Malen, Maguire, Rashford, Greenwood, Yoro, Eriksen og fleiri góðir í slúðri dagsins
KR
1
0
FH
Pálmi Rafn Pálmason '65 1-0
12.05.2016  -  20:00
Alvogenvöllurinn
Pepsi-deild karla 2016
Aðstæður: Völlurinn töluvert betri en hann var í 1. umferð. Fínt veður líka.
Dómari: Pétur Guðmundsson
Áhorfendur: 1871
Byrjunarlið:
1. Stefán Logi Magnússon (m)
Pálmi Rafn Pálmason ('82)
2. Morten Beck
4. Michael Præst
6. Gunnar Þór Gunnarsson
7. Skúli Jón Friðgeirsson ('90)
8. Finnur Orri Margeirsson
9. Hólmbert Aron Friðjónsson
16. Indriði Sigurðsson
20. Denis Fazlagic ('73)
22. Óskar Örn Hauksson (f)

Varamenn:
13. Sindri Snær Jensson (m)
3. Ástbjörn Þórðarson
11. Kennie Chopart ('73)
11. Morten Beck Guldsmed ('82)
18. Aron Bjarki Jósepsson ('90)
21. Atli Hrafn Andrason
24. Valtýr Már Michaelsson

Liðsstjórn:

Gul spjöld:
Michael Præst ('54)
Gunnar Þór Gunnarsson ('57)

Rauð spjöld:
Leik lokið!
KR-ingar eru komnir með sigur!

Ekki fallegasti sigur allra tíma en hann telur jafn mikið.

Viðtöl og skýrsla á leiðinni. Takk fyrir mig.
90. mín
Inn:Brynjar Ásgeir Guðmundsson (FH) Út:Jonathan Hendrickx (FH)
90. mín
Svona 98 mínútur á klukkunni. Búið að vera eintómar tafir síðan venjulegur leiktími kláraðist.
90. mín Gult spjald: Jonathan Hendrickx (FH)
Chopart er að komast í snögga sókn þegar Hendrickx kemur með karate tæklingu á Dananum. Hræðileg tækling og er Belginn heppinn að fá ekki rautt spjald. Hann virðist fá löppina á Dananum í andlitið í leiðinni en hann liggur eftir og virðist vera skorinn á andliti.
90. mín
Inn:Aron Bjarki Jósepsson (KR) Út:Skúli Jón Friðgeirsson (KR)
Skúli getur ekki klárað leikinn.

Pétur dæmdi ekki neitt og spjaldaði ekki neinn.

90. mín
Leikurinn er stöðvaður eins og er á meðan það er verið að huga að Skúla.
90. mín
Skúli Jón og Kassim fara upp í bolta saman og Skúli liggur eftir. Verið að ásaka Kassim um að slá Skúla sem er brjálaður. Indriði fer svo að skipta sér að og ýtir til Kassim og menn fara allir að ýta hvorum öðrum. Hvað gerir Pétur?
90. mín
Fjórum mínútum bætt við. Um það bil þrjár af þeim eftir núna.

90. mín
KR fá góðan séns til að klára leikinn með skyndisókn. Fullt af mönnum komnir fram gegn fáum varnarmönnum en þeir eru klaufar í sendingum. Sóknin endar síðan á því að Chopart á skot langt framhjá úr erfiðu færi. KR-ingar hefðu getað spilað sig í töluvert betra færi þarna.
88. mín
Kristján Flóki er við það að komast í færi en Indriði er sterkur í vörninni og stoppar hann. Kristján endar svo á því að brjóta af sér.
87. mín
Michael Præst liggur aðeins eftir og KR fær aukaspyrnu á eigin vallarhelmingi. Præst búinn að vera mjög sterkur á miðjunni í kvöld.
85. mín
Hólmbert á skot í markmannshornið sem Gunnar nær að verja vel. Lúmskt og hættulegt skot.
84. mín
Bergsveinn brýtur á Morten Beck Andersen á hættulegum stað. Heppinn að fá ekki sitt annað gula spjald þarna.
82. mín
Inn:Morten Beck Guldsmed (KR) Út:Pálmi Rafn Pálmason (KR)
Markaskorarinn tekinn af velli en hann er að spila sinn fyrsta deildarleik í sumar.
82. mín
Hólmbert fer niður eftir samstuð við Kassim og heimtar víti. Ekkert að þessu segir Pétur og hefur hann rétt fyrir sér og leikurinn heldur áfram.
79. mín
Böðvar á fyrirgjöf á Bjarna Þór sem hittir boltann virkilega illa og hann fer langt yfir markið.
77. mín
Inn:Jeremy Serwy (FH) Út:Þórarinn Ingi Valdimarsson (FH)
Þórarinn Ingi var sprækur í fyrri hálfleik en það hefur dregið af honum.
77. mín
Chopart liggur eftir og virðist eitthvað vankaður. Fékk boltann í höfuðið frá Hendrickx.
76. mín
Davíð Þór kemur boltanum á Hendrickx sem reynir skot úr þröngu færi sem fer í hliðarnetið. Sóknarmenn FH ekki sérlega sáttir við þessa ákvörðun hjá honum.
73. mín
Inn:Kennie Chopart (KR) Út:Denis Fazlagic (KR)
Fazlagic hefur ekki heillað mig sérstaklega mikið það sem af er móti.
69. mín
Fazlagic nálægt því að bæta við!

Davíð Þór sofnar eitthvað og missir boltann, Fazlagic nær honum og er að komast einn gegn Gunnari í markinu en Beggi bjargar frábærlega í vörninni.
65. mín MARK!
Pálmi Rafn Pálmason (KR)
Stoðsending: Morten Beck
MAAAAAAAAAAAAAAAAAARK!!!!!!!

Morten Beck á fallega fyrirgjöf frá hægri en hann var kominn langt upp völlinn. Óskar Örn virðist koma aðeins við hann áður en Pálmi Rafn ýtir honum inn af engu færi. Er tímabil KR að vakna til lífsins?
64. mín
Mikill hiti í mönnum í seinni hálfleiknum. Margar tæklingar og hart tekist á. Mikill almennur pirringur í mönnum virðist vera. Ætla ekki að útiloka eitt stk rautt kort eða svo á einhverjum tímapunkti.


58. mín
Menn eru gáttaðir á því að Kristján hafi ekki líka fengið spjald þarna. Var alltof seinn og sparkaði í höfuð Stefáns.
57. mín Gult spjald: Gunnar Þór Gunnarsson (KR)
Hiti í mönnum!

Kristján Flóki er nýkominn inná sem varamaður og fer hann með skóna höfuðið á Stefáni Loga er hann elti boltann og markmaðurinn liggur eftir.

KR-ingar eru ósáttir við Kristján og hópast að honum. Gunnar Þór fær síðan spjald en hann virtist hafa hrint Kristjáni Flóka eftir að flautað hafi verið brot á Kristján.
56. mín
Inn:Kristján Flóki Finnbogason (FH) Út:Atli Viðar Björnsson (FH)
Spurning hvort hann sé betri sem supersub þessa dagana.
56. mín Gult spjald: Davíð Þór Viðarsson (FH)
Fer harkalega í Hólmbert sem var að koma skyndisókn af stað. Tók eitt fyrir liðið.
54. mín Gult spjald: Michael Præst (KR)
Daninn kemur í veg fyrir að FH-ingar geti tekið aukaspyrnuna sína fljótt. Hann lætur Bjarna Þór svo heyra það. Hiti í prestinum.
52. mín Gult spjald: Emil Pálsson (FH)
Brýtur á Pálma þegar KR-ingar voru að komast í snögga sókn. Pálmi liggur eitthvað eftir en hann er búinn að vera meiddur á hendi. Hann stendur svo upp og heldur leik áfram.
50. mín
Þórarinn Ingi á fyrsta skot seinni hálfleiks, það er af löngu færi og fer vel framhjá.
49. mín
Rólegar upphafs mínútur í seinni hálfleik.
46. mín
Seinni hálfleikur er kominn af stað

FH-ingar byrja með boltann núna. Vonandi að við fáum að fá mörk í þetta.
45. mín
Hálfleikur
Fyrri hálfleikur endar með að Emil Pálsson sparkar fyrirgjöf frá Óskari Erni í fangið á Gunnari.
43. mín
Fazlagic er búinn að reyna að taka Hendrickx á nokkrum sinnum í þessum leik en ekki náð því. Rosalega lítið komið úr Dananum.

38. mín
Einhver læti hérna. Þórarinn Ingi brýtur á Pálma Rafni og vilja stuðningsmenn og leikmenn KR fá spjald þarna. Pétur er búinn að hafa mikil og góð tök á leiknum og lætur hann aukaspyrnu nægja.
35. mín
Finnur Orri kemur boltanum á Óskar Örn sem er í virkilega góðu færi í teig FH-inga en hann hikar við að taka skotið og þegar það loks kemur er hann umkringdur varnarmönnum og endar það í einum slíkum.
30. mín
Þórarinn Ingi á mjög fast skot vel framhjá.
29. mín
Þetta er búið að vera hinn fínasti leikur. Ágætis færi báðum megin og leikurinn í jafnvægi.
28. mín
Óskar Örn skallar fyrirgjöf Pálma í fangið á Gunnari.
28. mín
Bergsveinn skallar fyrirgjöfina rétt framhjá eigin marki. Heppinn að skora ekki í eigið mark þarna.
27. mín Gult spjald: Bergsveinn Ólafsson (FH)
Braut á Gunnari Þór sem var kominn upp völlinn og í fyrirgjafastöðu.
26. mín
Hólmbert og Davíð Þór fara í skallabolta og dæmt brot á Hólmbert sem lætur Pétur heyra það all hressilega.
24. mín
Nú tekur Atli Guðna svipað skot og Pálmi tók áðan, á lofti en í félagsheimilið fyrir aftan markið.
24. mín
Kassim skallar langt innkast Þórarins Inga beint í fangið á Stefáni Loga.
22. mín
Pálmi Rafn tekur fast skot á lofti en hátt yfir markið. Allt í lagi að reyna þetta en þetta fór í tréin fyrir aftan markið.

19. mín
FH sterkari aðilinn heilt yfir. Fengið betri færi og eru að spila betur.
17. mín
KR-ingar sækja hinum megin, Óskar Örn reynir skot af 20 metrum en yfir markið.
16. mín
FH næstum komnir yfir!!

Atli Viðar er kominn einn gegn Stefáni Loga og í algjört dauðafæri en hann er lengi að skjóta og Indriði nær rosalegri tæklingu en tæklar boltann yfir markmanninn sinn. Boltinn virðist ætla að rúlla inn en Skúli Jón Bjargar liðsfélaga sínum frá því að skora sjálfsmark þarna.

Skrautlegt atvik.
15. mín
Mjög jöfn byrjun hingað til. Færið hjá Atla Viðari það langbesta hingað til.
10. mín
Mikið af skrítnum spyrnum þessa stundina. Veit ekki hvort það sé völlurinn eða eitthvað annað en mikið af spyrnum leikmanna fer bara upp í loftið.
6. mín
Atli Viðar er í stuði. Hann reynir skot á miðjum vallarhelmingi KR en boltinn skoppar upp í fangið á Stefán.
3. mín
FÆRI!!

Atli Viðar skallar fyrirgjöf frá Jonathan Hendrickx rétt framhjá. Gott færi fyrir Atla, frír skalli, nánast frá markteig.
2. mín
KR-ingar eiga fyrstu sóknina, Óskar Örn á fyrirgjöf sem fer framhjá öllum.
1. mín
Leikur hafinn
KR-ingar byrja með boltann og sækja í áttina frá KR heimilinu.


Fyrir leik
Liðin ganga inn á völlinn. FH-ingar í flottum, bláum varabúningum á meðan KR er auðvitað í sínum hefðbundnu svörtu og hvítu.
Fyrir leik
Arnar Grétarsson, þjálfari Breiðabliks er mættur fyrir framan mig í stúkuna. Mjög fallegur rauður dúskur á húfunni hans.
Fyrir leik
Tíu mínútur í þennan stóra leik. Áhorfendur ætla að bíða þangað til á síðustu stundu til að koma sér fyrir í stúkunni.
Fyrir leik
Palli vallarþulur er ekki of bjartsýnn fyrir leikinn. KR 0-4 FH og Bjarni Guðjóns rekinn.

Fyrir leik
Tvær breytingar eru á liði FH. Steven Lennon er í banni og Jeremy Serwy er settur á bekkinn. Böðvar Böðvarsson og Atli Viðar Björnsson koma í þeirra stað.
Fyrir leik
Nokkrar breytingar eru á liði KR. Þeir skipta um miðju því Pálmi Rafn og Finnur Orri eru komnir aftur eftir meiðsli. Atli Hran Andrason og Valtýr Már Michaelsson fara á bekkinn. Morten Beck Andersen er einnig bekkjaður en Hólmbert Aron kemur inn.
Fyrir leik
Lesendur spá:
20% KR vinnur (305)
15% Jafntefli (234)
65% FH vinnur (994)
Elvar Geir Magnússon
Fyrir leik
Bjarni Þór Viðarsson, leikmaður FH:
Þetta eru tvö stórveldi í íslenskri knattspyrnu. Ég býst við mörgum á vellinum og að okkar stuðningsmenn láti vel í sér heyra, enda þeir bestu á Íslandi. ið gerum okkur grein fyrir því að KR-völlurinn er ekki í besta ásigkomulaginu. Þrátt fyrir það verður lítið um áherslubreytingar. Við reynum auðvitað að stoppa KR-inga þar sem þeir eru hvað sterkastir og við gerum allt til að ná í þrjú stig. KR-ingarnir eru með frábært lið, verða án nokkurs vafa í toppbaráttunni. Þeir þurfa þrjú stig til að missa ekki liðin of langt frá sér. Þeir mæta eflaust grimmir til leiks á sínum heimavelli og vilja eflaust sýna sig og sanna fyrir sínu fólki.
Elvar Geir Magnússon
Fyrir leik
Hólmbert Aron Friðjónsson, leikmaður KR:
Völlurinn verður kannski eilítið betri en á móti Víkingum en ég held að hann muni hafa smá áhrif á bæði lið. En baráttuleikur verður þetta í 90 mínútur plús og við þurfum að mæta í þá baráttu frá fyrstu mínútu. Mætingin hefur verið flott og fín stemning. Ég hvet samt alltaf fleiri og fleiri til að mæta það er alltaf skemmtilegra. Þetta eru alltaf risa leikir þegar þessi tvö lið mætast enda bæði liðin að berjast upp á titla síðustu ár.
Elvar Geir Magnússon
Fyrir leik
Liðin unnu hvort annað 3-1 á síðustu leiktíð. Margir munu eflaust eftir því að eftir að KR vann í Kaplakrika að fólk hafði jafnvel trú á því að KR ætluðu að vinna deildina. Svo fór heldur betur ekki.
Fyrir leik
"Obbosins leikur, fjandinn. Fyrirfram eru flestir á því að Íslandsmeistararnir muni klára þetta eða minnsta kosti vona það. Með King Kenny kominn á kortið þá fer að vora í Vesturbæ og það skilar þeim fyrsta sigur mótsins. Obbosins leikur, fjandinn."

Þetta segir Gunnar Sigurðsson um leikinn. Vonum að hann hafi rétt fyrir sér með skemmtanagildið.
Fyrir leik
Þó að FH hefur farið töluvert betur af stað en KR í deildinni hingað til, verður þetta enn stórleikur.

FH hefur unnið báða leiki sína hingað til, gegn Þrótti og ÍA á meðan KR hefur gert tvö jafntefli, á móti Víkingum og Þrótti.
Fyrir leik
Góðan dag. Hér verður veisla því stórleikur KR og FH verður í beinni textalýsingu, nákvæmnlega hér.
Byrjunarlið:
1. Gunnar Nielsen (m)
Davíð Þór Viðarsson
Bjarni Þór Viðarsson
5. Bergsveinn Ólafsson
8. Emil Pálsson
11. Atli Guðnason
17. Atli Viðar Björnsson ('56)
20. Kassim Doumbia
21. Böðvar Böðvarsson
23. Þórarinn Ingi Valdimarsson ('77)
26. Jonathan Hendrickx ('90)

Varamenn:
12. Kristján Finnbogi Finnbogason (m)
16. Hörður Ingi Gunnarsson
18. Kristján Flóki Finnbogason ('56)
21. Grétar Snær Gunnarsson
22. Jeremy Serwy ('77)
23. Brynjar Ásgeir Guðmundsson ('90)
25. Viktor Helgi Benediktsson

Liðsstjórn:

Gul spjöld:
Bergsveinn Ólafsson ('27)
Emil Pálsson ('52)
Davíð Þór Viðarsson ('56)
Jonathan Hendrickx ('90)

Rauð spjöld: