðsending: Guðjón Baldvinsson
MAAAAAAAAAAAAAAAAAAARK!!!

Stjörnumenn jafna. Guðjón á sendingu frá hægri, beint á kollinn á Baldri sem skorar af öryggi.

Spurning með þessa skiptingu hjá Milos í hálfleik en hún var varnarsinnuð og Víkingar hafa ekki sótt mikið í seinni og hleypt Stjörnuliðinu svolítið ofan á sig.
56. mín
Inn:Iain James Williamson (Víkingur R.) Út:Viktor Bjarki Arnarsson (Víkingur R.)
Spurning hvort Viktor sé eitthvað tæpur.
56. mín
Inn:Halldór Orri Björnsson (Stjarnan) Út:Þorri Geir Rúnarsson (Stjarnan)
Rúnar Páll vill augljóslega meira frá sínum mönnum.
55. mín
Stjarnan meira með boltann og líklegri í upphafi seinni hálfleiks án þess að skapa sér færi þó.

49. mín
Víkingar skipta um taktík. Halldór spilar sem djúpur miðjumaður. Gary Martin og Alex Freyr eru á köntunum og Viktor Jónsson einn frammi. Úr 4-4-2 í 4-1-4-1
48. mín
Inn:Halldór Smári Sigurðsson (Víkingur R.) Út:Stefán Þór Pálsson (Víkingur R.)
46. mín
Inn:Ólafur Karl Finsen (Stjarnan) Út:Hilmar Árni Halldórsson (Stjarnan)
Hilmar ekki fundið sig í dag. Var að fatta núna að hann spilaði fyrri hálfleikinn.
46. mín
Seinni hálfleikur er kominn af stað.

Gestirnir byrja með bolttann núna.
45. mín
Hálfleikur
Algjörlega verðskulduð forysta Víkinga í hálfleik.
45. mín
VÍKINGAR SVO NÁLÆGT ÞVÍ AÐ BÆTA VIÐ.

Viktor er í góðri stöðu rétt utan teigs, hann rennir boltanum á Gary sem á skot sem Kerr ver. Boltinn berst svo á Alex Frey sem reynir skot en Brynjar Gauti kemst fyrir það og Stjörnumenn sleppa.
44. mín
Eyjólfur er rosalega góður í fótbolta, sendingarnar hans eru virkilega flottar og hann er snöggur og flottur á boltanum líka.
42. mín
Eyjólfur á frábæra sendingu á Guðjón sem er að komast einn gegn Róberti en Róbert kemur vel út úr markinu og er á undan Guðjóni í boltann.
41. mín
Alex Freyr fær boltann utan teigs í kjölfar hornspyrnunnar og reynir skot á lofti sem fer vel yfir.
41. mín
Gary Martin kemst framhjá Grétari áður en hann brunar upp vinstri vænginn, hann reynir svo fyrirgjöf en Grétar er kominn til baka og bjargar í horn.
40. mín
Alex Freyr er að eiga flottan leik á hægri vængnum, nú á hann fyrirgjöf á Viktor sem nær ekki að stýra skalla að marki.
39. mín
Stjarnan er með svakalega góðan hóp en liðið lítur bara ekkert sannfærandi út. Hafa lítið gert á tæpum 40 mínútum.
38. mín
Alex Freyr nálægt því að bæta við sínu öðru marki. Fékk boltann á kantinum og kom inn á völlinn áður en hann tók skot rétt framhjá.
34. mín
Viktor er staðinn upp og heldur leik áfram.
32. mín
Viktor Bjarki liggur eftir meiddur. Hann hefur verið að glíma við meiðsli undanfarið. Vonum að fyrirliði Víkinga sé í lagi.
29. mín
Igor Taskovic reynir skot sem virðist fara í hendina á Grétari innan teigs, Pétur dæmir ekkert. Mjög skömmu síðar tæklar Tasko, Hörð og aukaspyrna dæmd.

Grétar og Tasko fara síðan að rífast en Pétur stoppar þá og leikurinn heldur áfram. Spurning með vítaspyrnu þarna.
28. mín
Baldur er í fínu skallafæri eftir fyrirgjöf Heiðars en skallinn hittir ekki markið. Ágæt tilraun samt sem áður.
27. mín
Víkingarnir eru með stjórn á leiknum, meira með boltann og sækja meira. Stjarnan hefur engan vegin náð takti.
24. mín
Aðeins búið að róast í Víkinni eftir svakalegt fyrsta korter.

18. mín
Stjarnan er að komast aðeins meira inn í leikinn en Róbert hefur haft það nokkuð gott í markinu hingað til.
16. mín
Skemmtilegasta korter hingað til í deildinni. Meira búið að gerast en í öllum KR - Víkingur leiknum.

14. mín
Ævar Ingi er við það að komast í frábært færi en Róbert Örn er á undan honum í boltann.

Svakaleg byrjun í Víkinni. Nóg af færum og skemmtilegur fótbolti.
13. mín
Stefán Þór er svo næstum búinn að sleppa í gegn stuttu seinna en Kerr er mættur og nær boltanum á undan honum.
12. mín
Strax eftir markið var misskilningur í vörn Stjörnunnar og Viktor var næstum búinn að tvöfalda forskotið en gestirnir sleppa.
10. mín MARK!
Alex Freyr Hilmarsson (Víkingur R.)
Stoðsending: Viktor Jónsson
MAAAAAAAAAAAAAAARK!!!!

Dofri kemur með fyrirgjöf frá hægri. Viktor Jónsson fer upp í skallabolta og boltinn dettur svo fyrir Alex Frey sem skallar inn af stuttu færi.

Algjörlega verðskuldað miðað við byrjun leikins.
10. mín
Víkingar hafa farið mjög vel af stað og eru að spila skemmtilegan bolta með jörðinni.
8. mín
Baldur Sig reynir skot utan teigs sem fer hátt yfir markið.

Ævar Ingi átti fyrirgjöf sem Arnþór Ingi skallaði frá, fyrir fætur Baldurs.
7. mín
4-4-2 hjá Víkingum og 4-4-1-1 hjá gestunum.
6. mín
Grétar Siginnur og Bryjar Gauti eru í miðverinum hjá Stjörnunni. Hörður og Heiðar í bakvörðunun. Þorri og Baldur Sig á miðjunni á meðan Ævar Ingi og Hilmar Árni á köntunum á meðan Eyjólfur Héðins er í holunni fyrir aftan Guðjón.
5. mín
DAUÐAFÆRI!

Viktor Jónsson kemst einn gegn Kerr en markmaðurinn sér við honum. Viktor opnaði líkamann full mikið og sýndi Kerr nákvæmnlega hvernig hann ætlaði að skjóta. Jamaíkabúinn las hann.
3. mín
Víkingar byrja betur og fá strax tvær hornspyrnur
2. mín
Virðist vera 4-4-2 hjá heimamönnum. Gary og Viktor saman frammi. Takskovic og Viktor Bjarki á miðjunni og með Alex Frey og Stefán Pálsson á köntunum.

Arnþór Ingi og Lowing í miðverðinum á meðan Dofri og Ívar Örn eru í bakvörðum.
1. mín
Leikur hafinn
Víkingar byrja með boltann og sækja í áttina að Kópavogi.

Fyrir leik
Liðin eru að labba á völlinn og allt er að verða klárt.

Finn á mér að það verða mörk skoruð í kvöld.
Fyrir leik
Tíu mínútur í leikinn og Barfly með Jeff Who er komið á fóninn. Þá er komið stuð í Víkinni, bókað.
Fyrir leik
Ég væri til í að vita hvað SuperSub Veigar Páll var að hugsa þegar hann fékk þær fréttir að hann byrjaði á bekknum þrátt fyrir mörkin tvö í síðsta leik.
Fyrir leik
Fólk er byrjað að týnast í þokkalegum mæli á völlinn, finn það á mér að það gæti verið smekkfullt hérna í kvöld.
Fyrir leik
Liðin eru mætt á völlinn og hita upp. Völlurinn er í mjög góðu standi miðað við marga aðra grasvelli hér á landi á þessum tíma árs.

Fyrir leik
Það er rosalega lítið sem kemur á óvart í byrjunarliðum liðanna. Bæði lið eru óbreytt frá síðasta leik, fyrir utan að Duwayne Kerr, frá Jamaíka er kominn í mark Stjörnunnar.
Fyrir leik
Liðin skildu einnig jöfn í Garðabæ, 1-1. Þá komust Stjörnumenn yfir þegar að um korter var eftir en Víkingar jöfnuðu undir lokin.
Fyrir leik
Liðin gerðu 2-2 jafntefli á þessum velli í fyrra.

Víkingar voru komnir í 2-0 eftir 20 mínútur en Stjörnumenn voru búnir að jafna fyrir hlé og þar við sat.
Fyrir leik
Guðni Th Jóhannesson, forseta frambjóðandi, spáði í leikinn.

"Stjarnan á stóran sess í hjarta mínu enda Garðbæingur að upplagi þannig ég spái þeim sigri ég sá líka leikinn í fyrstu umferð og þeir voru mjög sannfærandi. Byrji Veigar Páll inn á setur hann þrennu og þetta fer 3-1"
Fyrir leik
Víkingur gerði markalaust jafntefli við KR í fyrstu umferðinni á meðan Stjarnan vann Fylki á heimavelli.
Fyrir leik
Góðan og blessaðan daginn lesendur kærir. Hér verður bein textalýsing frá leik Víkings og Stjörnunnar sem spilaður verður á Víkingsvelli.
Byrjunarlið:
1. Duwayne Kerr (m)
2. Heiðar Ægisson
2. Brynjar Gauti Guðjónsson
5. Grétar Sigfinnur Sigurðarson
6. Þorri Geir Rúnarsson ('56)
7. Guðjón Baldvinsson
8. Baldur Sigurðsson
10. Hilmar Árni Halldórsson ('46)
14. Hörður Árnason
16. Ævar Ingi Jóhannesson
20. Eyjólfur Héðinsson ('64)

Varamenn:
23. Guðjón Orri Sigurjónsson (m)
8. Halldór Orri Björnsson ('56)
9. Daníel Laxdal
11. Arnar Már Björgvinsson
17. Ólafur Karl Finsen ('46)
19. Jeppe Hansen ('64)

Liðsstjórn:
Veigar Páll Gunnarsson

Gul spjöld:
Guðjón Baldvinsson ('90)
Baldur Sigurðsson ('90)

Rauð spjöld: